Genesis 39
39
Joseph-lu Potiphar-m Tuvaaqataalu
1Tavra Ishmael-miuguruat Joseph Egypt-muutiŋagaat aasii tunivḷugu Potiphar-mun, iḷagiraŋannun umialgum qaukłiuraŋisa, qaukłiuruaġli igluqpaum munaqsriŋiñun. 2#Ac 7.9.Atanġum itqatigisimaaŋagaa Joseph suli piḷḷuatautiqaqtiłługu. Iñuuniqsuq Egypt-mium igluani ataniġiraġmi, 3qiñiŋagaa Ataniġmun itqatigitilaaŋa Joseph suli piḷḷuatautiqaqtiłługu supayaamik savaaqaġaluaġman. 4Potiphar-m iviġaumagiŋagaa suli ilimiñun kivgaliutivlugu; tavra qaukłiġuŋagaa iglumiñun suli suġalipayauramiñun. 5Tavraŋŋaaglaan, Joseph pisigivlugu Atanġum piḷḷuatautiqaqtinŋagaa igluqatiiŋi Egypt-miuguruam suli sunapayaaq pigiraŋa iglumiñi nunaŋiññilu. 6Potiphar-m Joseph qaunaksriliutiŋagaa supayaanun ilaata pigiramiñun suli isumaaluutiqayuiñŋaruq sumik aglaan niqit niġirani kisiisa.
Joseph suaŋaŋaruq timimiñi suli aŋutigikhuni, 7aasii aquvatigun ataniġiraŋata nuliaŋan kaviuġiliŋaniġaa Joseph suli apiġivlugu tuttaaqatigisukługu. 8Aglaan ilaa pisuŋiñŋaruq aasii uqallautivlugu, “Uvvahii, ataniġiraġa isumaaluutiqalaitchuq sumik iglumiñi, qanukkii uvaŋa maaniiłłuŋa. Ilaatauvva qaukłiḷiutiŋagaaŋa supayauranun pigiramiñun. 9Uvva ataniġnaqutiqaqtuŋa maani iglumi ilaatuttauq, suli aitchuġuŋiñŋaitkaaŋa sunik aglaan iliŋnik. Qanuġluŋaasii tainnatun pigiiḷḷiqunmik savagniaġniqpik suli piḷuusiqiluŋa paaqłaglugu God?” 10Apiqsruqtaġaluaġmani Joseph uvlutuaġman, ilaata tuttaaqatigiŋaitkaa naakkaunnii itqatigilugu.
11Aglaan uvlut iḷaŋanni Joseph iglumun savagialgiñman, nalliat unnii iglumi kivgauruat tavraniinŋaiñŋaruq. 12Aġnam tiguŋagaa annuġaaŋagun aasii uqallakłuni, “Qaiñ tuttaaqatigiŋŋa.” Aglaan qimakłuni suli aqpamik aniŋaruq, uniññiġaa qaliġuani argaŋiñun. 13Aġnam tautukkamiuŋ unisilaaŋanik qaliġuaŋa aasii aqpamik anivḷuni iglumiñ, 14ququulaŋagai iglumi kivgatiŋ aasii uqaqhuni, “Uvva una tautuksiuŋ! Uuma uvva Hebrew-m, tuvaaqanma qaġġirraŋata igluptinnun, pisaaŋagaatigut. Isiqłuni uvva inimnun payariñiatakkaaŋa nalaqatigisukłuŋa, aglaan avaalaruaŋa nipatutilauraptun. 15Tusaakamiŋa avaalaruaŋa, aqpamik aniruq, unił̣ł̣ugu una qaliġuani saniġamnun.”
16Aġnam pigiŋagaa qaliġuaŋa Joseph-gum ataniġiraŋa aiḷġataqtillugu. 17Tavraasii uqautigaa quliaqtuaġiramiñik. “Aptuma Hebrew-guruam kivgam qaġġisiŋaran mauŋa isiqtuaq inimnun aasii kipagivluŋa. 18Aglaan avaalakama, aqpamik aniruq, unił̣ł̣ugu una qaliġuani saniġamnun.”
19Potiphar qinnaliqpaŋaruq tusaagamiuŋ quliaqtuaġman nuliani Joseph-mun qanuq aŋatilaamiñik. 20Aasii Joseph tigupkaqługu suli tigutaaġvigmukługu umialgum isiqtaŋisa irviannun, tavra tavraniinŋaruq. 21#Ac 7.9.Aglaan Atanġum itqatigiŋagaa Joseph suli nagliktuqsimaaqługu, tainnamik isiqtanik qaunaksrim iviġaumagisuuŋagaa. 22Joseph qaunaksriḷiutiŋagaa isiqtapayaanun suli savaaksrił̣ł̣ugu piraksraupayaaqtuanik tigutaaġvigmi. 23Qaunaksri tigutaaġvigmi munaqsriḷḷaiñŋaruq sunik Joseph-gum savaaġiraŋiññik, qanukkii Atanġum itqatigivlugu Joseph suli piḷḷuatautiqaqtiłługu supayaamik savaaqaġman.
Currently Selected:
Genesis 39: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Genesis 39
39
Joseph-lu Potiphar-m Tuvaaqataalu
1Tavra Ishmael-miuguruat Joseph Egypt-muutiŋagaat aasii tunivḷugu Potiphar-mun, iḷagiraŋannun umialgum qaukłiuraŋisa, qaukłiuruaġli igluqpaum munaqsriŋiñun. 2#Ac 7.9.Atanġum itqatigisimaaŋagaa Joseph suli piḷḷuatautiqaqtiłługu. Iñuuniqsuq Egypt-mium igluani ataniġiraġmi, 3qiñiŋagaa Ataniġmun itqatigitilaaŋa Joseph suli piḷḷuatautiqaqtiłługu supayaamik savaaqaġaluaġman. 4Potiphar-m iviġaumagiŋagaa suli ilimiñun kivgaliutivlugu; tavra qaukłiġuŋagaa iglumiñun suli suġalipayauramiñun. 5Tavraŋŋaaglaan, Joseph pisigivlugu Atanġum piḷḷuatautiqaqtinŋagaa igluqatiiŋi Egypt-miuguruam suli sunapayaaq pigiraŋa iglumiñi nunaŋiññilu. 6Potiphar-m Joseph qaunaksriliutiŋagaa supayaanun ilaata pigiramiñun suli isumaaluutiqayuiñŋaruq sumik aglaan niqit niġirani kisiisa.
Joseph suaŋaŋaruq timimiñi suli aŋutigikhuni, 7aasii aquvatigun ataniġiraŋata nuliaŋan kaviuġiliŋaniġaa Joseph suli apiġivlugu tuttaaqatigisukługu. 8Aglaan ilaa pisuŋiñŋaruq aasii uqallautivlugu, “Uvvahii, ataniġiraġa isumaaluutiqalaitchuq sumik iglumiñi, qanukkii uvaŋa maaniiłłuŋa. Ilaatauvva qaukłiḷiutiŋagaaŋa supayauranun pigiramiñun. 9Uvva ataniġnaqutiqaqtuŋa maani iglumi ilaatuttauq, suli aitchuġuŋiñŋaitkaaŋa sunik aglaan iliŋnik. Qanuġluŋaasii tainnatun pigiiḷḷiqunmik savagniaġniqpik suli piḷuusiqiluŋa paaqłaglugu God?” 10Apiqsruqtaġaluaġmani Joseph uvlutuaġman, ilaata tuttaaqatigiŋaitkaa naakkaunnii itqatigilugu.
11Aglaan uvlut iḷaŋanni Joseph iglumun savagialgiñman, nalliat unnii iglumi kivgauruat tavraniinŋaiñŋaruq. 12Aġnam tiguŋagaa annuġaaŋagun aasii uqallakłuni, “Qaiñ tuttaaqatigiŋŋa.” Aglaan qimakłuni suli aqpamik aniŋaruq, uniññiġaa qaliġuani argaŋiñun. 13Aġnam tautukkamiuŋ unisilaaŋanik qaliġuaŋa aasii aqpamik anivḷuni iglumiñ, 14ququulaŋagai iglumi kivgatiŋ aasii uqaqhuni, “Uvva una tautuksiuŋ! Uuma uvva Hebrew-m, tuvaaqanma qaġġirraŋata igluptinnun, pisaaŋagaatigut. Isiqłuni uvva inimnun payariñiatakkaaŋa nalaqatigisukłuŋa, aglaan avaalaruaŋa nipatutilauraptun. 15Tusaakamiŋa avaalaruaŋa, aqpamik aniruq, unił̣ł̣ugu una qaliġuani saniġamnun.”
16Aġnam pigiŋagaa qaliġuaŋa Joseph-gum ataniġiraŋa aiḷġataqtillugu. 17Tavraasii uqautigaa quliaqtuaġiramiñik. “Aptuma Hebrew-guruam kivgam qaġġisiŋaran mauŋa isiqtuaq inimnun aasii kipagivluŋa. 18Aglaan avaalakama, aqpamik aniruq, unił̣ł̣ugu una qaliġuani saniġamnun.”
19Potiphar qinnaliqpaŋaruq tusaagamiuŋ quliaqtuaġman nuliani Joseph-mun qanuq aŋatilaamiñik. 20Aasii Joseph tigupkaqługu suli tigutaaġvigmukługu umialgum isiqtaŋisa irviannun, tavra tavraniinŋaruq. 21#Ac 7.9.Aglaan Atanġum itqatigiŋagaa Joseph suli nagliktuqsimaaqługu, tainnamik isiqtanik qaunaksrim iviġaumagisuuŋagaa. 22Joseph qaunaksriḷiutiŋagaa isiqtapayaanun suli savaaksrił̣ł̣ugu piraksraupayaaqtuanik tigutaaġvigmi. 23Qaunaksri tigutaaġvigmi munaqsriḷḷaiñŋaruq sunik Joseph-gum savaaġiraŋiññik, qanukkii Atanġum itqatigivlugu Joseph suli piḷḷuatautiqaqtiłługu supayaamik savaaqaġman.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)