Gɔwɔ tɔɔi 23
23
Sara haa mɛ̨nį, da gámą ya mɛ̨nį
1Sara kaa kwɛlan ə kɛ a kwɛlan nwundɔ̨nɔ̨ kwɛlan bow hveelɛ kɔ́w mɛ̨ihveelɛ. 2Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo. 3Yili pulu, Abrahamə ə həɠə nɛ̨ą powa kwɛlɛ, ə li yɛ Hɛtə huwuhu nuą diɛ: 4«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»
5Hɛtə huwuhu nuą di nwoo ŋąąpənə, diɛ mą: 6«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»
7Abrahamə ə nɛɛmą, ə li, ə mąąyɛɛ Hɛtə huwuhu nuą kɔ́wɔ mu, diɛi kɛ nɔi tii hu. 8Yɛ diɛ: «Akɛ ka hvaa mą a tɛ̨ą, kaa diɛ ŋį́ nɛ̨́ą loo ɓɛ ka pɔɔli, gɛ́, ka hvaa mą, ka tɔɔ ɲɛ̨́i tɔwɔ, ka gwəli Soharə lon ɉulɔnu Ɛfrɔn pɔ, 9ə gɛ, nwɔ kwɛni woloi ŋɛ̨i gaa Makpela, Ɛfrɔn yəi díi pulu, ə dɛɛ bɔ́, ŋį́ ɲa a ɉɔ̨nwɔ̨ leelee ka kəlee ka ɲɛ̨i ɓa; ə gɛ, ə lɛɛ a nwɔ́ɔ́ kɛa.»
10Ɛfrɔn ŋɛ̨i kɛ a Hɛtə mun, yɛ ɓo Hɛtə huwuhu nuą lɔwai heeni, ə Abrahamə woo ŋąąpənə, Hɛtə nuą ŋɛ̨i kɛ heeni ɉįi la di ɲɛ̨i ɓa, yɛ diɛ: 11«Nwɔ́ɔ́ mɛ̨nį nąmu Abrahamə, ə́ wəli tɔɔ mą́ą́, vá pɛli gwɛni wolo da díi lɔwɔ́tɔɔi yɛ́, gááyɔwɔɠaai ŋɛ̨i a Hɛtə huwuhu nuą di ɲɛ̨i ɓa. Gáá gwɛni wolo da díi di tɛɛi ə́ pɔ a mɛ̨inɛ̨ɛ̨. Ya pɛli mą ə́ ə́ nɛ̨́ą powa loo laa.»
12Abrahamə ə pənə nwɔ̨nɔ̨ ə pɛlɛ nɔi tii hu nuą kɔ́wɔ mu a nįnɛ̨. 13Yili pulu, ə mo Ɛfrɔn ɓa nuą tii kəlee ɲɛ̨i ɓa, yɛ mą: «Gáá nɛ̨ɛ̨mąą hvəi yɛ́, ə́ ə́ wəli tɔɔ mą́ą́ a nɛlɛɛ. Gáá díi tii ɉɔ̨nwɔ̨ tɛɛi ə́ pɔ, hvaa mą ə́ ə́ yee hee mu, ə gɛ, ŋį́ nɛ̨́ą powa loo laa.»
14Kɛlaa, Ɛfrɔn ə Abrahamə woo ŋąąpənə yɛ mą: 15«Nwɔ́ɔ́ mɛ̨nį nąmu, ə́ wəli tɔɔ mą́ą́ a nɛlɛɛ, nɔi yii da ɲa a wali kwələ nwun-nąąn, ɲą́ą́ gwa yɛ́ gu lɔwai, yili hvo a wali kɛnɛ̨. Li, ə́ ə́ nɛ̨ą powa loo laa.»
16Abrahamə ə hvaa Ɛfrɔn woo ɓa, ə nwalii ŋɛ̨i ə vaa ɓo mą, ə nono, ə dɛɛ Ɛfrɔn pɔ, gaayɔwɔɠaa ɲɛ̨i ɓa a nɔi tii ɉɔ̨nwɔ̨. 17Ə həɠə kɛa Nąąlɔwai ɓa, Ɛfrɔn nwɔ tíi ŋɛ̨i kɛ Makpela Mamre voló həɠəi pələ, da gwɛni woloi ŋɛ̨i kɛ ɉu, ə mą kɛ, nwuluɠaai díi hu da díi ɲɛ̨n ɉu, 18gəlee di lɛɛ a Abrahamə nwɔɔ. Hɛtə huwuhu nuą kpɔ kɛ di heɛ ə kɛ ɉįi la, di kɛ a gɛla.
19Yili pulu, Abrahamə ə nɛ̨ą Sara powa loo Makpela díi hu, gwɛni wolo hu, Mamre kwɛlɛ, Hebrɔn Kanaan lɔi hu. 20Díí tii da gwɛni wolo yai kɛ a Hɛtə huwuhu nuą di wɔɔ, ə lɛɛ kɛa a Abrahamə nwɔɔ, nąą ɓə ə kɛi nwɔ nu powaɠaai loo laa.
Currently Selected:
Gɔwɔ tɔɔi 23: BKPG
Highlight
Share
Copy
Want to have your highlights saved across all your devices? Sign up or sign in
Gɔwɔ tɔɔi 23
23
Sara haa mɛ̨nį, da gámą ya mɛ̨nį
1Sara kaa kwɛlan ə kɛ a kwɛlan nwundɔ̨nɔ̨ kwɛlan bow hveelɛ kɔ́w mɛ̨ihveelɛ. 2Sara ə haa Kiriatə-Arba, mukulaa ɓaa Hebrɔn, Kanaan lɔi hu. Abrahamə ə nɛ̨ą haa wɔlɔ ɓo, ə mąąwɛli hee ɓo. 3Yili pulu, Abrahamə ə həɠə nɛ̨ą powa kwɛlɛ, ə li yɛ Hɛtə huwuhu nuą diɛ: 4«Gáá a nwɛ̨ą ɓɛ ka lɔwai, gɛ́ ka hvaa mą, ka kɛɛnąą ta tɛɛ bɔ́, ɓɛi ŋį́ nɛ̨́ą loo laa.»
5Hɛtə huwuhu nuą di nwoo ŋąąpənə, diɛ mą: 6«Kuɔ mɛ̨nį nąmu, ə́ wəli tɔɔ ku woo ɓa! Ə́ kaa ku lɔwai ɓɛ yɛ Yálá lon yii lúwɔ́ kaa mą; gwɛni woloɠaai ŋɛ̨i gaa ku yəi, kuɔ kuɔ nuą loo ɉu, yii ya gaa a nɛlɛɛ, yili həɠə, ə́ ə́ nɛ̨ą loo ɉu. Kwɛni wolo lɔpee ya ə́ yee lɛ mą, nąmu hva pɛli lənəi mą, hvo gulɔ ə́ yəi.»
7Abrahamə ə nɛɛmą, ə li, ə mąąyɛɛ Hɛtə huwuhu nuą kɔ́wɔ mu, diɛi kɛ nɔi tii hu. 8Yɛ diɛ: «Akɛ ka hvaa mą a tɛ̨ą, kaa diɛ ŋį́ nɛ̨́ą loo ɓɛ ka pɔɔli, gɛ́, ka hvaa mą, ka tɔɔ ɲɛ̨́i tɔwɔ, ka gwəli Soharə lon ɉulɔnu Ɛfrɔn pɔ, 9ə gɛ, nwɔ kwɛni woloi ŋɛ̨i gaa Makpela, Ɛfrɔn yəi díi pulu, ə dɛɛ bɔ́, ŋį́ ɲa a ɉɔ̨nwɔ̨ leelee ka kəlee ka ɲɛ̨i ɓa; ə gɛ, ə lɛɛ a nwɔ́ɔ́ kɛa.»
10Ɛfrɔn ŋɛ̨i kɛ a Hɛtə mun, yɛ ɓo Hɛtə huwuhu nuą lɔwai heeni, ə Abrahamə woo ŋąąpənə, Hɛtə nuą ŋɛ̨i kɛ heeni ɉįi la di ɲɛ̨i ɓa, yɛ diɛ: 11«Nwɔ́ɔ́ mɛ̨nį nąmu Abrahamə, ə́ wəli tɔɔ mą́ą́, vá pɛli gwɛni wolo da díi lɔwɔ́tɔɔi yɛ́, gááyɔwɔɠaai ŋɛ̨i a Hɛtə huwuhu nuą di ɲɛ̨i ɓa. Gáá gwɛni wolo da díi di tɛɛi ə́ pɔ a mɛ̨inɛ̨ɛ̨. Ya pɛli mą ə́ ə́ nɛ̨́ą powa loo laa.»
12Abrahamə ə pənə nwɔ̨nɔ̨ ə pɛlɛ nɔi tii hu nuą kɔ́wɔ mu a nįnɛ̨. 13Yili pulu, ə mo Ɛfrɔn ɓa nuą tii kəlee ɲɛ̨i ɓa, yɛ mą: «Gáá nɛ̨ɛ̨mąą hvəi yɛ́, ə́ ə́ wəli tɔɔ mą́ą́ a nɛlɛɛ. Gáá díi tii ɉɔ̨nwɔ̨ tɛɛi ə́ pɔ, hvaa mą ə́ ə́ yee hee mu, ə gɛ, ŋį́ nɛ̨́ą powa loo laa.»
14Kɛlaa, Ɛfrɔn ə Abrahamə woo ŋąąpənə yɛ mą: 15«Nwɔ́ɔ́ mɛ̨nį nąmu, ə́ wəli tɔɔ mą́ą́ a nɛlɛɛ, nɔi yii da ɲa a wali kwələ nwun-nąąn, ɲą́ą́ gwa yɛ́ gu lɔwai, yili hvo a wali kɛnɛ̨. Li, ə́ ə́ nɛ̨ą powa loo laa.»
16Abrahamə ə hvaa Ɛfrɔn woo ɓa, ə nwalii ŋɛ̨i ə vaa ɓo mą, ə nono, ə dɛɛ Ɛfrɔn pɔ, gaayɔwɔɠaa ɲɛ̨i ɓa a nɔi tii ɉɔ̨nwɔ̨. 17Ə həɠə kɛa Nąąlɔwai ɓa, Ɛfrɔn nwɔ tíi ŋɛ̨i kɛ Makpela Mamre voló həɠəi pələ, da gwɛni woloi ŋɛ̨i kɛ ɉu, ə mą kɛ, nwuluɠaai díi hu da díi ɲɛ̨n ɉu, 18gəlee di lɛɛ a Abrahamə nwɔɔ. Hɛtə huwuhu nuą kpɔ kɛ di heɛ ə kɛ ɉįi la, di kɛ a gɛla.
19Yili pulu, Abrahamə ə nɛ̨ą Sara powa loo Makpela díi hu, gwɛni wolo hu, Mamre kwɛlɛ, Hebrɔn Kanaan lɔi hu. 20Díí tii da gwɛni wolo yai kɛ a Hɛtə huwuhu nuą di wɔɔ, ə lɛɛ kɛa a Abrahamə nwɔɔ, nąą ɓə ə kɛi nwɔ nu powaɠaai loo laa.
Currently Selected:
:
Highlight
Share
Copy
Want to have your highlights saved across all your devices? Sign up or sign in