Yoane 11

Yesu Angɔjɔ Lazalo a Bogwa

1Okina mom adaka na yogo, kombe ende Lazalo, moto oBetama, ngando eMalia na mwangwa’nde Malata. 2Lazalo yona odaka na yogo, adaka ngɛnɛ eMalia yona osnoa Kumu malasi, na ohakoa bibota binde na swe jinde. 3Oko boa ngɛnɛ jiLazalo baloma monɔkɔ ai Yesu bo, Kumu, yona odi wɛ na epaeli asambi na yogo. 4Aka Yesu mwako momina, abala bo, Yogo ye editi ebogwa. Edi oko a mojɔ mobokumeja Njambe, na bo Mwana ’Njambe asɛ ekumu a mojɔ momina. 5Yesu adaka na epaeli ai Malata, na mwangwa’nde, na Lazalo. 6Iyo ko, yana aka yo bo Lazalo apekaka, ayeyoa koko masu mabae a esika edaka yo. 7Anɔ masu mamina, abala na bacingami bande bo, Yɛni bosɔmbe koko a Yuda. 8Bacingami babala na nde bo, Kumu, BaYuda bapalakabi bo bale wɛ matai oko na masu ma, na opalaka bo osɔmbe koko oho? 9Yesu asɔmbeja bo, Heures jidi domi-na-jibae a mose. Moto akadala na mose, atasaka nongo libaku, mojɔ bo anɛkɛ bohu bongondo. 10Moto ko akadala na bulu, adi bosaka libaku, mojɔ bo bohu boditi a tei ende. 11Asieja yo bobala mijɔ mi, ajɔ na bn bo, Mina’su Lazalo ahwɛi hiɔ. Mbi ko nakɛkɛ bo namosisojae. 12Bacingami babala na nde bo, Kumu, isa ahwɛi hiɔ, adi bohela a yogo. 13Yesu ko abala a mojɔ mobogwa boLazalo, na bacingami balɛ bo abalaka a mojɔ mohiɔ pɛ. 14Oko boa Yesu abatɔndɔ a bohu ho, Lazalo agwi! 15Nadi na sepi bo naidakabi oho, oko a mojɔ monu, bo ojimeni. Yɛni so bokɛe ai yo edɛye. 16Toma, yona odaka koko na kombe Lipasa, abala na bacingami batongo bo, Suani bokɛ, bo bogwɛ na nde!

17Yana amea Yesu, atana bo Lazalo adaka a esɛmɔ masu manɛi. 18Betania edi na Yelusalema hulelu, mosiso oko kilometa jisato na dea. 19Oko boa BaYuda badoa banɛnɛ ai Malata na Malia bo babagɔmbejae a mojɔ mongɛnɛ ebu. 20Malata ko, ama yo ka bo Yesu akɛkɛ adoe, ami kɛ oko bo amolenoane. Malia ko adika oko a ndako. 21Malata abala na Yesu bo, Kumu, akɔki wɛ da jɔno ka ngɛnɛ embi agwiti. 22Mbi ko najebaka bo oka’nga Njambe nongo edɛye, Njambe adi bopa wɛ mua mongaka wɛ. 23Yesu abala na nde bo, Ngɛnɛ ewɛ adi bongɔ koko. 24Malata amosɔmbeja bo, Najebaka bo adi bongɔ koko a busa bosuka. 25Yesu abala na nde bo, Mbi nadi Bongɔ, nadi koko Bomɔ. Iyona ojimeaka mbi âda koko na bomɔ, nongo akada mogwake. 26Na yona odi mɔ na ojimeaka mbi atagwa nongo. Wɛ ojimaka mojɔ mu? 27Iyo amosɔmbeja bo, Ee Kumu; mbi najimaka bo wɛ odi Masiya, Mwana ’Njambe, yona odaka na sako ebodoa a ngondo.

28Ama yo bala boa, ami kɛ oko a bobea mwangwa’nde na bopɛtɛ bo, Mokoja adoi, na abɔjɔkɔ wɛ. 29Aka yo ekenge emina, angɔ bokpa na akɛ ai Yesu. 30Yesu ko aipaka mea a ngando. Adaka oko a esika esongana yo na Malata. 31BaYuda baya badaka na Malia a ndako a mojɔ moboyea na nde, yana anɛ bo Malia akangɔe pɛlɛpɛlɛ a bomana, bamokimana, mojɔ bo balɛkɛ bo akɛkɛ a esɛmɔ a boyea oho. 32Malia ko, yana amea yo a esika edaka Yesu, yana amonɛ yo, asadumba a bibota binde, na abala na nde bo, Kumu, akɔki wɛ da jɔno, ka ngɛnɛ embi agwiti. 33Yana anɛ Yesu bo yo ayeaka, na BaYuda pongono baya badaka na nde, abema mobemo a molema monde, na ada na monɔngɔ. 34Iyo abala bo, Omopuseabini jɔ? Babala na nde bo, Kumu, doa okanje. 35Yesu ayea bio. 36A mojɔ momina, BaYuda babala bo, Anjani, adaka na nde epaeli soti. 37Bakina babu ko babala bo, Moto yo, yona odipoa miso mamoto omiso mago, aibwanabi bokɔ mokina mojɔ, bo Lazalo aigwabi mojɔ moye? 38Yesu abema koko mobemo, na amea a esɛmɔ. Esɛmɔ edaka oko engbungbulu a tei emonɔ, na edipama na litai linɛnɛ. 39Yesu abala bo, Dongejani litai. Malata, ngɛnɛ emomi yona oma gwa, abala na nde bo, Kumu, apɔbi edɛye, mojɔ bo adi ya masu manɛi. 40Yesu ko abala na nde bo, Mbi nabaliti na wɛ bo odi bonɛ ekumu eNjambe okada na ejimeli? 41oko boa badongeja litai. Yesu akahoa miso diko, na ahala bo, Sesa, mbi nasakoaka wɛ mojɔ bo oki mbi. 42Najebi bo okaka mbi bihole bisusu. Nabali boa ko a mojɔ mobato baya bahikaka mbi, bo bajime bo wɛ olomani. 43Ama yo bala boa, ami bekoa oko bo, Lazalo! imana sokolu! 44Mogwake amana sokolu; mɔmɔ mande na mako mande madaka makandamake na bisenja biesɛmɔ, na boso bonde bohuama na litambala. Yesu abala na bu bo, Mocingoani; mokinani adale.

45Bakina BaYuda banɛnɛ baya badaka na Malia bajimea Yesu yana anɛ bo mojɔ mokɔ yo. 46Bakina batongo ko bakɛ ai BaPalusi na babatɔndɔ mojɔ mokɔ Yesu.

Ndungu a Bowa Yesu

47Basuku banganga na BaPalusi babolea likita libajuji. Babala bo, Iso bôkɔ boni? Moto omina akɔkɔ mindumba minɛnɛ. 48Bokamokina boa, bato basusu mɛnɛ badi bomojimea, na BaLoma badi bodoa a bobeja ngondo esu na likota lisu. 49Okina obu, kombe ende Kayapa, yona odaka mosuku onganga a yanga emina, abala na bu bo. Ino otacingekani nongo mojɔ. 50Na bogwa bomoto omɔci a mojɔ mobato basusu, na bodimoa bolikota lisusu, otaje-bakani bo moto omɔci akagwea bato basusu bo likota lisusu litadimoa, enɔi na bopele ai no bo moto omɔci agwɛ, bo likota lisusu litadimoa? 51Iyo aibala boa na bolɛ bonde mɛnɛ. Adaka mosuku onganga a yanga emina, na apa eseko bo Yesu adi bogwa a mojɔ moliko talihbu; 52te a mojɔ molikota limina pɛ, oko bo abolee bana basusu baNjambe baya banangana a esika emɔci. 53Oko boa badumba ndungu a busa bomina bo bamowoe.

54A mojɔ momina, Yesu aidala koko a tei eBaYuda a bohu. Adonga ena, na akɛ a ekina ngando kombe Epalaima. Esika emina edaka hulelu na lisobe, na ayeyoa oho na hacingami bande. 55Edika mweka pɛ a ehole eKola-eBonɔ eBaYuda. Bato banɛnɛ badonga a bisika bitongo, a bokɛ a Yelusalema, bo basasɛnojae a mojɔ moKola-eBonɔ. 56Ibo baduka Yesu, na babalana yana adaka bo a tei etempelo bo, Olɛkɛni bo? Isa atadoa a Kola? 57Basuku banganga na BaPalusi bama dumba mobeko bo moto akajeba esika edi yo, adi bobajebeja, bo bamopee.

Currently Selected:

Yoane 11: NTNG61

Highlight

Copy