Malako 7
7
BaBalusi na Mijɔ miBatata
1BaPalusi na bakina basɔni badonga a Yelusalema, na badoa ai yo. 2Ibo banɛ bo bakina bacingami baYesu bayakaka, pɛ ko bopeta sosa mɔmɔ, oko na mbindo. 3Mojɔ bo BaPalusi na BaYuda bamiti sosa mɔmɔ na bopele mɛnɛ, batayaka nongo, cina elisuma a ngando jibatata. 4Bamiti sasɛnoja a lihule lihu a jando, batayaka nongo. Basumaka koko mibeko mitongo minɛnɛ, bososa bokɔpɔ na teni na saani. 5A mojɔ momina, BaPalusi na basɔni bamohɔjɔ bo, Bacingami bawɛ batasumaka ngando jibatata, na bayakaka, pɛ bopeta sosa mɔmɔ mojɔ moye? 6Iyo abala na bu bo, Yisaya alonga soti yana abala yo a mojɔ monu bakosei, o adi mosɔnɔ bo,
Bato ba basumaka mbi na minɔkɔ mibu;
Milema mibu ko midi na mbi bohali.
7Basakoaka mbi oko esakoasakoa;
Mijɔ mikojaka bo midi oko mibeko mibato pɛ.
8Ino okinakani mobeko moNjambe na osumakani oko ngando jibato pɛ. 9Abala na bu koko bo, Soti mɛnɛ, ino olonakani mobeko moNjambe bo osumeni ekɔmɛli ebatata. 10Mojɔ bo, Mose abala bo, Toma suma sangwao na ngwao, na, Yona osingaka sangwa’nde Isa ngwa’nde, yɛ agwɛ oko bogwa. 11Ino ko obalakani bo, Moto akabala na sangwa’nde isa ngwa’nde bo, Nabwani bopa no likonja di; lidi ko Kɔlɔbana; (cina emina edi, Lilekeama ai Njambe) 12ojimakani bo abwaniti bokɔmeja koko sangwa’nde isa ngwa’nde. 13Oko boa, Ebaeli eNjambe mɛnɛ edi eka engasa ai no, mojɔ bo osumakani oko ekɔmɛli ebatata banu. Ngando jitongo jinɛnɛ jikɔkɔ no, jidi koko boa.
14Abolea koko bato ai yo. Abala na bu bo, Ino basusu, hokeani! Gingeani mojɔ mu. 15Moto atabeha nongo na cina eeka yena ekweaka a tei ende. Abehaka oko a mojɔ mongando jia jimanaka ai yo. 16Isa moto adi na matoi manjoki, yɛ ahokee. 17Yana akwea yo a ndako bo akine bato, bacingami bande bamohɔjɔ cina emondɛ momina. 18Iyo abasɔmbeja bo, Ino odini koko na libunga? Otacingeakani bo eka esokolu ekakwea a moto, ebwaniti bomobeja. 19Gina bo, etakweaka nongo a molema monde. Ekweaka oko a sɔpɔ, na emanaka a njima; oko boa, mia masusu mabwani na boyaka. 20Abala koko bo, Moto abehaka oko na ngando jia jimanaka ai yo. 21Mojɔ bo, bilɛli bibe, ndukeli ebe, liba, bowa, bɔɔli, lisɔngi, 22lisoki, bokosea, posa iibe, mbengea, pɔmbɔli, egbo, bondanga, jimanaka oko a molema momoto a tei. 23Ngando ji jisusu jibe jimanaka ai moto a tei; jia jibejaka moto oko ji.
Mwali oSilapoinike
24Adonga Yesu ena, akɛ a dɔngɔ diTula na Sidona. Akwea a ekina ndako, pɛ ko bopala bo bato bajebe bo adi ena. Iyo ko aihɔnɔ bobombama. 25Okina mwali yona oka mojɔ monde adoa na asadumba a bibota binde. Mwana’nde mwali adaka na mwembo mobe. 26Mwali omina adaka MoEla; likota linde mɛnɛ lidaka Silapoinike. Iyo angɔɔnɔ Yesu bo amejae mwembo mobe ai mwana’nde. 27Yesu ko abala na nde bo, Kina bana bapete gola. Ebɔngiti bo botombe milɛmbɛ mibana a bopa bana-bambwa. 28Iyo amosɔmbeja bo, Ee Kumu; bana-bambwa ko bayakaka mbumbu jimilɛmbɛ mibana a cina emesa. 29Yesu abala na nde bo, Yana a ngando ewɛ. Mwembo mobe momani ai mwana’wɛ mwali a mojɔ moekenge emina. 30Mwali akɛ a ndako, atana mwana’nde asambi a gbagba, na mwembo mobe moma mana.
Moto oBohoka
31Yesu adonga a likota liTula. Ahula a njea eSidona, na alena njea eDekapoli bo amee a libale liGalile. 32Badoa ai yo na moto yona odaka na bohoka na likekuma, na bamongɔɔnɔ bo amobakee ebɔ ende. 33Yesu amohɛngɛ mweka ai bato; asa sapi a matoi mande, atwea masɔi, na abakea sapi a yemi ende. 34Akahoa miso oho Diko, asopa pema, na abala na nde bo, Epapata. (Gina emina edi, Ditoama.) 35Matoi mande maditoama bokpa; yemi ende ecingoama, na abala na bopele mɛnɛ. 36Yesu ko abaleha bo batatɔndɔ nongo moto. Nongo abaleha yo na hopipo, ibo bahɛjɛ oko bingi a botɔndɔ mojɔ momina. 37Bato bakamoa bou mɛnɛ. Babala bo, Ngando jikɔkɔ yo jibɔngi kanga jisusu mɛnɛ. Apaka njoki ai bato baya badi na bohoka, na kɔpi ai baya badi bimimi.
Currently Selected:
Malako 7: NTNG61
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo
Malako 7
7
BaBalusi na Mijɔ miBatata
1BaPalusi na bakina basɔni badonga a Yelusalema, na badoa ai yo. 2Ibo banɛ bo bakina bacingami baYesu bayakaka, pɛ ko bopeta sosa mɔmɔ, oko na mbindo. 3Mojɔ bo BaPalusi na BaYuda bamiti sosa mɔmɔ na bopele mɛnɛ, batayaka nongo, cina elisuma a ngando jibatata. 4Bamiti sasɛnoja a lihule lihu a jando, batayaka nongo. Basumaka koko mibeko mitongo minɛnɛ, bososa bokɔpɔ na teni na saani. 5A mojɔ momina, BaPalusi na basɔni bamohɔjɔ bo, Bacingami bawɛ batasumaka ngando jibatata, na bayakaka, pɛ bopeta sosa mɔmɔ mojɔ moye? 6Iyo abala na bu bo, Yisaya alonga soti yana abala yo a mojɔ monu bakosei, o adi mosɔnɔ bo,
Bato ba basumaka mbi na minɔkɔ mibu;
Milema mibu ko midi na mbi bohali.
7Basakoaka mbi oko esakoasakoa;
Mijɔ mikojaka bo midi oko mibeko mibato pɛ.
8Ino okinakani mobeko moNjambe na osumakani oko ngando jibato pɛ. 9Abala na bu koko bo, Soti mɛnɛ, ino olonakani mobeko moNjambe bo osumeni ekɔmɛli ebatata. 10Mojɔ bo, Mose abala bo, Toma suma sangwao na ngwao, na, Yona osingaka sangwa’nde Isa ngwa’nde, yɛ agwɛ oko bogwa. 11Ino ko obalakani bo, Moto akabala na sangwa’nde isa ngwa’nde bo, Nabwani bopa no likonja di; lidi ko Kɔlɔbana; (cina emina edi, Lilekeama ai Njambe) 12ojimakani bo abwaniti bokɔmeja koko sangwa’nde isa ngwa’nde. 13Oko boa, Ebaeli eNjambe mɛnɛ edi eka engasa ai no, mojɔ bo osumakani oko ekɔmɛli ebatata banu. Ngando jitongo jinɛnɛ jikɔkɔ no, jidi koko boa.
14Abolea koko bato ai yo. Abala na bu bo, Ino basusu, hokeani! Gingeani mojɔ mu. 15Moto atabeha nongo na cina eeka yena ekweaka a tei ende. Abehaka oko a mojɔ mongando jia jimanaka ai yo. 16Isa moto adi na matoi manjoki, yɛ ahokee. 17Yana akwea yo a ndako bo akine bato, bacingami bande bamohɔjɔ cina emondɛ momina. 18Iyo abasɔmbeja bo, Ino odini koko na libunga? Otacingeakani bo eka esokolu ekakwea a moto, ebwaniti bomobeja. 19Gina bo, etakweaka nongo a molema monde. Ekweaka oko a sɔpɔ, na emanaka a njima; oko boa, mia masusu mabwani na boyaka. 20Abala koko bo, Moto abehaka oko na ngando jia jimanaka ai yo. 21Mojɔ bo, bilɛli bibe, ndukeli ebe, liba, bowa, bɔɔli, lisɔngi, 22lisoki, bokosea, posa iibe, mbengea, pɔmbɔli, egbo, bondanga, jimanaka oko a molema momoto a tei. 23Ngando ji jisusu jibe jimanaka ai moto a tei; jia jibejaka moto oko ji.
Mwali oSilapoinike
24Adonga Yesu ena, akɛ a dɔngɔ diTula na Sidona. Akwea a ekina ndako, pɛ ko bopala bo bato bajebe bo adi ena. Iyo ko aihɔnɔ bobombama. 25Okina mwali yona oka mojɔ monde adoa na asadumba a bibota binde. Mwana’nde mwali adaka na mwembo mobe. 26Mwali omina adaka MoEla; likota linde mɛnɛ lidaka Silapoinike. Iyo angɔɔnɔ Yesu bo amejae mwembo mobe ai mwana’nde. 27Yesu ko abala na nde bo, Kina bana bapete gola. Ebɔngiti bo botombe milɛmbɛ mibana a bopa bana-bambwa. 28Iyo amosɔmbeja bo, Ee Kumu; bana-bambwa ko bayakaka mbumbu jimilɛmbɛ mibana a cina emesa. 29Yesu abala na nde bo, Yana a ngando ewɛ. Mwembo mobe momani ai mwana’wɛ mwali a mojɔ moekenge emina. 30Mwali akɛ a ndako, atana mwana’nde asambi a gbagba, na mwembo mobe moma mana.
Moto oBohoka
31Yesu adonga a likota liTula. Ahula a njea eSidona, na alena njea eDekapoli bo amee a libale liGalile. 32Badoa ai yo na moto yona odaka na bohoka na likekuma, na bamongɔɔnɔ bo amobakee ebɔ ende. 33Yesu amohɛngɛ mweka ai bato; asa sapi a matoi mande, atwea masɔi, na abakea sapi a yemi ende. 34Akahoa miso oho Diko, asopa pema, na abala na nde bo, Epapata. (Gina emina edi, Ditoama.) 35Matoi mande maditoama bokpa; yemi ende ecingoama, na abala na bopele mɛnɛ. 36Yesu ko abaleha bo batatɔndɔ nongo moto. Nongo abaleha yo na hopipo, ibo bahɛjɛ oko bingi a botɔndɔ mojɔ momina. 37Bato bakamoa bou mɛnɛ. Babala bo, Ngando jikɔkɔ yo jibɔngi kanga jisusu mɛnɛ. Apaka njoki ai bato baya badi na bohoka, na kɔpi ai baya badi bimimi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alliance Biblique de la R. D. Congo