Gen 39
39
Yosefe ni ŵamkwawo Potifala
1Aishimaeli ŵamjigele Yosefe kuja najo ku Iguputo, ni ŵamsumisye kwa Potifala jwa mtundu wa ci Iguputo, juŵaliji nduna ja Mwenye jwa ku Iguputo soni jwamkulungwa jwa asilikali ŵakulondela nyumba ja mwenyejo. 2AMBUJE* ŵaliji ni Yosefe nipo ŵamkamucisye kuyitenda yindu yosope cenene. Ŵaliji mkutama m'nyumba ja ambuje ŵakwe ŵa ci Iguputo ŵala.#Mase 7:9 3Ambuje ŵakwe ŵala ŵayiweni kuti AMBUJE ali najo Yosefe ni kuti soni ŵayipele upile yindu yosope yiŵapanganyaga.
4Potifala ŵamnonyele Yosefe, pakumwona yiŵatiji pakutumicila cenene. Myoyo ŵamŵisile kuŵa kapitawo jwa m'nyumba mwakwe, ni soni jwamkulungwa jwakulolela cipanje cakwe cosope ca m'nyumba mwakwe. 5Kutandila lisiku liŵatandite Yosefe kulolela yindu ya yosope ya m'nyumba ja Potifalajo, AMBUJE ŵayipele upile yindu yosope ya mu Iguputojo, kutandila yindu yakwe ya m'nyumba mpaka ni ya ku migunda yakwe, ligongo lya Yosefe. 6Myoyo Potifala ŵayiŵisile yindu yosope yiŵakwete m'myala mwa Yosefe, kuti aloleleje ni kuyilamulila. Ni pangali yiŵaŵusyaga, akaŵe yakulya yiŵalyaga.
Yosefe ŵapali ni cilu cambone nipo soni ŵaliji ŵakusalala. 7Pali papite ndaŵi ŵamkwawo ambujegwe ŵatandite kumkumbila Yosefe. Nipo jwamkongwejo ŵamsalile Yosefe kuti, “Uli mgone ni une?” 8Yosefe ŵakanile, ŵamsalile kuti, “Mlole, ambuje ŵangu ngakusaganicisya kandu kalikose ka m'nyumba muno, ligongo lyakuti une ngutenda masengo gangu cenene m'nyumba muno. Ŵambisile kuŵa kapitawo jwakulolela yindu yawo yosope. 9Nipo ulamusi wa yindu yosope ya m'nyumba muno, uli m'myala mwangu, mpela mwakolele asyene. Soni pangali ciŵandekasisye une kucitendela masengo, akaŵe ŵalakwe, ligongo ali ŵamkwawo. Sambano mpaka yikombolece uli kuti une ndende cindu cangalumbana mpela celeci, ni kumlemwecesya Mlungu?” 10Atamose kuti jwamkongwejo ŵaliji mkuŵeceta maloŵe ga kumnyenga Yosefe lisiku ni lisiku, nambo Yosefe nganakunda kuti agone najo.
11Nambo lisiku line Yosefe ŵajinjile m'nyumba kuti akapanganye masengo gakwe, nipo mwaliji mwangali ŵamasengo ŵane m'nyumbamo. 12Ŵamkwawo Potifala ŵamkamwile Yosefe cakuwala cakwe ni ŵatite, “Mgone ni une basi.” Nambo ŵalikulupwile ni kutilila pasa, ŵajilesile nguwo jila myala mwa jwamkongwejo. 13Piŵayiweni kuti Yosefe alesile nguwo jakwe m'myala mwakwe ni kutilila pasa, 14ŵaŵilasile ŵamasengo ŵacalume ŵa m'nyumba mwakwe ni ŵatite, “Myiweni yindu ayi, mundu jwa Cihebeli jwayice najo ŵamkwangu ku nyumba kuno atujalwisye, ŵajinjile kucipinda cangu cagona, ni anyenjileje kuti mgone ni une. Nambo nagumisile mnope. 15Piŵakupikene kugumila kwanguko ajilesile nguwo jakwe ni une ni kutilila pasa.”
16Ŵajisalesye nguwo jila kulindilila mpaka piŵayice ambuje ŵa Yosefe ku nyumba. 17Piŵayice ambujewo, ŵamsalile soni ngani josope jene jila, kuti, “Jwakutumicila jwenu jwa mtundu wa Cihebeli jula, jumwayice najo m'nyumba munoju, ŵajinjile kucipinda cangu cagona kukundenda cipongwe. 18Nambo pinagumisile, ŵajilesile nguwo jakwe pakuŵandikana ni une ni kutilila pasa.”
19Bwana jwakwe ŵapile mtima piŵagapikene maloŵe gaŵaŵecete ŵamkwawo ga kuti, “Yeleyi ni yandendele une jwakutumicila jwenu.” 20Ndaŵi jijojo ŵamtaŵisye Yosefe, ni ŵajile kuja kumwugalila m'nyumba jiŵasunjilaga akayidi ŵa mwenye, ni ŵaliji mkutama mwelemo. 21Nambo AMBUJE ŵaliji najo Yosefe, nipo ŵampele upile, kwakuti mpaka ŵakulolela acikayidi ŵamnonyele Yosefe.#Mase 7:9 22Jwamkulungwa jwakulolela akayidi ŵamsagwile Yosefe kuŵa jwakulolela acikayidi acimjakwe, ni kulolela yitendo yosope yakutendekwa m'nyumba ja ukayidi. 23Jwamkulungwa jwa akayidi nganalolela kandu kalikose kakaliji m'myala mwa Yosefe, ligongo AMBUJE ŵaliji najo Yosefe. Pa cindu cilicose ciŵapanganyaga Yosefe, AMBUJE ŵacipaga upile.
Currently Selected:
Gen 39: YAWO
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014
Gen 39
39
Yosefe ni ŵamkwawo Potifala
1Aishimaeli ŵamjigele Yosefe kuja najo ku Iguputo, ni ŵamsumisye kwa Potifala jwa mtundu wa ci Iguputo, juŵaliji nduna ja Mwenye jwa ku Iguputo soni jwamkulungwa jwa asilikali ŵakulondela nyumba ja mwenyejo. 2AMBUJE* ŵaliji ni Yosefe nipo ŵamkamucisye kuyitenda yindu yosope cenene. Ŵaliji mkutama m'nyumba ja ambuje ŵakwe ŵa ci Iguputo ŵala.#Mase 7:9 3Ambuje ŵakwe ŵala ŵayiweni kuti AMBUJE ali najo Yosefe ni kuti soni ŵayipele upile yindu yosope yiŵapanganyaga.
4Potifala ŵamnonyele Yosefe, pakumwona yiŵatiji pakutumicila cenene. Myoyo ŵamŵisile kuŵa kapitawo jwa m'nyumba mwakwe, ni soni jwamkulungwa jwakulolela cipanje cakwe cosope ca m'nyumba mwakwe. 5Kutandila lisiku liŵatandite Yosefe kulolela yindu ya yosope ya m'nyumba ja Potifalajo, AMBUJE ŵayipele upile yindu yosope ya mu Iguputojo, kutandila yindu yakwe ya m'nyumba mpaka ni ya ku migunda yakwe, ligongo lya Yosefe. 6Myoyo Potifala ŵayiŵisile yindu yosope yiŵakwete m'myala mwa Yosefe, kuti aloleleje ni kuyilamulila. Ni pangali yiŵaŵusyaga, akaŵe yakulya yiŵalyaga.
Yosefe ŵapali ni cilu cambone nipo soni ŵaliji ŵakusalala. 7Pali papite ndaŵi ŵamkwawo ambujegwe ŵatandite kumkumbila Yosefe. Nipo jwamkongwejo ŵamsalile Yosefe kuti, “Uli mgone ni une?” 8Yosefe ŵakanile, ŵamsalile kuti, “Mlole, ambuje ŵangu ngakusaganicisya kandu kalikose ka m'nyumba muno, ligongo lyakuti une ngutenda masengo gangu cenene m'nyumba muno. Ŵambisile kuŵa kapitawo jwakulolela yindu yawo yosope. 9Nipo ulamusi wa yindu yosope ya m'nyumba muno, uli m'myala mwangu, mpela mwakolele asyene. Soni pangali ciŵandekasisye une kucitendela masengo, akaŵe ŵalakwe, ligongo ali ŵamkwawo. Sambano mpaka yikombolece uli kuti une ndende cindu cangalumbana mpela celeci, ni kumlemwecesya Mlungu?” 10Atamose kuti jwamkongwejo ŵaliji mkuŵeceta maloŵe ga kumnyenga Yosefe lisiku ni lisiku, nambo Yosefe nganakunda kuti agone najo.
11Nambo lisiku line Yosefe ŵajinjile m'nyumba kuti akapanganye masengo gakwe, nipo mwaliji mwangali ŵamasengo ŵane m'nyumbamo. 12Ŵamkwawo Potifala ŵamkamwile Yosefe cakuwala cakwe ni ŵatite, “Mgone ni une basi.” Nambo ŵalikulupwile ni kutilila pasa, ŵajilesile nguwo jila myala mwa jwamkongwejo. 13Piŵayiweni kuti Yosefe alesile nguwo jakwe m'myala mwakwe ni kutilila pasa, 14ŵaŵilasile ŵamasengo ŵacalume ŵa m'nyumba mwakwe ni ŵatite, “Myiweni yindu ayi, mundu jwa Cihebeli jwayice najo ŵamkwangu ku nyumba kuno atujalwisye, ŵajinjile kucipinda cangu cagona, ni anyenjileje kuti mgone ni une. Nambo nagumisile mnope. 15Piŵakupikene kugumila kwanguko ajilesile nguwo jakwe ni une ni kutilila pasa.”
16Ŵajisalesye nguwo jila kulindilila mpaka piŵayice ambuje ŵa Yosefe ku nyumba. 17Piŵayice ambujewo, ŵamsalile soni ngani josope jene jila, kuti, “Jwakutumicila jwenu jwa mtundu wa Cihebeli jula, jumwayice najo m'nyumba munoju, ŵajinjile kucipinda cangu cagona kukundenda cipongwe. 18Nambo pinagumisile, ŵajilesile nguwo jakwe pakuŵandikana ni une ni kutilila pasa.”
19Bwana jwakwe ŵapile mtima piŵagapikene maloŵe gaŵaŵecete ŵamkwawo ga kuti, “Yeleyi ni yandendele une jwakutumicila jwenu.” 20Ndaŵi jijojo ŵamtaŵisye Yosefe, ni ŵajile kuja kumwugalila m'nyumba jiŵasunjilaga akayidi ŵa mwenye, ni ŵaliji mkutama mwelemo. 21Nambo AMBUJE ŵaliji najo Yosefe, nipo ŵampele upile, kwakuti mpaka ŵakulolela acikayidi ŵamnonyele Yosefe.#Mase 7:9 22Jwamkulungwa jwakulolela akayidi ŵamsagwile Yosefe kuŵa jwakulolela acikayidi acimjakwe, ni kulolela yitendo yosope yakutendekwa m'nyumba ja ukayidi. 23Jwamkulungwa jwa akayidi nganalolela kandu kalikose kakaliji m'myala mwa Yosefe, ligongo AMBUJE ŵaliji najo Yosefe. Pa cindu cilicose ciŵapanganyaga Yosefe, AMBUJE ŵacipaga upile.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Chiyawo Bible: Buku Jeswela © Bible Society of Malawi, 2014