Gɔwɔ tɔɔi 25
25
Abrahamə haa mɛ̨nį
1Abrahamə ə nɛ̨ą takpɛli həɠə, diɛ kɛ mą: Ketura. 2Da Ketura di lon maa a: Ɉimran, Yɔksan, Medan, Madian, Yisbakə da Sua. 3Yoksan nwɔ lonnii ɓaa: Saba da Dedan. Dedan lonnii ɓaa: Asurə nuą, da Letusə nuą, ɛlɛɛ, da Leumi nuą. 4Madian nwɔ lonnii laa ka: Eifa, Efɛrə, Hanɔkə, Avida da Ɛldaa. Nuąi tii kəlee ɓə kɛ a Ketura lonnii.
5Hɛn kpɔ kɛ Abrahamə yəi, ə gəlee tɛɛ Isaakə pɔ. 6Ɓɛlɔwai ə kɛ la a vulú, nɛ̨ąąɠaai ə ɉəɠə Sara haa pulu, ə mɛ̨inɛ̨ɛ̨ kɛ gəlee lonnii diɛ, ə di mąą kwɛa Isaakə ɓa, di li di hee Kɛdɛmə lɔi hu pələ.
7Abrahamə kaa kwɛlan ə kɛ a kwɛlan nwundɔ̨nɔ̨ kwɛlan bow mɛ̨ihveelɛ kɔ́w lɔɔli. 8Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ. 9Nonnii, Isaakə da Ismaɛlə di di nąn bowa loo Makpela gwɛni wolo hu, yai kɛ Ɛfrɔn lon Soharə Hɛtə mun ɲəi ɲɛa, Mamre kwɛlɛ. 10Gɛɛnąąi tii ɓə wɔlɔ Abrahamə ə ɲa Hɛtə nuą yəi, nąą lɔ ɓə ə nɛ̨ą Sara loo laa. 11Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.
Ismaɛlə huwu
12Eziptə nɛ̨ɛ̨nui ŋɛ̨i kɛ a Sara nwɔ luwɔ, diɛ kɛ mą: Hagarə da Abrahamə di lon Ismaɛlə lonni laa ka, 13da di yəi bɛlɛ́n nuą: Nebayotə, Ismaɛlə lon dɔlɔɔ li, yili pulu, Kedarə, Adbeɛlə, Mivsamə, 14Misma, Duma, Masa, 15Hadadə, Tema, Yeturə, Nafisə da Kedma. 16Ismaɛlə lon ɉinąą pow kɔ́w hveelɛ laa ka tii, gəlee tɛitɛi di kɛ a pɛlɛ́ nąmįną, di taa tɔɔ, di yɛɛ kɔwɔɠaa laa, di di laa hee mą. 17Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ. 18Ismaɛlə lonni di kɛ heeni Hawila da Surə di lɔwai, nąą lɛɠɛɛ Eziptə ɓa, Asurə tənən ma. Ismaɛlə lonnii mąą kwɛa kɛ gaayɔwɔ Isaakə lonnii diɛ.
Ɉakɔbə
Isaakə huwu
19Abrahamə da Sara di lon Isaakə lonnii laa ka. 20Isaakə kaa kwɛlan ə kɛ pow nąąn, ɓɛlɔwai ə Laban mąąhala Rebeka həɠə la a nɛ̨ą, yai kɛ a Betuɛlə lon nɛ̨ɛ̨nu. Betuɛlə ə kɛ a Aramə mun. 21Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə. 22Nɛa pɛlɛɛ hveelɛi tii di kɛi gɔ́ a di kee di lee kwəi, yili ɓə gɛ, Rebeka yɛ kɛ mą: «Akɛ yili kaa tii, nwɔ́ koo həɠə mɛ̨nį nwun mąą lə?» Yili ɓə gɛ, Rebeka ə Yai-Laa mąąnikɛ. 23Yai-Laa yɛ mą:
«Hį́i hveelɛ ka tii ə́ kwəi,
nu huwu hveelɛ ka tii gɔi a di kee,
ɉuwu hveelɛi tii di kaa pai di ɓɛlaɓoi.
Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma.
Nu pɔlɔ laamun gaa pai kɛi nokolo laamun ɲee mu.»
24Ɓɛlɔwai Rebeka laa yɛɛi lɔwai ə həli la, hea hvo kɛ ɉu, yonŋąą ɓə ə gaa. 25Dɔlɔɔ tii pa, gɔlɔ ɓa ləɠa kulaa kɛ, mukpɔluɔ yɛ huwɔ ləɠa; di naa hee a Esau. 26Yili pulu, nəɠə ə lɛɛ nąą pɔɔ ɓa, aa niɛ hon a donwo, di yili laa hee a Ɉakɔbə#25.25-26 Esau, Ɉakɔbə: Esau mukulaa ɓaa a: «gɔlɔ mu kpɔluɔ, gɔlɔɓa ləɠa kulɔɔ»; Ɉakɔbə mukulaa ɓaa a: «ɉon a dunwɔ̨»; a kɛ Hebreu woo hu mukulaa ɓaa: «gbanalaa, kiliŋąkulɔ.». Isaakə kaa kwɛlan ə kɛ a kwɛlan bow mɛ̨ida, nɛ̨ą yɛ ɲonŋąąi tii kaa.
27Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi. 28Isaakə ə Esau wɛli la kɛ, mąąhɔlɔɓo, huwɔ wɛli ə kɛ mą. Rebeka yaan, Ɉakɔbə wɛli yɛ ɓo mą.
29Hvóló ta, Ɉakɔbə ə kɛi tɔwɔ pɛlɛɛ yili, Esau aa həɠə loɉo lɔwɔi, aa pa, pulu yɛ ɓo mą. 30Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»
31Ɉakɔbə ə nwoo ŋąąpənə, yɛ mą: «Akɛ yili kaa tii, hvo kɛ li ya gbɛa nu pɔlɔ laa tɛɛ bɔ́.»
32Esau yɛ mą: «Lə kpɔ ɓə nu pɔlɔ laa ŋɛ̨i kaa pai gɛi mą́ą́, akɛ ŋą́ haa a bului ŋɛ̨i?»
33Ɉakɔbə yɛ mą: «Ə́ kwɛla, yɛ́ diɛ yaa dɛɛ bɔ́.»
Nąąlɔwai, Esau ə gwɛla, yɛ mą: «Ŋą́ą́ nu pɔlɔ laa tɛɛ ə́ pɔ́.» 34Ɉakɔbə ə lopɛ̨i laa dɔwɔ pɛlɛɛ tii mɛ̨i, ə bɛlɛ hɔ̨nwɔ̨lee ɓa, ə dɛɛ Esau pɔ. Esau ə mį́i, ə muhəɠə yɛ li, hvo kpɛli nu pɔlɔ laa tii ɓɛlɛ kɛ mą.
Currently Selected:
Gɔwɔ tɔɔi 25: BKPG
Highlight
Share
Copy
Want to have your highlights saved across all your devices? Sign up or sign in
Gɔwɔ tɔɔi 25
25
Abrahamə haa mɛ̨nį
1Abrahamə ə nɛ̨ą takpɛli həɠə, diɛ kɛ mą: Ketura. 2Da Ketura di lon maa a: Ɉimran, Yɔksan, Medan, Madian, Yisbakə da Sua. 3Yoksan nwɔ lonnii ɓaa: Saba da Dedan. Dedan lonnii ɓaa: Asurə nuą, da Letusə nuą, ɛlɛɛ, da Leumi nuą. 4Madian nwɔ lonnii laa ka: Eifa, Efɛrə, Hanɔkə, Avida da Ɛldaa. Nuąi tii kəlee ɓə kɛ a Ketura lonnii.
5Hɛn kpɔ kɛ Abrahamə yəi, ə gəlee tɛɛ Isaakə pɔ. 6Ɓɛlɔwai ə kɛ la a vulú, nɛ̨ąąɠaai ə ɉəɠə Sara haa pulu, ə mɛ̨inɛ̨ɛ̨ kɛ gəlee lonnii diɛ, ə di mąą kwɛa Isaakə ɓa, di li di hee Kɛdɛmə lɔi hu pələ.
7Abrahamə kaa kwɛlan ə kɛ a kwɛlan nwundɔ̨nɔ̨ kwɛlan bow mɛ̨ihveelɛ kɔ́w lɔɔli. 8Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ. 9Nonnii, Isaakə da Ismaɛlə di di nąn bowa loo Makpela gwɛni wolo hu, yai kɛ Ɛfrɔn lon Soharə Hɛtə mun ɲəi ɲɛa, Mamre kwɛlɛ. 10Gɛɛnąąi tii ɓə wɔlɔ Abrahamə ə ɲa Hɛtə nuą yəi, nąą lɔ ɓə ə nɛ̨ą Sara loo laa. 11Abrahamə haa pulu, Yálá ə lúwɔ́ too Isaakə ɓa. Isaakə ə hee Lahai-Roi ɲálɔwa kwɛlɛ.
Ismaɛlə huwu
12Eziptə nɛ̨ɛ̨nui ŋɛ̨i kɛ a Sara nwɔ luwɔ, diɛ kɛ mą: Hagarə da Abrahamə di lon Ismaɛlə lonni laa ka, 13da di yəi bɛlɛ́n nuą: Nebayotə, Ismaɛlə lon dɔlɔɔ li, yili pulu, Kedarə, Adbeɛlə, Mivsamə, 14Misma, Duma, Masa, 15Hadadə, Tema, Yeturə, Nafisə da Kedma. 16Ismaɛlə lon ɉinąą pow kɔ́w hveelɛ laa ka tii, gəlee tɛitɛi di kɛ a pɛlɛ́ nąmįną, di taa tɔɔ, di yɛɛ kɔwɔɠaa laa, di di laa hee mą. 17Ismaɛlə kaa kwɛlan ə kɛ a kwɛlan nwundɔ̨nɔ̨ kwɛlan bow haaɓa kɔ́w mɛ̨ihveelɛ, ə laa nąnni kwɛlɛ. 18Ismaɛlə lonni di kɛ heeni Hawila da Surə di lɔwai, nąą lɛɠɛɛ Eziptə ɓa, Asurə tənən ma. Ismaɛlə lonnii mąą kwɛa kɛ gaayɔwɔ Isaakə lonnii diɛ.
Ɉakɔbə
Isaakə huwu
19Abrahamə da Sara di lon Isaakə lonnii laa ka. 20Isaakə kaa kwɛlan ə kɛ pow nąąn, ɓɛlɔwai ə Laban mąąhala Rebeka həɠə la a nɛ̨ą, yai kɛ a Betuɛlə lon nɛ̨ɛ̨nu. Betuɛlə ə kɛ a Aramə mun. 21Kɛlaa, Rebeka hvo kɛi lon gaa, yili ɓə gɛ, Isaakə ə nwoo tɛ Yai-Laa ɓa nɛ̨ą mąą mɛ̨nį ɓa, Yai-Laa ə nwoo mɛ̨n, Rebeka ə koo həɠə. 22Nɛa pɛlɛɛ hveelɛi tii di kɛi gɔ́ a di kee di lee kwəi, yili ɓə gɛ, Rebeka yɛ kɛ mą: «Akɛ yili kaa tii, nwɔ́ koo həɠə mɛ̨nį nwun mąą lə?» Yili ɓə gɛ, Rebeka ə Yai-Laa mąąnikɛ. 23Yai-Laa yɛ mą:
«Hį́i hveelɛ ka tii ə́ kwəi,
nu huwu hveelɛ ka tii gɔi a di kee,
ɉuwu hveelɛi tii di kaa pai di ɓɛlaɓoi.
Ə́ laa yɛɛi lɔwai, dɔ̨nɔ̨ kaa pai kɛi a ɲee walawalaa dɛɛ mɛlan ma.
Nu pɔlɔ laamun gaa pai kɛi nokolo laamun ɲee mu.»
24Ɓɛlɔwai Rebeka laa yɛɛi lɔwai ə həli la, hea hvo kɛ ɉu, yonŋąą ɓə ə gaa. 25Dɔlɔɔ tii pa, gɔlɔ ɓa ləɠa kulaa kɛ, mukpɔluɔ yɛ huwɔ ləɠa; di naa hee a Esau. 26Yili pulu, nəɠə ə lɛɛ nąą pɔɔ ɓa, aa niɛ hon a donwo, di yili laa hee a Ɉakɔbə#25.25-26 Esau, Ɉakɔbə: Esau mukulaa ɓaa a: «gɔlɔ mu kpɔluɔ, gɔlɔɓa ləɠa kulɔɔ»; Ɉakɔbə mukulaa ɓaa a: «ɉon a dunwɔ̨»; a kɛ Hebreu woo hu mukulaa ɓaa: «gbanalaa, kiliŋąkulɔ.». Isaakə kaa kwɛlan ə kɛ a kwɛlan bow mɛ̨ida, nɛ̨ą yɛ ɲonŋąąi tii kaa.
27Nɛa pɛlɛɛi tii di kpɛa kpɛa, Esau ə kɛ a huwɔ kpɛmun ɲɛlɛɛ, yii kɛi gilɛ həɠə lɔwɔ pɔ. Ɉakɔbə ə kɛ a nu ɲąą laa, nwɛi ə kɛ lɔ bɛlɛ́ laaləi. 28Isaakə ə Esau wɛli la kɛ, mąąhɔlɔɓo, huwɔ wɛli ə kɛ mą. Rebeka yaan, Ɉakɔbə wɛli yɛ ɓo mą.
29Hvóló ta, Ɉakɔbə ə kɛi tɔwɔ pɛlɛɛ yili, Esau aa həɠə loɉo lɔwɔi, aa pa, pulu yɛ ɓo mą. 30Esau yɛ Ɉakɔbə ɓa: «Ną́n nɛ̨ɛ̨ yɛ́, dɔwɔi ŋɛ̨i ta hvə ŋį́ mį́i, mąąhɔlɔɓo, pulu aa ɓɔ ɉú.» Mɛ̨nįi gɛ diɛ Esau laa hee a Edɔmə yaa li, Edɔmə mukulaa ɓaa: «Mukpɔluɔ.»
31Ɉakɔbə ə nwoo ŋąąpənə, yɛ mą: «Akɛ yili kaa tii, hvo kɛ li ya gbɛa nu pɔlɔ laa tɛɛ bɔ́.»
32Esau yɛ mą: «Lə kpɔ ɓə nu pɔlɔ laa ŋɛ̨i kaa pai gɛi mą́ą́, akɛ ŋą́ haa a bului ŋɛ̨i?»
33Ɉakɔbə yɛ mą: «Ə́ kwɛla, yɛ́ diɛ yaa dɛɛ bɔ́.»
Nąąlɔwai, Esau ə gwɛla, yɛ mą: «Ŋą́ą́ nu pɔlɔ laa tɛɛ ə́ pɔ́.» 34Ɉakɔbə ə lopɛ̨i laa dɔwɔ pɛlɛɛ tii mɛ̨i, ə bɛlɛ hɔ̨nwɔ̨lee ɓa, ə dɛɛ Esau pɔ. Esau ə mį́i, ə muhəɠə yɛ li, hvo kpɛli nu pɔlɔ laa tii ɓɛlɛ kɛ mą.
Currently Selected:
:
Highlight
Share
Copy
Want to have your highlights saved across all your devices? Sign up or sign in