ÉXODO 25
25
Ofrenda apquilmescama nasa israelitas
(Ex 35.4-9)
1Aptomjac nic nat Visqui ingac apcanya Moisés: 2—Ilane sat lhip israelitas elansiclha asoc selmescama coo ofrenda. Incaymalhquic jelmecsic as asoc mepqui acmasma apquilvalhoc. 3Eycaso asoc yoyam elansiclha: oro, najan plata, najan cobre, 4apava morada, najan apava púrpura, najan apava roja apyilhvasem, najan lino apava apquilhyevay, najan yataay apva, 5nipquesic apyimpeoc acyilhvasem, najan aso'yimpeoc, najan yamit acacia, 6najan calevascama ayingmenic, najan asoc acmasis alpalhquemalhca aceite ningatsisquiscama, najan asoc acmasis actemaclha ningilvatnama, 7najan mataymong acmamnave cornalina, najan moc mataymong acmamnave, colyipitsalhcac sat apquilantalhnama apvisqui sacerdote, cotnejic alnatanma. 8Jelanesquis lhama carpa apponquinomap, yoyam olhic sat coo nipyesicsa israelitas. 9Illana sat lhip sicmaclha, najan asoc acnaycaoc congne, acno sillhicmoscama coo, yavamlha ellana — nic nat aptomjac Dios.
Yamit aysicsic acyitnamaclha Dios appayvam
(Ex 37.1-9)
10Illana sat lhip yamit aysicsic acacia acvamlha acvinatem un metro y diez centímetros, acvamlha ancho sesenta y cinco centímetros, acvamlha nitno sesenta y cinco centímetros. 11Itne sat chapa de oro avalhoc najan ayimpejic yamit aysicsic. Lhama ribete de oro nipyava yamit aysicsic. 12Illana sat cuatro argollas de oro, ilyipitquis sat payjoc cuatro ayavaoc, lhama nicja anit argollos, najan moc nicja anit argollos. 13Illana sat yamit acacia travesaños alvinatem, acyipitsomalhca oro ayimpeoc. 14Ingyitsiclha sat yamit travesaños payjoc argollos lhama nicja najan moc nicja, colhic acpatmaoclha yamit aysicsic. 15Noljalhyovas nasa yamit alvinatem avalhaoc argollos. 16Ipquin sat avalhoc maa anit mataymong nicjaa acnatalhesomalhca siyanamaclha.
17Illana sat ayapma atong de oro: acvamlha acvinatem un metro y diez centímetros, acvamlha ancho sesenta y cinco centímetros. 18Ipquin sat netin ayapma atong anit quilaymasquiscama acma alhimpancoc, allanomalhca oro, payjoc navayc yamit aysicsic. 19Lhama quilaycmasquiscama coytic sat navá ayapma atong najan moc sat moc navá atong, lhama acyovoclhojo sat cotnejic, mepqui acyipitsomalhca moc. 20Naat quilaycmasquiscama najan moc naat moc quilaymasquiscama colanojoc sat ayapma atong. Cotnejic sat alpayescama alhimpancoc quilaycmasquiscama, malha alajapma yamit aysicsic. 21Ipquin sat avalhoc yamit aysicsic siyanamaclha actalhesomalhca, ingyapiclha sat atong yamit aysicsic. 22Olhic sat coo maa, opamejitsic mataa lhip. Elngac sat lhip sicpayvam ayinyema acyitnamaclha quilaycmasquiscama tacjalhit yamit aysicsic. Oltimnacsic sat mataa lhip siyanamaclha, yoyam elngacsic lhip nipyesicsa israelitas — nic nat aptomjac Dios.
Mesa najan pan apponquinomap
(Ex 37.10-16)
23Illana sat lhip mesa yamit acacia: acvamlha acvinatem noventa centímetros najan acvamlha ancho cuarenta y cinco centímetros, najan acvamlha nitno sesenta y cinco centímetros. 24Iyipitquis sat chapa de oro najan ribete de oro niyava mesa. 25Illana sat asoc acjalhtamomalhca netin mesa cotnejic entrepaño acvamlha ancho siete centímetros, najan lhama ribete de oro acyipitsomalhca entrepaño. 26Illana sat cuatro argollos de oro, ilyipitquis sat payjoc ayavaoc mesa. 27Ilyipitquis sat argollos nicja entrepaños, colhic sat alatquisa travesaños yamit alvinatem, colhic sat acpatmaoclha mesa. 28Itne sat yamit acacia ellanac yamit alvinatem nimpatmaoclha mesa, iyipitquis chapa de oro. 29Illana sat oro apquilmaycam platos, cucharónes, jarras najan copas, acyitna inlhojo ofrenda ayingmenic. 30Ininquin sat netin mesa najato pan apponquinomap, mataa apjalhnancoc — nic nat aptomjac Dios.#Lv 24.5-8.
Alapongmateyquiclha calendabro
(Ex 37.17-24)
31Illana sat lhama alapongmateyquiclha candelabro de oro, apticpaycam martillo. Cotnejic sat lhama acyovoclhojo, cotnaja acyipitsomalhca moc: base avjac, najan tronco alhcapoc, najan copas, najan cálices, najan pétalos. 32Colhnam sat seis actengaoc, lhama nicja tres actengaoc najan moc nicja tres actengaoc. 33Moclhama actong colhnam sat tres copas alyitsomalhca ilhnamoc almendro, acyiplomo cáliz najan pétalos. 34Colhnam sat avjac cuatro copas alyitsomalhca ilhnamoc almendro, acyiplomo cáliz najan pétalos. 35Colhnam sat calendabro seis actengaoc, lhama mataa cáliz payjoc actong avjac. 36Cotnejic sat lhama acyovoclhojo, cotnaja acyipitsomalhca moc actengaoc najan cálices candelabro avjac allanomalhca oro, apticpaycam martillo. 37Illana sat siete calevascama, yoyam colsacsic sat olhma (colapongmetic congne). 38Colhic sat allana apquilmaycam oro tenazas najan platillos. 39Ilyipsit acvamlha treinta y tres kilos de oro, colhic sat allana candelabro najan asoc apquilmaycam maa. 40Iyitquis sat mataa maclhicmoscama lhip payjoc inquilhe acvinatem— nic nat aptomjac Dios.#Hch 7.44; He 8.5.
Currently Selected:
ÉXODO 25: ENHL
Highlight
Share
Copy
Want to have your highlights saved across all your devices? Sign up or sign in
