Hechos 3

Chiyvatsjanchat pa ve'lha ancooc

1Ja Pedro shi' ja Juan yichey ts'ivee ja uj vatishjanjavat ti tanjuyshicham na jumcuclaay pan yie'in ti chit'alh'in. 2Lhech yie'jop ja vatishjanjavat pa ve'lha nivacle ancoqu'esh tatsha ti nich'a nivat'aj, pa lhech chiychajey'in pava nalhus yiey pa lhashiesh ja vatishjanjavat lhanquey Lhasnôyech, pa lhech yiec'oyaan ti t'aalhshaan papi nivacle pava lhtinshanjay ti yich'ôcjiin. 3Meelh ti yivanch'e pa ancooc ja Pedro shi' ja Juan ti palha yich'ôcji ja vatishjanjavat, pa t'aalhtajesha pava lhtinshanjay. 4Japi lhech yovalhsha'ne, pa yit'esha ja Pedro:

—Atsovalhelhsha'ne.

5Pa lhech nivacle vatjumtitajsha pa ca nitisesh. 6Pa yit'esha ja Pedro:

—Amyam lhpa ca yitinshanjaa pa clesanilh clim shi' pa cojiyaj, taj ti nan caajyam pa jajut'ay jayu: pa jetôn'ajop jayu na lhey ja Jesús, Nazaret lhavo', aneetsham ca ôtaaysha'ne.

7Pa yit'esha côque ja Pedro, pa t'acum'e pa lhpôcôt lhfayishey pa yinenjatchisham. Pa nivinshaa ti t'unch'esha'ne pava lhafoc shi' pava lhfiincôyôc. 8Pa nitshaam pa ancooc pa t'ecletchisham pa vacleech shta. Pa yichelh'ôcji japi lhech ja vatishjanjavat, pa viislhavach ti yich'ôcji pa vashclamajesh'in ti yôclôjey pa Dios. 9Pa lhacôm'a papi nivacle ti yivanesh ti vacleech ti yôclôjesh shta pa Dios, 10pa yamqu'een papi nivacle ti tamp'oyem pa nijovayjulh shta pan lhjunash pava vaclan, lhayaash ti nitôfaclesh pa nivacle, shi' ti yitô'ya ti lhech pan yie'in lhavooj ja vatishjanjavat ti t'a'lhaan pava tinshanjay, yiey ja lhashiesh ja lhanquey Lhasnôyech.

Tasinôy'ôcji pa Pedro pa lhasnatsech pa Salomón

11Lhan'e pa lhech ancooctaj, pan chiyilhjen, pa nintonch'esha'ne ja Pedro shi' ja Juan. Pa lhacôm'a papi nivacle ti tamp'oyeshem pa na'shey'in ts'ivee pa lhcaavjuesh ja vatishjanjavat lhanquey lhasnatsech pa Salomón, yiey pan yie' papi lhech. 12C'oya ti yi'van ja Pedro côque, pa yit'esha: “¿Ta t'e lhayaash ti natamp'oyanelh avaatsheelh Israel avoselh? ¿Ta t'e lhayaash ti lhnovalheshelhyiy ca yivaatshaaelh ca yilhjeneelh nôque nivacle, ca lhech yifanisheeshelh ca yôtayjatelh ca tôlheshelhyivne pa yunajelh shi' pa ca yivoyjayasheeshelhch'ec'oya pa Dios? 13Vooy pa lh'Dios pa Abraham, pa Isaac shi' pa Jacob, pa lh'Dios tane papi catsicchevot, jô lhech lhavaatsha lhjutelha japi lhcaanvacles. Meelh ti yeetajesh ja Pilato ca nuqueesh pa lhatcavooyshelhjulh avaatsheelh.*xt* *xu* 14Ch'apaa ja chit'aalhtajeshelh'a ca chinuqueesh jô lhech issha'ne, yivo'yeshch'e shta, pa lht'a'lhelha ca chinuqueesh pa ve'lha vôncaclônjanaj.*xv* 15Pa vooy jan tô'lha pa vatmônlhajyash pa lhclônelh. Taj ti vooy pa Dios yinenjatchishamshi capi vafsha'ne. Cavôque jayvanchayeshelh pa jatônôclhanitshelhyivne. 16Jatôôlhshelha ca lhey jô lhech Jesús ti janfaclelhem jaspa nincacuesh, pa tôlhesha ti t'un'in na lhech nivacle nan lhavanelh pa lhantôfaacshelh shta. Nôque nivatcacujayasheesh ja Jesús yamjam jum na nivacle ti yivatsjanchat nan lhjunash ti lhavanshelh nan ajô'jelh avaatsheelh. #3.13 Ex 3.15.,#3.13 Is 52.13-53.2; Fil 2.7-9.,#3.14 Mt 27.15-23; Mr 15.6-14; Lc 23.13-23; Jn 19.12-15.

17Tsitô'yelh'a yivelhavot, jat'elhesh avaatsheelh shi' japi anvacleselh ti lhclônelh ja Jesús, pa tanca natôôyshelh jô pava ca asnatshelh. 18Taj ti pa Dios yôfisjatch'e côque lhfanishesh lhapesh ti nifaclem lhacôm'a papi chiytôyjata pava ti vaclan: ti tajulhemey ca chinclôn pa Lhavqu'ilhjenaj. 19Pa lhe'naa ti mapeclelha pa Dios ca atatvaych'aclajelha ca jaspa nivômjatelhch'eam pava asasch'eclelh. Pa lhechesh pa nanchenelh'ay pa Lhcaanvacle pava nalhus ca nasclaneelhsha'ne. 20Pa nichenelh'ayshicham jayu shta ja Jesús, jan lhey shta Cristo, jan apis ti chiyjuyjatelh'a. 21Lha'ma yi'taj'e nôqueesh ja Jesucristo pa vôôs, pa namjey ca nasclantajvatich'e pa Dios pant'ajôôj pava matas pavan t'ônasheshem papi isissha'ne chiytôyjata pava ti vaclan ti tatômjalhesha pava vatjutsa' nalhus. 22Nôque t'ônasheshem pa Moisés papi catsicchevot lhapesh ti nifaclemch'e: Pa Lhcaanvacle a Dioselh natôlhjatelhsham jayu avaatsheelh pa ve'lha chiytôyjata pava ti vaclan yiey nan yijunash. Pa anc'ashamshelhem lhacôm'a pa ca niteetajesh. 23Lhayaash ca lhacôm'ataja papu ca ninach'antajaa pôque chiytôyjata pava ti vaclan pa chinayjatshi jayu papi lhchifas.' #3.22-23 Dt 18.15-19; 34.10.

24“Cavôque lhech t'ônashesh lhacôm'a papi chiytôyjata pava ti vaclan tôlhesh'e pa nivacle lhey Samuel, shi' pap'elhcha yijoojqu'esha'ne ti yasinôquieshch'e nan lhjunash ti vaclan navôque nalhus. 25Avaatsheelh natsôt'ajeshelh pava nifaclem lhapesh pa Dios papi chiytôyjata pava ti vaclan, natsôt'ajeshelh shta pa vatpeya'shelh pa Dios papi catsicchevot p'alha. Ti lhech yit'esha pa Dios pa Abraham: ‘Lhacôm'a papi lhtachifas yiey na cotsjaat chiyit'eshem jayu pa is tôlh'ejop papi lhtôôlhsham.’*xx* 26Meelh ti yinenjatchisham pa Dios ja Lhaôs pa najutsjateshelh ti nichenelh'ay, jaspa nanchajelh'ay pa is vatjunash, pa ave'lhaaelh'e ts'ivee ca atatvaych'aclajshelh pa nisa' ajunashelh.” #3.25 Gn 12.3; 22.18.

Currently Selected:

Hechos 3: NIVA

Highlight

Copy