Genesis 22
22
God-im Piraksriġaa Abraham Aitchuutigitquvlugu Isaac
1 #
He 11.17-19. Qakugulimman God-im uuktuusiaqaqtinŋagaa Abraham; ququulagaa, “Abraham!” Abraham-gum kiugaa, “Ii, uvva uvaniittuŋa!”
2 #
2 Ch 3.1. God-im uqallautigaa, “Aullauttuuŋ iġñiġiñ nunaŋanun Moriah-m, iġñitualuiñ Isaac, piqpagiqpaktan. Tautuktinniaġiga iġġi aasii tavrani ikipkaġlugu aitchuutiginiaġiñ uvamnun.”
3Uvlaatchaurami uvlaakumman Abraham qirriuŋaruq ikipkautiksranik, nanmautchiŋagaa kakaktini aasii aullautivlugu Isaac, malġuglu kivgagni. Tavraasii aullaŋarut inimun God-im quliaŋaraanun. 4Piŋayuanni uvlut aaġluqami Abraham-gum tautuŋagaa ini uŋasiŋŋaan. 5Tavraasii uqallautigai kivgani, “Uvaniittuaġutillaksiuŋ kakakti. Nukatpiaġruglu taikuŋaġniaqtuguk nanġaisaqtuġlunuk, qaitqigñiaġmiuguk.”
6Abraham-gum tigumiaqtitkaa Isaac qirugnik ikipkautiksranik, aasiiḷi ilaa tigumiaqłuni savigmik aluallu aumaŋiññik igniqsuutiksranik. Pisuallaġmiŋ atautchikun, 7Isaac uqallaktuq, “Aapaaŋ!”
Aapaŋata kiugaa, “Aaŋ, iġñiiŋ?”
Isaac-gum apiġigaa, “Marra aluallu qiruiḷḷu, aglaan imma aasii nauŋ imnaiyaaq ikipkaġlugu aitchuutiksraq?”
8Pisuallaġmik, Abraham-gum kiugaa, “God-im imnaisriññiaġaatiguk ikipkaġlugu aitchuutiksraptignik.”
9 #
Jas 2.21. Tikiññamiŋ inimun God-im quliaŋaraanun, Abraham ikipkaiviḷiuŋaruq qirriqsuqtuaqługu. Qiḷiqsruutivlugu iġñini Isaac inillakkaa ikipkaivigmun, qaaŋannun qiruich. 10Tavraasii tigugaa savik tuqutchaqługu aitchuutausaġlugu. 11Aglaan isaġulgata Atanġum ququulagaa qiḷaŋmiñ, “Abraham, Abraham!”
Ilaata kiuŋagaa, “Aaŋ, uvaniittuŋa.”
12“Anniġñagu nukatpiaġruk naakkaunnii qanuq piññagu,” uqallaktuq. “Tavra iḷitchuġiruŋa iliŋnun qutchiksuaġitilaaŋa God qanukkii anniġiŋiññiġiñ aitchuutigiyumiñaqługuunnii iġñitualuiñ uvamnun.”
13Abraham aaġluqami tautułłaktuq aŋusallumik imnaimik nagruŋik naanŋamaruak uqpigñun. Ullakługu imñaiq ikipkautiksraqtaaġiŋagaa simmautigivlugu iġñimiñun. 14Abraham-gum atchiŋagaa taamna ini “Ataniq Piksraqaqtitchisuuruq.” Aasii paŋmamuaglaan iñuich uqallaguurut, “Atanġum iġġiŋani ilaa piksraqaqtitchisuuruq.”
15Isaġuliŋata Atanġum ququavsaalgitkaa Abraham qiḷaŋmiñ, 16#He 6.13, 14.“Unniqsuqłiiruŋa uvaŋa atipkun—Ataniq uvva uqaqtuq—aŋiruamik quviasaaġunmik aitchuġniaġikpiñ. Qanukkii kamaksrirutillu anniġiŋił̣ł̣ugulu iġñitualuiñ, 17#He 11.12.Unniqsuqłiiruŋa kiŋuvaaqaqtinniaġikpiñ uvluġiat iñugiaktilaaŋatitun qiḷaŋmi naakka qaviatun taġium siñaaniittuatun. Kiŋuvaaġiniaqtaqpich akiiḷisimaaġniaġaich akiḷḷiitiŋ. 18#Ac 3.25.Kiŋuvaatin nunaqpaguŋaruat ikayuusiaqpaqaġniaqtut sutigulliqaa qanukkii kamagiŋagigma.” 19Abraham utiŋaruq kivgamiñun, aasii atautchikun aullaŋarut Beersheba-mun, Abraham iñuuniaġvigiliutiraŋanun.
Kiŋuvaaŋich Nahor-m
20Qakugulimman Abraham iḷitchuġiŋaruq Milcah tallimat piŋasunik qitunġaqaŋatilaaŋanik aniqanmi Nahor-m qitunġiaŋiñik: 21Uz aŋayukłiq, nukaalua Buz, aasiisuli Kemuel aapaŋa Aram-gum, 22Chesed-lu, Hazo-lu, Pildash-lu, Jidlaph-lu, Bethuel-miglu, 23Rebekah-m aapaŋanik. Milcah iġñiqaŋaruq tallimat piŋasunik Nahor-miñ, Abraham-gum aniqataaniñ. 24Reumah, Nahor-m nukaġaŋa, iġñiqaŋaruq Tebah-mik, Gaham-mik, Tahash-mik, Maacah-miglu.
Currently Selected:
Genesis 22: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 22
22
God-im Piraksriġaa Abraham Aitchuutigitquvlugu Isaac
1 #
He 11.17-19. Qakugulimman God-im uuktuusiaqaqtinŋagaa Abraham; ququulagaa, “Abraham!” Abraham-gum kiugaa, “Ii, uvva uvaniittuŋa!”
2 #
2 Ch 3.1. God-im uqallautigaa, “Aullauttuuŋ iġñiġiñ nunaŋanun Moriah-m, iġñitualuiñ Isaac, piqpagiqpaktan. Tautuktinniaġiga iġġi aasii tavrani ikipkaġlugu aitchuutiginiaġiñ uvamnun.”
3Uvlaatchaurami uvlaakumman Abraham qirriuŋaruq ikipkautiksranik, nanmautchiŋagaa kakaktini aasii aullautivlugu Isaac, malġuglu kivgagni. Tavraasii aullaŋarut inimun God-im quliaŋaraanun. 4Piŋayuanni uvlut aaġluqami Abraham-gum tautuŋagaa ini uŋasiŋŋaan. 5Tavraasii uqallautigai kivgani, “Uvaniittuaġutillaksiuŋ kakakti. Nukatpiaġruglu taikuŋaġniaqtuguk nanġaisaqtuġlunuk, qaitqigñiaġmiuguk.”
6Abraham-gum tigumiaqtitkaa Isaac qirugnik ikipkautiksranik, aasiiḷi ilaa tigumiaqłuni savigmik aluallu aumaŋiññik igniqsuutiksranik. Pisuallaġmiŋ atautchikun, 7Isaac uqallaktuq, “Aapaaŋ!”
Aapaŋata kiugaa, “Aaŋ, iġñiiŋ?”
Isaac-gum apiġigaa, “Marra aluallu qiruiḷḷu, aglaan imma aasii nauŋ imnaiyaaq ikipkaġlugu aitchuutiksraq?”
8Pisuallaġmik, Abraham-gum kiugaa, “God-im imnaisriññiaġaatiguk ikipkaġlugu aitchuutiksraptignik.”
9 #
Jas 2.21. Tikiññamiŋ inimun God-im quliaŋaraanun, Abraham ikipkaiviḷiuŋaruq qirriqsuqtuaqługu. Qiḷiqsruutivlugu iġñini Isaac inillakkaa ikipkaivigmun, qaaŋannun qiruich. 10Tavraasii tigugaa savik tuqutchaqługu aitchuutausaġlugu. 11Aglaan isaġulgata Atanġum ququulagaa qiḷaŋmiñ, “Abraham, Abraham!”
Ilaata kiuŋagaa, “Aaŋ, uvaniittuŋa.”
12“Anniġñagu nukatpiaġruk naakkaunnii qanuq piññagu,” uqallaktuq. “Tavra iḷitchuġiruŋa iliŋnun qutchiksuaġitilaaŋa God qanukkii anniġiŋiññiġiñ aitchuutigiyumiñaqługuunnii iġñitualuiñ uvamnun.”
13Abraham aaġluqami tautułłaktuq aŋusallumik imnaimik nagruŋik naanŋamaruak uqpigñun. Ullakługu imñaiq ikipkautiksraqtaaġiŋagaa simmautigivlugu iġñimiñun. 14Abraham-gum atchiŋagaa taamna ini “Ataniq Piksraqaqtitchisuuruq.” Aasii paŋmamuaglaan iñuich uqallaguurut, “Atanġum iġġiŋani ilaa piksraqaqtitchisuuruq.”
15Isaġuliŋata Atanġum ququavsaalgitkaa Abraham qiḷaŋmiñ, 16#He 6.13, 14.“Unniqsuqłiiruŋa uvaŋa atipkun—Ataniq uvva uqaqtuq—aŋiruamik quviasaaġunmik aitchuġniaġikpiñ. Qanukkii kamaksrirutillu anniġiŋił̣ł̣ugulu iġñitualuiñ, 17#He 11.12.Unniqsuqłiiruŋa kiŋuvaaqaqtinniaġikpiñ uvluġiat iñugiaktilaaŋatitun qiḷaŋmi naakka qaviatun taġium siñaaniittuatun. Kiŋuvaaġiniaqtaqpich akiiḷisimaaġniaġaich akiḷḷiitiŋ. 18#Ac 3.25.Kiŋuvaatin nunaqpaguŋaruat ikayuusiaqpaqaġniaqtut sutigulliqaa qanukkii kamagiŋagigma.” 19Abraham utiŋaruq kivgamiñun, aasii atautchikun aullaŋarut Beersheba-mun, Abraham iñuuniaġvigiliutiraŋanun.
Kiŋuvaaŋich Nahor-m
20Qakugulimman Abraham iḷitchuġiŋaruq Milcah tallimat piŋasunik qitunġaqaŋatilaaŋanik aniqanmi Nahor-m qitunġiaŋiñik: 21Uz aŋayukłiq, nukaalua Buz, aasiisuli Kemuel aapaŋa Aram-gum, 22Chesed-lu, Hazo-lu, Pildash-lu, Jidlaph-lu, Bethuel-miglu, 23Rebekah-m aapaŋanik. Milcah iġñiqaŋaruq tallimat piŋasunik Nahor-miñ, Abraham-gum aniqataaniñ. 24Reumah, Nahor-m nukaġaŋa, iġñiqaŋaruq Tebah-mik, Gaham-mik, Tahash-mik, Maacah-miglu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)