San Lucas 2
2
1Pava lhech nalhus yiyôjaa pa uj Roma lhanvacle lhey Augusto jaspa chiyitsjuulh lhacôm'a japi yiey ja lhcootsjat. 2Côque vatjutsa'esh ti yitsjuulh jan t'aplhuqu'e ti lhcaanvacleesh'e pa Cirenio ja cotsjaat Siria. 3Lhacôm'a ti vapecley'inc'oya pava lhavtsates jaspa lhech chinatsjulh'e. 4Pa lhe'naa ti tay'e pa José ja yitsaat Nazaret ja Galilea, pa yichey ja yitsaat Belén lhalhech'e ja Judea, yiey jan nivat'aj'e pa David, lhayaash ti ve'lheelhch'e pa José pa David. 5Yichey ja Belén jaspa chinatsjuulh jayu vitsha, tanaôycheelh lhpa lhjaya María taj ti p'alha ti yituma. 6Yalhatajesh ti yijuuj ti yiey ja Belén, lhayaash ti yameyjop pa nalhu ti nivat'aj pa lhaôs. 7Pa meelh ti nivat'aj pa vatjutsa' lhaôs pa tatsha ti yiclôpjalheshch'e pava sivôclôclhayjey, pa chiyanshi shta lhpa tashinshtaj lhtsaccunjatshi, lhayaash ti ampa ca nôv'e ts'ivee vaclaesh pa jpôyich.
Papi ángeles shi' papi tashinshtas lhavos
8Shalheema ja Belén papi tashinshtas lhavos yiclôvalh pava lhclôy tashinshtas ti tulhey. 9Pa lhechesh pa nameyshicham pa ve'lha lh'ángel pa Lhcaanvacle pa vooy pa lhasnôycheyash pa Lhcaanvacle pa yitujat'apee papi lhech; pa uj ti nijovayshi ts'ivee. 10Taj ti yit'esh pa ángel:
“Ya aj ca anjova'yelh'in, janfaclelh'am na isch'e ya'clish, t'ajuya lhacôm'a napi yie' na cotsjaat jaspa nishamesh jayu: 11Nôqueesh nivat'aj'e na lhavtsaat ca David ja a Lhavqu'ilhjenajelh avaatsheelh. Jô lhech Cristo Lhcaanvacle. 12Chiyjutelh'ay ti chinavanjayinshelh, lhavanelh jayu ja taôvclaj ti chiyiclôpjalheshch'e pava sivôclôclhayjey, yijo'ôcji shta ja tashinshtas lhajpôyich.”
13C'oya ti china ti yivan ts'ivee pa ve'lha ángel, acloj shta pap'elh ángeles tôlhshaam pa vôôs. Papi lhech yôclôj pa Dios pa yit'esh:
14“¡Chiyôclôj ja Dios ti yichishamnee!
¡Chiisiyanvatjulh jayu napi yiey na cotsjaat
napi yen pa Dios.
15Yalhatajesh ti shan papi ángeles ti vapecley pa vôôs, pa lhechesh ti yit'eshvatsham'in papi tashinshtas lhavos:
—Shnôquelhey ja Belén, jaspa shtavaney jayu pa chivclanjatjoom ti nifacjoom ja Lhcaanvacle.
16Pa lhechesh pa tacumajeyvatich'e pa yi'van lhpa María shi' pa José shi' pa taôvclaj yi'shi' lhpa tashinshtas lhtsaccunjatshi. 17C'oya ti yi'van, pa nifaclem pava yit'esha pa ángel. 18Lhacôm'a papi tpeeycheyesh cavôque pa nitôyiyjach'e. 19Lhan'e lhpa María yaychavalhch'e lhacôm'a cavôque matas, pa ninayjatey'in lhcachi' cavôque. 20Pa vapecl'in papi tashinshtas lhavos pa t'a'lhey pa Dios pa yôclôjesh lhacôm'a pava matas pavan yivaney shi' pavan tpeeycheyesh, pa clamem pan lhnônash ts'ivee.
Pa taôvclaj Jesús ti chiychajey pa vatishjanjavat
21Yameyjop pava pu'janayama nalhus ti chiyseej clee pa taôvclaj, pa chiyeyiyanesh JESUS, lhech t'ônashem lhpa María pa ángel ti jôjjeclay nintuma.*xo* #2.21 Lv 12.3.,#2.21 Lc 1.31.
22C'oya ti yameyjop pan t'aplhu' ti tsaccun'in yiey jan t'ônashch'e java lhayôjijates pa Moisés, pa chiychajey pa taôvclaj ja Jerusalén jaspa chinôclitem pa Lhcaanvacle Dios. 23Lhech yifanishesh cavôque, lhayaash ti lhech t'ônashch'e java lhayôjijates pa Lhcaanvacle ti yi'sesh'e: “Lhacôm'a papi yilhavaycunsha'ne lhcles yitsjôy yivenchatesh pa Lhcaanvacle Dios”.*xq* 24Yichey ts'ivee pa yichaaj pava lhcufayjates pa tisesh pa Lhcaanvacle, yiey can t'ônashesh java lhayôjijates: Napu' pava oftaas ja't'ajesha pava ofotas.#2.23 Ex 13.2,12.,#2.22-24 Lv 12.6-8.
25Yiey ja Jerusalén caaj pa ve'lha nivacle lhanquey Simeón. Pa lhech nivacle issha'ne jum, yajatesh ti t'a'lhey pa Dios. Pa vatjumteeshc'oya japi yiey ja Israel jaspa chinalhjensha'ne. Lhan'e pa Espíritu Santo pa yi'jop pa Simeón. 26Apis ti yiyôjiesha pa Espíritu Santo pa yit'esh: Tanca avaf ca ni avantaja ja Cristo ti nichen jayu ja Lhcaanvacle. 27Pa lhechesh pa yichey ja vatishjanjavat, pa nôque lhayashch'e pa Espíritu Santo; c'oya ti yicha'jey pa taôvclaj Jesús papi lhnavot ja vatishjanjavat, lhayaash ti yameyjop jan t'ônash ja vatyôjijat. 28Pa lhechesh pa t'acum'e pa taôvclaj ti yiclôôp pa yôclôj pa Dios pa yit'esh:
29Nôqueesh, Lhcaanvacle, tajulheyyam ca javafesh,
lhayaash ti yameyjop na lhanfacleem na acavo.
30Lhayaash ti yi'van nava yitôsjey
na vatqu'ilhjenjayash,
31ti lhasnatshem lhacôm'a napi yiey na cotsjaat.
32Na lhech Lhavqu'ilhjenaj catisitajesh lhavaatsha
jaspa nôclit'apee papi nilhchifasa
japi Israel lhavos,
yôclôj napi yiey na avtsaat Israel.*xs*
# 2.32 Is 42.6; 49.6; 52.10.
33Pa José shi' lhpa lhamimi pa Jesús nitôyiyjatesh pava yipe'yeesh pa Simeón pa taôvclaj. 34Pa lhechesh pa yit'eshem pa Simeón pava isis, pa yit'esha lhpa María, Jesús lhamimi:
—Ovalhey, nôque taôvclaj chinôôclhanitajop napi Israel lhavos jaspa navanjayinshelh papi acloj nicôtch'esha'ne jayu shi' papi netshamch'e. Chiyanjop taj ti acloj papi yicônitshi jayu. 35Nôque lhjunash'in jayu jaspa chitôyjata pava lhaychavalhjanôc pava lhcachic. Lhatjuya jayu avaatsha ca chintsefeeshtajeyshi pa asôc'ôclit.
36Lhech yie' shta lhpa Ana chiytôyjatc'oya pava ti vaclan, lhôse pa Fanuel, lhalhech'e pa Aser. Lhapa c'utsja'. Lhjayaesh lhapesh ti lhutsja pa napu'yama pava lhnincôpesesh ti mônlheelhvatcop pa lhjaya. 37Nôqueesh ochenta y cuatro pava lhnincôpes ti ôsch'accheesh. Nintay'ôcji ja vatishjanjavat, t'acumem'in pa Lhcaanvacle ti nalhu shi' ti tulh'in, ujesh ti t'a'lhey pa vat'ayipcuyan shta. 38Lhech t'aplhuqu'e ti yiesh'e t'ajuyish lhpa Ana pa taôvclaj Jesús ti yijutey t'ishameesh pa Dios. Pa lhechesh pa tasinôyesh lhacôm'a pava chitach'aneshc'oya ca chinalhjenesh pa Jerusalén.
Pa vapecleylhach'e pa Nazaret
39Meelh ti nôjeshch'e ti yameyjop lhacôm'a java lhayôjijates pa Lhcaanvacle, pa vapecley ts'ivee ja Galilea lhech'e ja lhavtsaat Nazaret.*xt* 40Vat'iychisham pa necjôôc pa yicheshchisham pa t'unaj, yicheshchisham shta pa lhcajôysha. Vooy pa Dios vats'ôe'. #2.39 Mt 2.23.
Yiey pa vatishjanjavat pa necjôôc Jesús yi'jop papi vanqu'eyjatsjan
41Yinjôt pava yincôpes ti yichey'in papi lhnavot ja Jerusalén pan t'aplhu'in ti pascuaesh'in.*xu* 42C'oya ti doce pava lhnincôpes pa Jesús, pa yichey ja Jerusalén yama pa yifayjanesh pa lhc'usiyashesh'in. 43Vapecl'in ts'ivee ti nôjeshch'e pa vatc'usiyashesh'in, lhan'e pa necjôôc Jesús mônlhee ja Jerusalén. Lhan'e lhpa lhamimi shi' pa José pa nintô'ya ts'ivee ti mônlhee. 44Pa yaychavalhtajeshch'e ca nôvji' papi lha'yavot. Ve'lha pa nalhu yitajeshch'e pa nôyish; pa vo'tajeysha'ne ca nôvji' papi lhavelhavot shi' papi nitôfaclelhvach. 45Taj ti ninvan ts'ivee, pa tapecshey shta ja Jerusalén ti vo'tajeysha'ne. #2.41 Ex 12.1-27; Dt 16.1-8.
46Vooy ti pu'janach'e pava nalhus pa yivan'e ts'ivee yiey pa vatishjanjavat yi'shi' lhcachivat papi vanqu'eyjatsjanesh pava lhfanishlhavach, tach'ana jum ts'ivee pa niyôs'in shta. 47Lhacôm'a pava yipe'yeesh pa nitôyiyjatesh ti ampava ca nastanc'oya pava niyôsesh'in. 48Lhech t'e'lhesh ti yi'van pa yovalheyshi ts'ivee; pa yit'esha lhpa lhamimi:
—Yaôs, ¿ta t'e lhayaash ti lhech afanishelhyish? Na atata ya chi' shta uj ti javoolh'aysha'ne.
49Pa lhechesh pa yit'esh pa Jesús:
—¿Ta t'e lhayaash ti lhavoolhyiin? ¿Na antôyeshelhyi' ti yapitôjesh'in nava yiey na lhajpôyich ja Tata?
50Taj ti nintôyc'oya ts'ivee pava yit'esha.
51Pa lhechesh pa yichvatich'e pa vapecley ja Nazaret, yuesha tatsha, lhayaash ti yajatesh ti niqu'ishamem. Vooy lhpa lhamimi yiney lhcachi' lhacôm'a cavôque. 52Pa lhechesh pa vat'iychisham pa Jesús pa yicheshchisham shta pa lhcajôysha, pa vats'ôe jum pa Dios.#2.52 1 S 2.26; Pr 3.4.
Pa Juan, Vatnayjayash lhavo', vanqu'eyjatsjan'e pa ampapu ca nôv'e'
(Mt 3.1-12; Mr 1.1-8; Jn 1.19-28)
Currently Selected:
San Lucas 2: NIVA
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.
San Lucas 2
2
1Pava lhech nalhus yiyôjaa pa uj Roma lhanvacle lhey Augusto jaspa chiyitsjuulh lhacôm'a japi yiey ja lhcootsjat. 2Côque vatjutsa'esh ti yitsjuulh jan t'aplhuqu'e ti lhcaanvacleesh'e pa Cirenio ja cotsjaat Siria. 3Lhacôm'a ti vapecley'inc'oya pava lhavtsates jaspa lhech chinatsjulh'e. 4Pa lhe'naa ti tay'e pa José ja yitsaat Nazaret ja Galilea, pa yichey ja yitsaat Belén lhalhech'e ja Judea, yiey jan nivat'aj'e pa David, lhayaash ti ve'lheelhch'e pa José pa David. 5Yichey ja Belén jaspa chinatsjuulh jayu vitsha, tanaôycheelh lhpa lhjaya María taj ti p'alha ti yituma. 6Yalhatajesh ti yijuuj ti yiey ja Belén, lhayaash ti yameyjop pa nalhu ti nivat'aj pa lhaôs. 7Pa meelh ti nivat'aj pa vatjutsa' lhaôs pa tatsha ti yiclôpjalheshch'e pava sivôclôclhayjey, pa chiyanshi shta lhpa tashinshtaj lhtsaccunjatshi, lhayaash ti ampa ca nôv'e ts'ivee vaclaesh pa jpôyich.
Papi ángeles shi' papi tashinshtas lhavos
8Shalheema ja Belén papi tashinshtas lhavos yiclôvalh pava lhclôy tashinshtas ti tulhey. 9Pa lhechesh pa nameyshicham pa ve'lha lh'ángel pa Lhcaanvacle pa vooy pa lhasnôycheyash pa Lhcaanvacle pa yitujat'apee papi lhech; pa uj ti nijovayshi ts'ivee. 10Taj ti yit'esh pa ángel:
“Ya aj ca anjova'yelh'in, janfaclelh'am na isch'e ya'clish, t'ajuya lhacôm'a napi yie' na cotsjaat jaspa nishamesh jayu: 11Nôqueesh nivat'aj'e na lhavtsaat ca David ja a Lhavqu'ilhjenajelh avaatsheelh. Jô lhech Cristo Lhcaanvacle. 12Chiyjutelh'ay ti chinavanjayinshelh, lhavanelh jayu ja taôvclaj ti chiyiclôpjalheshch'e pava sivôclôclhayjey, yijo'ôcji shta ja tashinshtas lhajpôyich.”
13C'oya ti china ti yivan ts'ivee pa ve'lha ángel, acloj shta pap'elh ángeles tôlhshaam pa vôôs. Papi lhech yôclôj pa Dios pa yit'esh:
14“¡Chiyôclôj ja Dios ti yichishamnee!
¡Chiisiyanvatjulh jayu napi yiey na cotsjaat
napi yen pa Dios.
15Yalhatajesh ti shan papi ángeles ti vapecley pa vôôs, pa lhechesh ti yit'eshvatsham'in papi tashinshtas lhavos:
—Shnôquelhey ja Belén, jaspa shtavaney jayu pa chivclanjatjoom ti nifacjoom ja Lhcaanvacle.
16Pa lhechesh pa tacumajeyvatich'e pa yi'van lhpa María shi' pa José shi' pa taôvclaj yi'shi' lhpa tashinshtas lhtsaccunjatshi. 17C'oya ti yi'van, pa nifaclem pava yit'esha pa ángel. 18Lhacôm'a papi tpeeycheyesh cavôque pa nitôyiyjach'e. 19Lhan'e lhpa María yaychavalhch'e lhacôm'a cavôque matas, pa ninayjatey'in lhcachi' cavôque. 20Pa vapecl'in papi tashinshtas lhavos pa t'a'lhey pa Dios pa yôclôjesh lhacôm'a pava matas pavan yivaney shi' pavan tpeeycheyesh, pa clamem pan lhnônash ts'ivee.
Pa taôvclaj Jesús ti chiychajey pa vatishjanjavat
21Yameyjop pava pu'janayama nalhus ti chiyseej clee pa taôvclaj, pa chiyeyiyanesh JESUS, lhech t'ônashem lhpa María pa ángel ti jôjjeclay nintuma.*xo* #2.21 Lv 12.3.,#2.21 Lc 1.31.
22C'oya ti yameyjop pan t'aplhu' ti tsaccun'in yiey jan t'ônashch'e java lhayôjijates pa Moisés, pa chiychajey pa taôvclaj ja Jerusalén jaspa chinôclitem pa Lhcaanvacle Dios. 23Lhech yifanishesh cavôque, lhayaash ti lhech t'ônashch'e java lhayôjijates pa Lhcaanvacle ti yi'sesh'e: “Lhacôm'a papi yilhavaycunsha'ne lhcles yitsjôy yivenchatesh pa Lhcaanvacle Dios”.*xq* 24Yichey ts'ivee pa yichaaj pava lhcufayjates pa tisesh pa Lhcaanvacle, yiey can t'ônashesh java lhayôjijates: Napu' pava oftaas ja't'ajesha pava ofotas.#2.23 Ex 13.2,12.,#2.22-24 Lv 12.6-8.
25Yiey ja Jerusalén caaj pa ve'lha nivacle lhanquey Simeón. Pa lhech nivacle issha'ne jum, yajatesh ti t'a'lhey pa Dios. Pa vatjumteeshc'oya japi yiey ja Israel jaspa chinalhjensha'ne. Lhan'e pa Espíritu Santo pa yi'jop pa Simeón. 26Apis ti yiyôjiesha pa Espíritu Santo pa yit'esh: Tanca avaf ca ni avantaja ja Cristo ti nichen jayu ja Lhcaanvacle. 27Pa lhechesh pa yichey ja vatishjanjavat, pa nôque lhayashch'e pa Espíritu Santo; c'oya ti yicha'jey pa taôvclaj Jesús papi lhnavot ja vatishjanjavat, lhayaash ti yameyjop jan t'ônash ja vatyôjijat. 28Pa lhechesh pa t'acum'e pa taôvclaj ti yiclôôp pa yôclôj pa Dios pa yit'esh:
29Nôqueesh, Lhcaanvacle, tajulheyyam ca javafesh,
lhayaash ti yameyjop na lhanfacleem na acavo.
30Lhayaash ti yi'van nava yitôsjey
na vatqu'ilhjenjayash,
31ti lhasnatshem lhacôm'a napi yiey na cotsjaat.
32Na lhech Lhavqu'ilhjenaj catisitajesh lhavaatsha
jaspa nôclit'apee papi nilhchifasa
japi Israel lhavos,
yôclôj napi yiey na avtsaat Israel.*xs*
# 2.32 Is 42.6; 49.6; 52.10.
33Pa José shi' lhpa lhamimi pa Jesús nitôyiyjatesh pava yipe'yeesh pa Simeón pa taôvclaj. 34Pa lhechesh pa yit'eshem pa Simeón pava isis, pa yit'esha lhpa María, Jesús lhamimi:
—Ovalhey, nôque taôvclaj chinôôclhanitajop napi Israel lhavos jaspa navanjayinshelh papi acloj nicôtch'esha'ne jayu shi' papi netshamch'e. Chiyanjop taj ti acloj papi yicônitshi jayu. 35Nôque lhjunash'in jayu jaspa chitôyjata pava lhaychavalhjanôc pava lhcachic. Lhatjuya jayu avaatsha ca chintsefeeshtajeyshi pa asôc'ôclit.
36Lhech yie' shta lhpa Ana chiytôyjatc'oya pava ti vaclan, lhôse pa Fanuel, lhalhech'e pa Aser. Lhapa c'utsja'. Lhjayaesh lhapesh ti lhutsja pa napu'yama pava lhnincôpesesh ti mônlheelhvatcop pa lhjaya. 37Nôqueesh ochenta y cuatro pava lhnincôpes ti ôsch'accheesh. Nintay'ôcji ja vatishjanjavat, t'acumem'in pa Lhcaanvacle ti nalhu shi' ti tulh'in, ujesh ti t'a'lhey pa vat'ayipcuyan shta. 38Lhech t'aplhuqu'e ti yiesh'e t'ajuyish lhpa Ana pa taôvclaj Jesús ti yijutey t'ishameesh pa Dios. Pa lhechesh pa tasinôyesh lhacôm'a pava chitach'aneshc'oya ca chinalhjenesh pa Jerusalén.
Pa vapecleylhach'e pa Nazaret
39Meelh ti nôjeshch'e ti yameyjop lhacôm'a java lhayôjijates pa Lhcaanvacle, pa vapecley ts'ivee ja Galilea lhech'e ja lhavtsaat Nazaret.*xt* 40Vat'iychisham pa necjôôc pa yicheshchisham pa t'unaj, yicheshchisham shta pa lhcajôysha. Vooy pa Dios vats'ôe'. #2.39 Mt 2.23.
Yiey pa vatishjanjavat pa necjôôc Jesús yi'jop papi vanqu'eyjatsjan
41Yinjôt pava yincôpes ti yichey'in papi lhnavot ja Jerusalén pan t'aplhu'in ti pascuaesh'in.*xu* 42C'oya ti doce pava lhnincôpes pa Jesús, pa yichey ja Jerusalén yama pa yifayjanesh pa lhc'usiyashesh'in. 43Vapecl'in ts'ivee ti nôjeshch'e pa vatc'usiyashesh'in, lhan'e pa necjôôc Jesús mônlhee ja Jerusalén. Lhan'e lhpa lhamimi shi' pa José pa nintô'ya ts'ivee ti mônlhee. 44Pa yaychavalhtajeshch'e ca nôvji' papi lha'yavot. Ve'lha pa nalhu yitajeshch'e pa nôyish; pa vo'tajeysha'ne ca nôvji' papi lhavelhavot shi' papi nitôfaclelhvach. 45Taj ti ninvan ts'ivee, pa tapecshey shta ja Jerusalén ti vo'tajeysha'ne. #2.41 Ex 12.1-27; Dt 16.1-8.
46Vooy ti pu'janach'e pava nalhus pa yivan'e ts'ivee yiey pa vatishjanjavat yi'shi' lhcachivat papi vanqu'eyjatsjanesh pava lhfanishlhavach, tach'ana jum ts'ivee pa niyôs'in shta. 47Lhacôm'a pava yipe'yeesh pa nitôyiyjatesh ti ampava ca nastanc'oya pava niyôsesh'in. 48Lhech t'e'lhesh ti yi'van pa yovalheyshi ts'ivee; pa yit'esha lhpa lhamimi:
—Yaôs, ¿ta t'e lhayaash ti lhech afanishelhyish? Na atata ya chi' shta uj ti javoolh'aysha'ne.
49Pa lhechesh pa yit'esh pa Jesús:
—¿Ta t'e lhayaash ti lhavoolhyiin? ¿Na antôyeshelhyi' ti yapitôjesh'in nava yiey na lhajpôyich ja Tata?
50Taj ti nintôyc'oya ts'ivee pava yit'esha.
51Pa lhechesh pa yichvatich'e pa vapecley ja Nazaret, yuesha tatsha, lhayaash ti yajatesh ti niqu'ishamem. Vooy lhpa lhamimi yiney lhcachi' lhacôm'a cavôque. 52Pa lhechesh pa vat'iychisham pa Jesús pa yicheshchisham shta pa lhcajôysha, pa vats'ôe jum pa Dios.#2.52 1 S 2.26; Pr 3.4.
Pa Juan, Vatnayjayash lhavo', vanqu'eyjatsjan'e pa ampapu ca nôv'e'
(Mt 3.1-12; Mr 1.1-8; Jn 1.19-28)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nivacle Bible © Sociedades Bíblicas Unidas, 1994.