Wambeela 20
20
Abarahamu ni Abimileki
1Abarahamu ahitama ayaaga oNegevi, wewo wamagiliiye vaari ni vaari va Kadexi ni Xuri. Ahikaraateya oGerari, 2Abarahamu ahimwiirela mwihiyanaaye okala murogoriye. Abimileki, mwene a oGerari, ahimuthukula Saara wi akale mwihiyanaaye.#20.2 Abarahamu ahiwelela oratha mwaha wowoova. Aatene hiyo soofuneya nisuuze omuroromela Mulugu mwa makalelo oliye yinniiyena voofuna oniing'anela. Naari mwene Abimileki ahinona wi oratha kahuwo wapama. Ofiyedha peeno ninorathave wona Abarahamu voohumuroromela Mulugu. 3Mahiyu mamohi, Mulugu ahiyooneyiha wa Abimileki ole moorohani, wiira: <<Onookwa vowi ohumuthukula mwihiyana ooteliweene>>.#20.3 Mulugu ahimuthongela okwa mulobwana oyene onamuthukula mwihiyana a mwiinya. 4Mbwenye Abimileki kaamugonilena, vevale ahimwaakulaga, wiira: <<Nyoovo, Nabwiya aaga, muneere ompa muthu ahithegile yego? 5Abarahamu dagaaddele wi Saara di murogoriye, teto Saara ahiwoga ndo. Mwaha olena, ebaribari giirilena gihinonaga>>.
6Mulugu ahimwaakulaga moorohani, wiira: <<Miyo gihinona wi ebaribari wiirilena ohunonaga. Fi veva guukooddihiliimi ogonana oliye wi ohugithegele. 7Omveleele mwihiyana oyo wa mamune. Oliye namavuhulela, onoodha oolobelele wa miyo wi ohukwe. Mbwenye waahimuwelihedha mamune, onone wi onookwa ebaribareene, we ni aatene a vaade vaawo>>.
8Bebeheene Abimileki ahawiithanaga anamalaga aaye oororomeleya aatene, wawaaddela eyene yamwiireyele. Vevale aatene yahidhaaliwa woova.
9Abimileki ahimwiithanihaga Abarahamu, wiira: <<Eniireliiwe ela ddi? Guupahulele ddi wi ogidheelena yoothega yuulubale miyo ni athu aaga? Eyene egiireliiwe kineereyege>>. 10Abimileki ahimukohaga teto, wiira: <<Wiirele ddi yego yowindala?>> 11Abarahamu ahimwaakulaga, wiira: <<Sowi goobuwelela wi athu a elabo ela kinamoova Mulugu. Ndala yoogipa mwaha wa mwihiyanaaga. 12Ebaribareene ola di murogoraga vowi mwaana a ababa. Mbwenye kahuwo mwaana amma, ndala gihimutela. 13Mulugu agivenyihaga wa addibilaga miyo gahiwogaga ni mwihiyanaaga, wiira: <Ginowuuloba ogirumeedhe wi mwaatemwene muneeriihu niviregemo, owogege wi oli murogoraga> >>.
14Abimileki ahimvahaga Abarahamu mabila, ng'ombe, ni adhaari anaalobwana ni anaahiyana, vano ahimuwelihedhaga mwihiyanaaye Saara. 15Ahiwogaga ni Abarahamu, wiira: <<Elabo ela saaga, vinafuniiwe omagavo, omagevo>>. 16Vano ahiwogaga ni Saara, wiira: <<Gihimvaha murogoriyo korowa dha parata okwaranya kilu kumi ni emohi wi gawoonihedhe athu aawo aatene wi kawinna mwaha ni miyo, ahikalevo onowiinkedhe>>.
17Abarahamu ahimulobelelaga Abimileki wa Mulugu, vevale Mulugu ahimuyiliha Abimileki, mwihiyanaaye ni adhaari aaye anaahiyana, vano yahambeela obala. 18Sowi Nabwiya ahaafuga ahiyana aatene a vaade va Abimileki kayabala, va mwaha wa eyene yeereyile ni Saara.
Currently Selected:
Wambeela 20: tke
Highlight
Share
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
