Luke 17
17
Piḷuun
(Matthew 18.6-7, 21-22; Mark 9.42)
1Tavra Jesus uqallautiŋagai iḷitchitqurani, Nalupqinaitchuq, ikł̣igutchaktinniutit piḷuksiñiksramun qaiyumaaqtut, aglaan qanutun naglignaqtigiruq taamna iñuk patchisauruaq tamatkunuŋa. 2Kialiqaa ukpiġutaiqsitpagu iḷaŋat makua miqłiqtuuratun iḷivḷutiŋ ukpiqtuat uvamnun, iłuałhaaġayaqtuq uyaġagruaġmik quŋusiġutchiġḷugu aasii ipipkaġlugu taġiumun. 3#Mt 18.15.Qaunagisitchi. Aniqatiksi piḷuksikpan, suaksiuŋ. Aasii isumalitqikpan, suliqutigiŋaiqsiuŋ itqaumayumiñaiġḷugich. 4Aasii piḷuksikpan ilivsiññun tallimat malġuiqsuaġlugu uvluq, aasii isumalitqikpan tallimat malġuiqsuaġluni uqallautilusi, Isumalitqiksuŋa. Suliqutigiŋaigaksraġigiksi.
Ukpiġun
5Iḷitchitquraunikun tilirauruat uqallautiŋagaat Ataniq, Suaŋasiḷaaġuŋ ukpiġutikput. 6Tavra Ataniq uqallaŋaruq, Ukpiġutiqaġuvsi nautchiaksratun mustard-tun, mikipiaġaluaqłuni naullaruatun napaaqtuqpaġuqłuni, uqallautiyumiñaġiksi manna napaaqtuq, Maŋŋupkun nusugiñ aasii nautchirriutaulutin taġiumi. Tavra kamagiyumiñaġaluaġaasi.
Kivgam Piraksriusiaŋi
7Nalliqsi kivgaqaqtuaq nunaliqiruamik naagga qaunaksriruamik imnaiñik, aimman uqallautilaitkiksi inna, Aquvillutin niġiñiaġiñ. 8Aglaan uqallautisuugiksi, Itqanaiyaġiñ nullautaksramnik. Saaġuaġlutin savautiŋŋa niġipkaqtilluŋa imiġluŋalu. Aasiiḷi taavruma aquagun niġiñiaqtutin imiġlutillu. 9Kivgaq quyanaagaksraitchuq kamaksriñiḷugu piraksriusiamiñik. 10Tainnatuttauq ilivsi, pianikkaluaġuvsiuŋ iluqaan piraksriusiaqsi, uqallagitchi, Uvagut nalliummatiŋitchugut kivgat, pigiññaqtugut piraksriusiaptiŋnik.
Jesus Mamititkai Qulit Iñuich Kiḷḷiġruaqtuqtuat
11Iglauyaamiñi Jerusalem-mun, Jesus akunġakkuaŋaruq Samaria-vlu Galilee-vḷu. 12Tavra tikitchaġataviksillugich nunaaqqiñun, paaŋagaat qulit kiḷḷiġruaqtuqtuat, qikausiŋarut uŋasiuraqłutiŋ 13aasii ququulaŋarut, Jesus Ataniiq nagligitigut. 14#Lv 14.1-32.Tavra Jesus tautukamigich uqallautiŋagai, Aullaġitchi aŋaiyyuliqsiqpaich mamitilaaġumagaasi. Tavra iglauniallaġmiŋ maminŋarut. 15Tavra iḷaŋat, iḷitchuġikami iłuaqsirautilaamiñik, utiqsaŋaruq, nanġaqługu God nipatuvluni. 16Tavra punŋaruq sivuġaanun Jesus, quyyavigivlugu. Taamna iñuk Samaria-ġmiu. 17Tavra Jesus uqallaŋaruq, quliguŋitpat ipkua mamittuat? Nauŋ ipkua quliŋŋuġutaiḷat? 18Utiġumiñaŋagaluaġmiut quyyavigisuglugu God. Aglaan uvvauna Samaria-ġmiu utiŋaruq. 19Tavra Jesus uqallautiŋagaa, Makillutin aullaġiñ. Ukpiġurvich iłuaqsipkaġaatin.
Qaiñiksraŋa God-im Atanniqsimmataata Iñuŋnun
(Matthew 24.23-28, 37-41)
20Iḷaŋisa Pharisees apiġiŋagaat Jesus qakugu atanniqsimmataa God-im isagutiniaġmagaan. Ilaan kiuŋagai, Atanniqsimmataa God-im isagutiyumaaŋitchuq tautuŋnaġluni. 21Naaggaunnii uqallagniaŋiñmiut, Uvva uvaniittuq. Naagga taikka taikaniittuq, qanuq atanniqsimmataa God-im ittuq uvaniittuani kamaksriruani.
22Tavra Jesus uqallaŋaruq iḷitchitquramiñun, Uvlut qaiyumaaqtut kipiġniuliġviksrautisi tautugumaliġḷugu atanniqsimmataa Iġñiŋan iñuum nunami, aglaan tautukkumiñaitkiksi. 23Tavraasii iñuich uqallautiniaġaasi qaiñiḷuŋa aasii amaniinniḷuŋa naagga maaniinniḷuŋa. Ukpiġinagich, ivaqsaġnaŋa. 24Qanuq igniġuuqpatittuaq qaummaatinmatun qaummaġiksiviñaqługu qiḷak igḷuaniñ igḷuanun, tainnatun piñiaqtuq Iġñiŋa iñuum qaigumi. 25Aglaan nagliksaaqqaaqtuksrauniaqtuŋa iñugiaktuatigun sutigun suli pisuŋiḷḷuŋa iñuich paŋmapak iñuuruat. 26#Gn 6.5-8.Taimani Noah iñuumman iñuuruatitun, tainnatuttauq iñuusiqaġniaġmiut qaiyasikpan Iġñiŋa iñuum. 27#Gn 7.6-24.Iñuich niġigayuktut, imiqłutiglu katirrusiqivlutiglu Noah isiġataqtillugu umiaqpaŋmiñun, aasii uliqpaum tuqunŋagai iluqaisa. 28#Gn 18.20—19.25.Tainnatuttauq iñuumman Lot, niġigayuŋammiut imiqłutiglu tauqsiqsuqłutiglu tuniuqqaivḷutiglu nautchirriqsuivḷutiglu igluqpiuqłutiglu 29aullaġataqtillugu Lot Sodom-miñ. Tavra igniq tivluktuaġlu isiq sialuuŋaruk qiḷaŋmiñ aasii tuqułługich iluqaisa iñuŋi Sodom. 30Tavra tainnatun piñiaqtuq Iġñiŋa iñuum qiñiġnaqsikpan.
31 #
Mt 24.17, 18; Mk 13.15, 16. Taimanigu iñuk aniiqsuaqtuaq iglumi qaaŋani atqaġnani suġauttani iglum iḷuaniittuat aisuglugich. Tainnatuttauq iñuk nautchiaqaġviŋmiittuaq utiqsaġnani iglumiñun. 32#Gn 19.26.Itqaumasiuŋ suna piruaq Lot-gum nuliaŋanun. 33#Mt 10.39; 16.25; Mk 8.35; Lk 9.24; Jn 12.25.Kialiqaa annautiniaqsaagumigich iñuuniutini tammaiñiaġaa iñuggutini, aglaan kialiqaa tammaigumigich iñuuniutini annautiniaġaa iñuggutini. 34Uqallautigivsi, taavrumani unnuami malġuk aŋutik inniaqtuk atautchiiñi siñigviŋñi, igḷua aullaurrauniaqtuq aasii igḷua qimaktauluni. 35Malġuk aġnak palauvaksiuġniaġmiuk atautchimi, igḷua aullaurrauniaqtuq aasii igḷua qimaktauluni. 36Malġuk aŋutik nautchiaqaġviŋmi savaŋniaqtuk, igḷua aullaurrauniaqtuq aasii igḷua qimaktauluni. 37Tavra iḷitchitqurat apiġiŋagaat, Ataniiq, sumun aullaurrauniaqpat? Jesus kiuŋagai, Sumipayaaq siḷu inman, tavrani tiŋmiaqpaich katitchuurut.
Currently Selected:
Luke 17: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Luke 17
17
Piḷuun
(Matthew 18.6-7, 21-22; Mark 9.42)
1Tavra Jesus uqallautiŋagai iḷitchitqurani, Nalupqinaitchuq, ikł̣igutchaktinniutit piḷuksiñiksramun qaiyumaaqtut, aglaan qanutun naglignaqtigiruq taamna iñuk patchisauruaq tamatkunuŋa. 2Kialiqaa ukpiġutaiqsitpagu iḷaŋat makua miqłiqtuuratun iḷivḷutiŋ ukpiqtuat uvamnun, iłuałhaaġayaqtuq uyaġagruaġmik quŋusiġutchiġḷugu aasii ipipkaġlugu taġiumun. 3#Mt 18.15.Qaunagisitchi. Aniqatiksi piḷuksikpan, suaksiuŋ. Aasii isumalitqikpan, suliqutigiŋaiqsiuŋ itqaumayumiñaiġḷugich. 4Aasii piḷuksikpan ilivsiññun tallimat malġuiqsuaġlugu uvluq, aasii isumalitqikpan tallimat malġuiqsuaġluni uqallautilusi, Isumalitqiksuŋa. Suliqutigiŋaigaksraġigiksi.
Ukpiġun
5Iḷitchitquraunikun tilirauruat uqallautiŋagaat Ataniq, Suaŋasiḷaaġuŋ ukpiġutikput. 6Tavra Ataniq uqallaŋaruq, Ukpiġutiqaġuvsi nautchiaksratun mustard-tun, mikipiaġaluaqłuni naullaruatun napaaqtuqpaġuqłuni, uqallautiyumiñaġiksi manna napaaqtuq, Maŋŋupkun nusugiñ aasii nautchirriutaulutin taġiumi. Tavra kamagiyumiñaġaluaġaasi.
Kivgam Piraksriusiaŋi
7Nalliqsi kivgaqaqtuaq nunaliqiruamik naagga qaunaksriruamik imnaiñik, aimman uqallautilaitkiksi inna, Aquvillutin niġiñiaġiñ. 8Aglaan uqallautisuugiksi, Itqanaiyaġiñ nullautaksramnik. Saaġuaġlutin savautiŋŋa niġipkaqtilluŋa imiġluŋalu. Aasiiḷi taavruma aquagun niġiñiaqtutin imiġlutillu. 9Kivgaq quyanaagaksraitchuq kamaksriñiḷugu piraksriusiamiñik. 10Tainnatuttauq ilivsi, pianikkaluaġuvsiuŋ iluqaan piraksriusiaqsi, uqallagitchi, Uvagut nalliummatiŋitchugut kivgat, pigiññaqtugut piraksriusiaptiŋnik.
Jesus Mamititkai Qulit Iñuich Kiḷḷiġruaqtuqtuat
11Iglauyaamiñi Jerusalem-mun, Jesus akunġakkuaŋaruq Samaria-vlu Galilee-vḷu. 12Tavra tikitchaġataviksillugich nunaaqqiñun, paaŋagaat qulit kiḷḷiġruaqtuqtuat, qikausiŋarut uŋasiuraqłutiŋ 13aasii ququulaŋarut, Jesus Ataniiq nagligitigut. 14#Lv 14.1-32.Tavra Jesus tautukamigich uqallautiŋagai, Aullaġitchi aŋaiyyuliqsiqpaich mamitilaaġumagaasi. Tavra iglauniallaġmiŋ maminŋarut. 15Tavra iḷaŋat, iḷitchuġikami iłuaqsirautilaamiñik, utiqsaŋaruq, nanġaqługu God nipatuvluni. 16Tavra punŋaruq sivuġaanun Jesus, quyyavigivlugu. Taamna iñuk Samaria-ġmiu. 17Tavra Jesus uqallaŋaruq, quliguŋitpat ipkua mamittuat? Nauŋ ipkua quliŋŋuġutaiḷat? 18Utiġumiñaŋagaluaġmiut quyyavigisuglugu God. Aglaan uvvauna Samaria-ġmiu utiŋaruq. 19Tavra Jesus uqallautiŋagaa, Makillutin aullaġiñ. Ukpiġurvich iłuaqsipkaġaatin.
Qaiñiksraŋa God-im Atanniqsimmataata Iñuŋnun
(Matthew 24.23-28, 37-41)
20Iḷaŋisa Pharisees apiġiŋagaat Jesus qakugu atanniqsimmataa God-im isagutiniaġmagaan. Ilaan kiuŋagai, Atanniqsimmataa God-im isagutiyumaaŋitchuq tautuŋnaġluni. 21Naaggaunnii uqallagniaŋiñmiut, Uvva uvaniittuq. Naagga taikka taikaniittuq, qanuq atanniqsimmataa God-im ittuq uvaniittuani kamaksriruani.
22Tavra Jesus uqallaŋaruq iḷitchitquramiñun, Uvlut qaiyumaaqtut kipiġniuliġviksrautisi tautugumaliġḷugu atanniqsimmataa Iġñiŋan iñuum nunami, aglaan tautukkumiñaitkiksi. 23Tavraasii iñuich uqallautiniaġaasi qaiñiḷuŋa aasii amaniinniḷuŋa naagga maaniinniḷuŋa. Ukpiġinagich, ivaqsaġnaŋa. 24Qanuq igniġuuqpatittuaq qaummaatinmatun qaummaġiksiviñaqługu qiḷak igḷuaniñ igḷuanun, tainnatun piñiaqtuq Iġñiŋa iñuum qaigumi. 25Aglaan nagliksaaqqaaqtuksrauniaqtuŋa iñugiaktuatigun sutigun suli pisuŋiḷḷuŋa iñuich paŋmapak iñuuruat. 26#Gn 6.5-8.Taimani Noah iñuumman iñuuruatitun, tainnatuttauq iñuusiqaġniaġmiut qaiyasikpan Iġñiŋa iñuum. 27#Gn 7.6-24.Iñuich niġigayuktut, imiqłutiglu katirrusiqivlutiglu Noah isiġataqtillugu umiaqpaŋmiñun, aasii uliqpaum tuqunŋagai iluqaisa. 28#Gn 18.20—19.25.Tainnatuttauq iñuumman Lot, niġigayuŋammiut imiqłutiglu tauqsiqsuqłutiglu tuniuqqaivḷutiglu nautchirriqsuivḷutiglu igluqpiuqłutiglu 29aullaġataqtillugu Lot Sodom-miñ. Tavra igniq tivluktuaġlu isiq sialuuŋaruk qiḷaŋmiñ aasii tuqułługich iluqaisa iñuŋi Sodom. 30Tavra tainnatun piñiaqtuq Iġñiŋa iñuum qiñiġnaqsikpan.
31 #
Mt 24.17, 18; Mk 13.15, 16. Taimanigu iñuk aniiqsuaqtuaq iglumi qaaŋani atqaġnani suġauttani iglum iḷuaniittuat aisuglugich. Tainnatuttauq iñuk nautchiaqaġviŋmiittuaq utiqsaġnani iglumiñun. 32#Gn 19.26.Itqaumasiuŋ suna piruaq Lot-gum nuliaŋanun. 33#Mt 10.39; 16.25; Mk 8.35; Lk 9.24; Jn 12.25.Kialiqaa annautiniaqsaagumigich iñuuniutini tammaiñiaġaa iñuggutini, aglaan kialiqaa tammaigumigich iñuuniutini annautiniaġaa iñuggutini. 34Uqallautigivsi, taavrumani unnuami malġuk aŋutik inniaqtuk atautchiiñi siñigviŋñi, igḷua aullaurrauniaqtuq aasii igḷua qimaktauluni. 35Malġuk aġnak palauvaksiuġniaġmiuk atautchimi, igḷua aullaurrauniaqtuq aasii igḷua qimaktauluni. 36Malġuk aŋutik nautchiaqaġviŋmi savaŋniaqtuk, igḷua aullaurrauniaqtuq aasii igḷua qimaktauluni. 37Tavra iḷitchitqurat apiġiŋagaat, Ataniiq, sumun aullaurrauniaqpat? Jesus kiuŋagai, Sumipayaaq siḷu inman, tavrani tiŋmiaqpaich katitchuurut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)