Génesis 26
26
Pa Isaac yichey pa Gerar
1Pa lhech nalhu pa lhechesh ti caaj pa uj yipcu' lhacôm'a pa lhech cotsjaat lhech lhjunash shta lhapesh ti jôjjeclay mônlha pa Abraham. Lhe'naa pa Isaac ti yichey pa Gerar, yiey pan yie' pa Abimelec, lhanvacle papi filisteos. 2Lhech'e ti tanôclitem pa Lhcaanvacle pa yit'esha: “Ya aj ca meey ja Egipto. Amônlhaae nan jaychay'eam jayu. 3Vooy nôqueesh amônlhaae nôque cotsjaat. Yivaatsha jôv'ajop jayu pa jayeesh'am jayu pa is. Lhayaash ti avaatsha shi' papi acles jajutey jayu lhacôm'a nôque cotsjaat. Jaspa c'ofisjach'e jayu ca yifaclech'em pa atata Abraham. 4Pa jaclônat'am jayu papi acles nan lhjunash nava catiis yiey na nalhuyish, pa jajutem jayu lhacôm'a nôque cotsjaat. Pa lhacôm'a jayu shta papi vatachifas napi yiey na cotsjaat ti yiisiyan jayu ti tôlh'eajop,*xt* 5lhayaash pa Abraham ti niqu'ishamyam pa yôfisjatch'e ti jayeetsha nava yiyôjijates shi' cava qu'eyjatsjanesh.”
6Lhechesh pa Isaac pa mônlhee pa Gerar, 7vooy ti niy'ôsesh papi lhech'e lhpa lhch'acfa pa yit'esha ca lhch'injôa. Nijovaych'e ca niteetsha lhpa Rebeca ti lhch'acfa, lhayaash lhpa lhech uj ti lhasnôyche.*xu* Yaychavalhey lhavaatsha ca niclôn papi lhech yie' ca nitôlh'ejop lhpa lhech.
8Acloj pava nalhus ti lhech mônlhee. Taj ti caaj pa nalhu pa Abimelec, lhanvacle papi filisteos, yovalheyjop pa vatovalhjavat pa yivanesh pa Isaac ti nôyitaan lhpa lhch'acfa Rebeca. 9Lhechesh pa tayôjijanesh ti chitôney, pa yit'esha:
—Ach'acfa t'ema anôque, ¿yijô'? pa ¿ta t' e lhayaash ti lhteetsha ca ach'injôa?
—Lhayaash ti jaychavalhey ca chinasclôn ca nitôlh'ejop lha lhech —yit'esh pa Isaac.
10Taj ti yit'esh pa Abimelec:
—¿Ta t'e lhayaash ti lhasnatshelhyam côque? Ca ve'lhaaesh lhôn, pa caajtaj jayu papu ca nôjquenelhch'e lha ach'acfa; pa lhasnatajeshelhyam pa sasch'e.
11Lhechesh pa Abimelec pa yiyôjiesha lhacôm'a papi lhchifas:
—Papu ca naôtaj'e ca niclôquitaj nôque nivacle ja't'ajesha lha lhch'acfa pa vaf jayu.
12Pa lhech yincôôp pa Isaac tcôvjiyanjan'e pa lhech'e pa is pa lhcavcalhech, pa yit'eshem shta pa is pa Lhcaanvacle. 13Pa uj ti vatcônatshiin pa yama ti acloj pava yi'van. 14Aclojem pava tashinshtas shi' pava vôcôc, acloj shta papi lhcavos, lhe'naa papi filisteos ti yijuctsenesh. 15Ti jôjjeclay mônlhee pa lhtata Abraham caaj papi lhcavos ti'sheyshi pava t'itsjes. Taj ti nôqueesh yip'ojamsha'ne papi filisteos yiponteshch'e pa cotsjaat. 16Nôqueesh yit'esha pa Abimelec pa Isaac:
—Aynee, lhayaash ti t'aashelhyic'oya ti aacôjiin.
17Pa Isaac tay'e pa yie'in pa yichey pa tavashay yiey pa Gerar, pa lhech mônlhee. 18Pa nic'at'eyshisha'ne pava t'itsjes pava camameyshisha'ne ti jôjjeclay mônlha pa lhtata, pavan yip'oqu'esha'ne papi filisteos ti vaf pa lhtata. Pa yachajesh pava lheyis pavan yeyiyanesh lhapesh pa lhtata. 19Ve'lha pa nalhu papi lhcavos pa Isaac yisnatesh pa t'itsech yiey pa tavashay, pa yi'van pa yalhatôlh'e'in isshi yinôôt. 20Taj ti vooy papi yie' pa Gerar papi vanujumatsenesh pava tashinshtas yishanelhsha'neen papi yiclôvalh pava lhclôy pa Isaac, lhayaash ti yit'esh ca nitsôt'ajesh pa yinôôt papi lhech. Lhe'naa pa Isaac ti yeyiyanesh pa lhech t'itsech “Vatshanjavat”, eem ti lhech yishan'e yit'sha. 21Lhechesh pa t'isheyshi peelh t'itsech papi lhcavos yiey pan ve'lheesh yishan'e shta. Lhpa lhech t'itsech yit'esha pa Isaac “Nintatc'utsfay”.
22Pa Isaac pa tojey pa t'ajuyshi pa tisheyshi lhap'elh t'itsech. Lhech'e pa nit'ôyi'sheey ca ninshan'e lhpa lhech, pa yeyiyanesh “Vatcanovat”, pa yit'esh shta: “Nôqueesh pa Lhcaanvacle yivashanjoom ti cascano pa cascloj'e jayu nôque.”
23Lhech tôlh'e' pa Isaac ti yichey pa Beerseba. 24Pa lhech tulh tanôclitem pa Lhcaanvacle pa yit'esha:
“Yivaatsha lh'Diosyish ca atata
Abraham.
Ya aj ca anjovay'in;
ya mônlhaajop.
Tôlh'ejop ca yicavo Abraham
pa jayeesh'am jayu pa is,
acloja jayu papi acles.”
25Lhechesh pa Isaac pa yisnatesh pa lhcufayjat'eshjop lhavitôvat ti lhech'e, ca nasnatesh pa t'alhjayash pa lhey pa Lhcaanvacle. Pa lhech mônlhae'in pa tisheyshi shta lhpa t'itsech.
Pa Isaac shi' pa Abimelec ti vatpeya'elh
26Ve'lha pa nalhu, pa Abimelec*xv* tôlh'e' pa Gerar ti yichey pa Isaac ca nitasinô'yelh. 27Pa Isaac yit'esha:
—Avaatsheelh lhascônitshielh, pa lhtsayjatelh'e shta ja cotsjaat, ¿ta lhayaash ti lhnamelh ti lhanjôchielhyi?
28Papi lhech yicuulh:
—Apis ti javanelh ti yiajop pa Lhcaanvacle, pa apis shta ti jaychavalhelhey ca shtavatpeya'esh jayu côque 29ya aj ca asnatshelhyam pa'na niysa', taj ti yivaatsheelh ampa ca c'aclôquieshelh. Ampa côque, tsi'sha pava isis ti jasnatshelh'am pa is ti shtaneecju nan lhjunash papu ti vanen. Pa nôqueesh pa Lhcaanvacle is pa yisnatesh'am.
30Lhechesh pa Isaac pa yisnatshem pa uj lhshamitjayash, pa tsaccunelh pa yiyô'elh shta papi lhech. 31Peelh ti nich'a nalhu pa nitshamch'e pa ve'lha ts'ivee ti yit'eshem pa yijô'. Ti yivaclhitesh pa vaneecjuelh pa Isaac, papi lhech vaneecjueshelh ti lhc'utsfasesh.
32Lhech pa lhech nalhu, papi lhcavos pa Isaac nachey ti caaj pa nifaclem ti yi'van pa yinôôt yiey lhpa t'itsech lhpan tisheyshi. 33Pa Isaac pa yeyiyan lhpa t'itsech côque lhey Seba. Lhe'naa pa lhech yitsaat ti nôqueeshch'e ti lheyesh Beerseba.
34Pa Esaú cuarenta pava lhnincôpes, pa lhjaya'esh lhpa Judit, lhpa lhech lhôse pa Beeri hitita lhavaatsha. Pa lhjaya'esh shta lhpa Basemat lhôse shta peelh hitita lhey Elón. 35Papi lhech napu' lhjayas yisnatesh pava tavijatayem pa Isaac shi' lhpa Rebeca.
Currently Selected:
Génesis 26: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
Génesis 26
26
Pa Isaac yichey pa Gerar
1Pa lhech nalhu pa lhechesh ti caaj pa uj yipcu' lhacôm'a pa lhech cotsjaat lhech lhjunash shta lhapesh ti jôjjeclay mônlha pa Abraham. Lhe'naa pa Isaac ti yichey pa Gerar, yiey pan yie' pa Abimelec, lhanvacle papi filisteos. 2Lhech'e ti tanôclitem pa Lhcaanvacle pa yit'esha: “Ya aj ca meey ja Egipto. Amônlhaae nan jaychay'eam jayu. 3Vooy nôqueesh amônlhaae nôque cotsjaat. Yivaatsha jôv'ajop jayu pa jayeesh'am jayu pa is. Lhayaash ti avaatsha shi' papi acles jajutey jayu lhacôm'a nôque cotsjaat. Jaspa c'ofisjach'e jayu ca yifaclech'em pa atata Abraham. 4Pa jaclônat'am jayu papi acles nan lhjunash nava catiis yiey na nalhuyish, pa jajutem jayu lhacôm'a nôque cotsjaat. Pa lhacôm'a jayu shta papi vatachifas napi yiey na cotsjaat ti yiisiyan jayu ti tôlh'eajop,*xt* 5lhayaash pa Abraham ti niqu'ishamyam pa yôfisjatch'e ti jayeetsha nava yiyôjijates shi' cava qu'eyjatsjanesh.”
6Lhechesh pa Isaac pa mônlhee pa Gerar, 7vooy ti niy'ôsesh papi lhech'e lhpa lhch'acfa pa yit'esha ca lhch'injôa. Nijovaych'e ca niteetsha lhpa Rebeca ti lhch'acfa, lhayaash lhpa lhech uj ti lhasnôyche.*xu* Yaychavalhey lhavaatsha ca niclôn papi lhech yie' ca nitôlh'ejop lhpa lhech.
8Acloj pava nalhus ti lhech mônlhee. Taj ti caaj pa nalhu pa Abimelec, lhanvacle papi filisteos, yovalheyjop pa vatovalhjavat pa yivanesh pa Isaac ti nôyitaan lhpa lhch'acfa Rebeca. 9Lhechesh pa tayôjijanesh ti chitôney, pa yit'esha:
—Ach'acfa t'ema anôque, ¿yijô'? pa ¿ta t' e lhayaash ti lhteetsha ca ach'injôa?
—Lhayaash ti jaychavalhey ca chinasclôn ca nitôlh'ejop lha lhech —yit'esh pa Isaac.
10Taj ti yit'esh pa Abimelec:
—¿Ta t'e lhayaash ti lhasnatshelhyam côque? Ca ve'lhaaesh lhôn, pa caajtaj jayu papu ca nôjquenelhch'e lha ach'acfa; pa lhasnatajeshelhyam pa sasch'e.
11Lhechesh pa Abimelec pa yiyôjiesha lhacôm'a papi lhchifas:
—Papu ca naôtaj'e ca niclôquitaj nôque nivacle ja't'ajesha lha lhch'acfa pa vaf jayu.
12Pa lhech yincôôp pa Isaac tcôvjiyanjan'e pa lhech'e pa is pa lhcavcalhech, pa yit'eshem shta pa is pa Lhcaanvacle. 13Pa uj ti vatcônatshiin pa yama ti acloj pava yi'van. 14Aclojem pava tashinshtas shi' pava vôcôc, acloj shta papi lhcavos, lhe'naa papi filisteos ti yijuctsenesh. 15Ti jôjjeclay mônlhee pa lhtata Abraham caaj papi lhcavos ti'sheyshi pava t'itsjes. Taj ti nôqueesh yip'ojamsha'ne papi filisteos yiponteshch'e pa cotsjaat. 16Nôqueesh yit'esha pa Abimelec pa Isaac:
—Aynee, lhayaash ti t'aashelhyic'oya ti aacôjiin.
17Pa Isaac tay'e pa yie'in pa yichey pa tavashay yiey pa Gerar, pa lhech mônlhee. 18Pa nic'at'eyshisha'ne pava t'itsjes pava camameyshisha'ne ti jôjjeclay mônlha pa lhtata, pavan yip'oqu'esha'ne papi filisteos ti vaf pa lhtata. Pa yachajesh pava lheyis pavan yeyiyanesh lhapesh pa lhtata. 19Ve'lha pa nalhu papi lhcavos pa Isaac yisnatesh pa t'itsech yiey pa tavashay, pa yi'van pa yalhatôlh'e'in isshi yinôôt. 20Taj ti vooy papi yie' pa Gerar papi vanujumatsenesh pava tashinshtas yishanelhsha'neen papi yiclôvalh pava lhclôy pa Isaac, lhayaash ti yit'esh ca nitsôt'ajesh pa yinôôt papi lhech. Lhe'naa pa Isaac ti yeyiyanesh pa lhech t'itsech “Vatshanjavat”, eem ti lhech yishan'e yit'sha. 21Lhechesh pa t'isheyshi peelh t'itsech papi lhcavos yiey pan ve'lheesh yishan'e shta. Lhpa lhech t'itsech yit'esha pa Isaac “Nintatc'utsfay”.
22Pa Isaac pa tojey pa t'ajuyshi pa tisheyshi lhap'elh t'itsech. Lhech'e pa nit'ôyi'sheey ca ninshan'e lhpa lhech, pa yeyiyanesh “Vatcanovat”, pa yit'esh shta: “Nôqueesh pa Lhcaanvacle yivashanjoom ti cascano pa cascloj'e jayu nôque.”
23Lhech tôlh'e' pa Isaac ti yichey pa Beerseba. 24Pa lhech tulh tanôclitem pa Lhcaanvacle pa yit'esha:
“Yivaatsha lh'Diosyish ca atata
Abraham.
Ya aj ca anjovay'in;
ya mônlhaajop.
Tôlh'ejop ca yicavo Abraham
pa jayeesh'am jayu pa is,
acloja jayu papi acles.”
25Lhechesh pa Isaac pa yisnatesh pa lhcufayjat'eshjop lhavitôvat ti lhech'e, ca nasnatesh pa t'alhjayash pa lhey pa Lhcaanvacle. Pa lhech mônlhae'in pa tisheyshi shta lhpa t'itsech.
Pa Isaac shi' pa Abimelec ti vatpeya'elh
26Ve'lha pa nalhu, pa Abimelec*xv* tôlh'e' pa Gerar ti yichey pa Isaac ca nitasinô'yelh. 27Pa Isaac yit'esha:
—Avaatsheelh lhascônitshielh, pa lhtsayjatelh'e shta ja cotsjaat, ¿ta lhayaash ti lhnamelh ti lhanjôchielhyi?
28Papi lhech yicuulh:
—Apis ti javanelh ti yiajop pa Lhcaanvacle, pa apis shta ti jaychavalhelhey ca shtavatpeya'esh jayu côque 29ya aj ca asnatshelhyam pa'na niysa', taj ti yivaatsheelh ampa ca c'aclôquieshelh. Ampa côque, tsi'sha pava isis ti jasnatshelh'am pa is ti shtaneecju nan lhjunash papu ti vanen. Pa nôqueesh pa Lhcaanvacle is pa yisnatesh'am.
30Lhechesh pa Isaac pa yisnatshem pa uj lhshamitjayash, pa tsaccunelh pa yiyô'elh shta papi lhech. 31Peelh ti nich'a nalhu pa nitshamch'e pa ve'lha ts'ivee ti yit'eshem pa yijô'. Ti yivaclhitesh pa vaneecjuelh pa Isaac, papi lhech vaneecjueshelh ti lhc'utsfasesh.
32Lhech pa lhech nalhu, papi lhcavos pa Isaac nachey ti caaj pa nifaclem ti yi'van pa yinôôt yiey lhpa t'itsech lhpan tisheyshi. 33Pa Isaac pa yeyiyan lhpa t'itsech côque lhey Seba. Lhe'naa pa lhech yitsaat ti nôqueeshch'e ti lheyesh Beerseba.
34Pa Esaú cuarenta pava lhnincôpes, pa lhjaya'esh lhpa Judit, lhpa lhech lhôse pa Beeri hitita lhavaatsha. Pa lhjaya'esh shta lhpa Basemat lhôse shta peelh hitita lhey Elón. 35Papi lhech napu' lhjayas yisnatesh pava tavijatayem pa Isaac shi' lhpa Rebeca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.