Bisalu Ya Bantumwa 10
10
Mona mesa ya Konelio
1Muntu vandaka mu Kaisalia, nkumbu ya yandi Konelio, nkuluntu ya ndonga ya basoldat ya bingwa ya Italia,
2Nkwa lunungu ya vumina Nzambi ye nzo ya yandi yamvimba, yandi pesaka matabisi mingi ya nkenda kwa bantu, ye lombaka Nzambi ntangu yonso.
3Yandi monaka mona-meso, mu lokula tatu ya kilumbu, wanjo ya Nzambi kotaka kwa yandi ye tubaka kwa yandi: Konelio.
4Yandi talaka yandi ngolo ye vandaka na boma, ye tubaka: Mambu nki, Mfumu ? Yandi tubaka kwa yandi: Lombilu ya nge ye matabisi ya nge ya nkenda imene kwenda nantwala na Nzambi, sambu kubambuka nge.
5Ntangu yai, fidisa bantu ku Yope, ye twala Simoni ya bingwa Petelo. Yoa. 1:42
6Yandi ikele kuvanda na Simoni ya yidika mikanda ya bambizi, nzo ya yandi ikele mfinama ku mbu.
7Bu wanjo ya tubaka kwa yandi imene kwenda, Konelio bingaka basielo zole ya yandi ye soldat mosi ya vumina Nzambi, mosi ya bau ya sadilaka yandi ntangu yonso.
8Bu yandi imene kutuba kwa bau mambu yonso, yandi fidisaka bau ku Yope.
Mona-mesa ya Petelo
9Kilumbu ya landa, bu bau vandaka mu nzila ye mfinamaka ku mbanza, Petelo tombokaka ku zulu ya nzo kulomba, mfinama lokula ya kumi ye zole.
10Yandi vandaka na nzala ye zolaka kudia, kansi bu bau yidikaka madia, yandi monaka monameso; Bis. 11:5
11yandi monaka zulu kanguka ye kima mpilamosi lele ya nene ya kangwa na nsongi iya, kulumuka va ntoto;
12mu yo vandaka bambizi mutindu yonso ya ntoto, ya makulu iya iya, ye bambizi ya dibenda, ye bandeke ya zulu.
13Ndinga tubaka kwa yandi: Petelo, telema kufwa ye kudia.
14Petelo tubaka: Mpilayai ve, Mfumu; kansi mono imene kudia kima ya sumuka keti ya mvindu ta mbala mosi ve.
15Ndinga vutulaka kutuba kwa yandi mbala ya zole: Yina ya Nzambi imene kuvedisa, tuba ve na yo ikele kusumuka. Mat. 15:11; Mal. 7:2, 15; Lom. 14:14; 1 Tim. 4:4; Tit. 1:15
16Mambu yai salwaka mbala tatu, buna kima yina vutukaka ku zulu.
17Bu Petelo kubanzaka mingi mu ntima ya yandi, kana monameso ya yandi monaka ikele mpila nki, tala, bantu ya Konelio fidisaka, telemaka na mwelo, kadi bau imene kuyuvula nzila ya nzo ya Simoni. Bis. 11:11
18Bau bokaka ye yuvulaka kana Simoni ya bingwa Petelo ikele muna.
19Bu Petelo yindulaka monameso, Mpeve tubaka kwa yandi: Tala, bantu ikele kusosa nge. Bis. 8:29
20Telema, kulumuka ye kwenda kwa bau, ye vanda na ntembe ve, kadi mono imene kufidisa bau.
Petelo kwenda ku Kaisalia
21Petelo kulumukaka kwa bantu yina, ye tubaka: Tala, mono ikele yandi ya beno sosa, beno kwiza sambu na mambu nki ?
22Bau tubaka: Konelio, nkuluntu ya basoldat, muntu ya lunungu ya vumina Nzambi, ye kikanda yonso ya baYuda ikele kupesa yandi kitemo ya mbote, wanjo ya nlongo tubaka na yandi fidisa kubinga nge ku nzo ya yandi, ye kuwa mambu ya nge.
23Mpilayai yandi tubaka na bau kota ye yandi pesaka bau sika ya kulala. Na kilumbu ya landa, yandi telemaka ye kwendaka na bau, bampangi yankaka ya Yope kwendaka na yandi mpe.
24Kilumbu ya landa, bau kumaka ku Kaisalia, Konelio vingilaka bau, yandi imene kutikisa bampangi ya yandi ye banduku ya yandi.
25Bu Petelo kotaka, Konelio kutanaka na yandi ye fukamaka na makulu ya yandi ye sambilaka yandi.
26Kansi Petelo telemisaka yandi, ye tubaka: Telema, mono kibeni ikele muntu mpe. Bis. 14:15
27Bu yandi solulaka na yandi, yandi kotaka ye monaka bantu mingi imene kukutakana.
28Yandi tubaka kwa bau: Beno kibeni zaba nsiku buya muntu ya Yuda kuvanda ve sikamosi keti kota mu nzo ya muntu ya kikanda yankaka, kansi Nzambi imene kusonga mono, na mono tabinga muntu mosi sumuka keti mvindu ve. Yoa. 4:9
29Sambu na yai mono kwizaka na ntembe ve, bu mono bingwaka, Buna mono yuvula; Sambu na nki nge bingaka mono ?
30Konelio tubaka: Bilumbu iya imene kuluta, lokula yai mono vandaka kulomba mu nzo ya mono mu lokula uvwa, tala, muntu telemaka nantwala na mono mu mvwatu ya kenzima,
31yandi tubaka: Konelio, Nzambi imene kuwa lombilu ya nge, ye matabisi ya nkenda ya nge ikele kubambukwa na luse ya Nzambi.
32Sambu na yai, fidisa ku Yope ye binga Simoni ya bingwa Petelo; yandi ikele kuvanda mu nzo ya Simoni muyidiki ya mukanda ya bambizi, ikele mfinama kuna mbu.
33Nswalu mono fidisaka kwa nge, ye nge imene kusala mbote sambu na nge imene kwiza. Sambu na yai beto yonso ikele awa na luse ya Nzambi na mambu yonso ya Mfumu sikidikisaka nge.
Petelo samuna Klisto
34Petelo kangulaka munoko ya yandi, ye tubaka: Kieleka, mono zaba Nzambi ikele kutala luse ya muntu ve. 5 Mose 10:17; Lom. 2:11; 1 Pet. 1:17
35Kansi mu makanda yonso ya bantu, konso ya vumina yandi, ye sala lunungu, Nzambi tabaka yandi.
36Mambu ya yandi fidisaka kwa bana ya Isaeli, mu samuna ya nsamu mbote ya yenge mu Yesu Klisto, yandi ikele Mfumu ya bantu yonso. Yes. 52:7
37Beno zaba mambu yai, ya mwanganaka mu Yuda yamvimba, yo yantikaka mu Ngalili nanima na mbotika ya Yoane samunaka. Mat. 4:17; Luk. 23:5
38Ikele Yesu ya Nazaleti, ya Nzambi sitaka na Mpeve Yanlongo ye na ngolo, yandi zietaka ye salaka mbote ye belulaka bau yonso ya moniswa mpasi ya diable, kadi Nzambi vandaka na yandi.
39Beto ikele bantemo na mambu yonso ya yandi salaka mu nsi ya baYuda ye Yelusalemi; bau kufwaka yandi bu bau tulaka yandi va nti. Bis. 2:22, 32; 3:15; 5:30; 5 Mose 21:22
40Nzambi fulukisaka yandi mu kilumbu ya tatu ye kumonikisaka yandi. Bis. 2:24, 32
41Kwa bantu yonso ve, kansi kwa bantemo ya Nzambi solaka ntete; ikele beto ya kudiaka ye kunwaka sikamosi na yandi bu yandi imene kufulukiswa tuka bafwa. Bis. 13:31
42Yandi sikidikisaka beto kusamuna kwa bantu, ye kutuba kitemo, ya yandi kibeni ikele solwa ya Nzambi kuvanda mfundisi ya bankwa moyo ye bafwa. Bis. 17:31; Lom. 14:10; 2 Kol. 5:10
43Bambikudi yonso ikele kutuba kitemo na konsonani ya kwikila yandi, masumu ya yandi tavidiswa mu nkumbu ya yandi. Yel. 31:34; Mika 7:18; Bis. 15:9
Konelio kwikilaka ye botamaka
44Bu Petelo ikele kutuba mambu yai, Mpeve Yanlongo kubwaka va bau yonso ya kuwaka mambu yai.
45Bakwikidi ya nzengolo ya kwizaka na Petelo, yitukaka sambu na matabisi ya Mpeve Yanlongo imene kupeswa kwa bapaien mpe,
46kadi bau kuwaka bau tuba mu tudimi yankaka, ye kembisa Nzambi. Buna Petelo vutulaka. Bis. 2:4
47Muntu lenda kubuya masa, na bau yai tabotikwa ve, bau ya imene kubaka Mpeve Yanlongo bonso beto ? Bis. 8:36; 15:8
48Yandi sikidikisaka na bau kubotikwa mu nkumbu ya Yesu Klisto. Buna bau yuvulaka yandi kuvanda na bau bilumbu yankaka.
Currently Selected:
Bisalu Ya Bantumwa 10: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
