Genesis 12
12
God-im Ququaġmagu Abram
1 #
Ac 7.2, 3; He 11.8. Atanġum uqallautigaa Abram, “Aullaġiñ nunaŋniñ, iḷaŋniḷḷu, aapaviḷḷu aimmiviŋaniñ, aullaġlutin nunamun qiñiqtinniaqtamnun. 2Iñugiaktuanik kiŋuvaaksriññiaġikpiñ, aasii nunaqpaguġniaqtut. Piḷḷuatautiqaqtinniaġikpiñ atqiḷḷu kamanaqtuaġuġlugu, tainnaptauq ilvich anniqsuutauniaqtutin.
3 #
Ga 3.8. Anniqsuusiaqaqtinniaġitka ikayuiruat iliŋnun,
Aglaan piaġiiḷḷiuqtinniaġitka piaġiiḷḷiuqtitchiruat ilignun.
Aasii ilikkuaġlugu anniqsuusiaqaqtinniaġitka iñupayauraŋi nunam.”
4Abram ukiunikkami piŋasukipiaq akimiatun (75), aullaqiŋaruq Haran-miñ, Ataniġmiñ piraksriusiamisun aasii Lot-gum aullaqatigiŋagaa. 5Abram-gum aullautiŋagaa tuvaaqatini Sarai, uyuġuniḷu Lot, iluqaisalu suġauttannaktaatiŋ aasiisuli piqatigivlugich iluqaisa kivgauruat pigiliutiŋaratiŋ Haran-mi, aasii tavra aullaqiŋarut Canaan-muksaqłutiŋ.
Tikiññamiŋ Canaan-mun, 6Abram iglauŋaruq nunakun tikiḷġataqłuni napaaqtumun qiksigñaqtuamun Moreh-mi, Shechem-miittuami. (Taimani Canaan-miut iñuuniaŋarut tamattumani nunami.) 7#Ac 7.5; Ga 3.16.Ataniq niptaŋaruq Abram-mun aasii uqallautivlugu, “Tamarra tamanna nuna qaiññiaqtaġa kiŋuvaaġiniaqtaġnun.” Tavraasii Abram ikipkaiviḷiuŋaruq tavrani Ataniġmun tuktiłługu, niptaġvigiŋammani tavrani. 8Taaptuma aquagun, iglauŋaruq qimiġaulaanun kivaliñaaŋani Bethel-gum aasii nullaqłutiŋ akunġagnun, Bethel ualliġivlugu aasii Ai kivalliġivlugu. Tavraniptauq tavra ikipkaiviḷiuŋaruq Ataniġmun tuktiłługu, aasii nanġaġvigivlugu Ataniq. 9Iglauŋarut nutqallaavlutik tuŋaaġivlugu Negev.
Abram Egypt-mi
10Kaaksiunaq inŋaruq nunami, Abram Egypt-muŋaruq, iñuuniaġiallakłuni taavani kaaksiunaq piaġiitpaił̣ł̣uni. 11Tikiyasiuraqami Egypt-mun, uqallautigaa tuvaaqatini Sarai, “Ilvich uvva aġnaġiksutin. 12Egypt-miut uvva tautukkumisin, iḷisimaniaqtut uvamnun tuvaaqatiginiḷutin, aasii tuqulluŋa uvaŋa ilvich iñuupkaġlutin. 13#Gn 20.2; 26.7.Uqallautigisigitin uvamnun nayaaluginiḷutin; tavraasii iñuupkaġniaġaanŋa aŋalalluataġluŋalu ilvich pisigilutin.” 14Tikitkanigman Egypt-mun, Egypt-miut tavra iḷitchuġiŋagaat tuvaaqataa aġnaġipiaġataqtilaaŋanik. 15Atanaurat iḷaŋisa tautukkamirruŋ uqallautiŋagaat Pharaoh qanutun aġnaq aġnaġiksilaaŋanik; tavraasii igluqpaŋanuutiŋagaat nuliaŋiññun iḷaliutivlugu. 16Pisigivlugu aġnaq aŋalalluataŋagaa Abram, aitchuqługu imnaiñik, nagrulignik, pamiqsaanik, aġnasalluniglu aŋusalluniglu kakaktinik, aġnaniglu aŋutiniglu kivganik, pikukturuaniglu.
17Aglaan Atanġum piaġiitchuanik naŋirrutiniktinŋagaa Pharoah taputivlugiḷḷu iñuich igluqpaŋaniittuat pisigivlugu Abram tuvaaqataa Sarai. 18Tavraasii Pharaoh-m aipkaŋagaa Abram aasii apiġivlugu, “Immaimña qanuq aŋalatpiŋa? Summan uqallautiŋaitchaġma aġnaq tuvaaqatiginiḷugu? 19Summan uqallaktuatin nayaaluginivḷugu, uvamnullu tuvaaqatiksraqtaaġipkaqługu? Uvva tuvaaqatin; maaŋŋa piiġiñ!” 20Pharaoh-m piraksriŋagaich iñuni, aasii Abram aullaqtinŋagaat nunaqpaŋmiñ, aullaqatigivlugu tuvaaqatiŋa ilaata suġalipayauraŋiḷḷu.
Currently Selected:
Genesis 12: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
