Luke 18
18
Uuktuun Uiḷgaŋaruakun Isivġiqsikullu
1Tavra Jesus quliaqtuaġutiŋagai uumiŋa uuktuunmik, iḷisautisaqługich ataramik aŋaiyyuruksraunivḷugich nikatchalaiḷḷutiŋ. 2Ilaa uqallaŋaruq, Iniqpaŋmi isivġiqsiqaŋaruq qiksiksrautaitchuamik God-mun naaggaunnii suliqutiksraaqtuaŋitchuamik iñuŋnik. 3Tavra inŋaruq uiḷgaŋaruaq taavrumani iniqpaŋmi ullaaġautiruaq isivġiqsimun nalaunŋaruakun ikayuquvluni iñuŋmiñ ivayaġniaqtimiñiñ. 4Sivisuuraqtuami isivġiqsi pisuŋiñŋaruq. Aglaan aquvatigun isumallaktuq inna, Qiksigiŋiḷḷuġigaunnii God naagga suliqutigiŋił̣ł̣ugich iñuich, 5pisigigiññaġlugu uuma uiḷgaŋaruam iḷaksianniŋniŋa uvamnik, ikayuġniaġiga nalaunŋaruakun ilaanun, qanuq ikayuŋisuaġupku piḷaiqsinniaġaaŋa ataramik qaiguġluni. 6Tavra Ataniq uqallaŋaruq, Isummatigisiuŋ qanuq nalaunŋaitchuaq isivġiqsim isumallautaa. 7Tainnatuttauq God isivġiiñiaqtuq pisilugich ilaan iñuksraqtaani nipauqtuat inmiñun ikayuqtaiḷiqivlutiŋ uvlukkaluami unnuamiḷu. Ikayukallaŋisauraaġniaqpagich? 8Uqallautigivsi, ilaa isivġiiñiaqtuq qilamik pisilugich iñuksraqtaani. Aglaattauq, Iġñiŋa iñuum qaikpan nunamun, qanutun iñugiaktigiruat ukpiġutiqaġniaqpat aŋaiyyuuqtuagulutiglu?
Uuktuun Pharisee-kun Tax-iliqirikullu
9Jesus quliaqtuavsaaŋammiuq uumiŋa uuktuunmik iñuŋnun nalupqisuŋitchuanun nalaunŋanivḷutiŋ aasii suuŋiḷaqsruqługich allat iñuich. 10Malġuk iññuk aŋaiyyuvikpaŋmuŋaruk aŋaiyyuyaqtuqłutik. Igḷua Pharisee aasii igḷua tax-iñik katitchiri. 11Pharisee makitavluni aŋaiyyuŋaruq inna, God, quyanaaġikpiñ iñuusiqaŋiññama allatun iñuktitun, piḷḷaturuatun, pitqiksiġaqtitun, allatuqtitun, naaggaunnii uumatun tax-iñik katitchiritun. 12Niġiḷaitchuuruŋa aŋaiyyuuġnimni malġuiqsuaqługu savaiññaak akunġak. Aitchuisuummiuŋa quliŋŋuġutiŋiññik supayaat piġġaktaaġma. 13Tavrali tax-iñik katitchiri, makitavluni taavanisaaq, aaġluqsausiiñŋaruq unnii qiḷaŋmun, aglaan patiksiññaqługu satqani aŋaiyyuŋaruq inna, God nagligiŋŋa uvaŋa piḷuusiqiri. 14#Mt 23.12; Lk 14.11.Tavra Jesus uqallaŋaruq, Uqallautigivsi, taamna tax-iñik katitchiri airuq nalaunŋasivḷuni God-mun igḷumiñiñ, qanuq kiñaliqaa kamanaqsiḷiqtuaq inmiñik kamanaiqsauniaqtuq, suli iñuk kamasaaŋitchuaq inmiñi kamanaqsipkaqtauniaqtuq.
Jesus Aŋaiyyutigai Miqłiqtuurat
(Matthew 19.13-15; Mark 10.13-16)
15Tavrani iñuich iḷaŋisa qaġġisiŋagaich miqłiqtuuratiŋ Jesus-mun, aksiuquvlugich ilaanun. Tavra iḷitchitqurat tautukamisigik, suaŋagaich iñuich. 16Tavra Jesus qaitquŋagai miqłiqtut inmiñun, uqallakłuni, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai. 17Iḷumun uqallautigivsi, Kialiqaa ukpiġiŋitpagu God miqłiqtuuram ukpiqsrausiatun, isiġumiñaitchuq God-im atanniqsimavianun.
Suġalliruaq Iñuk
(Matthew 19.16-30; Mark 10.17-31)
18Tavra Jew-guruat umialiŋnaŋata apiġiŋagaa Jesus, Iḷisaurrigiksuatiin, sumik piñiaqpik isuitchuamik iñuggutinnagugluŋa? 19Jesus kiuŋagaa, Summan taiviŋa nakuuruamik. Nakuuruagitchuq iñuŋmik God kisimi. 20#Ex 20.14; Dt 5.18; Ex 20.13; Dt 5.17; Ex 20.15; Dt 5.19; Ex 20.16; Dt 5.20; Ex 20.12; Dt 5.16.Iḷisimagitin Pitqurat, Allatuġnak, Iñuaġnak, Tiglignak, Saglutiginniŋnak, Suuŋiḷaġinagik aapallu aakallu. 21Tavra umialiŋnam kiuŋagaa, Tamatkua iluqaisa kamagiŋagitka nutaġaunnamniñ. 22Tavra Jesus taamna tusaakamiuŋ, ilaan uqallautiŋagaa, Atautchimik piraksraqavsaaqtutin suli. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin maliŋŋa. 23Tavra taamna tusaakamiuŋ ipiqtutchaŋaruq, qanuq suġalliqpaktuaguvluni.
24Jesus qiviaqługu ilaa uqallaŋaruq, Qanutun siġḷiġnaqtigiva tamatkunuŋa suġalliruanun isiġniaġniksraq God-im atanniqsimavianun. 25Siġḷiġnaił̣haaqtuq pikukturuaq kakakti iraaguaġumi mitqutim, suġalliruam isiġniaġniksraŋaniñ God-im atanniqsimavianun. 26Iñuich tusaaruat taavrumiŋa uqallaŋarut, Kiñami annaurrauniaġniqpa? 27Tavrani Jesus kiuŋagai, Suna iñuich piyumiñaisaŋat God-im piḷḷagaa.
28Tavra Peter uqallaŋaruq, Uvva, uvagut qimaŋagivut aimaaġvivut maliġuaġuqłutin. 29Tavrali Jesus uqallautiŋagai, Iḷumun uqallautigivsi, Iñuk kiñaliqaa qimairuaq aimaaġviŋmiñik, naagga nuliamiñik naagga aniqatiimiñik naagga aŋayuqaamiñik naagga miqłiqtumiñik, pisigivlugu God-im atanniqsimmataa, 30aitchuusiaqaġniaqtuq iñugiaksił̣haasugruglugich paŋmapaŋmi, suli taimanigu iñuggutinnagniaqtuq isuitchuamik.
Jesus Piŋatchiġik Uqaġniŋni Tuqqunmigun
(Matthew 20.17-19; Mark 10.32-34)
31Tavra asivaqtaaġutivlugich qulit malġuk iḷitchitqurat, Jesus uqallautiŋagai, Uvva, Jerusalem-muksaaqsirugut, aasii supayaat uqaqtiŋisa God-im aglaaġiŋaraŋich Iġñiŋagun iñuum nalautitauniaqtut. 32Tavra ilaa aitchuutauniaqtuq Jew-guŋitchuanun, suli kipaginiaġaat kanŋunaqsipiaġlugu aŋalataġilugu tivvuaqtuġlugulu. 33Ipiġaqtuġniaġaat suli tuqullugu, aasii uvluk piŋayuaŋni ilaa aŋiñiaqtuq. 34Tavra iḷitchitqurat kaŋiqsiŋaitkaich nalliat unnii tamatkua uqaluich, taamna uqaluk kaŋiqsiŋaitkaat sumik sivuniqaqtilaaŋa, puttuqsriŋiḷḷakkaat sumik Jesus uqautiqaqtilaaŋanik.
Jesus Iłuaqsigaa Ayauŋaruaq Piatchiaqtaqti
(Matthew 20.29-34; Mark 10.46-52)
35Tavra Jesus qallimmiuġlu Jericho-mun, ayauŋaruaq aquppiŋaruq apqutit saniġaanni piatchiaqtaqłuni. 36Tavra tusaavlugich iñusalaich tamaunnaaqtuat, ilaa apiqsriŋaruq summagaisa. 37Ilaisa uqallautiŋagaat, Jesus Nazareth-miu tamaunnaaqtuq. 38Tavra ilaa nipaalaŋaruq, Jesus, Iġñiġuruatiin David-mun, nagligiŋŋa. 39Tavra tamatkua salliuruat suaŋagaat, uqallautivlugu nipaisaaquvlugu. Tavra ilaa nipattuvsaaqsiññaŋaruq, Iġñiġuruatiin David-mun, nagligiŋŋa. 40Tavra Jesus nutqaŋaruq, aasii piraksriivḷuni qaġġisitquvlugu inmiñun. Tavra qallimman Jesus apiġiŋagaa, 41Sumik pisitquvich uvamnun. Ilaa uqallaŋaruq, Ataniiq, tautuksiḷḷasisuktuŋa. 42Tavra Jesus uqallautiŋagaa, Tautuksiḷḷasiiñ, ukpiġurvich iłuaqsipkaġaatin. 43Tavra tavrauvvaa ilaa tautullasiŋaruq aasii Jesus malikługu, nanġaqługu God. Tavra iluqaġmiŋ iñuich tautukamirruŋ, God nanġaŋagaat.
Currently Selected:
Luke 18: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
Luke 18
18
Uuktuun Uiḷgaŋaruakun Isivġiqsikullu
1Tavra Jesus quliaqtuaġutiŋagai uumiŋa uuktuunmik, iḷisautisaqługich ataramik aŋaiyyuruksraunivḷugich nikatchalaiḷḷutiŋ. 2Ilaa uqallaŋaruq, Iniqpaŋmi isivġiqsiqaŋaruq qiksiksrautaitchuamik God-mun naaggaunnii suliqutiksraaqtuaŋitchuamik iñuŋnik. 3Tavra inŋaruq uiḷgaŋaruaq taavrumani iniqpaŋmi ullaaġautiruaq isivġiqsimun nalaunŋaruakun ikayuquvluni iñuŋmiñ ivayaġniaqtimiñiñ. 4Sivisuuraqtuami isivġiqsi pisuŋiñŋaruq. Aglaan aquvatigun isumallaktuq inna, Qiksigiŋiḷḷuġigaunnii God naagga suliqutigiŋił̣ł̣ugich iñuich, 5pisigigiññaġlugu uuma uiḷgaŋaruam iḷaksianniŋniŋa uvamnik, ikayuġniaġiga nalaunŋaruakun ilaanun, qanuq ikayuŋisuaġupku piḷaiqsinniaġaaŋa ataramik qaiguġluni. 6Tavra Ataniq uqallaŋaruq, Isummatigisiuŋ qanuq nalaunŋaitchuaq isivġiqsim isumallautaa. 7Tainnatuttauq God isivġiiñiaqtuq pisilugich ilaan iñuksraqtaani nipauqtuat inmiñun ikayuqtaiḷiqivlutiŋ uvlukkaluami unnuamiḷu. Ikayukallaŋisauraaġniaqpagich? 8Uqallautigivsi, ilaa isivġiiñiaqtuq qilamik pisilugich iñuksraqtaani. Aglaattauq, Iġñiŋa iñuum qaikpan nunamun, qanutun iñugiaktigiruat ukpiġutiqaġniaqpat aŋaiyyuuqtuagulutiglu?
Uuktuun Pharisee-kun Tax-iliqirikullu
9Jesus quliaqtuavsaaŋammiuq uumiŋa uuktuunmik iñuŋnun nalupqisuŋitchuanun nalaunŋanivḷutiŋ aasii suuŋiḷaqsruqługich allat iñuich. 10Malġuk iññuk aŋaiyyuvikpaŋmuŋaruk aŋaiyyuyaqtuqłutik. Igḷua Pharisee aasii igḷua tax-iñik katitchiri. 11Pharisee makitavluni aŋaiyyuŋaruq inna, God, quyanaaġikpiñ iñuusiqaŋiññama allatun iñuktitun, piḷḷaturuatun, pitqiksiġaqtitun, allatuqtitun, naaggaunnii uumatun tax-iñik katitchiritun. 12Niġiḷaitchuuruŋa aŋaiyyuuġnimni malġuiqsuaqługu savaiññaak akunġak. Aitchuisuummiuŋa quliŋŋuġutiŋiññik supayaat piġġaktaaġma. 13Tavrali tax-iñik katitchiri, makitavluni taavanisaaq, aaġluqsausiiñŋaruq unnii qiḷaŋmun, aglaan patiksiññaqługu satqani aŋaiyyuŋaruq inna, God nagligiŋŋa uvaŋa piḷuusiqiri. 14#Mt 23.12; Lk 14.11.Tavra Jesus uqallaŋaruq, Uqallautigivsi, taamna tax-iñik katitchiri airuq nalaunŋasivḷuni God-mun igḷumiñiñ, qanuq kiñaliqaa kamanaqsiḷiqtuaq inmiñik kamanaiqsauniaqtuq, suli iñuk kamasaaŋitchuaq inmiñi kamanaqsipkaqtauniaqtuq.
Jesus Aŋaiyyutigai Miqłiqtuurat
(Matthew 19.13-15; Mark 10.13-16)
15Tavrani iñuich iḷaŋisa qaġġisiŋagaich miqłiqtuuratiŋ Jesus-mun, aksiuquvlugich ilaanun. Tavra iḷitchitqurat tautukamisigik, suaŋagaich iñuich. 16Tavra Jesus qaitquŋagai miqłiqtut inmiñun, uqallakłuni, Miqłiqtuurat qaipkaqsigik uvamnun, suli pitquŋiññagich. Tainnaiḷiŋaruat God-im atanniqsimagai. 17Iḷumun uqallautigivsi, Kialiqaa ukpiġiŋitpagu God miqłiqtuuram ukpiqsrausiatun, isiġumiñaitchuq God-im atanniqsimavianun.
Suġalliruaq Iñuk
(Matthew 19.16-30; Mark 10.17-31)
18Tavra Jew-guruat umialiŋnaŋata apiġiŋagaa Jesus, Iḷisaurrigiksuatiin, sumik piñiaqpik isuitchuamik iñuggutinnagugluŋa? 19Jesus kiuŋagaa, Summan taiviŋa nakuuruamik. Nakuuruagitchuq iñuŋmik God kisimi. 20#Ex 20.14; Dt 5.18; Ex 20.13; Dt 5.17; Ex 20.15; Dt 5.19; Ex 20.16; Dt 5.20; Ex 20.12; Dt 5.16.Iḷisimagitin Pitqurat, Allatuġnak, Iñuaġnak, Tiglignak, Saglutiginniŋnak, Suuŋiḷaġinagik aapallu aakallu. 21Tavra umialiŋnam kiuŋagaa, Tamatkua iluqaisa kamagiŋagitka nutaġaunnamniñ. 22Tavra Jesus taamna tusaakamiuŋ, ilaan uqallautiŋagaa, Atautchimik piraksraqavsaaqtutin suli. Aullaġiñ, tunikkich supayaat pisin, aasii aitchuutigilugich maniich iḷiappauruanun, tavra piiḷḷiuġniaŋitchutin qiḷaŋmi. Aasii qaiḷutin maliŋŋa. 23Tavra taamna tusaakamiuŋ ipiqtutchaŋaruq, qanuq suġalliqpaktuaguvluni.
24Jesus qiviaqługu ilaa uqallaŋaruq, Qanutun siġḷiġnaqtigiva tamatkunuŋa suġalliruanun isiġniaġniksraq God-im atanniqsimavianun. 25Siġḷiġnaił̣haaqtuq pikukturuaq kakakti iraaguaġumi mitqutim, suġalliruam isiġniaġniksraŋaniñ God-im atanniqsimavianun. 26Iñuich tusaaruat taavrumiŋa uqallaŋarut, Kiñami annaurrauniaġniqpa? 27Tavrani Jesus kiuŋagai, Suna iñuich piyumiñaisaŋat God-im piḷḷagaa.
28Tavra Peter uqallaŋaruq, Uvva, uvagut qimaŋagivut aimaaġvivut maliġuaġuqłutin. 29Tavrali Jesus uqallautiŋagai, Iḷumun uqallautigivsi, Iñuk kiñaliqaa qimairuaq aimaaġviŋmiñik, naagga nuliamiñik naagga aniqatiimiñik naagga aŋayuqaamiñik naagga miqłiqtumiñik, pisigivlugu God-im atanniqsimmataa, 30aitchuusiaqaġniaqtuq iñugiaksił̣haasugruglugich paŋmapaŋmi, suli taimanigu iñuggutinnagniaqtuq isuitchuamik.
Jesus Piŋatchiġik Uqaġniŋni Tuqqunmigun
(Matthew 20.17-19; Mark 10.32-34)
31Tavra asivaqtaaġutivlugich qulit malġuk iḷitchitqurat, Jesus uqallautiŋagai, Uvva, Jerusalem-muksaaqsirugut, aasii supayaat uqaqtiŋisa God-im aglaaġiŋaraŋich Iġñiŋagun iñuum nalautitauniaqtut. 32Tavra ilaa aitchuutauniaqtuq Jew-guŋitchuanun, suli kipaginiaġaat kanŋunaqsipiaġlugu aŋalataġilugu tivvuaqtuġlugulu. 33Ipiġaqtuġniaġaat suli tuqullugu, aasii uvluk piŋayuaŋni ilaa aŋiñiaqtuq. 34Tavra iḷitchitqurat kaŋiqsiŋaitkaich nalliat unnii tamatkua uqaluich, taamna uqaluk kaŋiqsiŋaitkaat sumik sivuniqaqtilaaŋa, puttuqsriŋiḷḷakkaat sumik Jesus uqautiqaqtilaaŋanik.
Jesus Iłuaqsigaa Ayauŋaruaq Piatchiaqtaqti
(Matthew 20.29-34; Mark 10.46-52)
35Tavra Jesus qallimmiuġlu Jericho-mun, ayauŋaruaq aquppiŋaruq apqutit saniġaanni piatchiaqtaqłuni. 36Tavra tusaavlugich iñusalaich tamaunnaaqtuat, ilaa apiqsriŋaruq summagaisa. 37Ilaisa uqallautiŋagaat, Jesus Nazareth-miu tamaunnaaqtuq. 38Tavra ilaa nipaalaŋaruq, Jesus, Iġñiġuruatiin David-mun, nagligiŋŋa. 39Tavra tamatkua salliuruat suaŋagaat, uqallautivlugu nipaisaaquvlugu. Tavra ilaa nipattuvsaaqsiññaŋaruq, Iġñiġuruatiin David-mun, nagligiŋŋa. 40Tavra Jesus nutqaŋaruq, aasii piraksriivḷuni qaġġisitquvlugu inmiñun. Tavra qallimman Jesus apiġiŋagaa, 41Sumik pisitquvich uvamnun. Ilaa uqallaŋaruq, Ataniiq, tautuksiḷḷasisuktuŋa. 42Tavra Jesus uqallautiŋagaa, Tautuksiḷḷasiiñ, ukpiġurvich iłuaqsipkaġaatin. 43Tavra tavrauvvaa ilaa tautullasiŋaruq aasii Jesus malikługu, nanġaqługu God. Tavra iluqaġmiŋ iñuich tautukamirruŋ, God nanġaŋagaat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)