Genesis 23
23
Sarah Tuqumman Abraham-gum Iḷuvviviksraġaa Nunamik
1Sarah iñuuŋaruq 127-tun ukiuqtutigiliqł̣uni. 2Tuquŋaruq Hebron-mi Canaan-miittuami, aasii Abraham-gum qiñuŋagaa tuqumman.
3Unił̣ł̣ugu ini tuvaaqanmi timaata nallavia, ullautiŋaruq Hit-miunun, aasii uqautivlugich, 4#He 11.9, 13; Ac 7.16.“Uvvauvaŋa allaniñ nunaniŋŋaqtauruŋa iñuuniaqtuŋa maani akunnavsiññi; tauqsiġḷaŋa nunamik, iḷuviġumagiga tuvaaqatiga.”
5Iliŋisa kiugaat, 6“Naalaġnisigut, aŋuun. Isummatigigiptigiñ qutchiksuaguvlutin aullarri; iḷuviġuŋ tuvaaqatin nakuuniqsramun iḷuvvivigmun. Nallipayaapta piqaqtitchailiyumiñaitkivsigiñ iḷuvviviksraŋanik tuvaaqatikpich.”
7Abraham aasii punŋaruq sivuġaannun 8uqallakłuni, “Iḷuviquyumamaguvsiuŋ tuvaaqatiga tamauŋa, apiġisiuŋ Ephron iġñiŋa Zohar-m 9tauqsiġugniḷuŋa qaiġusuk atilik Machpelah-mik, nunaŋata killiŋaniittuaq. Apiġisiuŋ tunitqulugu uvamnun akisutilaapiaŋatun, tavrani takkuvsiññi, nunagiliutiyumagiga iḷuvviviusaġlugu.”
10Ephron ilaa aquppiqatauŋaruq piqatigivlugich allat Hit-miut tavrani kasimavianni nunaaqqim; ilaata kiugaa tusaġnaqłuni iluqaiññun tavraniittuanun, 11“Naumi, naalaġniŋŋa aŋuun; Qaiññiaġiga iluqaan nuna qaiġusuglu tavraniittuaq, uvani takkuanni nanmiñiq iḷama. Qaiññiaġiga iliŋnun, iḷuvillayumagiñ tuvaaqatin.”
12Aglaan Abraham punŋaruq sivuġaannun Hit-miut 13aasii uqallautivlugu Ephron, tusaatquvluni iluqaiññun tavraniittuanun, “Naalaġniḷḷaŋŋa. Tauqsiġñiaġiga iluqaan nuna. Akuqtuġuŋ akiḷiutiksraġa, iḷuviġumagiga tuvaaqatiga tavruŋa.”
14Ephron-gum kiugaa, 15“Aŋuun, nuna akisutilaaqaqtuq 400-tułhiñaq qatiqtuanik maniktun aglaan uvaptigni taamna suuŋitchuq. Iḷuviġuŋ tuvaaqatin tavruŋa.” 16Abraham iviġaumagivlugu uqumaisilaaŋagaa maniñi aktilaaŋatitun Ephron tairaŋata takkuani iñuich—400-tun iñugiaktigiruat qatiqtuat maniich, uqumaisilaaġusiatitun tauqsiġñiaqtit.
17Tavra tainnaqługu nunaŋa Ephron Machpelah-mi, kivaliñaaŋani Mamre-m, pigiliutiŋagaa Abraham-gum. Taputivlugu nuna, qaiġusuum irvia, iluqaisalu napaaqtut killiŋanuaglaan nunaŋata. 18Nalupqinaiqsauŋaruq Hit-miunun kasimaruaniittuanun taamna Abraham-mun nunagitilaaŋanik.
19Tavraasii Abraham-gum iḷuviŋagaa tuvaaqatini Sarah taaptumuŋa qaiġusugmun nunami Canaan-mi. 20Nunaŋat Hit-miut qaiġusulik nunagiliutiŋagaa Abraham-gum iḷuvviviusaqługu.
Currently Selected:
Genesis 23: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 23
23
Sarah Tuqumman Abraham-gum Iḷuvviviksraġaa Nunamik
1Sarah iñuuŋaruq 127-tun ukiuqtutigiliqł̣uni. 2Tuquŋaruq Hebron-mi Canaan-miittuami, aasii Abraham-gum qiñuŋagaa tuqumman.
3Unił̣ł̣ugu ini tuvaaqanmi timaata nallavia, ullautiŋaruq Hit-miunun, aasii uqautivlugich, 4#He 11.9, 13; Ac 7.16.“Uvvauvaŋa allaniñ nunaniŋŋaqtauruŋa iñuuniaqtuŋa maani akunnavsiññi; tauqsiġḷaŋa nunamik, iḷuviġumagiga tuvaaqatiga.”
5Iliŋisa kiugaat, 6“Naalaġnisigut, aŋuun. Isummatigigiptigiñ qutchiksuaguvlutin aullarri; iḷuviġuŋ tuvaaqatin nakuuniqsramun iḷuvvivigmun. Nallipayaapta piqaqtitchailiyumiñaitkivsigiñ iḷuvviviksraŋanik tuvaaqatikpich.”
7Abraham aasii punŋaruq sivuġaannun 8uqallakłuni, “Iḷuviquyumamaguvsiuŋ tuvaaqatiga tamauŋa, apiġisiuŋ Ephron iġñiŋa Zohar-m 9tauqsiġugniḷuŋa qaiġusuk atilik Machpelah-mik, nunaŋata killiŋaniittuaq. Apiġisiuŋ tunitqulugu uvamnun akisutilaapiaŋatun, tavrani takkuvsiññi, nunagiliutiyumagiga iḷuvviviusaġlugu.”
10Ephron ilaa aquppiqatauŋaruq piqatigivlugich allat Hit-miut tavrani kasimavianni nunaaqqim; ilaata kiugaa tusaġnaqłuni iluqaiññun tavraniittuanun, 11“Naumi, naalaġniŋŋa aŋuun; Qaiññiaġiga iluqaan nuna qaiġusuglu tavraniittuaq, uvani takkuanni nanmiñiq iḷama. Qaiññiaġiga iliŋnun, iḷuvillayumagiñ tuvaaqatin.”
12Aglaan Abraham punŋaruq sivuġaannun Hit-miut 13aasii uqallautivlugu Ephron, tusaatquvluni iluqaiññun tavraniittuanun, “Naalaġniḷḷaŋŋa. Tauqsiġñiaġiga iluqaan nuna. Akuqtuġuŋ akiḷiutiksraġa, iḷuviġumagiga tuvaaqatiga tavruŋa.”
14Ephron-gum kiugaa, 15“Aŋuun, nuna akisutilaaqaqtuq 400-tułhiñaq qatiqtuanik maniktun aglaan uvaptigni taamna suuŋitchuq. Iḷuviġuŋ tuvaaqatin tavruŋa.” 16Abraham iviġaumagivlugu uqumaisilaaŋagaa maniñi aktilaaŋatitun Ephron tairaŋata takkuani iñuich—400-tun iñugiaktigiruat qatiqtuat maniich, uqumaisilaaġusiatitun tauqsiġñiaqtit.
17Tavra tainnaqługu nunaŋa Ephron Machpelah-mi, kivaliñaaŋani Mamre-m, pigiliutiŋagaa Abraham-gum. Taputivlugu nuna, qaiġusuum irvia, iluqaisalu napaaqtut killiŋanuaglaan nunaŋata. 18Nalupqinaiqsauŋaruq Hit-miunun kasimaruaniittuanun taamna Abraham-mun nunagitilaaŋanik.
19Tavraasii Abraham-gum iḷuviŋagaa tuvaaqatini Sarah taaptumuŋa qaiġusugmun nunami Canaan-mi. 20Nunaŋat Hit-miut qaiġusulik nunagiliutiŋagaa Abraham-gum iḷuvviviusaqługu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)