Génesis 39
39
Pa Josê shi' lhpa lhch'acfa pa Potifar
1Pa chiychajey pa Josê pa Egipto, pa ve'lha Egipto lhavo' lhey Potifar tcashayesha papi ismaelitas papi lhech yichaajshi. Pa Potifar lhanvacleesh papi lhcafoquelhay pa faraón, pan lhanvacleesh'e pa Egipto. 2Taj pa Lhcaanvacle Dios mônlhajop pa Josê,*xu* pa is ti yie' pa lhajpôyich pa lhanvacle Egipto lhavo'. 3Pa lhanvacle ti yitôôysha ti yi'jop pa Lhcaanvacle pa Josê, pa is pa lhfanishesh lhacôm'a. 4Lhe'naa ti uj ti yen pa Josê pa lhanvacle, pa yefenchiyin lhavach ti lhcaanvacleesh pa lhajpôyich shi' lhacôm'a pava caajem. 5Tôlhesh'e pa nalhu pa Potifar ti yinvacleyanesh pava yitsôt'ajesh, pa Lhcaanvacle Dios is pa yit'eshem pa Egipto lhavo' yiey pa lhajpôyich shi' pa lhcac'ovat tôlh'ejop pa Josê. 6Pa lhech ti yiclôvalhem lhacôm'a pava caajem, pa nit'ôyi'sheey ca naychavalhaan pa Potifar, tsi'sha ti tsaccun.
Pa Josê lhasnôyech ti chiyivan. Ti yi'van pa uj ti yen. 7Lhe'naa ti caaj pa nalhu lhpa lhch'acfa pa lhanvale ti yovalhsha'ne pa lhech, pa yit'esha:
—Istaa ca shtôjqu'ench'e.
8Taj ninteesh pa Josê, pa yit'esh:
—A,va, ja yinvacle niyôjeeshyi ti jaclôvalhem lhacôm'a nava caajem. Pa nôque jôv'e', pa ampa ca naychavalhaan. 9Yiey nôque jpôyich ampapu ca naashyic'oya. Ja yinvacle ampa ca nishiyanyam, ve'lheey avaatsha, lhayaash ti ach'acfa. Pa nôque lhjunash, ¿ta lhayaash ca jasnatesh pa uj sasch'e ca jasnatajesh pa t'ajuyjulh pa Dios?
10Lha'ma yajatesh pava nalhus ti nachantaj pa Josê ca nôjqu'enelhch'e lhpa lhech, taj ti ninuesha. 11Taj ti caaj pa nalhu pa Josê ti yuy'ôcji pa lhajpôyich ti t'acum'ôcjiin. Pa lhech'e pa ampapu ca nôv'e'. 12Lhpa lhech t'acumesh'e lhpa t'uyjatshi pa yit'esha:
—Shtajojane cum.
Taj ti vacumajfach'ee pa lhech pa mônlheeshi lhpa t'uyjatshiy. 13Lhpa lhech ti yi'van ti tay'ôcji pa jpôyich taj ti mônlheesh lhpa t'uyjatshiy pava lhpôcôtôy, 14pa tôney papi lhcavos pa yit'esha:
—A'va, ja yich'acfa nichaajjooy na ve'lha hebreo pa shinclôqui nôqueesh. Nachyishi pa tsivan pa yentaj ca yijoelhsha'ne, taj ti jasitsenesh ti jayafshiy. 15Ti tsipe'ya ti jasitsenesh ti jayafshiy, pa vacumajfach'ee pa yivôm'e lha t'uyjatshiy.
16Lhechesh pa yisclansha'ne lhpa t'uyjatshi pa Josê tach'aneshc'oya ca natpectajey pa lhajpôyich pa lhanvacle. 17Lhet lha t'ônasheshem shta ti nifaclem, ti yit'esh:
—Na vatcavo hebreo na lhanchajeelhyi nuyiyshi yiey ja jôv'e' lhtôvash pa yentaj ca nasclôqui'. 18Taj ti vooy ti jasitsenesh ti jayafshiy ca vacumajfach'ee pa yivôm'e lha t'uyjatshiy. 19Nôque lhfanishyish na acavo.
Pa lhanvacle pa Josê pa uj ti suy ti yipe'yeesh lhpa lhch'acfa ti nifaclem. 20Lhechesh pa t'acum'e pa Josê pa yan'e' lhpa vatvanc'ocfajavte, 21pa Lhcaanvacle Dios mônlhajop pa Jos'e,*xv*, pa yefenesh shta ti jaspa lhc'utsfaesh pa lhanvacle lhpa vatvanc'ocfajavte. 22Pa yiclôvalhchiyinesh lhacôm'a papi vanôôcfasha'ne. Pa Josê yiyôjiesha lhacôm'a pava chiyisnatesh'in yiey pa lhech'e. 23Pa lhcaanvacleesh lhpa vatvanc'ocfajavte pa nisuyeeshi ca niclôvalh pavan yiclôvalhchiyinesh pa Josê, lhayaash pa Lhcaanvacle Dios ti mônlhajop pa lhech, pa yajatesh ti is pa lhanfanash.
Currently Selected:
Génesis 39: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
Génesis 39
39
Pa Josê shi' lhpa lhch'acfa pa Potifar
1Pa chiychajey pa Josê pa Egipto, pa ve'lha Egipto lhavo' lhey Potifar tcashayesha papi ismaelitas papi lhech yichaajshi. Pa Potifar lhanvacleesh papi lhcafoquelhay pa faraón, pan lhanvacleesh'e pa Egipto. 2Taj pa Lhcaanvacle Dios mônlhajop pa Josê,*xu* pa is ti yie' pa lhajpôyich pa lhanvacle Egipto lhavo'. 3Pa lhanvacle ti yitôôysha ti yi'jop pa Lhcaanvacle pa Josê, pa is pa lhfanishesh lhacôm'a. 4Lhe'naa ti uj ti yen pa Josê pa lhanvacle, pa yefenchiyin lhavach ti lhcaanvacleesh pa lhajpôyich shi' lhacôm'a pava caajem. 5Tôlhesh'e pa nalhu pa Potifar ti yinvacleyanesh pava yitsôt'ajesh, pa Lhcaanvacle Dios is pa yit'eshem pa Egipto lhavo' yiey pa lhajpôyich shi' pa lhcac'ovat tôlh'ejop pa Josê. 6Pa lhech ti yiclôvalhem lhacôm'a pava caajem, pa nit'ôyi'sheey ca naychavalhaan pa Potifar, tsi'sha ti tsaccun.
Pa Josê lhasnôyech ti chiyivan. Ti yi'van pa uj ti yen. 7Lhe'naa ti caaj pa nalhu lhpa lhch'acfa pa lhanvale ti yovalhsha'ne pa lhech, pa yit'esha:
—Istaa ca shtôjqu'ench'e.
8Taj ninteesh pa Josê, pa yit'esh:
—A,va, ja yinvacle niyôjeeshyi ti jaclôvalhem lhacôm'a nava caajem. Pa nôque jôv'e', pa ampa ca naychavalhaan. 9Yiey nôque jpôyich ampapu ca naashyic'oya. Ja yinvacle ampa ca nishiyanyam, ve'lheey avaatsha, lhayaash ti ach'acfa. Pa nôque lhjunash, ¿ta lhayaash ca jasnatesh pa uj sasch'e ca jasnatajesh pa t'ajuyjulh pa Dios?
10Lha'ma yajatesh pava nalhus ti nachantaj pa Josê ca nôjqu'enelhch'e lhpa lhech, taj ti ninuesha. 11Taj ti caaj pa nalhu pa Josê ti yuy'ôcji pa lhajpôyich ti t'acum'ôcjiin. Pa lhech'e pa ampapu ca nôv'e'. 12Lhpa lhech t'acumesh'e lhpa t'uyjatshi pa yit'esha:
—Shtajojane cum.
Taj ti vacumajfach'ee pa lhech pa mônlheeshi lhpa t'uyjatshiy. 13Lhpa lhech ti yi'van ti tay'ôcji pa jpôyich taj ti mônlheesh lhpa t'uyjatshiy pava lhpôcôtôy, 14pa tôney papi lhcavos pa yit'esha:
—A'va, ja yich'acfa nichaajjooy na ve'lha hebreo pa shinclôqui nôqueesh. Nachyishi pa tsivan pa yentaj ca yijoelhsha'ne, taj ti jasitsenesh ti jayafshiy. 15Ti tsipe'ya ti jasitsenesh ti jayafshiy, pa vacumajfach'ee pa yivôm'e lha t'uyjatshiy.
16Lhechesh pa yisclansha'ne lhpa t'uyjatshi pa Josê tach'aneshc'oya ca natpectajey pa lhajpôyich pa lhanvacle. 17Lhet lha t'ônasheshem shta ti nifaclem, ti yit'esh:
—Na vatcavo hebreo na lhanchajeelhyi nuyiyshi yiey ja jôv'e' lhtôvash pa yentaj ca nasclôqui'. 18Taj ti vooy ti jasitsenesh ti jayafshiy ca vacumajfach'ee pa yivôm'e lha t'uyjatshiy. 19Nôque lhfanishyish na acavo.
Pa lhanvacle pa Josê pa uj ti suy ti yipe'yeesh lhpa lhch'acfa ti nifaclem. 20Lhechesh pa t'acum'e pa Josê pa yan'e' lhpa vatvanc'ocfajavte, 21pa Lhcaanvacle Dios mônlhajop pa Jos'e,*xv*, pa yefenesh shta ti jaspa lhc'utsfaesh pa lhanvacle lhpa vatvanc'ocfajavte. 22Pa yiclôvalhchiyinesh lhacôm'a papi vanôôcfasha'ne. Pa Josê yiyôjiesha lhacôm'a pava chiyisnatesh'in yiey pa lhech'e. 23Pa lhcaanvacleesh lhpa vatvanc'ocfajavte pa nisuyeeshi ca niclôvalh pavan yiclôvalhchiyinesh pa Josê, lhayaash pa Lhcaanvacle Dios ti mônlhajop pa lhech, pa yajatesh ti is pa lhanfanash.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.