Genesis 38
38
Judah-lu Tamar-lu
1Tamaani samma Judah-m uniññiġai aniqatiini nayuġiaqługu iñuk atiqaqtuaq Hirah-mik, inauvianiñ Adullam ittuaq. 2Tavrani Judah-m kasuŋagaa nutaġaq Canaan-miuguruaq aġnaq aapaŋa atiqaqtuaq Shua-mik. Tuvaaqasiutiŋagaa aasii siñiqatigivlugu; 3siŋaiyauŋaruq aasii iġñiqaqłuni, Judah-m atchiŋagaa Er-mik. 4Siŋaiyauvsaaŋaruq aasii iġñiqavsaaqhuni suli atchiqł̣ugu Onan-mik. 5Iġñiqavsaalgiññami atchiŋagaa Shelah-mik. Judah Achzib-miinŋaruq aŋutaiyaaq animman.
6Aŋayukłiq iġñini Er, Judah-m tuvaaqatiksraŋagaa atiqaqtuamik Tamar-mik. 7Er-mguuq piḷġusiŋa pigiitchuaguŋaruq, aasii iviġaŋiñŋaniġaa Atanġum, tavraasii Atanġum tuqunŋagaa. 8Tavraasii Judah uqallaŋaruq Er-m aniqataanun Onan-mun, “Siñiqatigisaqtuaġuŋ aniqarvich uiḷgaŋaruaq aġnaat. Piraksrautin nalautillugu tuvaaqataa aniqatigikapku, aniqatin kiŋuvaaqallayumauq.” 9Aglaan Onan iḷisimaŋaruq miqłiqtut ilaata pigiyumiñaisilaaŋiññik, tavraasii siñiqatigikamiuŋ aniqanmi uiḷgaŋa, nauraksrani maqipkaŋagaa nunamun, miqłiqsiyumiñaiqsaqługu aniqanni. 10Savaaġiraŋata iviġaŋaiñŋagaa Ataniq, aasii Atanġum tuqunmiñiġaaptauq. 11Tavraasii Judah-m uqallautiŋagaa ukuani Tamar, “Utiġiñ aapavich igluanun aasii uiḷgaŋaruagulutin iġñiġa Shelah agliḷġataqtillugu.” Tainna uqallaŋaruq sivuuġavluni Shelah-ptauq tuqutauniaġasugilugu, aniqatiimisun. Tavra Tamar utiŋaruq aimmivigmiñun.
12Qakugulimman Judah-m tuvaaqataa tuquŋaruq. Qivġuŋaiġataqami, ilaalu avilaitqatiniḷu Hirah Adullam-miu Timnah-muŋaruk, imnaiġmi qiuqtirviannun. 13Iñuum uqallautigaa Tamar aaparuaŋa Timnah-muksaġnivḷugu qiuġiaqługich imnaiñi. 14Tavraasii mattaqługich uiḷgaŋaruam annuġaaŋich atuqtani, matuvlugu kiiñani, aquvinniqsuq isiqsaġiaŋanun Enaim, ini Timnah-muksaġiamiittuaq. Iḷitchuġilluataŋaruq, Judah-m nukaqłiq iġñiŋa Shelah aglianiŋatilaaŋa, naakkauvva qaiñŋaitkaat katititqulugu ilaanun.
15Judah-m tautukkamiuŋ, akiitchuunasugiŋagaa, qanukkii kiiñani matuŋavlugu. 16Naluvluni ukuaġitilaaŋanik, ullaŋagaa apqutim saniġaani aasii uqallautivlugu, “Siñiqatigilakpiñ.” Apiġigaa aġnam, “Aasii sumik aitchuġniaqpiŋa siñiqatigigupkiñ?”
17Ilaata kiugaa, “Tuyuġniaġikpiñ nuġġaġmik nagruligmik niġrutautimniñ.”
Tamar-m apiqsruġaa, “Ki, sumik aitchullakkumiñaqpiŋa tigummiraksramnik tuyuġataqtillutin nagruligmik?”
18“Sumik aasii aitchuġniaqpigiñ nalupqinaiyautiksramnik?” Judah-m apiġigaa.
Tamar-m kiugaa, “Nalunaiñŋutaġnik akłunaaŋalu suli ayauppian tigumiaqtan.” Qaitkai ilaanun. Tavraasii nalaqatigiiŋaruk tavrani, aasii siŋaiyausaŋaruq. 19Tamar aiñiqsuq, matuni piiqł̣ugu, atitqikł̣ugich uiḷgaŋaruam annuġaaŋich.
20Judah-m tiliŋagaa avilaitqatini Hirah aatquvlugu nagrulik suli tasuquvlugich aġnamiñ unniqsuqłiigutirani, aglaan Hirah-m paqinŋiñŋagaa. 21Apiġiniġai aŋutit Enaim-mi, “Sumiitpaimña god-aiḷat nanġaivianniitchuuruaq akiitchuq apqutit saniġaanniittuaq?”
“Akiitchuqaġataŋaitchuq god-aiḷat nanġaivianniitchuuruamik maani,” uqallaktut.
22Utiŋaruq Judah-mun aasii uqaqhuni, “Paqinŋiḷḷakkiga. Aŋutit taavaniittuat uqallaktut akiitchuqaŋaitchugguuq qaŋaunnii taavani.”
23Judah uqallaktuq, “Pigiligich taipkua. Iñugnun iglautigitquŋitchugut. Akiḷiññiḷukkaluaġiga, aglaan paqinŋitkiñ.”
24Piŋasulluunnii tatqich pianigmata iñuum kilikkaa Judah, “Uvvahii, ukuan Tamar akiitchutun iḷiuqhuni, siŋaiyaumaruaq.”
Judah piraksriiruq, “Annisilugu ikipkaġlugu tuqutchiuŋ.”
25Annisuurraullaġmi, kiliktitchaqtuŋaġaa aaparuani. “Siŋaiyauruŋa aŋunmiñ ukuniŋa piqaqtuanik. Tautukkich kimun pigimmagaisa—una nalunaiñŋutaligaaq akłunaaq suli ayauppiaq.”
26Judah-m iḷisaġivlugich uqallaktuq, “Ilaa iluakkuaqtuq. Piraksrautikkaluaġa uvaŋa ilaanun piŋaitkiga—qaiññiaġaluaqtaġa ilaanun iġñiġa Shelah tuvaaqasiutitqulugu.” Judah-m nalaqatigitqiŋaiñŋagaa.
27Iġñisuliġman, iḷitchuġiŋarut malġitilaaŋanik. 28Saŋŋitqatautinagutimmauŋ, igḷuata talliñi aninŋagaa; iġñipkairim tiguvlugu, qiḷiqsiŋaruq kaviqsuamik ivalumik, aasii uqallakłuni, “Taamna aniqqaaqtuaq.” 29Aglaan talliñi isitqiŋagaa, aasii aniqataa aŋutaiyaaq aniqqaaqhuni. Tavraasii iġñipkairi uqallaktuq, “Tavra ai tainnaqhutin anirutin!” Tavra atchiŋagaat Perez-mik#38.29 Hebrew-t uqaluŋanni Perez-gum sivuniŋa “anirutin.”. 30Aasiiḷi aniqataa aniŋaruq kaviqsuamik ivalumik taliġmiutaqaqhuni, aasii atchiŋaniġaat Zerah-mik#38.30 Hebrew-t uqaluŋanni Zerah-gum sivuniŋa “kaviqsuaq.”.
Currently Selected:
Genesis 38: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 38
38
Judah-lu Tamar-lu
1Tamaani samma Judah-m uniññiġai aniqatiini nayuġiaqługu iñuk atiqaqtuaq Hirah-mik, inauvianiñ Adullam ittuaq. 2Tavrani Judah-m kasuŋagaa nutaġaq Canaan-miuguruaq aġnaq aapaŋa atiqaqtuaq Shua-mik. Tuvaaqasiutiŋagaa aasii siñiqatigivlugu; 3siŋaiyauŋaruq aasii iġñiqaqłuni, Judah-m atchiŋagaa Er-mik. 4Siŋaiyauvsaaŋaruq aasii iġñiqavsaaqhuni suli atchiqł̣ugu Onan-mik. 5Iġñiqavsaalgiññami atchiŋagaa Shelah-mik. Judah Achzib-miinŋaruq aŋutaiyaaq animman.
6Aŋayukłiq iġñini Er, Judah-m tuvaaqatiksraŋagaa atiqaqtuamik Tamar-mik. 7Er-mguuq piḷġusiŋa pigiitchuaguŋaruq, aasii iviġaŋiñŋaniġaa Atanġum, tavraasii Atanġum tuqunŋagaa. 8Tavraasii Judah uqallaŋaruq Er-m aniqataanun Onan-mun, “Siñiqatigisaqtuaġuŋ aniqarvich uiḷgaŋaruaq aġnaat. Piraksrautin nalautillugu tuvaaqataa aniqatigikapku, aniqatin kiŋuvaaqallayumauq.” 9Aglaan Onan iḷisimaŋaruq miqłiqtut ilaata pigiyumiñaisilaaŋiññik, tavraasii siñiqatigikamiuŋ aniqanmi uiḷgaŋa, nauraksrani maqipkaŋagaa nunamun, miqłiqsiyumiñaiqsaqługu aniqanni. 10Savaaġiraŋata iviġaŋaiñŋagaa Ataniq, aasii Atanġum tuqunmiñiġaaptauq. 11Tavraasii Judah-m uqallautiŋagaa ukuani Tamar, “Utiġiñ aapavich igluanun aasii uiḷgaŋaruagulutin iġñiġa Shelah agliḷġataqtillugu.” Tainna uqallaŋaruq sivuuġavluni Shelah-ptauq tuqutauniaġasugilugu, aniqatiimisun. Tavra Tamar utiŋaruq aimmivigmiñun.
12Qakugulimman Judah-m tuvaaqataa tuquŋaruq. Qivġuŋaiġataqami, ilaalu avilaitqatiniḷu Hirah Adullam-miu Timnah-muŋaruk, imnaiġmi qiuqtirviannun. 13Iñuum uqallautigaa Tamar aaparuaŋa Timnah-muksaġnivḷugu qiuġiaqługich imnaiñi. 14Tavraasii mattaqługich uiḷgaŋaruam annuġaaŋich atuqtani, matuvlugu kiiñani, aquvinniqsuq isiqsaġiaŋanun Enaim, ini Timnah-muksaġiamiittuaq. Iḷitchuġilluataŋaruq, Judah-m nukaqłiq iġñiŋa Shelah aglianiŋatilaaŋa, naakkauvva qaiñŋaitkaat katititqulugu ilaanun.
15Judah-m tautukkamiuŋ, akiitchuunasugiŋagaa, qanukkii kiiñani matuŋavlugu. 16Naluvluni ukuaġitilaaŋanik, ullaŋagaa apqutim saniġaani aasii uqallautivlugu, “Siñiqatigilakpiñ.” Apiġigaa aġnam, “Aasii sumik aitchuġniaqpiŋa siñiqatigigupkiñ?”
17Ilaata kiugaa, “Tuyuġniaġikpiñ nuġġaġmik nagruligmik niġrutautimniñ.”
Tamar-m apiqsruġaa, “Ki, sumik aitchullakkumiñaqpiŋa tigummiraksramnik tuyuġataqtillutin nagruligmik?”
18“Sumik aasii aitchuġniaqpigiñ nalupqinaiyautiksramnik?” Judah-m apiġigaa.
Tamar-m kiugaa, “Nalunaiñŋutaġnik akłunaaŋalu suli ayauppian tigumiaqtan.” Qaitkai ilaanun. Tavraasii nalaqatigiiŋaruk tavrani, aasii siŋaiyausaŋaruq. 19Tamar aiñiqsuq, matuni piiqł̣ugu, atitqikł̣ugich uiḷgaŋaruam annuġaaŋich.
20Judah-m tiliŋagaa avilaitqatini Hirah aatquvlugu nagrulik suli tasuquvlugich aġnamiñ unniqsuqłiigutirani, aglaan Hirah-m paqinŋiñŋagaa. 21Apiġiniġai aŋutit Enaim-mi, “Sumiitpaimña god-aiḷat nanġaivianniitchuuruaq akiitchuq apqutit saniġaanniittuaq?”
“Akiitchuqaġataŋaitchuq god-aiḷat nanġaivianniitchuuruamik maani,” uqallaktut.
22Utiŋaruq Judah-mun aasii uqaqhuni, “Paqinŋiḷḷakkiga. Aŋutit taavaniittuat uqallaktut akiitchuqaŋaitchugguuq qaŋaunnii taavani.”
23Judah uqallaktuq, “Pigiligich taipkua. Iñugnun iglautigitquŋitchugut. Akiḷiññiḷukkaluaġiga, aglaan paqinŋitkiñ.”
24Piŋasulluunnii tatqich pianigmata iñuum kilikkaa Judah, “Uvvahii, ukuan Tamar akiitchutun iḷiuqhuni, siŋaiyaumaruaq.”
Judah piraksriiruq, “Annisilugu ikipkaġlugu tuqutchiuŋ.”
25Annisuurraullaġmi, kiliktitchaqtuŋaġaa aaparuani. “Siŋaiyauruŋa aŋunmiñ ukuniŋa piqaqtuanik. Tautukkich kimun pigimmagaisa—una nalunaiñŋutaligaaq akłunaaq suli ayauppiaq.”
26Judah-m iḷisaġivlugich uqallaktuq, “Ilaa iluakkuaqtuq. Piraksrautikkaluaġa uvaŋa ilaanun piŋaitkiga—qaiññiaġaluaqtaġa ilaanun iġñiġa Shelah tuvaaqasiutitqulugu.” Judah-m nalaqatigitqiŋaiñŋagaa.
27Iġñisuliġman, iḷitchuġiŋarut malġitilaaŋanik. 28Saŋŋitqatautinagutimmauŋ, igḷuata talliñi aninŋagaa; iġñipkairim tiguvlugu, qiḷiqsiŋaruq kaviqsuamik ivalumik, aasii uqallakłuni, “Taamna aniqqaaqtuaq.” 29Aglaan talliñi isitqiŋagaa, aasii aniqataa aŋutaiyaaq aniqqaaqhuni. Tavraasii iġñipkairi uqallaktuq, “Tavra ai tainnaqhutin anirutin!” Tavra atchiŋagaat Perez-mik#38.29 Hebrew-t uqaluŋanni Perez-gum sivuniŋa “anirutin.”. 30Aasiiḷi aniqataa aniŋaruq kaviqsuamik ivalumik taliġmiutaqaqhuni, aasii atchiŋaniġaat Zerah-mik#38.30 Hebrew-t uqaluŋanni Zerah-gum sivuniŋa “kaviqsuaq.”.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)