Genesis 36
36
Kiŋuvaaŋich Esau-m
(1 Chronicles 1.34-37)
1Ukua kiŋuvaaġigaich Esau-m, taggisiqaqtuamtauq Edom-mik. 2#Gn 26.34.Esau tuvaaqatchiŋaruq aġnanik Canaan-miuguruanik: Adah, pania Elon-gum Hit-miuguruam; Oholibamah, pania Anah-m iġñiġiraŋata Zibeon-gum Hiv-miuguruam; 3#Gn 28.9.suli Basemath, pania Ishmael aniqataa Nebaioth-gum. 4Adah iġñiŋaruq Eliphaz-mik; Basemath iġñiŋaruq Reuel-mik; 5aasiiḷi Oholibamah iġñiŋaruq Jeush-mik, Jalam-mik, suli Korah-mik. Iluqaġmiŋ taapkua iġñiġutiiŋich Esau-m aniŋarut nunaŋani Canaan.
6Tavraasii Esau-m pivḷugich tuvaaqatiini, iġñiġutiini, paniutini, suli iluqaisa iñuich iglumiitqatini, iḷagivlugich iluqaisa pamiqsaagutini suli suġaliññaktaaġiŋarani nunaŋani Canaan. Aullaġniqsuq aniqanmiñiñ Jacob-miñ allamun nunamun. 7Aullaŋaruq qanukkii nuna ilaatalu Jacob-guvlu iñuuniaġvigiraŋak naamaŋaiqhuni iñuuniaġutiksraŋigñun; iluqatik pamiqsaagukkaqpaił̣ł̣utik atautchimiilguiḷiŋaruk. 8Tavraasii Esau, atiqaġmiruaq Edom-mik, iñuuniaŋaruq qimiġaŋiñi nunaŋata Seir-m.
9Tavra ukua kiŋuvaaŋich Esau-m, maŋŋuuruam Edom-miunun qimiġaŋiñi nunaŋata Seir-m. 10-13Esau-m tuvaaqataa Adah iġñiqaŋamaruq atausimik, Eliphaz-mik, aasii Eliphaz tallimanik iġñiqaqłuni: Teman-mik, Omar-mik, Zepho-mik, Gatam-mik, Kenaz-miglu. Aasiisuli allakun tuvaaqatimigun, Timna-kun, atausivsaamik iġñiqaqłuni Amalek-mik.
Esau-m tuvaaqataa Basemath iġñiqaŋamaruq atausimik, Reuel-mik, aasii Reuel iġñiqaqłuni sisamanik: Nahath, Zerah, Shammah, suli Mizzah.
14Esau-m tuvaaqataa Oholibamah, panigiraa Anah-m tutaaluŋa Zibeon-gum, iġñiŋaruq piŋasunik: Jeush-mik, Jalam-mik, Korah-miglu.
15Tavra taapkua maŋŋuuruat kiŋuvaaŋich Esau-m. Esau-m aŋayukłiq iġñiŋa Eliphaz maŋŋuuŋaruq ukunuŋa kiŋuvaaguruanun: Teman, Omar, Zepho, Kenaz, 16Korah, Gatam, suli Amalek. Taapkua iluqaġmiŋ kiŋuvaaġiŋagaich Esau-m tuvaaqataata Adah-m.
17Esau-m iġñiŋa Reuel maŋŋuuŋaruq ukunuŋa: Nahath, Zerah, Shammah, suli Mizzah. Iluqaġmiŋ taapkua kiŋuvaaġiŋagaich Esau-m tuvaaqataata Basemath-gum.
18Ukuali maŋŋuuruat kiŋuvaaġiŋagaich Esau-m tuvaaqanmigun Oholibamah-kun, panigiraŋa Anah-m: Jeush, Jalam, suli Korah. 19Iluqaġmiŋ taapkua maŋŋuuruat kiŋuvaaŋiŋagaich Esau-m.
Kiŋuvaaŋich Seir-m
(1 Chronicles 1.38-42)
20-21Ukua Seir-m, Hor-miuguruam, iġñiġiŋagaich, iñuuniaŋaruat taamani: Lotan, Shobal, Zibeon, Anah, Dishon, Ezer, suli Dishan. Taapkua iġñiġiŋagaich Seir-m Edom-mi, Hor-mi qaukłiuŋarut.
22Lotan maŋŋuuŋaruq iġñiŋiñun Hori-m suli Heman. (Lotan aniqatiqaŋaruq aġnamik atiqaqtuamik Timna-mik.)
23Shobal maŋŋuuŋaruq iġñiŋiñun Alvan, Manahath, Ebal, Shepho, suli Onam-gum.
24Zibeon iġñiqaŋaruq malġugnik, Aiah suli Anah. (Tavra taamna Anah paqinŋaruaq uunaqłutiŋ suvliktuanik nunagluktuami qaunaksriḷḷaġmi aapami kakaktiŋiñik.) 25-26Anah aapagigaa Dishon-gum, maŋŋuuruaġli maŋŋuqatigiigñun Hemdan, Eshban, Ithran, suli Cheran. Anah paniqaŋammiuq atiqaqtuamik Oholibamah-mik.
27Ezer maŋŋuġigaat iġñiŋisa Bilhan, Zaavan, suli Akan.
28Dishan maŋŋuuŋaruq iġñiŋiñun Uz suli Aran.
29-30Ukua uvva Hor-miut maŋŋuġiraŋich nunaŋani Edom: Lotan, Shobal, Zibeon, Anah, Dishon, Ezer, suli Dishan.
Umialgich Edom-mi
(1 Chronicles 1.43-54)
31-39Umialiqaŋaiñŋaisa Israel-mi, ukua umialguŋarut nunaŋani Edom aquliġaġiikł̣utiŋ:
Bela iġñiŋa Beor-m Dinhabah-miñ
Jobab iġñiŋa Zerah-m Bozrah-miñ
Husham nunaŋaniñ Teman
Hadad iġñiŋa Bedad Avith-miñ (akiisinŋaraŋich Midian-miuguruat aŋuyagmata nunaŋani Moab)
Samlah Masrekah-miñ
Shaul Rehoboth-miñ Kuugmiittuamiñ
Baal Hanan iġñiŋa Achbor-m
Hadad Pau-miñ (tuvaaqatiqaŋaruaq Mehetabel-mik, pania Matred suli tutaalugivlugu Mezahab-gum)
40-43Esau maŋŋuġiŋagaat ukua Edom-miuguvlutiŋ qaukłiuruat: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, suli Iram. Nuna iñuuniaġvigillaaraŋat taapkua maŋŋuuruat taggisiqaġaġniqsuq nanmiñiq iḷami atillaaŋanik maŋŋuuruam. Tavra taapkua kiŋuvaaġigaich Esau-m, aapagiraŋat Edom-miut.
Currently Selected:
Genesis 36: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
