Yohaana 10
10
Omuriisa omurungi
1Buzimazima nimbagambira nti: Orikutaaha omu itsibikiro ry'entaama atareetsirwe mu irembo, kureka akatembera ahandi, ogwo n'omushuma kandi omwambuzi; 2kwonka orikureetwa omu irembo niwe muriisa w'entaama. 3We omurinzi w'eirembo amwiguriraho; n'entaama zijurira eiraka rye, ayetamu eze amaziina, azishohoza aheeru. 4Ku aheza kushohoza eze zoona, azeebembera, nazo zimukuratira; ahakuba zimanya eiraka rye. 5Ou zitarikumanya tizimukuratira, zimuhunga; ahakuba tizirikumanya maraka g'abandi. 6#Yoh 16:25. Yesu akabacwera enfumu egyo, kwonka tibaamanya bi yaabaire naabagambira.
7 #
Zab 118:20; Mat 7:13, 14. Yesu yaagaruka yaabagira ati: Buzimazima nimbagambira nti: Niinye irembo ry'entaama. 8#Yer 23:1, 2. Abambandiize boona bakaba bari abashuma kandi abambuzi, n'entaama tizirabahuriire. 9Niinye irembo; omuntu weena orikutaaha naaraba omuriinye, naajunwa; naataaha, naashohora, naabona eiriisizo. 10Omushuma tareetwa kindi kureka okwiba n'okwita n'okucwekyereza; nyowe nkaija ngu zigire amagara, kandi ngu zigire maingi munonga. 11#Zab 23:1. Niinye muriisa omurungi. Omuriisa omurungi ahayo amagara ge ahabw'entaama ze. 12#Isa 40:11; Ezk 34:11-23; Byak 20:29. Oriisiza ebihembo, atari muriisa buzima, kandi n'entaama zitari ze, ku areeba omushega nigwija, atsigaho entaama, ahunga; omushenga guzishahuramu, ezindi guzitaataanisa. 13Naahunga, ahabw'okuba n'oguriirwe, entaama tarikuzeetaho. 14#2 Tim 2:19. Niinye muriisa omurungi; nimmanya ezangye, kandi n'ezangye nizimmanya; 15nk'oku Tata arikummanya, naanye nkamanya Tata; kandi mpayo amagara gangye ahabw'ezo ntaama. 16#1 Pet 2:25. Nyine entaama ezindi, ezitari z'omu itsibikiro eri; nazo nshemereire kuzireeta, zihurire eiraka ryangye, zibe obusyo bumwe, n'omuriisa abe omwe. 17#Fil 2:8, 9. Tata nikyo ankundira, ahabw'okuba mpayo amagara gangye, ngu mbone kugeegarurira. 18#Yoh 19:11. Tihariho orikugaanyaka, ningahayo ahabwangye. Nyine obushoboorozi bw'okugahayo, kandi n'obw'okugeegarurira. Ekiragiro eki nkakiheebwa Tata.
19Kandi Abayudaaya baagaruka kwebaganisamu ahabw'ebigambo ebyo. 20Baingi aharibo baagira bati: Ariho daimoni, agwire eiraro; nimumuhuririra ki? 21Abandi bati: Ebigambo ebi ti by'omuntu oriho daimoni. Nimugira ngu daimoni naabaasa kuhumuura amaisho g'empumi?
Yesu okuhamya ku aba omwe na Ishe
22Obwo bukaba buri obugyenyi #10:22 Nikwo kweza hekalu, obu yaabaire esiisikaire omu ngamba z'aba Maccabees n'Omugabe Antiochus Epiphanes. bw'Okweza hekalu omuri Yerusaalemu; 23ebiro ebyo bikaba biri eby'embeho. Yesu yaagyendagyenda omuri hekalu omu kisasi kya Sulemaani. 24Abayudaaya baamwehinguririza, baamubuuza bati: Oryahitsya hi okutubanganisisa? Ku oraabe ori Kristo, otugambirire kimwe. 25Yesu yaabagarukamu ati: Nkabagambira, kwonka timurikwikiriza. Emirimo ei ndikukora omu iziina rya Tata, niyo erikumpamya; 26kwonka timurikwikiriza, ahakuba timuri b'omu ntaama zangye. 27Entaama zangye zihurira eiraka ryangye, naanye nzimanya, nazo zinkuratira; 28#Yoh 17:2; 18:9. nziha amagara agatahwaho, tizirikhwerekyerera ebiro byona, kandi tihaine orizishahura omu mikono yangye. 29Tata, owaazimpaire, naakira boona, kandi tihaine orikubaasa kuzishahura mu mikono ye. 30Nyowe na Tata tuba omwe.
31 #
Yoh 8:59. Abayudaaya baagaruka baatorotoora amabaare kugamuteera. 32Yaabagarukamu ati: Nkabooreka emirimo mingi kandi mirungi eyaarugire ahari Tata; ni guuha omuriiyo ogurikubanteeresa amabaare? 33#Mat 26:65. Abayudaaya baamugarukamu bati: Titurikukuteera mabaare ahabw'omurimo murungi, kureka ahabw'okurogota, okeegira Ruhanga, haza kunu ori omuntu. 34#Zab 82:6. Yesu yaabagarukamu ati: Tikirahandiikirwe omu biragiro byanyu ngu, Nkagira nti: Muri baaruhanga? 35Abo abaziirwe ekigambo kya Ruhanga, ku araabe yaabeetsire baaruhanga, (kandi Ebyahandiikirwe tibibaasa kwihwaho,) 36#Yoh 5:17-20. ogwo Isheboona ou yaayerize akatuma omu nsi, mumubarira okurogota, ahabw'okuba ngizire nti, Ndi Omwana wa Ruhanga? 37Ku ndaabe ntakora mirimo ya Tata, murekye kuunyikiriza; 38kwonka ku ndaabe ngikora, n'obu muraabe mutarikuunyikiriza, mwikirize emirimo, obwo mukaashoborokyerwa, mumanya ku Tata ari omuriinye, naanye omuriwe. 39Baateeraho kugaruka kumukwata, yaabooga omu mikono.
40Yaagaruka yaayambuka Yorudani, ahu Yohaana yaabaire naabatiriza okubanza, yaagumayo. 41Baingi baija ah'ari; baagira bati: Yohaana tarakozire ky'okureeberaho, kwonka byona ebi yaagambire aha muntu ogu bikaba biri eby'amazima. 42Baingi baamwikiririza okwo.
Currently Selected:
Yohaana 10: RR64
Highlight
Share
Copy
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
