Génesis 38
38
Pa Judá shi' lhpa Tamar
1Pava lhech nalhus, pa Judá ti tayjop papi lhavelhavot pa yich ti yie' pa lhajpôyich pa ve'lha nivacle lhey Hira, pan lhchifa'esh papi Adulam lhavos. 2Lhech'e ti nitôfaclesh lhpa lhôse pa ve'lha cananeo lhey Súa, pa lhjaya'esh lhpa lhech. Meelh ti yamelhvane, 3pa yituma lhpa lhech pa caaj pa lhaôs, pan lhqueyesh Er. 4Pa ve'lheesh yituma shta pa caaj peelh lhaôs, pan lhqueyesh Onán. 5Pa caaj shta peelh lhaôs, pa lhqueyesh Sela, pan nivat'aj ti yie'in pa Judá pa Quezib.
6Pa Judá yijayayanesh pa Er, pan c'utsa'jesh lhaôs, lhpa ôcjeclô lhey Tamar. 7Taj ti pa Lhcaanvacle ninanshamesha pava niysisa lhjunashch'e pa Er, pa yivômjat. 8Lhechesh pa Judá pa yit'esha pa Onán:
—ôjqu'enelhch'e lhja lhjayalhtapee ca achecla' pa ôfisjatemch'e pan lhfanishtaj lhavach lha ash'aa,*xt* ca jaspa isjop ca acaatjatem ca achecla' papi ca lhcleseesh ca nitôlhesh'a.
9Taj ti pa Onán yitô'ya ca nanvat'as papi ca lhclesa pa tanca nitsôt'ajesh. Pa lhe'naa ti yinjôt ti yamtajaan lhpa lhjayalhtapee ca lhchecla', pa yalha yinatjatch'een pava lhcles ti yamqu'e na cotsjaat, pa jaspa ya aj ca nituma, pa jaspa ya aj ca nicaaj papi ca lhcleseem ca lhchecla'. 10Vooy pa Lhcaanvacle ujesh ti yiv'ojinatesh pa lhfanishlhavach pa Onán, pa yivômjat shta pa lhech. 11Lhechesh pa Judá pa yit'esha lhpa lhash'aa Tamar:
—Yish'aa, amônlhaa'e pa lhajpôyich pa atata, vooy ca nitônt'ajtaj na yaôs Sela.
Eem ti yaychavalhe'mey pa Judá shta pa Sela ca nivaf jayu jan lhjunash capi lhcheclavot. Lhech lhjunash pa yich lhpa Tamar ti yie'in pa lhajpôyich pa lhtata.
12Acloj pava nalhus ti t'ônshi' pa vaf lhpa lhch'acfa pa Judá, lhca lhôse pa Súa. Meelh ti vô'mesh ti yitacshin'in pa Judá, pa yichey pa yitsaat Timnat, pan yie' papin yivoc'ajatemsha'ne pava lhclôy tashinshtas, shi' pa lhc'utsfa Hira adulamita pa yôôychi. 13Meelh lhpa Tamar ti yayach'e pa lhash'aa ti yichey pa Timnat ti chiyvoc'ajatsha'ne pava lhclôy, 14pa niclanshi lhpa t'uyjatshi lhtacshilhavoque pa vatp'ooj pa sivôclôc lhayeech ca jaspa ninantôfaclesh papu, pa yie'sha'ne yiey pa chiyuy'ejop'im pa yitsaat Emaim, yiey pa nash'e pa lhnôyish t'ajuyey pa Timnat. Lhech lhfanishtajeshc'oya côque, lhayaash ti yitô'ya pa Sela ti pa'lha yitônt'aj, taj ti pa nilhjayaeesh.
15Meelh ti yivan pa Judá, pa yaychavalhey ti lhech lhpa chiyshayan'in nivacche, lhayaash lhpa lhech ti yip'o'e pa lhtaco. 16Lhechesh pa niclôfqu'ejop pa nôyish ti tac'uya pa yie', pa nintô'ya ti lhech lhpa lhash'aa, pa yit'esha:
—¿Lhtatvashanyam ca sht'ôjqu'envatich'e?
—¿She pa lhanjutyam jayu ca sht'ôjqu'ench'e? —niy'ôsesh lhpa lhech.
17—Janchen'ay jayu pa ve'lha java tashinshtaychey lhcles java yiclôy —yit'esh ti yicuulh pa Judá.
—Tajulhey —yit'esh lhpa lhech—, taj ti anôyijop cum pa'na natsôt'ajesh ca janyivach jamjey ca anchentajyi.
18—¿She pa lhen ca janôy'ajop? —niy'ôs pa Judá.
—Anjutyi lha vaniis vatinishesh shi' na avcôjat ti lhchaj'in —yit'esh ti yicuulh lhpa lhech.
Pa yijutem pa Judá pa yôjqu'enelhch'e lhpa lhech, pa yitumjat. 19Pa yich lhpa Tamar pa niclan'e pa vatp'ooj sivôclôc lhayeech, pa vepecch'e lhpa t'uyjatshiy t'ajuya lhpa ôsch'acche.
20Pa nijooylhach'e pa Judá ti yichajchiyinshey pa tashinshtayche lhaôs pa lhc'utsfa adulamita, ca jaspa ninachajey lhpa ôcjeclô pava yanlhavach, taj ti pa lhc'utsfa pa ninvan. 21Pa lhechesh pa niy'ôseshch'e papi nivacle yiey pa lhech'e:
—¿Ta yie' lhja ôcjeclô chishayan'in yiey na Enaim, lhjan yie' lhavôôj na nôyish?
—Yiey nôque nive'lhaa papu ca chinshayan'in —yit'esh'in ti yicuulh ts'ivee.
22Lhechesh pa lhech pa vapecley pan yie' pa Judá pa yit'esha:
—Niyvan lhja ôcjeclô, jô'tajesh japi lhech yie' nivacle ti yit'eshyam'in ti nive'lhaa papu ca nôque nôv'e' ca chinshayan'in.
23Pa yicuulh pa Judá:
—Yaajlhee java lhech, secl'esh ca ama papu ca shinclôqui'; taj ti p'alha ti jachentajey ja tashinshtayche lhaôs, teya ti na'avan.
24Nôjeshch'e pava pu'jana jive'clas pa caaj papi nacheshey ti yit'esha pa Judá:
—Lhja Tamar, ash'aa, yôjqu'enelhch'esha'neen pap'elh nivacle, pa yamjeyshi ti yitumjat.
—¡Ayjatelh'e ca alhônelhsham! —tônesh'in pa Judá.
25Taj ti meelh ti chiyayjat'e lhpa lhech, pa tayôjijanesh ti yit'eshey pa lhash'aa: “Jan yitsôt'ajesh navôque ti nôôyyijop pa tsitumjat. Aclôvalh ca ajaalh pa yie' papi yitsôt'ajesh anôque vaniis vatinishesh shi' na vatcôjat.” 26Meelh pa Judá ti nitôfaclesh java lhech pa yit'esh: “Lha lhech is na lhfanishlhavach, vooy yivaatsha yav'ojey, lhayaash ti nijayayanesh na yaôs Sela.” Pa tanca t'ôyi'sheey ca yôjqu'enelhch'e lhpa lhech.
27Vooy pa nalhu ti nicavat'aj lhpa Tamar, pa napu'ji papi lhcles. 28Pan t'aplhua ti nivat'aj, pa ve'lha papu lhech pa t'ajayeshfach'ee pa t'ituuc. Pa lhechesh lhpan yiclôvalhesh pa yôcfeesh pa isash yuc pa t'ituuc pa yit'esh: “Nôque tanôyinfach'ee.” 29Pa lhech t'aplhuqu'e pa taôvclaj pa yachajtasham pa t'ituuc pa lhch'inishesh pan vatjutsa' fach'ee, pa lhe'naa lhpa lhavoqueesh ti lhqueyesh Fares, lhayaash ti yit'esh: “¡Lhancat'ey nan lhavchee'!” 30Pa nijooylha nivat'aj peelh taôvclaj, pan vanôôcfeesh pa isash yuc pa t'ituuc, pa lhqueyesh Zara.
Currently Selected:
Génesis 38: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
Génesis 38
38
Pa Judá shi' lhpa Tamar
1Pava lhech nalhus, pa Judá ti tayjop papi lhavelhavot pa yich ti yie' pa lhajpôyich pa ve'lha nivacle lhey Hira, pan lhchifa'esh papi Adulam lhavos. 2Lhech'e ti nitôfaclesh lhpa lhôse pa ve'lha cananeo lhey Súa, pa lhjaya'esh lhpa lhech. Meelh ti yamelhvane, 3pa yituma lhpa lhech pa caaj pa lhaôs, pan lhqueyesh Er. 4Pa ve'lheesh yituma shta pa caaj peelh lhaôs, pan lhqueyesh Onán. 5Pa caaj shta peelh lhaôs, pa lhqueyesh Sela, pan nivat'aj ti yie'in pa Judá pa Quezib.
6Pa Judá yijayayanesh pa Er, pan c'utsa'jesh lhaôs, lhpa ôcjeclô lhey Tamar. 7Taj ti pa Lhcaanvacle ninanshamesha pava niysisa lhjunashch'e pa Er, pa yivômjat. 8Lhechesh pa Judá pa yit'esha pa Onán:
—ôjqu'enelhch'e lhja lhjayalhtapee ca achecla' pa ôfisjatemch'e pan lhfanishtaj lhavach lha ash'aa,*xt* ca jaspa isjop ca acaatjatem ca achecla' papi ca lhcleseesh ca nitôlhesh'a.
9Taj ti pa Onán yitô'ya ca nanvat'as papi ca lhclesa pa tanca nitsôt'ajesh. Pa lhe'naa ti yinjôt ti yamtajaan lhpa lhjayalhtapee ca lhchecla', pa yalha yinatjatch'een pava lhcles ti yamqu'e na cotsjaat, pa jaspa ya aj ca nituma, pa jaspa ya aj ca nicaaj papi ca lhcleseem ca lhchecla'. 10Vooy pa Lhcaanvacle ujesh ti yiv'ojinatesh pa lhfanishlhavach pa Onán, pa yivômjat shta pa lhech. 11Lhechesh pa Judá pa yit'esha lhpa lhash'aa Tamar:
—Yish'aa, amônlhaa'e pa lhajpôyich pa atata, vooy ca nitônt'ajtaj na yaôs Sela.
Eem ti yaychavalhe'mey pa Judá shta pa Sela ca nivaf jayu jan lhjunash capi lhcheclavot. Lhech lhjunash pa yich lhpa Tamar ti yie'in pa lhajpôyich pa lhtata.
12Acloj pava nalhus ti t'ônshi' pa vaf lhpa lhch'acfa pa Judá, lhca lhôse pa Súa. Meelh ti vô'mesh ti yitacshin'in pa Judá, pa yichey pa yitsaat Timnat, pan yie' papin yivoc'ajatemsha'ne pava lhclôy tashinshtas, shi' pa lhc'utsfa Hira adulamita pa yôôychi. 13Meelh lhpa Tamar ti yayach'e pa lhash'aa ti yichey pa Timnat ti chiyvoc'ajatsha'ne pava lhclôy, 14pa niclanshi lhpa t'uyjatshi lhtacshilhavoque pa vatp'ooj pa sivôclôc lhayeech ca jaspa ninantôfaclesh papu, pa yie'sha'ne yiey pa chiyuy'ejop'im pa yitsaat Emaim, yiey pa nash'e pa lhnôyish t'ajuyey pa Timnat. Lhech lhfanishtajeshc'oya côque, lhayaash ti yitô'ya pa Sela ti pa'lha yitônt'aj, taj ti pa nilhjayaeesh.
15Meelh ti yivan pa Judá, pa yaychavalhey ti lhech lhpa chiyshayan'in nivacche, lhayaash lhpa lhech ti yip'o'e pa lhtaco. 16Lhechesh pa niclôfqu'ejop pa nôyish ti tac'uya pa yie', pa nintô'ya ti lhech lhpa lhash'aa, pa yit'esha:
—¿Lhtatvashanyam ca sht'ôjqu'envatich'e?
—¿She pa lhanjutyam jayu ca sht'ôjqu'ench'e? —niy'ôsesh lhpa lhech.
17—Janchen'ay jayu pa ve'lha java tashinshtaychey lhcles java yiclôy —yit'esh ti yicuulh pa Judá.
—Tajulhey —yit'esh lhpa lhech—, taj ti anôyijop cum pa'na natsôt'ajesh ca janyivach jamjey ca anchentajyi.
18—¿She pa lhen ca janôy'ajop? —niy'ôs pa Judá.
—Anjutyi lha vaniis vatinishesh shi' na avcôjat ti lhchaj'in —yit'esh ti yicuulh lhpa lhech.
Pa yijutem pa Judá pa yôjqu'enelhch'e lhpa lhech, pa yitumjat. 19Pa yich lhpa Tamar pa niclan'e pa vatp'ooj sivôclôc lhayeech, pa vepecch'e lhpa t'uyjatshiy t'ajuya lhpa ôsch'acche.
20Pa nijooylhach'e pa Judá ti yichajchiyinshey pa tashinshtayche lhaôs pa lhc'utsfa adulamita, ca jaspa ninachajey lhpa ôcjeclô pava yanlhavach, taj ti pa lhc'utsfa pa ninvan. 21Pa lhechesh pa niy'ôseshch'e papi nivacle yiey pa lhech'e:
—¿Ta yie' lhja ôcjeclô chishayan'in yiey na Enaim, lhjan yie' lhavôôj na nôyish?
—Yiey nôque nive'lhaa papu ca chinshayan'in —yit'esh'in ti yicuulh ts'ivee.
22Lhechesh pa lhech pa vapecley pan yie' pa Judá pa yit'esha:
—Niyvan lhja ôcjeclô, jô'tajesh japi lhech yie' nivacle ti yit'eshyam'in ti nive'lhaa papu ca nôque nôv'e' ca chinshayan'in.
23Pa yicuulh pa Judá:
—Yaajlhee java lhech, secl'esh ca ama papu ca shinclôqui'; taj ti p'alha ti jachentajey ja tashinshtayche lhaôs, teya ti na'avan.
24Nôjeshch'e pava pu'jana jive'clas pa caaj papi nacheshey ti yit'esha pa Judá:
—Lhja Tamar, ash'aa, yôjqu'enelhch'esha'neen pap'elh nivacle, pa yamjeyshi ti yitumjat.
—¡Ayjatelh'e ca alhônelhsham! —tônesh'in pa Judá.
25Taj ti meelh ti chiyayjat'e lhpa lhech, pa tayôjijanesh ti yit'eshey pa lhash'aa: “Jan yitsôt'ajesh navôque ti nôôyyijop pa tsitumjat. Aclôvalh ca ajaalh pa yie' papi yitsôt'ajesh anôque vaniis vatinishesh shi' na vatcôjat.” 26Meelh pa Judá ti nitôfaclesh java lhech pa yit'esh: “Lha lhech is na lhfanishlhavach, vooy yivaatsha yav'ojey, lhayaash ti nijayayanesh na yaôs Sela.” Pa tanca t'ôyi'sheey ca yôjqu'enelhch'e lhpa lhech.
27Vooy pa nalhu ti nicavat'aj lhpa Tamar, pa napu'ji papi lhcles. 28Pan t'aplhua ti nivat'aj, pa ve'lha papu lhech pa t'ajayeshfach'ee pa t'ituuc. Pa lhechesh lhpan yiclôvalhesh pa yôcfeesh pa isash yuc pa t'ituuc pa yit'esh: “Nôque tanôyinfach'ee.” 29Pa lhech t'aplhuqu'e pa taôvclaj pa yachajtasham pa t'ituuc pa lhch'inishesh pan vatjutsa' fach'ee, pa lhe'naa lhpa lhavoqueesh ti lhqueyesh Fares, lhayaash ti yit'esh: “¡Lhancat'ey nan lhavchee'!” 30Pa nijooylha nivat'aj peelh taôvclaj, pan vanôôcfeesh pa isash yuc pa t'ituuc, pa lhqueyesh Zara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.