Matiu 20
20
Bitoontum ban be bukpaabin a bɔr
1“Nan bu-n Paab a naam nann ukpadaan wan nan chinn nyan njakpanyiɛn ki ban bininfob un ta wee bin tan ko u kpaabin le. 2Le u chee ke u li yɔ bi lidaal a yɔr, le ki che bi jon u kpaabin.
3“Naah nan nan foo tikur tiwiɛ le ukpadaan nmɔn fii ki jon kinyaŋin, ki tan kan biba ki miin bi si le kaa tun niba. 4Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’ 5Le bi jon.
“Le ni nan nan foo tikur piig nin tilee a yoo, le u ji jir ki tan ŋa man, le tikur titaa a yonn nan foo, le u ji jir ki tan ŋa man. 6Le ni nan nan foo tikur tiŋmu le u jir ki tan kan biba ki miin bi si le, le u baan bi ke, ‘Ba ŋa wee ni si do yɔli liwonmunl kaa tun ni baa?’
7“Le bi jiin u ke, ‘Nan bu-n uba kaah kaa ta ti itoon nin bu.’
“Le u bei bi ke, ‘Ni mu li chaa n kpaabin ki ta li kou.’
8“Naah nan bɔŋ n-yonn man ni, le ukpadaan bei u toontum a ninkpelu ke, ‘Li chaa ki tan yin bikpaabin ni, ki nan yɔ ba. A yin yɔ bi ke, a tan piin ki li yɔ ban yɔɔn foon ni, ki tan joor ban bi chinn foon ni.’ 9Le u toontunn ninkpelu n piin ki yɔ ban bi yɔɔn foon ni lidaal a yɔr. 10Tɔ, naah nan foo un yɔ ban bi chinn foon njakpanyiɛn nan bi yɔrin, le bi tiɛr ke bi yaa yɔr yin yab le, amaa le u yɔn bi mu lidaal a yɔr jigin. 11Baah gaa bi ligi diɛ n-yonn man le bi piin ki ŋulin ki sugir ukpadaan ni, 12ki ke, ‘Lig, ban yɔɔn ki dan tikur tiŋmu kon wama le, amaa le tim ban chinn ki dan ki jin fala njakpanyiɛn ni, wee nween fa ti takpem nan, le tim nin bi ma nan lagin gaa tiyɔr tiba jigin naa?’
13“Le ukpadaan ni jiin bi ni uba ke, ‘N jɔ pela, maa ŋaliŋi. Nan bu-n taa bi jin lidaal a yɔr le a chee? 14Mambu yuurim a yɔr ki li chaau. N yin sei ban nan joor ki dan nan ke maah seiŋ man ni le. 15Naa ŋan nin n ta n ligi ki tun maah ban man naa? Bee ni jɔɔ lipiiponl le maah kaa ŋuuŋin buu?’
16“Ni ma bu, ban joor bɔɔn na li liin nsan, le ban mu lii nsan na li joor bɔɔn.”
Yisa kaah ji nan pag nfim mitaa u kum a bɔr man
17Yisa kaah chaa do Jerusalam n-yonn man ni, le ki yin u bɔɔnɔɔb piig nin bilee-n ki nyan ngbaan, 18“Ni lig man, ti chaa do Jerusalam le nan, le bi tan li ta Uninfosaal a Big ki ŋa kumanug a yudam nin ban wɔɔnn nsiim a nɔɔn, le bi li ke u kpaan nin nkuma, 19bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”
Jemisi nin Jɔnn a na a miɛm a bɔr
(Mag 10:35-45)
20Iyaayoo nmɔn le Zebedi a poo ta u buwaab bilee Jemisi nin Jɔnn ki dan Yisa ban ki nan gbaan u nintogil, ki miɛ u ke un ter u.
21Le Yisa baan ke, “A ban baa?”
Le u jiin ke, “Che nbuwaab nan uba n nan kal a nɔɔjiim paam wee uba mu n kal a nɔɔgam paam#Matiu 27:38 a naamin.”
22Yisa nan bei bi ke, “Naa nyi naah miɛ nan ni. Ni li fir nyu kiyiinyɔɔg kan wee n yin nyu nan naa?”
Le bi jiin ke, “Ti li fir.”
23Le Yisa bei bi ke, “Tɔ ni sin li fir nyu n yiinyɔɔg nmɔn yaan, naa ye min le yin gann wan li kal n nɔɔjiim bee n nɔɔgami, nan bu-n kikaabol nmɔn pii ŋa sili ki guu n Baa kaah nan yin ta ban ki kaan niin n le.”
24Yisa a bɔɔnɔɔb piig nan kaah gbir man n-yonn man ni, le bi ŋuui fii bi bilee nmɔn bu. 25Le Yisa lagin bi u ban, ki bei bi ke, “Ni tɔɔl nyi ke ban ŋmag ban kaa ye Juu yaab mugir bi le, le bi yudam jɔɔ tininkper a pɔɔm ki ŋmag bi 26amaa nim ma bu ke ni laa ŋaan man ni sisiigin ni. Ni ye uba ban tininkper ni ni ke, ni ŋan nin un kpann utoontunn ki li tun ki tenn ni biɛn. 27Ni laa che man be ni ban ni, le wan ban u liin ni sam ke un kpann ni toontunnu. 28Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”
Yisa kaah nan ligir bijɔɔm bilee a num man
(Mag 10:46-52; Lug 18:35-43)
29Tɔ, Yisa nin u bɔɔnɔɔb kaah nan nan chaa nyann Jeriko n-yonn man ni, le kuninfogbaluŋ nan nɔɔ Yisa a bɔɔn. 30Le bijɔɔm bilee ka nsan gbaan ki gbir ke Yisa chaan un nan nɔɔ niin le. Le bi piin ki yigin papaab ke, “Uyudaan, wan ye Defid a yaabil nan, san ti kunyunyunbaag ni.”
31Le kuninfogbaluŋin tiɛn bi bu ke bin ŋmin na. Le bi mann yigin papaab ke, “Uyudaan, Defid a yaabil san ti kunyunyunbaag ni.”
32Le Yisa sir ki yin bi ki nan baan bi ke, “Ni ban n tun ba ki sei naa?”
33Le bi jiin ke, “Uyudaan ti ban a ligir ti numbili le.”
34Le kunyunyunbaag choo Yisa le u ma ma bi numbili, libol nmɔn le bi ligir, le ki nin nɔɔ u.
Currently Selected:
Matiu 20: KUGL
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.
Matiu 20
20
Bitoontum ban be bukpaabin a bɔr
1“Nan bu-n Paab a naam nann ukpadaan wan nan chinn nyan njakpanyiɛn ki ban bininfob un ta wee bin tan ko u kpaabin le. 2Le u chee ke u li yɔ bi lidaal a yɔr, le ki che bi jon u kpaabin.
3“Naah nan nan foo tikur tiwiɛ le ukpadaan nmɔn fii ki jon kinyaŋin, ki tan kan biba ki miin bi si le kaa tun niba. 4Le u bei bi ke, ‘Ni li chaa n kpaabin ki ta li kou, wee n yɔ ni nan kpaan ni.’ 5Le bi jon.
“Le ni nan nan foo tikur piig nin tilee a yoo, le u ji jir ki tan ŋa man, le tikur titaa a yonn nan foo, le u ji jir ki tan ŋa man. 6Le ni nan nan foo tikur tiŋmu le u jir ki tan kan biba ki miin bi si le, le u baan bi ke, ‘Ba ŋa wee ni si do yɔli liwonmunl kaa tun ni baa?’
7“Le bi jiin u ke, ‘Nan bu-n uba kaah kaa ta ti itoon nin bu.’
“Le u bei bi ke, ‘Ni mu li chaa n kpaabin ki ta li kou.’
8“Naah nan bɔŋ n-yonn man ni, le ukpadaan bei u toontum a ninkpelu ke, ‘Li chaa ki tan yin bikpaabin ni, ki nan yɔ ba. A yin yɔ bi ke, a tan piin ki li yɔ ban yɔɔn foon ni, ki tan joor ban bi chinn foon ni.’ 9Le u toontunn ninkpelu n piin ki yɔ ban bi yɔɔn foon ni lidaal a yɔr. 10Tɔ, naah nan foo un yɔ ban bi chinn foon njakpanyiɛn nan bi yɔrin, le bi tiɛr ke bi yaa yɔr yin yab le, amaa le u yɔn bi mu lidaal a yɔr jigin. 11Baah gaa bi ligi diɛ n-yonn man le bi piin ki ŋulin ki sugir ukpadaan ni, 12ki ke, ‘Lig, ban yɔɔn ki dan tikur tiŋmu kon wama le, amaa le tim ban chinn ki dan ki jin fala njakpanyiɛn ni, wee nween fa ti takpem nan, le tim nin bi ma nan lagin gaa tiyɔr tiba jigin naa?’
13“Le ukpadaan ni jiin bi ni uba ke, ‘N jɔ pela, maa ŋaliŋi. Nan bu-n taa bi jin lidaal a yɔr le a chee? 14Mambu yuurim a yɔr ki li chaau. N yin sei ban nan joor ki dan nan ke maah seiŋ man ni le. 15Naa ŋan nin n ta n ligi ki tun maah ban man naa? Bee ni jɔɔ lipiiponl le maah kaa ŋuuŋin buu?’
16“Ni ma bu, ban joor bɔɔn na li liin nsan, le ban mu lii nsan na li joor bɔɔn.”
Yisa kaah ji nan pag nfim mitaa u kum a bɔr man
17Yisa kaah chaa do Jerusalam n-yonn man ni, le ki yin u bɔɔnɔɔb piig nin bilee-n ki nyan ngbaan, 18“Ni lig man, ti chaa do Jerusalam le nan, le bi tan li ta Uninfosaal a Big ki ŋa kumanug a yudam nin ban wɔɔnn nsiim a nɔɔn, le bi li ke u kpaan nin nkuma, 19bi na li ta u sei ban kaa ye Juu yaab nan le bin laa u, ki boo u inaalab, ki kpaa u lidapunpunl bu, amaa iweehn itaa daal u li fii nkumin.”
Jemisi nin Jɔnn a na a miɛm a bɔr
(Mag 10:35-45)
20Iyaayoo nmɔn le Zebedi a poo ta u buwaab bilee Jemisi nin Jɔnn ki dan Yisa ban ki nan gbaan u nintogil, ki miɛ u ke un ter u.
21Le Yisa baan ke, “A ban baa?”
Le u jiin ke, “Che nbuwaab nan uba n nan kal a nɔɔjiim paam wee uba mu n kal a nɔɔgam paam#Matiu 27:38 a naamin.”
22Yisa nan bei bi ke, “Naa nyi naah miɛ nan ni. Ni li fir nyu kiyiinyɔɔg kan wee n yin nyu nan naa?”
Le bi jiin ke, “Ti li fir.”
23Le Yisa bei bi ke, “Tɔ ni sin li fir nyu n yiinyɔɔg nmɔn yaan, naa ye min le yin gann wan li kal n nɔɔjiim bee n nɔɔgami, nan bu-n kikaabol nmɔn pii ŋa sili ki guu n Baa kaah nan yin ta ban ki kaan niin n le.”
24Yisa a bɔɔnɔɔb piig nan kaah gbir man n-yonn man ni, le bi ŋuui fii bi bilee nmɔn bu. 25Le Yisa lagin bi u ban, ki bei bi ke, “Ni tɔɔl nyi ke ban ŋmag ban kaa ye Juu yaab mugir bi le, le bi yudam jɔɔ tininkper a pɔɔm ki ŋmag bi 26amaa nim ma bu ke ni laa ŋaan man ni sisiigin ni. Ni ye uba ban tininkper ni ni ke, ni ŋan nin un kpann utoontunn ki li tun ki tenn ni biɛn. 27Ni laa che man be ni ban ni, le wan ban u liin ni sam ke un kpann ni toontunnu. 28Ke Uninfosaal a Big kaah be man nan, waa dan ke bininfob ntun sei wi, amaa u dan ke u nan tun sei bininfob le, ki jin ta u miɛl ki daa bininfob takpem.”
Yisa kaah nan ligir bijɔɔm bilee a num man
(Mag 10:46-52; Lug 18:35-43)
29Tɔ, Yisa nin u bɔɔnɔɔb kaah nan nan chaa nyann Jeriko n-yonn man ni, le kuninfogbaluŋ nan nɔɔ Yisa a bɔɔn. 30Le bijɔɔm bilee ka nsan gbaan ki gbir ke Yisa chaan un nan nɔɔ niin le. Le bi piin ki yigin papaab ke, “Uyudaan, wan ye Defid a yaabil nan, san ti kunyunyunbaag ni.”
31Le kuninfogbaluŋin tiɛn bi bu ke bin ŋmin na. Le bi mann yigin papaab ke, “Uyudaan, Defid a yaabil san ti kunyunyunbaag ni.”
32Le Yisa sir ki yin bi ki nan baan bi ke, “Ni ban n tun ba ki sei naa?”
33Le bi jiin ke, “Uyudaan ti ban a ligir ti numbili le.”
34Le kunyunyunbaag choo Yisa le u ma ma bi numbili, libol nmɔn le bi ligir, le ki nin nɔɔ u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Komba New Testament © Bible Society of Ghana, 2014.