Malako 1

1Bobanga boMwako Mopele moYesu Masiya, Mwana oNjambe. 2Mosɔnɔmɔ a mokanda momotɔndɔi Yisaya bo,

Mbi nalomaka obwɛnji ombi a boso bowɛ.

Iyo âsɛlingoa njea ewɛ.

3Kɔpi emoto yona obekoaka a lisobe bo,

Sɛlingoani njea emokɛngɛ moKumu;

Tangbojani njea iinde.

4Yoane Mobatisi amana na akɛ a lisobe a botɔndɔ mwako bo bato bahekojae milema mibu a mojɔ moboyɛ bojibe, na a mojɔ #1.4 mobatisimo bodindeja bobokea.mobatisimo. 5Bato badonga a makota masusu maYuda na Yelusalema a bokɛ ai yo. Baboloja jibe jibu, na yo ababatisa a dua yena edi na kombe Yoladene. 6Yoane alwaka bisenja bia biyoama na ngungi jikamela. Asadinga na ekpoka eyobo etito a bongo bonde. Mia mande madaka oko bapaala na pɔki eesika. 7Bwɛnji bonde bodaka oko bu,—Okina akɛkɛ adoe ngɔngɔ jimbi yona onɔi mbi na ngulu. Mbi nabɔngiti bo nasumane a bocingoa mokɔ li mosapata jinde. 8Mbi nabatisi no a madiba. Iyo ko âbatisa no a Mwembo Mosenɔke.

Yesu Abanga Elomu Ende

9Yesu adonga a Nasaleta, ngando eGalile, a masu mamina, na Yoane amobatisa a Yoladene. 10Yana aduboaka yo a madiba, Yesu anɛ bokpa bo Diko didipoama, na anɛ Mwembo mokatite ai yo o ekɔmɛli esungu. 11Kɔpi emana koko oho Diko bo, Wɛ odi Mwana ’mbi ongɛnjɔ; sepi embi esusu edi ai wɛ.

12Mwembo momolindea bokpa a lisobe, 13Ayeyoa masu domi-inɛi a lisobe, na Satana amomeka a masu mvinaigre. amina. Adaka oho na tito baesika, na babwɛnji baDiko bamokɔmɛ.

14Iyana asa bo Yoane a blɔkɔ, Yesu akɛ a Galile a botɔndɔ Mwako Mopele moNjambe. 15Abala bo, Ehole ebwani. Bokumu boNjambe bobengi bodoa. Hekojani milema minu. Jimani Mwako Mopele.

16Adaka Yesu akadale a mbongu elibale liGalile, anɛ Simona, na Andalea mwanange ’Simona, bakasope biyoma bibu ta madiba, mojɔ bo badaka badukeli baswi. 17Yesu abala na bu bo, Doani, cingamani na mbi, na mbi nâkɔ no badukeli babato. 18Ibo bakina bwato bobu bokpa mɛnɛ, na bacingama na nde. 19Anɔ yo koko mweka, ane Yakobo mwana oSebede, na mwangwa’nde Yoane. Ibo badaka koko a bwato bobu, na batataka biyoma bibu. 20Yesu ababea bokpa, na bakina sangwa’bu Sebede na basali a bwato a bocingama na nde.

Yesu a Kapalanauma

21Bakɛ a Kapalanauma. Yana ahoa busa a busa boSabata, Yesu akwea a sinagoge a bokoja. 22Bato bakamoa a mojɔ mobokoja bonde, cina bo abakoja na kpaci, te nongo na ekɔmɛli ebasɔni. 23Okina moto yona odaka na mwembo mobe adaka a sinagoge ebu a ehole emina. 24Iyo abekoa bo, Wɛ, Yesu oNasaleta; mojɔ mosu na wɛ modi bo? Odoi a bowa so? Mbi najebaka wɛ. Odi yona Mosɛ nɔke oNjambe. 25Yesu amosia. Abala na nde bo, Da bogo; imana ai yo. 26Mwembo mobe momolulumeja, na momana ai yo na bobekoa bopipo. 27Bato basusu bakamoa bou. Bahɔjɔnɔ bo, Iye ndeni? Bokina bokoja boyene? Iyo adi na kpaci. Nongo abekeaka yo miembo mibe, mimosumaka. 28A mojɔ momina, gala ende enangana bokpa a likota lisusu liGalile.

29Amana Yesu a sinagoge, akɛ na Yakobo na Yoane a ndako eSimona na Andalea. 30Bokio boSimona adaka asambi na yogo, na batɔndɔ Yesu bokpa mojɔ monde. 31Iyo akɛ ai yo, apea ebɔ ende, na amongɔjɔ. Mɔɔlɔ monde mosia bokpa boa, na yo abanga bobakɔmɛ.

32Yana adipa busa a ehole emɔkɔ, badoa ai yo na bato basusu baya badaka na bego, na bato baya badaka na Iniembo mibe. 33Bato basusu bangando batitana a boso bondako. 34Iyo aheleja bato banɛnɛ baya badaka na bego tungu na tungu. Ameja miembo mibe minɛnɛ, na aijima bo miembo mibe mibale, cina bo miembo milɔe mimojebaka.

Yesu a Bonga

35Yesu asisoa a ehole emojukakeli, oko yana adaka busa pɛ bopeta hoa. Amana na akɛ a ekina esika a lisobe a bonga oho. 36Simona na batongo baya badaka na nde bamosusa oho. 37Iyana aholoja lɔo Yesu, babala na nde bo, Bato basusu badukaka wɛ. 38Iyo abasɔmbeja bo, Kinani bokɛe a ngando jitongo jia jidi hulelu, ho natɔndɔe mwako oho pongono. Mbi nadoi oko a mojɔ momina. 39Oko boa adala a likota lisusu liGalile, akatɔndɔe mwako a sinagoge jibu na akamejae miembo mibe.

Yesu Aheleja Moto oMaba

40Okina moto omaba adoa ai Yesu, atita na magbunda a boso bonde, na amongɔɔnɔ bo, Wɛ okapala, odi boheleja mbi. 41Yesu amokea wa enɛnɛ, aninoja ebɔ, na amobɛnjɛ oko bobɛnjɛ. Abala na nde bo, Mbi najimi; hela oko bohela. 42Maba mande masia bokba mɛnɛ, na asɛnoa oko bosɛnoa. 43Yesu amoyaneja bokpa na eleho epipo. 44Abala na nde bo, Yɛ bobala na moto. Kɛ ko, saneja ai nganga, na pa epeeli ebekea Mose a mojɔ mobohela bowɛ, bo bato bajebe. 45Iyo ko akɛ, abanga botɔndɔ bato mojɔ momina, na ananganeja mwako momina. Oko boa, Yesu aihɔnɔ bokwea koko a ngando a bohu. Ayeyoa oko a esika, na bato badonga a ngando jisusu bo badoe ai yo.

Currently Selected:

Malako 1: NTNG61

Highlight

Copy