Génesis 27
27
Pa Isaac is pa yit'eshem pa Jacob shi' pa Esaú
1Pa Isaac palha c'utsaaj, palha tacluqu'esh. Ve'lha pa nalhu ti tôney pa Esaú, c'utsa'jesh lhaôs, pa yit'esh:
—¡Na yaôs!
—At'eshyam, tata —yit'esh pa Esaú. 2—Apis ti lhasvan ti palha yac'utsaaj; yit'esh pa Isaac—. Caaj jayu pa nalhu ti javaf jayu. 3Lhe'naa ti jayeesh ca môjaam pa yita' pa achaaj na aclutsesh shi' nava ac'ôjey ca avooy pa yaquiset. 4Pa asnateshyam pa is yôc, yiey nan lhjunash ti ts'iyôych'e, pa anchaajyi pa jatuj. Pa lhechesh pa jayeesh'am jayu pa is ti jôjjeclay nivaf.
5Taj lhpa Rebeca p'alha ti yipe'ya pa Isaac pa yit'eshaan pa Esaú. Lhe'naa ti yi'van ti yitshaam pa yit'esh ti t'ôtayem'in pa lhtata. 6Lhpa lhech yit'esha pa Jacob, lhaôs taôvclajesh:
—A'va, jape'ya ja atata ti tasinôyelh'in ja achecla' Esaú ti yit'esha: 7‘Avooy pa yaquiset pa asnateshyam pa is yôc pa jatuj, pa jayeesh'am jayu pa is yie' t'ajuyish pa Lhcaanvacle ti jôjeeclay nivaf.’ 8Lhe'naa na yaôs, ach'anyi na jayeesh'a jayu. 9Meey ja yie' java catsiclôy, pa anchaajyi pava napu' isis tashinshtas lhcles. Pa jasnatesh jayu pa lhôc ja atata nan lhjunash ti yiyôych'e. 10Avaatsha pa achaajshey jayu pa is lhôc pa nôque lhjunash pa niteesh'am jayu pa is ti jôjeeclay ninvaf.
11Taj pa Jacob yit'esha lhpa lhamimi:
—Ja checla' uj ja lhsaash ja lhavu'vat, pa ampa yivaatsha. 12Lhayaash ca nit'ajaytajyi ja tata pa nitôyyi jayu, pa yaychavalhey jayu ti janvaclematan; pa nôôlhjônesh ca niteeshyam pa niysa' pa tanca lhech pa is.
13Taj lhpa lhamimi yicuulh:
—Na yaôs, nôque sasch'e jayvujuuysha jayu. Nôqueesh meey pa asnatesh na jayeesh'a; pa anchaaj pava tashinshtas lhcles.
14Pa Jacob pa yichey pava tashinshtas lhcles pa nicha'jey lhpa lhamimi. Lhechesh pa yisnatesh pa is lhôc lhpa lhech nan lhjunash ti yiyôych'e pa Isaac. 15Pa t'acu'meshi lhpa is t'uyjatshi pa Esaú, c'utsa'jesh lhaôs lhpan yan'ôcji pa lhajpôyich, pa yuyjach'e pa Jacob, taôvclajesh lhaôs. 16Pa yiclôpjalheshjop pa Jacob pava t'itjuy shi' pa lhavo' yiey pa am'e pa lhsaash pava tashinshtas lhcles tôjechey. 17Pa yijutshey pa lhôc shi' lhpa yucuve lhpan yisnatshem.
18Lhechesh pa Jacob pa yuyeyshi pa yie' pa lhtata pa yit'esha:
—¡Na tata!
—Nôque jôv'e'. ¿Ta jôque lhôvelh'e ti c'acleselh avaatsha? —niy'ôsesh pa Isaac.
19—Ya'lhech Esaú, na aôs c'utsa'jesh —yicuulh pa Jacob—. Apis ti jasnatesh na lhniyôjieshyiy. Istaa ca aneetsham; pa vi'sha'ne pa atuj na yaquiset can jaclôn, pa at'eshyam pa is.
20Lhechesh pa niy'ôs pa Isaac:
—¿Lhnamesh na apee tatsha, yaôs?
—Pa Lhcaanvacle a'Dios ts'efenesh ti ja'van tatsha —yit'esh pa Jacob.
21Taj ti yit'esha pa Isaac:
—Anc'uyyi, pa jaypacun'a jayu, ca nastôya jô ca yijô'a ca lhecha ja yaôs Esaú.
22Pa Jacob tac'uya pa lhtata ca jaspa tapacunch'e. Lhechesh pa yit'esh pa Isaac:
—“Na t'ôjôj t'ônashjulh ja Jacob, vooy nava t'itjuy lhjunashjulh na Esaú.” 23Nôque lhjunash pa nintô'ya jô, lhayaash pava t'ijuy ti uj pa lhsaash pan lhjunash pa lhchecla' Esaú. Vooy ti yit'eshem jayu pa is, 24pa ve'lheesh niy'ôs:
—¿Yijô' ti a'lhech yaôs Esaú?
—Jech, ya'lhech Esaú —yit'esh pa Jacob.
25Lhechesh pa yit'esha pa lhtata:
—Anjuteshyi, na yaôs, ca jatuj pan lhjunash pa lhavooy, lhechesh pa jayeesh'am jayu pa is.
Pa Jacob yijutey pa lhôc pa lhtata, pa yichaajshey shta pa ôtjayetas t'i'. Pa Isaac tuj pa yiyô'ji shta. 26Ti yivaclhitesh pa yit'esha:
—Anc'uyyi yaôs, pa istaa ca asfin.
27Pa Jacob ti t'acuya ti yifin, pa Isaac yinsits'a' lhpa t'uyjatshiy. Lhechesh pa yit'eshem pa is cavôque lhclishay:
“Jech, côque lhniish lhech na yaôs.
Yamjam'in ca lhniish pa joot pan apis
ti yisnatesh pa Lhcaanvacle.
28Pa Dios yijut'ay jayu pa tsha'nu,
pa is jayu pava acavcalhjes yiey pa cotsjaat,
uj jayu pa trigo, uj jayu shta pa
ôtjayetaj t'i'.
29Pa aclôj papi t'acum'am'in jayu;
papi nivacle t'acjatsuy'e jayu ajuyish.
Lhanvacleash jayu papi ach'injavot;
¡pa t'acjatsuy'e jayu ajuyish!
Papi napôfiyu pa chiypôfiyu
jayu vitsha,
vooy papi yit'esh'am pa is
pa chiyit'eshem jayu vitsha pa is.*xw,xx*
30Palha yivaclhitesh pa Isaac pa is ti yit'eshem pa Jacob, pa nich'a tôlhjop pa Jacob pa yie' pa lhtata, ti nam pa Esaú ti t'ôtay'in. 31Pa lhech yisnatesh yitsha pa is vatôc, pa yicha'jey pa lhtata pa yit'esha:
—Aneetsham, tata; pa atuj na yaquiset yiclôn na aôs, pa at'eshyam pa is.
32Lhechesh pa niy'ôs pa Isaac:
—¿A she avaatsha?
—Ya lhech Esaú, na aôs c'utsa'jesh —yicuulh lhavaatsha.
33Pa Isaac uj ti nitôyiyjat, pa ch'ininch'e pa t'ôjôj ti yit'esh:
—Pa yijô, ¿she papi vooy pa lhaje' pa nichaajyi pa is vatôc? Apis ti jajutey lhacôm'a ti jôjjeclay nianam, pa lhechesh pa jayeetshem pa is, nôqueesh mônlhashi pa is ti chiyit'eshem.
34C'oya pa Esaú ti yipe'ya pa yit'esh pa lhtata, lhechesh pa uj ti yip'in, pa tônesh'in ti yit'esh:
—¡Istaa ca at'eshyam yitsha pa is, na tata!
35Taj ti yit'esh pa Isaac:
—Namyi ja ach'inish pa tsijôtsôclôn'in, pa yiey ti chiyisnatshem pa is ti natsôt'ajtajesh.
36—¡Ninôôlhjôney t'ema ti lheyesh Jacob! —yit'esh pa Esaú—. ¡Apis ti napu'esh ti tsijôtsôclôn'in! Vatjutsa' ti tsijôclesh cava yitsôt'ajshi pa c'utsajesh vataôs,*xy* pa nôqueesh tsijôclesh shta pa is chiyit'eshem pa t'ajuytajyi. ¿Ampa ca amônlhanit'eyam pa ca isa' ca at'eshyam?
37Lhechesh pa yicuulh pa Isaac:
—A'va, yivaatsha apis ti jajutem ja Jacob ti yash'ac'oya, jajutem shta ti lhcavosesh lhacôm'a papi lhavelhavot. Pa jayeetshem shta ca uja' pa lhtrigo shi' pa ôtjayetaj t'i'. ¿She pa isjop ca jasnatesh'am nôqueesh na yaôs?
38Pa Esaú nachanesh ti yit'esh:
—¿Sasjop'am ca ve'lhaa pa ca lhjunasha ca at'eshyam pa is, na tata? ¡At'eshyam yitsha pa is!
Pa ve'lheesh yip'in shta pa tônesh'in.*xz*
39Lhechesh pa yit'esh pa Isaac:
“Atojemey jayu pa lhôv'ejop pa is
cotsjaat am'am jayu shta pa tsha'nu.
40Uj ti lhcafiyan jayu pa aclesataj
pa lhcavoash jayu ja ach'inish;
vooy ca nat'untaj'in,
pa lhtatjôclem'avach jayu.”*xa,xb*
Pa Jacob yiclôtc'oya pa Esaú
41Lhech t'aplhuqu'e pa Esaú ti yicônitshi pa Jacob tôlheyjop ti yit'eshem pa is pa lhtata, pa yaychavalh'in: “Jô'lhaa ti palha shalhac'oya pa vatacshinjayash ca nivaftaj na tata; lhecheesh pa jaclôn jayu na yich'inish Jacob.”
42C'oya ti yitô'ya lhpa Rebeca pa lhjunash ti yisnatesh jayu pa Esaú, pa tayôjijanesh ti nachey pa Jacob pa yit'esha:
—A'va, ja achecla' Esaú tcaatshay'ash pa naclôn jayu. 43Lhe'naa na yaôs, ach'anyi; meey tatsha ja lhajpôyich ja checla' Labán, yiey ja Harán. 44Amônlhaajop'in jayu cum, vooy ca nôjtajesh'apee pa t'asuyi na achecla' 45pa nitôvacluqu'e jayu java lhasnatshem. Lhecheesh pa javancachen'ay jayu ca chinanfac'am pa atpec. ¡Niyit'esh ca nasc'oyesh napi napu' yicles pa ve'lha nalhu!
46Lhpa Rebeca yit'esha shta pa Isaac:
—Na yimônlhajayash yulhôj'e nava tô'lha napi hititas napin lhjayasesh na Esaú. Nan lhjunash na Jacob ca lhjayatajeesh lhpa hitita nan lhjunash napi yie' na Canaán, pa ya'shesh ti tajulheyam ca javaf.
Currently Selected:
Génesis 27: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
Génesis 27
27
Pa Isaac is pa yit'eshem pa Jacob shi' pa Esaú
1Pa Isaac palha c'utsaaj, palha tacluqu'esh. Ve'lha pa nalhu ti tôney pa Esaú, c'utsa'jesh lhaôs, pa yit'esh:
—¡Na yaôs!
—At'eshyam, tata —yit'esh pa Esaú. 2—Apis ti lhasvan ti palha yac'utsaaj; yit'esh pa Isaac—. Caaj jayu pa nalhu ti javaf jayu. 3Lhe'naa ti jayeesh ca môjaam pa yita' pa achaaj na aclutsesh shi' nava ac'ôjey ca avooy pa yaquiset. 4Pa asnateshyam pa is yôc, yiey nan lhjunash ti ts'iyôych'e, pa anchaajyi pa jatuj. Pa lhechesh pa jayeesh'am jayu pa is ti jôjjeclay nivaf.
5Taj lhpa Rebeca p'alha ti yipe'ya pa Isaac pa yit'eshaan pa Esaú. Lhe'naa ti yi'van ti yitshaam pa yit'esh ti t'ôtayem'in pa lhtata. 6Lhpa lhech yit'esha pa Jacob, lhaôs taôvclajesh:
—A'va, jape'ya ja atata ti tasinôyelh'in ja achecla' Esaú ti yit'esha: 7‘Avooy pa yaquiset pa asnateshyam pa is yôc pa jatuj, pa jayeesh'am jayu pa is yie' t'ajuyish pa Lhcaanvacle ti jôjeeclay nivaf.’ 8Lhe'naa na yaôs, ach'anyi na jayeesh'a jayu. 9Meey ja yie' java catsiclôy, pa anchaajyi pava napu' isis tashinshtas lhcles. Pa jasnatesh jayu pa lhôc ja atata nan lhjunash ti yiyôych'e. 10Avaatsha pa achaajshey jayu pa is lhôc pa nôque lhjunash pa niteesh'am jayu pa is ti jôjeeclay ninvaf.
11Taj pa Jacob yit'esha lhpa lhamimi:
—Ja checla' uj ja lhsaash ja lhavu'vat, pa ampa yivaatsha. 12Lhayaash ca nit'ajaytajyi ja tata pa nitôyyi jayu, pa yaychavalhey jayu ti janvaclematan; pa nôôlhjônesh ca niteeshyam pa niysa' pa tanca lhech pa is.
13Taj lhpa lhamimi yicuulh:
—Na yaôs, nôque sasch'e jayvujuuysha jayu. Nôqueesh meey pa asnatesh na jayeesh'a; pa anchaaj pava tashinshtas lhcles.
14Pa Jacob pa yichey pava tashinshtas lhcles pa nicha'jey lhpa lhamimi. Lhechesh pa yisnatesh pa is lhôc lhpa lhech nan lhjunash ti yiyôych'e pa Isaac. 15Pa t'acu'meshi lhpa is t'uyjatshi pa Esaú, c'utsa'jesh lhaôs lhpan yan'ôcji pa lhajpôyich, pa yuyjach'e pa Jacob, taôvclajesh lhaôs. 16Pa yiclôpjalheshjop pa Jacob pava t'itjuy shi' pa lhavo' yiey pa am'e pa lhsaash pava tashinshtas lhcles tôjechey. 17Pa yijutshey pa lhôc shi' lhpa yucuve lhpan yisnatshem.
18Lhechesh pa Jacob pa yuyeyshi pa yie' pa lhtata pa yit'esha:
—¡Na tata!
—Nôque jôv'e'. ¿Ta jôque lhôvelh'e ti c'acleselh avaatsha? —niy'ôsesh pa Isaac.
19—Ya'lhech Esaú, na aôs c'utsa'jesh —yicuulh pa Jacob—. Apis ti jasnatesh na lhniyôjieshyiy. Istaa ca aneetsham; pa vi'sha'ne pa atuj na yaquiset can jaclôn, pa at'eshyam pa is.
20Lhechesh pa niy'ôs pa Isaac:
—¿Lhnamesh na apee tatsha, yaôs?
—Pa Lhcaanvacle a'Dios ts'efenesh ti ja'van tatsha —yit'esh pa Jacob.
21Taj ti yit'esha pa Isaac:
—Anc'uyyi, pa jaypacun'a jayu, ca nastôya jô ca yijô'a ca lhecha ja yaôs Esaú.
22Pa Jacob tac'uya pa lhtata ca jaspa tapacunch'e. Lhechesh pa yit'esh pa Isaac:
—“Na t'ôjôj t'ônashjulh ja Jacob, vooy nava t'itjuy lhjunashjulh na Esaú.” 23Nôque lhjunash pa nintô'ya jô, lhayaash pava t'ijuy ti uj pa lhsaash pan lhjunash pa lhchecla' Esaú. Vooy ti yit'eshem jayu pa is, 24pa ve'lheesh niy'ôs:
—¿Yijô' ti a'lhech yaôs Esaú?
—Jech, ya'lhech Esaú —yit'esh pa Jacob.
25Lhechesh pa yit'esha pa lhtata:
—Anjuteshyi, na yaôs, ca jatuj pan lhjunash pa lhavooy, lhechesh pa jayeesh'am jayu pa is.
Pa Jacob yijutey pa lhôc pa lhtata, pa yichaajshey shta pa ôtjayetas t'i'. Pa Isaac tuj pa yiyô'ji shta. 26Ti yivaclhitesh pa yit'esha:
—Anc'uyyi yaôs, pa istaa ca asfin.
27Pa Jacob ti t'acuya ti yifin, pa Isaac yinsits'a' lhpa t'uyjatshiy. Lhechesh pa yit'eshem pa is cavôque lhclishay:
“Jech, côque lhniish lhech na yaôs.
Yamjam'in ca lhniish pa joot pan apis
ti yisnatesh pa Lhcaanvacle.
28Pa Dios yijut'ay jayu pa tsha'nu,
pa is jayu pava acavcalhjes yiey pa cotsjaat,
uj jayu pa trigo, uj jayu shta pa
ôtjayetaj t'i'.
29Pa aclôj papi t'acum'am'in jayu;
papi nivacle t'acjatsuy'e jayu ajuyish.
Lhanvacleash jayu papi ach'injavot;
¡pa t'acjatsuy'e jayu ajuyish!
Papi napôfiyu pa chiypôfiyu
jayu vitsha,
vooy papi yit'esh'am pa is
pa chiyit'eshem jayu vitsha pa is.*xw,xx*
30Palha yivaclhitesh pa Isaac pa is ti yit'eshem pa Jacob, pa nich'a tôlhjop pa Jacob pa yie' pa lhtata, ti nam pa Esaú ti t'ôtay'in. 31Pa lhech yisnatesh yitsha pa is vatôc, pa yicha'jey pa lhtata pa yit'esha:
—Aneetsham, tata; pa atuj na yaquiset yiclôn na aôs, pa at'eshyam pa is.
32Lhechesh pa niy'ôs pa Isaac:
—¿A she avaatsha?
—Ya lhech Esaú, na aôs c'utsa'jesh —yicuulh lhavaatsha.
33Pa Isaac uj ti nitôyiyjat, pa ch'ininch'e pa t'ôjôj ti yit'esh:
—Pa yijô, ¿she papi vooy pa lhaje' pa nichaajyi pa is vatôc? Apis ti jajutey lhacôm'a ti jôjjeclay nianam, pa lhechesh pa jayeetshem pa is, nôqueesh mônlhashi pa is ti chiyit'eshem.
34C'oya pa Esaú ti yipe'ya pa yit'esh pa lhtata, lhechesh pa uj ti yip'in, pa tônesh'in ti yit'esh:
—¡Istaa ca at'eshyam yitsha pa is, na tata!
35Taj ti yit'esh pa Isaac:
—Namyi ja ach'inish pa tsijôtsôclôn'in, pa yiey ti chiyisnatshem pa is ti natsôt'ajtajesh.
36—¡Ninôôlhjôney t'ema ti lheyesh Jacob! —yit'esh pa Esaú—. ¡Apis ti napu'esh ti tsijôtsôclôn'in! Vatjutsa' ti tsijôclesh cava yitsôt'ajshi pa c'utsajesh vataôs,*xy* pa nôqueesh tsijôclesh shta pa is chiyit'eshem pa t'ajuytajyi. ¿Ampa ca amônlhanit'eyam pa ca isa' ca at'eshyam?
37Lhechesh pa yicuulh pa Isaac:
—A'va, yivaatsha apis ti jajutem ja Jacob ti yash'ac'oya, jajutem shta ti lhcavosesh lhacôm'a papi lhavelhavot. Pa jayeetshem shta ca uja' pa lhtrigo shi' pa ôtjayetaj t'i'. ¿She pa isjop ca jasnatesh'am nôqueesh na yaôs?
38Pa Esaú nachanesh ti yit'esh:
—¿Sasjop'am ca ve'lhaa pa ca lhjunasha ca at'eshyam pa is, na tata? ¡At'eshyam yitsha pa is!
Pa ve'lheesh yip'in shta pa tônesh'in.*xz*
39Lhechesh pa yit'esh pa Isaac:
“Atojemey jayu pa lhôv'ejop pa is
cotsjaat am'am jayu shta pa tsha'nu.
40Uj ti lhcafiyan jayu pa aclesataj
pa lhcavoash jayu ja ach'inish;
vooy ca nat'untaj'in,
pa lhtatjôclem'avach jayu.”*xa,xb*
Pa Jacob yiclôtc'oya pa Esaú
41Lhech t'aplhuqu'e pa Esaú ti yicônitshi pa Jacob tôlheyjop ti yit'eshem pa is pa lhtata, pa yaychavalh'in: “Jô'lhaa ti palha shalhac'oya pa vatacshinjayash ca nivaftaj na tata; lhecheesh pa jaclôn jayu na yich'inish Jacob.”
42C'oya ti yitô'ya lhpa Rebeca pa lhjunash ti yisnatesh jayu pa Esaú, pa tayôjijanesh ti nachey pa Jacob pa yit'esha:
—A'va, ja achecla' Esaú tcaatshay'ash pa naclôn jayu. 43Lhe'naa na yaôs, ach'anyi; meey tatsha ja lhajpôyich ja checla' Labán, yiey ja Harán. 44Amônlhaajop'in jayu cum, vooy ca nôjtajesh'apee pa t'asuyi na achecla' 45pa nitôvacluqu'e jayu java lhasnatshem. Lhecheesh pa javancachen'ay jayu ca chinanfac'am pa atpec. ¡Niyit'esh ca nasc'oyesh napi napu' yicles pa ve'lha nalhu!
46Lhpa Rebeca yit'esha shta pa Isaac:
—Na yimônlhajayash yulhôj'e nava tô'lha napi hititas napin lhjayasesh na Esaú. Nan lhjunash na Jacob ca lhjayatajeesh lhpa hitita nan lhjunash napi yie' na Canaán, pa ya'shesh ti tajulheyam ca javaf.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.