Gen 38
38
Yuda ni Tamala
1Ndaŵi jelejo Yuda ŵatyosile kwaleka acakulugwe ni ŵajile kutama ni mundu jwine lina lyakwe Hila, jwa ku msinda wa Adulamu. 2Kweleko, Yuda ŵam'weni, mwali jwine jwa ku Kenani, mwanace jwa Shuwa, ni ŵamlombile. 3Jwamkongwe jula ŵakwete cilu ni ŵaŵelece mwanace jwamlume, nipo Yuda ŵampele mwanacejo lina lyakwe Ele. 4Ŵakwete soni cilu cine ni ŵaŵelece mwanace jwamlume, ni ŵampele mwanacejo lina lyakwe Onani. 5Ŵaŵelece soni jwine mwanace jwamlume juŵampele lina lyakwe Shela. Yuda ŵaliji ali ku Kesibu piŵapagwaga mwanacejo.
6Yuda ŵamjigalile Ele mwanagwe jwandanda kupagwa jula jwamkongwe jwakuti alombele, lina lya jwamkongwejo lyaliji Tamala. 7Nambo ndamo ja Ele mwanace jwandanda jwa Yuda, nganijanonyela AMBUJE* nipo AMBUJE ŵamwuleje Elejo. 8Yuda ni ŵatite Onani, “Mwalombe alambenu, ŵamkwawo malemu akulu ŵenu, kuti akuluŵenuwo nombe nawo akole ŵanace kutyocela mwa m'mwejo.” 9Nambo Onani ŵamanyilile kuti, ŵanacewo ngisaŵa ŵakwe, myoyo ndaŵi jiŵagonile ni alambawo ŵala ŵaliji mkwasila pasi mbeju jawo kuti akasamŵelecela ŵanace mkulugwawo jula. 10Yele yiŵatendagayo AMBUJE nginiyanonyela, myoyo AMBUJE ŵamwuleje soni jwalakwejo. 11Yuda nipo ŵamsalile Tamala mkwegwe gwawo jula kuti, “Mwujile kwa baba ŵenu, ni mkasimja kulombedwa mpaka Shela mwanangu ali akusile.” Yuda ŵaŵecete yeleyi ligongo ŵaliji mkogopa kuti ni mkaŵa Shela kuwa soni mpela acakulugwe ŵala. Myoyo Tamala ŵawujile ku nyumba ja babagwe.
12Pali papite ndaŵi, ŵamkwawo Yuda, ŵawile. Ali amasile kulila malilo, Yuda pamo ni mjakwe Hila jwa ku Adulamu ŵajile ku Timuna kuŵaliji ŵamasengo ŵakwe ŵakukata manyunya ga ngondolo. 13Nipo Tamala piŵapikene kuti akwegwe ŵawo akuja ku Timuna kuja kusikata manyunya ngondolo syawo, 14ŵawusile yakuwala yakusawala jwamkongwe jwam'wilwe yiŵawete ni kuliwunicila ngope jawo ni nguwo. Ni ŵajile kutama pa cipata ca mu msinda ŵa Enayimu uwuli mungulugulu litala lyakuja ku Timuna. Ŵatesile yeleyi ligongo ŵayiweni kuti Shela akusile nambo nginakunda kuti amlombe Tamala.
15Yuda piŵam'weni, ŵaganisisye kuti ŵaliji jwamkongwe jwalilama ligongo ŵaliwunicile ngope jakwe. 16Ni ŵajile piŵaliji jwamkongwe jula ni mkumsalila kuti, “Ana timungunde kuti mgone ni une?” Yuda nginam'manyilila kuti ŵaliji mkwegwe gwawo jula.
Jwamkongwejo ni ŵamwusisye Yuda kuti, “Ana timumbe cici?”
17Jwalakwe ŵajanjile kuti, “Tinimtumicisye mbusi jajinondi kutyocela mwicinga mwangu.”
Tamala ŵajanjile kuti, “Cambone, une tinjiticisye naga mkumba une cindu cakuti ngamulile, mpaka patimcindumicisya mwanace jwa mbusijo?”
18Yuda ŵamwusisye kuti, “Nampe cici cakuti mkamulile?” Jwalakwe ŵajanjile kuti, “Mumbe mbete jenu pamo ni lamba jwenu, kwisa soni simbo jakwendela jili myala mwenuji.” Yuda ni ŵapelece yindu yila nipo ŵagonile najo jwamkongwe jula, ni ŵampele citumbo. 19Tamala ŵanyakwice ni kuwujila kumangwawo. Ŵawusile nguwo jiŵaliwunicile najo kumeso jila, ni kuwala yakuwala yakulosya kuwilwa yila.
20Panyuma pakwe Yuda ŵamtumile m'mbusanga jwakwe jwa ku Adulamu kuja kupeleka mbusi jila, kuti jwamkongwe jula akamwucisye yindu yiŵakamulile yila. Nambo m'mbusanga jwawo jula nginaja kumsimana jwamkongwejo, ŵamsimene pali pangali. 21Ŵawusisye ŵandu ŵakweleko kuti, “Ana jwamkongwe jwalilama jwakusatama apano, mungulugulu litala lya kwawula ku Enayimu jula ali kwapi?”
Ŵandu ŵala ŵajanjile kuti, “Citandilile nganatameje jwamkongwe jwalilama pa malo gelego.”
22Myoyo mundu jula ŵawujile kuŵaliji Yuda kula ni kuja kumsalila kuti, “Jwamkongwe jula ngininamsimana, nambo soni ŵandu ŵakweleko asalile kuti, ‘Citandilile nganatameje jwamkongwe jwalilama pa malo gelego.’ ”
23Nipo Yuda ŵatite kuti, “Kwende tumlece ajigale yinduyo yiŵe yakwe, nimkaŵa ŵandu kutuseka. Une natumisye mbusiji kwa jwamkongwejo, nambo m'mwejo nganimumsimana.”
24Pali papite miesi jitatu, Yuda ŵapikene kuti Tamala mkwegwe gwawo jula ŵatesile cikululu, nipo akwete cilu.
Yuda ni ŵalamwile kuti akamkoposye jwamkongwejo nipo amjoce moto kuti awe.
25Pa ndaŵi jiŵamkoposyaga, jwamkongwejo ŵatumisye maloŵe kwa Yuda mkwegwawo kuti, “Msyene ayi yinduyi ni jwambele une citumbo. Conde myilolecesye yinduyi, kuti mum'manyilile msyene mbeteji, lambaju ni simboji.”
26Yuda ŵayimanyilile yindu yila, ni ŵatite kuti, “Jwamkongweju akuŵeceta yakuwona. Junalemwisye ni une pangampeleka kwa Shela mwanangu kuti alombele.” Nipo Yuda nganagona najo soni Tamala kutandila lisiku lyelelyo.
27Pijakwanile ndaŵi jakuti Tamala akole mwanace, yasimanice kuti takole 28Nipo pa ndaŵi jakupagwa ŵanace, jumo ŵakopwesye mkono wakwe nipo ŵiŵamkamucisyaga pakuŵelekako, ŵawutaŵile mkono wula lukonji lwecejewu acitiji, “Aju ni mwanace jwandanda kupagwa.” 29Nambo mwanace jula ŵawucisye mkati mkono wula, nipo mjakwe jwinejo ni juŵatandite kupagwa. Jwakukamucisya kuŵeleka jula ni ŵatite, “Ana mtenda kuliwugulila jika litala camtundu welewu!” Myoyo ni ŵampele lina lyakwe Pelesi. 30Kaneko mkulugwe jula ŵapagwile lukonji lwecejewu lula luli pa mkono wakwe, nipo ŵampele lina lyakwe Sela.
Currently Selected:
Gen 38: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
Gen 38
38
Yuda ni Tamala
1Ndaŵi jelejo Yuda ŵatyosile kwaleka acakulugwe ni ŵajile kutama ni mundu jwine lina lyakwe Hila, jwa ku msinda wa Adulamu. 2Kweleko, Yuda ŵam'weni, mwali jwine jwa ku Kenani, mwanace jwa Shuwa, ni ŵamlombile. 3Jwamkongwe jula ŵakwete cilu ni ŵaŵelece mwanace jwamlume, nipo Yuda ŵampele mwanacejo lina lyakwe Ele. 4Ŵakwete soni cilu cine ni ŵaŵelece mwanace jwamlume, ni ŵampele mwanacejo lina lyakwe Onani. 5Ŵaŵelece soni jwine mwanace jwamlume juŵampele lina lyakwe Shela. Yuda ŵaliji ali ku Kesibu piŵapagwaga mwanacejo.
6Yuda ŵamjigalile Ele mwanagwe jwandanda kupagwa jula jwamkongwe jwakuti alombele, lina lya jwamkongwejo lyaliji Tamala. 7Nambo ndamo ja Ele mwanace jwandanda jwa Yuda, nganijanonyela AMBUJE* nipo AMBUJE ŵamwuleje Elejo. 8Yuda ni ŵatite Onani, “Mwalombe alambenu, ŵamkwawo malemu akulu ŵenu, kuti akuluŵenuwo nombe nawo akole ŵanace kutyocela mwa m'mwejo.” 9Nambo Onani ŵamanyilile kuti, ŵanacewo ngisaŵa ŵakwe, myoyo ndaŵi jiŵagonile ni alambawo ŵala ŵaliji mkwasila pasi mbeju jawo kuti akasamŵelecela ŵanace mkulugwawo jula. 10Yele yiŵatendagayo AMBUJE nginiyanonyela, myoyo AMBUJE ŵamwuleje soni jwalakwejo. 11Yuda nipo ŵamsalile Tamala mkwegwe gwawo jula kuti, “Mwujile kwa baba ŵenu, ni mkasimja kulombedwa mpaka Shela mwanangu ali akusile.” Yuda ŵaŵecete yeleyi ligongo ŵaliji mkogopa kuti ni mkaŵa Shela kuwa soni mpela acakulugwe ŵala. Myoyo Tamala ŵawujile ku nyumba ja babagwe.
12Pali papite ndaŵi, ŵamkwawo Yuda, ŵawile. Ali amasile kulila malilo, Yuda pamo ni mjakwe Hila jwa ku Adulamu ŵajile ku Timuna kuŵaliji ŵamasengo ŵakwe ŵakukata manyunya ga ngondolo. 13Nipo Tamala piŵapikene kuti akwegwe ŵawo akuja ku Timuna kuja kusikata manyunya ngondolo syawo, 14ŵawusile yakuwala yakusawala jwamkongwe jwam'wilwe yiŵawete ni kuliwunicila ngope jawo ni nguwo. Ni ŵajile kutama pa cipata ca mu msinda ŵa Enayimu uwuli mungulugulu litala lyakuja ku Timuna. Ŵatesile yeleyi ligongo ŵayiweni kuti Shela akusile nambo nginakunda kuti amlombe Tamala.
15Yuda piŵam'weni, ŵaganisisye kuti ŵaliji jwamkongwe jwalilama ligongo ŵaliwunicile ngope jakwe. 16Ni ŵajile piŵaliji jwamkongwe jula ni mkumsalila kuti, “Ana timungunde kuti mgone ni une?” Yuda nginam'manyilila kuti ŵaliji mkwegwe gwawo jula.
Jwamkongwejo ni ŵamwusisye Yuda kuti, “Ana timumbe cici?”
17Jwalakwe ŵajanjile kuti, “Tinimtumicisye mbusi jajinondi kutyocela mwicinga mwangu.”
Tamala ŵajanjile kuti, “Cambone, une tinjiticisye naga mkumba une cindu cakuti ngamulile, mpaka patimcindumicisya mwanace jwa mbusijo?”
18Yuda ŵamwusisye kuti, “Nampe cici cakuti mkamulile?” Jwalakwe ŵajanjile kuti, “Mumbe mbete jenu pamo ni lamba jwenu, kwisa soni simbo jakwendela jili myala mwenuji.” Yuda ni ŵapelece yindu yila nipo ŵagonile najo jwamkongwe jula, ni ŵampele citumbo. 19Tamala ŵanyakwice ni kuwujila kumangwawo. Ŵawusile nguwo jiŵaliwunicile najo kumeso jila, ni kuwala yakuwala yakulosya kuwilwa yila.
20Panyuma pakwe Yuda ŵamtumile m'mbusanga jwakwe jwa ku Adulamu kuja kupeleka mbusi jila, kuti jwamkongwe jula akamwucisye yindu yiŵakamulile yila. Nambo m'mbusanga jwawo jula nginaja kumsimana jwamkongwejo, ŵamsimene pali pangali. 21Ŵawusisye ŵandu ŵakweleko kuti, “Ana jwamkongwe jwalilama jwakusatama apano, mungulugulu litala lya kwawula ku Enayimu jula ali kwapi?”
Ŵandu ŵala ŵajanjile kuti, “Citandilile nganatameje jwamkongwe jwalilama pa malo gelego.”
22Myoyo mundu jula ŵawujile kuŵaliji Yuda kula ni kuja kumsalila kuti, “Jwamkongwe jula ngininamsimana, nambo soni ŵandu ŵakweleko asalile kuti, ‘Citandilile nganatameje jwamkongwe jwalilama pa malo gelego.’ ”
23Nipo Yuda ŵatite kuti, “Kwende tumlece ajigale yinduyo yiŵe yakwe, nimkaŵa ŵandu kutuseka. Une natumisye mbusiji kwa jwamkongwejo, nambo m'mwejo nganimumsimana.”
24Pali papite miesi jitatu, Yuda ŵapikene kuti Tamala mkwegwe gwawo jula ŵatesile cikululu, nipo akwete cilu.
Yuda ni ŵalamwile kuti akamkoposye jwamkongwejo nipo amjoce moto kuti awe.
25Pa ndaŵi jiŵamkoposyaga, jwamkongwejo ŵatumisye maloŵe kwa Yuda mkwegwawo kuti, “Msyene ayi yinduyi ni jwambele une citumbo. Conde myilolecesye yinduyi, kuti mum'manyilile msyene mbeteji, lambaju ni simboji.”
26Yuda ŵayimanyilile yindu yila, ni ŵatite kuti, “Jwamkongweju akuŵeceta yakuwona. Junalemwisye ni une pangampeleka kwa Shela mwanangu kuti alombele.” Nipo Yuda nganagona najo soni Tamala kutandila lisiku lyelelyo.
27Pijakwanile ndaŵi jakuti Tamala akole mwanace, yasimanice kuti takole 28Nipo pa ndaŵi jakupagwa ŵanace, jumo ŵakopwesye mkono wakwe nipo ŵiŵamkamucisyaga pakuŵelekako, ŵawutaŵile mkono wula lukonji lwecejewu acitiji, “Aju ni mwanace jwandanda kupagwa.” 29Nambo mwanace jula ŵawucisye mkati mkono wula, nipo mjakwe jwinejo ni juŵatandite kupagwa. Jwakukamucisya kuŵeleka jula ni ŵatite, “Ana mtenda kuliwugulila jika litala camtundu welewu!” Myoyo ni ŵampele lina lyakwe Pelesi. 30Kaneko mkulugwe jula ŵapagwile lukonji lwecejewu lula luli pa mkono wakwe, nipo ŵampele lina lyakwe Sela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014