Marako 16

Iyarun ka Yesu

(Matayo 28.1-8; Luka 24.1-12; Yokana 20.1-10)

1Di Ceng Sabato okato, Maria Magadalina, Salume kede Maria toto me Yakobo oko wilo mo angwe kur pi ot wiro kede kom Yesu. 2Ceng Sande odiko sek di ceng otieko wok, gin kiko ot i ates. 3Oudo kipenyere ken gi ken gi be, “Ngai kame bino loro ne wa kidi tenge ki dog ates?” 4Kiko tingo wang gi malo di kiko neno be oudo kotieko loro kidi nono tenge; kidi nono oudo dwong adikinicel. 5Kakame kidonyo kede i ates, kiko neno awobi moro di bedo i bad tetu cam, oudo engapo ekanso atar, lworo oko mako gi.

6En eko waco ne gi be, “Kur ibedunu kede lworo, ango angeo be wun itienu mono Yesu me Nasaret, kame oudo koguro i kom musalaba. Do en eli ki kan, en etieko yaruno, nenunu kakame oudo kopiele iye ine. 7#Matayo 26.32; Marako 14.28Nan otunu iwacenu Petero kede josiao icegun be, en eyaro cako ot ne wu Galilaya; ibinunu nene ki kuno bala kite kame oudo ewaco ne wu kede.”

8Kikano gin kiko wok ooko ki ates kiko ringo pien oudo kom gi tie miel, doko lworo adwong oudo omako gi; di likame kiko waco ne ngatamoro kop nono, pien oudo kitie kede lworo.

Yesu Oneeno ne Maria Magadalina

(Matayo 28.9-10; Yokana 20.11-18)

9 # 16.9 Baibulin mogo likame tie kede esirit me 9-11 Ceng Sabiti odiko sek di Yesu otieko yaruno, egeo nyutere ne Maria Magadalina, kame bin eriamo jwogi kanyaare ki kome. 10En eko ot tatamo gikame otimere ne jo kame bin Yesu oudo bedo kede, gin oudo kitie iturur kede koko. 11Kakame kiwinyo kede be Yesu kuo, kede da be Maria Magadalina onene, gin likame kiko yei.

Yesu Oneeno ne Josiao Are

(Luka 24.13-35)

12Ingei man, Yesu bobo oko neeno iepone apat ne jo are kikom gi di oudo kitie ot i calo. 13Gin kiko dok kiko tatamo ne jo icegun, do joka likame oko yei kop gi.

Yesu Oneeno ne Josiao Tomon kiwie Acel

(Matayo 28.16-20; Luka 24.36-49; Yokana 20.19-23; Tice 1.6-8)

14I cen mere Yesu oko nyutere but josiao tomon kiwie acel di oudo kitie cam. En eko bunano gi pien gin oudo likame kitie kede yei, doko wi gi tek, pien kidagi yei kop me jo kame oudo onene ingei en yaruno. 15#Tice 1.8En eko waco ne gi be, “Otunu i piny dedede ikounu tuco ejiri ne jo dedede. 16Ngat kame yei di oko batiso en, ebino udo alako, do ngat kalikame yei kobino ngolo kop loe. 17Jo kame yei kobino mino gi akarunikin me timo gianena bala magi: kibino riamo jwogi i nyinga, kibino yamo i leb anyen, 18ka kimako twol amoto kimato gimoro kame neko dano, likame tie gimoro kame bino timo gi; gin kibino keto cing gi i wi jo kame tuwo di kiko cango.”

Kotero Yesu i Malo

(Luka 24.50-53; Tice 1.9-11)

19 # Tice 1.9-11 Di do bin Yesu Kirisito otieko yamo kede josiao mege, oko do tere malo di en eko bedo i bad tetu cam ka Rubanga. 20Josiao oko ot di kiko tuco ejiri kabedo dedede di Rwot tio kede gi, doko di i gianena kame bin kitimo en emoko kope kame gin kitatamo. Amen.

Currently Selected:

Marako 16: BILK13

Highlight

Copy