Genesis 25
25
Allat Kinguvri Abraham-aam
1Abraham-aaq nulirturtuq allamek, aterluni Keturah-mek. 2Elliikun yung'ellruuq Zimram, Jokshan, Medan, Midian, Ishbak, Shuah-wa. 3Jokshan-aaq atakaak Sheba-nkuk Dedan-aaq-llu, kinguvri-llu Dedan-aam ukuugut Asshurim-aat, Letushim-aat, Leummim-aat-llu. 4Qetunrai Midian-aam waniwa: Ephah, Epher, Hanoch, Abida, Eldaah-llu. Ukut tamalkuita kinguveqai Keturah-m.
5Abraham-aam cani tamalkuita unitellrui Isaac-aamun. 6Tau͡gaam cali unguvaluni, allat qetunrani allani nuliamini, cikiutnek cikillrui ayagtelluki-llu calaralirnermun, Isaac-aam nuniincetevkenaki.
Tuqullra Tungmagcimallra-llu Abraham-aam
7-8Abraham-aaq tuqullruuq ak'allaurrluni, allrakungluni yuinaat pingayunlegen akimiarmek cipluku (175). 9Qetunraagken Isaac-aam Ishmael-aam-llu tungmagtaak Machpelah-m Qerranqurranun, Mamre-m calaralirnerani, Ephron-aam Zohar-am qetunraan Hittite-am pikellranun. 10Abraham-aam nuna kiputellruluku Hittite-anek. Tamarmek Abraham-aaq nuliani-llu Sarah tungmagcimauk tuavet. 11Abraham-aam tuqullran kinguani Agayutem atawaqercetaa Isaac-aaq, uitallruuq yaaqsinrilkiini apqiita “Elakaa Unguvalriim Tangertem̄a.”
Ishmael-aam Kinguvri
12Waniwa kinguvri Ishmael-aam, Hagar-am Egypt-aarmium Sarah-m pistiin irniaran Abraham-aakun. 13Igausngaluteng yuurtellermeggni tungliqutacirmegcetun: Nebaioth, Kedar, Abdeel, Mibsam, 14Mishma, Dumah, Massa, 15Hadad, Tema, Jetur, Naphish, Kedemah-llu. 16Makut ciuliaqait qula malrugnek cipluku kinguveqellriit. Atrit-llu aciusngaluteng nunaitnun uitaviggaitnun-llu. 17Ishmael-aaq yuinarnek arvinlegnek akimiaq malrugnek cipluku (137) allrakungluni tuqullruuq. 18Kinguvri Ishmael-aam uitallruut nunami akuliigni Havilah-m Shur-am-llu, calaralirnerani Egypt-aam tungiini Assyria-m. Ilalirpek'naki uitallruut kinguvri Abraham-aam.
Yuurtellrak Jacob-aankuk Esau-llu
19Una qanemciuguq Isaac-aamek, qetunraanek Abraham-aam. 20Isaac-aaq yuinaagnek malrugnek (40) allrakungellruuq Rebecca-mek nuliangellermini, panianek Bethuel-aam Aramean-aam Mesopotamia-mek Laban-aam Bethuel-aaq nayagaqluku. 21Rebecca irniangyuilan Isaac-aam piicautelaraa Atanermun. Atanrem-llu kiugaa piicallra Rebecca-llu qingarluni. 22Malriqataami, yuurpailegmek callulartuk aanamek engeliagkeni. Rebecca qanertuq, “Ciin waten wiinga pisia?” Tua-i Ataneq ullagaa apluku-llu tamana kangingyugluku.
23 Atanrem kiugaa,
Atanruviik malruk iluvni uitauk;
“Irniciquten inglukutellriignek, aipaan-llu yui inglukiluteng aipami yuinek.
Aipaa pininruarkauluni aiparmini;
Ciuqlian-llu kevgiurciqaa kinguqlini.”
24Tua-llu irnillerkani pinarian qetunranguq malrignek. 25Ciuqliq kavirrlugcetuq amia-llu ayuqluni melqilriatun aturatun, taumek aciraat Esau-mek.#25.25: Esau: Una ateq Seir-atun ayuqluku pimauq, nuna kinguqvaarni yillrat Esau-m kinguvrin; Seir-aq nepengqertuq Hebrew-tun “melqilria.” 26Kinguqlia yuurtuq qecugmiaqluku Esau-m kitngia, taumek aciraat Jacob-aamek.#25.26: Jacob: Una ateq nepengqertuq ayuqluku Hebrew-tun “kitngik.” Isaac allrakungellruuq yuinarnek pingayunek (60) taukugnek nuliani irnillrani.
Esau-m Navrutaa Piyunarqucini Qetunrauqerraallermikun
27Tua-i tan'gaurluuk angliuk, Esau piculriarullruuq yuilquq nunanikluku. Jacob-aaq tau͡gken ell'aramikun yuuluni, enemetesten͞guluni. 28Isaac-aam kenkenrua Esau pitainek assililuni nerlaami, Rebecca-m-llu kenkenruluku Jacob-aaq.
29Erenret iliitni Jacob-aaq keniinanrani suupamek, Esau tekituq pissullerminek kaigluni. 30Qanerluni-llu Jacob-aamun, “Cakneq kaigtua, nerevkarnga tuaken kavircetellriim iliinek.” (Tauna pitekluku acillruat Edom-aamek.)#25.30: Edom: Uum atrem ayuqaa “kavirliq” Hebrew-tun.
31Jacob-aam kiugaa, “Cikirciqamken ciuqlikacagauluten paitarkan tau͡gaam wangnun piksagutarkaurceskuvgu.”
32Esau qanertuq, “Kitaki! Tuquqatalrianga tang; paitarkanka kaillemni catnguciqat?” 33Jacob-aam kiugaa, “Ukvernarcarirraara wangnun, ciuqliuluten paitarkan wiinga pikarkaurrluku.”
Tua-i Esau ukvernarcariluni paitarkani Jacob-aamun pikarkaurcetaa. 34Nutaan Jacob-aam kelipamek cikiraa suupam-llu iliinek. Ellii-llu ner'uq merluni-llu, taqngami-llu anluni. Tua-i tuaten piluni Esau-m yung'eqarraarutem paitaqtukiinek caukinrilucini nasvallrua.
Currently Selected:
Genesis 25: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
Genesis 25
25
Allat Kinguvri Abraham-aam
1Abraham-aaq nulirturtuq allamek, aterluni Keturah-mek. 2Elliikun yung'ellruuq Zimram, Jokshan, Medan, Midian, Ishbak, Shuah-wa. 3Jokshan-aaq atakaak Sheba-nkuk Dedan-aaq-llu, kinguvri-llu Dedan-aam ukuugut Asshurim-aat, Letushim-aat, Leummim-aat-llu. 4Qetunrai Midian-aam waniwa: Ephah, Epher, Hanoch, Abida, Eldaah-llu. Ukut tamalkuita kinguveqai Keturah-m.
5Abraham-aam cani tamalkuita unitellrui Isaac-aamun. 6Tau͡gaam cali unguvaluni, allat qetunrani allani nuliamini, cikiutnek cikillrui ayagtelluki-llu calaralirnermun, Isaac-aam nuniincetevkenaki.
Tuqullra Tungmagcimallra-llu Abraham-aam
7-8Abraham-aaq tuqullruuq ak'allaurrluni, allrakungluni yuinaat pingayunlegen akimiarmek cipluku (175). 9Qetunraagken Isaac-aam Ishmael-aam-llu tungmagtaak Machpelah-m Qerranqurranun, Mamre-m calaralirnerani, Ephron-aam Zohar-am qetunraan Hittite-am pikellranun. 10Abraham-aam nuna kiputellruluku Hittite-anek. Tamarmek Abraham-aaq nuliani-llu Sarah tungmagcimauk tuavet. 11Abraham-aam tuqullran kinguani Agayutem atawaqercetaa Isaac-aaq, uitallruuq yaaqsinrilkiini apqiita “Elakaa Unguvalriim Tangertem̄a.”
Ishmael-aam Kinguvri
12Waniwa kinguvri Ishmael-aam, Hagar-am Egypt-aarmium Sarah-m pistiin irniaran Abraham-aakun. 13Igausngaluteng yuurtellermeggni tungliqutacirmegcetun: Nebaioth, Kedar, Abdeel, Mibsam, 14Mishma, Dumah, Massa, 15Hadad, Tema, Jetur, Naphish, Kedemah-llu. 16Makut ciuliaqait qula malrugnek cipluku kinguveqellriit. Atrit-llu aciusngaluteng nunaitnun uitaviggaitnun-llu. 17Ishmael-aaq yuinarnek arvinlegnek akimiaq malrugnek cipluku (137) allrakungluni tuqullruuq. 18Kinguvri Ishmael-aam uitallruut nunami akuliigni Havilah-m Shur-am-llu, calaralirnerani Egypt-aam tungiini Assyria-m. Ilalirpek'naki uitallruut kinguvri Abraham-aam.
Yuurtellrak Jacob-aankuk Esau-llu
19Una qanemciuguq Isaac-aamek, qetunraanek Abraham-aam. 20Isaac-aaq yuinaagnek malrugnek (40) allrakungellruuq Rebecca-mek nuliangellermini, panianek Bethuel-aam Aramean-aam Mesopotamia-mek Laban-aam Bethuel-aaq nayagaqluku. 21Rebecca irniangyuilan Isaac-aam piicautelaraa Atanermun. Atanrem-llu kiugaa piicallra Rebecca-llu qingarluni. 22Malriqataami, yuurpailegmek callulartuk aanamek engeliagkeni. Rebecca qanertuq, “Ciin waten wiinga pisia?” Tua-i Ataneq ullagaa apluku-llu tamana kangingyugluku.
23 Atanrem kiugaa,
Atanruviik malruk iluvni uitauk;
“Irniciquten inglukutellriignek, aipaan-llu yui inglukiluteng aipami yuinek.
Aipaa pininruarkauluni aiparmini;
Ciuqlian-llu kevgiurciqaa kinguqlini.”
24Tua-llu irnillerkani pinarian qetunranguq malrignek. 25Ciuqliq kavirrlugcetuq amia-llu ayuqluni melqilriatun aturatun, taumek aciraat Esau-mek.#25.25: Esau: Una ateq Seir-atun ayuqluku pimauq, nuna kinguqvaarni yillrat Esau-m kinguvrin; Seir-aq nepengqertuq Hebrew-tun “melqilria.” 26Kinguqlia yuurtuq qecugmiaqluku Esau-m kitngia, taumek aciraat Jacob-aamek.#25.26: Jacob: Una ateq nepengqertuq ayuqluku Hebrew-tun “kitngik.” Isaac allrakungellruuq yuinarnek pingayunek (60) taukugnek nuliani irnillrani.
Esau-m Navrutaa Piyunarqucini Qetunrauqerraallermikun
27Tua-i tan'gaurluuk angliuk, Esau piculriarullruuq yuilquq nunanikluku. Jacob-aaq tau͡gken ell'aramikun yuuluni, enemetesten͞guluni. 28Isaac-aam kenkenrua Esau pitainek assililuni nerlaami, Rebecca-m-llu kenkenruluku Jacob-aaq.
29Erenret iliitni Jacob-aaq keniinanrani suupamek, Esau tekituq pissullerminek kaigluni. 30Qanerluni-llu Jacob-aamun, “Cakneq kaigtua, nerevkarnga tuaken kavircetellriim iliinek.” (Tauna pitekluku acillruat Edom-aamek.)#25.30: Edom: Uum atrem ayuqaa “kavirliq” Hebrew-tun.
31Jacob-aam kiugaa, “Cikirciqamken ciuqlikacagauluten paitarkan tau͡gaam wangnun piksagutarkaurceskuvgu.”
32Esau qanertuq, “Kitaki! Tuquqatalrianga tang; paitarkanka kaillemni catnguciqat?” 33Jacob-aam kiugaa, “Ukvernarcarirraara wangnun, ciuqliuluten paitarkan wiinga pikarkaurrluku.”
Tua-i Esau ukvernarcariluni paitarkani Jacob-aamun pikarkaurcetaa. 34Nutaan Jacob-aam kelipamek cikiraa suupam-llu iliinek. Ellii-llu ner'uq merluni-llu, taqngami-llu anluni. Tua-i tuaten piluni Esau-m yung'eqarraarutem paitaqtukiinek caukinrilucini nasvallrua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.