ထွက်မြောက်ရာကျမ်း 25

တဲတော်ဆောက်ရန်အတွက် အလှူပစ္စည်းများ

1ထာဝရဘုရားက မောရှေအား 2“ငါ့ထံသို့ အလှူပစ္စည်းကိုယူဆောင်လာကြမည့်အကြောင်း အစ္စရေးအမျိုးသားတို့အားဆင့်ဆိုလော့။ ငါ့အား စေတနာစိတ်ဖြင့်ပေးလှူသူအပေါင်းတို့ထံမှ အလှူပစ္စည်းကို သင်တို့ခံယူရမည်။ 3သူတို့ထံမှ သင်ခံယူရမည့် အလှူပစ္စည်းဟူမူကား ရွှေ၊ ငွေ၊ ကြေးနီ၊ 4အပြာရောင်ချည်၊ ခရမ်းရောင်ချည်၊ အနီရောင်ချည်၊ ပိတ်ချောထည်၊ ဆိတ်မွေး၊ 5အနီရောင်ဆိုးထားသောသိုးထီးသားရေ၊ တဟာရှ#25:5 သို့မဟုတ် “အကောင်းဆုံး”၊ “လင်းပိုင်ငါး”၊ “ဆိတ်”။ အဓိပ္ပာယ်မသေချာသောဟေဗြဲစကားလုံး။သားရေ၊ အကေရှား#25:5 “ထနောင်းမျိုး”။သစ်သား၊ 6မီးထွန်းရန်အတွက် ဆီ၊ ဘိသိက်ဆီနှင့်အမွှေးနံ့သာပေါင်းအတွက် အမွှေးနံ့သာများ၊ 7ဧဖုဒ်#25:7 “ယဇ်ပုရောဟိတ်အတွက် အထူးချုပ်ထားသောအပေါ်ခံအင်္ကျီ”။နှင့်ရင်ခံပြားအတွက် မဟူရာကြောင်ဝင်ကျောက်များနှင့်စီခြယ်စရာကျောက်များ စသည်တို့ဖြစ်ကြ၏။

8သူတို့အလယ်၌ ငါကိန်းဝပ်ဖို့ရန် သူတို့သည် ငါ့အဖို့ သန့်ရှင်းရာဌာနကိုလုပ်ကြစေ။ 9ကိန်းဝပ်တော်မူရာတဲတော်၏ပုံစံနှင့် ၎င်း၏တန်ဆာပလာရှိသမျှတို့၏ပုံစံကို သင့်အားငါပြသမျှအတိုင်း သင်တို့လုပ်ရမည်။

သေတ္တာတော်

10သူတို့သည် အလျားနှစ်တောင့်ထွာ#25:10 “45 လက်မ သို့မဟုတ် 112.5 စင်တီမီတာ”။၊ အနံတစ်တောင့်ထွာ#25:10 “27 လက်မ သို့မဟုတ် 67.5 စင်တီမီတာ”။၊ အမြင့်တစ်တောင့်ထွာရှိသော သေတ္တာကို အကေရှား#25:10 “ထနောင်းမျိုး”။သစ်သားဖြင့်လုပ်၍ 11သင်သည် ၎င်းကို ရွှေစင်ဖြင့်မွမ်းမံရမည်။ အတွင်းရောအပြင်ပါမွမ်းမံ၍ ထိုသေတ္တာပတ်ပတ်လည်ကို ရွှေဖြင့်ခြယ်လှယ်ရမည်။ 12ရွှေကွင်းလေးကွင်းကိုသွန်းလုပ်၍ သေတ္တာ၏ခြေလေးချောင်းဘေးတစ်ဖက်၌နှစ်ကွင်း၊ အခြားဘေးတစ်ဖက်၌နှစ်ကွင်း တပ်ရမည်။ 13သင်သည် အကေရှား#25:13 “ထနောင်းမျိုး”။သစ်သားဖြင့် ထမ်းပိုးများကိုလုပ်၍ ရွှေဖြင့်မွမ်းမံရမည်။ 14သေတ္တာကိုထမ်းရန် ထမ်းပိုးတို့ကို သေတ္တာ၏ဘေးတစ်ဖက်တစ်ချက်ရှိကွင်းများထဲသို့ လျှိုထားရမည်။ 15ထမ်းပိုးတို့ကို သေတ္တာမှမဖယ်ရှားဘဲ သေတ္တာ၏ကွင်းများထဲ၌ ရှိနေစေရမည်။ 16သင့်အား ငါပေးအပ်မည့်သက်သေခံချက်ကို သေတ္တာထဲတွင်ထားရမည်။ 17သင်သည် အလျား နှစ်တောင့်ထွာ၊ အနံ တစ်တောင့်ထွာရှိသော ကရုဏာတော်ပလ္လင်#25:17 သို့မဟုတ် “အဖုံး”။ကို ရွှေစင်ဖြင့်လုပ်ရမည်။ 18ကရုဏာတော်ပလ္လင်#25:18 သို့မဟုတ် “အဖုံး”။၏အစွန်းနှစ်ဖက်၌ ခေရုဗိမ်#25:18 ဘုရားသခင်၏ဘုန်းတော်နှင့်ဆိုင်သောကောင်းကင်တမန်။နှစ်ပါးကို ရွှေဖြင့်ထုလုပ်ထားရမည်။ 19ခေရုဗိမ်#25:19 ဘုရားသခင်၏ဘုန်းတော်နှင့်ဆိုင်သောကောင်းကင်တမန်။တစ်ပါးကို အစွန်းတစ်ဖက်၌လည်းကောင်း၊ ကျန်ခေရုဗိမ်တစ်ပါးကို အခြားအစွန်းတစ်ဖက်၌လည်းကောင်း ခေရုဗိမ်တို့ကို ကရုဏာတော်ပလ္လင်#25:19 သို့မဟုတ် “အဖုံး”။နှင့်တစ်သားတည်းဖြစ်အောင် ပလ္လင်၏အစွန်းနှစ်ဖက်တွင် ထုလုပ်ရမည်။ 20ခေရုဗိမ်#25:20 ဘုရားသခင်၏ဘုန်းတော်နှင့်ဆိုင်သောကောင်းကင်တမန်။တို့သည် အတောင်များကို အထက်သို့ဖြန့်လျက်၊ သူတို့၏အတောင်များဖြင့် ကရုဏာတော်ပလ္လင်#25:20 သို့မဟုတ် “အဖုံး”။ကိုအုပ်မိုးလျက်၊ တစ်ပါးနှင့်တစ်ပါးမျက်နှာချင်းဆိုင်လျက် ရှိရမည်။ ခေရုဗိမ်တို့သည် ကရုဏာတော်ပလ္လင်#25:20 သို့မဟုတ် “အဖုံး”။ဘက်သို့ မျက်နှာမူရမည်။ 21ကရုဏာတော်ပလ္လင်#25:21 သို့မဟုတ် “အဖုံး”။ကို သေတ္တာပေါ်တွင်တင်ရမည်။ သင့်အားငါပေးအပ်မည့်သက်သေခံချက်ကို သေတ္တာထဲတွင်ထားရမည်။ 22ငါသည် ထိုနေရာ၌ သင်နှင့်တွေ့ဆုံမည်။ သက်သေခံချက်သေတ္တာတော်ပေါ်ရှိ ခေရုဗိမ်#25:22 ဘုရားသခင်၏ဘုန်းတော်နှင့်ဆိုင်သောကောင်းကင်တမန်။နှစ်ပါးအကြား ကရုဏာတော်ပလ္လင်#25:22 သို့မဟုတ် “အဖုံး”။အထက်မှနေ၍ အစ္စရေးအမျိုးသားတို့အား ဆင့်ဆိုရမည့်စကားအလုံးစုံကို ငါမှာကြားမည်။

စားပွဲ

23သင်သည် အလျားနှစ်တောင်#25:23 “36 လက်မ သို့မဟုတ် 90 စင်တီမီတာ”။၊ အနံတစ်တောင်#25:23 “18 လက်မ သို့မဟုတ် 45 စင်တီမီတာ”။၊ အမြင့်တစ်တောင့်ထွာရှိသောစားပွဲကို အကေရှား#25:23 “ထနောင်းမျိုး”။သစ်သားဖြင့်လုပ်၍ 24ရွှေစင်ဖြင့်မွမ်းမံရမည်။ အနားပတ်ပတ်လည်ကို ရွှေဖြင့်ခြယ်လှယ်ရမည်။ 25အနားပတ်ပတ်လည်၌ လက်တစ်ဝါး#25:25 “3 လက်မ သို့မဟုတ် 7.5 စင်တီမီတာ”။အကျယ်ရှိသောဘောင်ကိုလုပ်၍ ထိုဘောင်ပတ်ပတ်လည်ကို ရွှေဖြင့်ခြယ်လှယ်ရမည်။ 26ထိုစားပွဲအတွက် ရွှေကွင်းလေးကွင်းကိုသွန်းလုပ်၍ ထိုကွင်းများကို စားပွဲ၏ခြေလေးချောင်းရှိ ထောင့်လေးထောင့်၌ တပ်ရမည်။ 27ထိုကွင်းများသည် စားပွဲကိုထမ်းရန်ထမ်းပိုးများလျှိုစရာအဖြစ် ဘောင်နှင့်ကပ်လျက်ရှိရမည်။ 28အကေရှားသစ်သားဖြင့် ထမ်းပိုးများကိုလုပ်၍ ရွှေဖြင့်မွမ်းမံရမည်။ ထိုထမ်းပိုးများဖြင့် စားပွဲကို ထမ်းရမည်။ 29ပူဇော်သက္ကာသွန်းလောင်းရာတွင်အသုံးပြုရန် စားပွဲအတွက် လင်ပန်းများ၊ ခွက်များ၊ ကရားများ၊ ပန်းကန်လုံးများကို ရွှေစင်ဖြင့်လုပ်ရမည်။ 30ငါ့ရှေ့မှောက်၊ စားပွဲပေါ်တွင် ရှေ့တော်မုန့်ကို အစဉ်မပြတ်တင်ထားရမည်။

ဆီမီးခုံ

31သင်သည် ရွှေစင်ဖြင့်ဆီမီးခုံကို လုပ်ရမည်။ ဆီမီးခုံတိုင်၊ ဆီမီးခုံ၏အလက်၊ ခွက်များ၊ ပွင့်ဖတ်အုံများ၊ ပွင့်ဖတ်များကို တစ်သားတည်းဖြစ်အောင် ထုလုပ်ရမည်။ 32ဆီမီးခုံ၏ဘေးတစ်ဖက်တစ်ချက်မှ တစ်ဖက်တွင် ဆီမီးခုံအလက်သုံးလက်၊ အခြားတစ်ဖက်တွင် ဆီမီးခုံအလက်သုံးလက် အားလုံးပေါင်း အလက်ခြောက်လက်ထွက်ရမည်။ 33အလက်တစ်ခု၌ ပွင့်ဖတ်အုံနှင့်ပွင့်ဖတ်ပါသော မက်မွန်ပွင့်သဏ္ဌာန်ခွက်သုံးခွက်ရှိရမည်။ အခြားအလက်တစ်ခု၌လည်း ပွင့်ဖတ်အုံနှင့်ပွင့်ဖတ်ပါသော မက်မွန်ပွင့်သဏ္ဌာန်ခွက်သုံးခွက်ရှိရမည်။ ဆီမီးခုံမှထွက်သောအလက်ခြောက်လက်သည် တူရမည်။ 34ဆီမီးခုံ၌လည်း ပွင့်ဖတ်အုံနှင့်ပွင့်ဖတ်ပါသော မက်မွန်ပွင့်သဏ္ဌာန်ခွက်လေးခွက်ရှိရမည်။ 35ဆီမီးခုံမှထွက်သောအလက်ခြောက်လက်တွင် အလက်တစ်စုံ၏အရင်း၌ ပွင့်ဖတ်အုံတစ်ခု၊ နောက်အလက်တစ်စုံ၏အရင်း၌ ပွင့်ဖတ်အုံတစ်ခု၊ နောက်အလက်တစ်စုံ၏အရင်း၌ ပွင့်ဖတ်အုံတစ်ခု ရှိရမည်။ 36အလက်နှင့် အလက်တို့၏ပွင့်ဖတ်အုံများသည် ဆီမီးခုံနှင့်တစ်သားတည်းဖြစ်ရမည်။ ဆီမီးခုံတစ်ခုလုံးကို ရွှေစင်တစ်တုံးတည်းဖြင့် ထုလုပ်ရမည်။

37ဆီမီးခုံတွင် မီးခွက်ခုနစ်လုံး လုပ်ရမည်။ ဆီမီးခုံ၏ရှေ့ဘက်၌လင်းစေရန် ထိုမီးခွက်များကို ထွန်းညှိရမည်။ 38ဆီမီးခုံ၏မီးညှပ်နှင့်မီးကျီးခံဗန်းတို့ကိုလည်း ရွှေစင်ဖြင့်လုပ်ရမည်။ 39ဆီမီးခုံမှစ၍ ဆီမီးခုံ၏တန်ဆာပလာရှိသမျှတို့ကို ရွှေစင်တစ်တာလန်#25:39 “22 ပိဿာ သို့မဟုတ် 34 ကီလိုဂရမ်”။နှင့် ထုလုပ်ရမည်။ 40တောင်ပေါ်၌ သင့်အား ငါပြခဲ့သည့် ထိုအရာတို့၏ပုံစံအတိုင်း လုပ်ရန်သတိပြုရမည်။#ဟေဗြဲ 8:5။

Currently Selected:

ထွက်မြောက်ရာကျမ်း 25: MSBU

Highlight

Copy