Matai 11
11
Yoane mbotiki fidisa banlonguki kwa Yesu
1Yo vandaka, bu Yesu imene kusikidikisa banlonguki ya yandi kumi ye zole, yandi katukaka kuna ye kwendaka kulonga ye kusamuna mu bambanza ya bau.
2Bu Yoane mu boloko kuwaka nsangu ya bisalu ya Yesu, yandi fidisaka banlonguki ya yandi, Luk. 7:18
3kutubaka kwa yandi: Nge ikele yandi ya ikele kwiza keti beto ta vingila yankaka ?
4Yesu vutulaka ye tubaka kwa bau: Kwenda kutuba kwa Yoane mambu ya beno kuwa ye mona;
5bampofo mona, batembidi tambula, bankwa bwazi vediswa, bafwa makutu kuwa, bafwa fulukiswa, nsamu mbote samunwa kwa bansukami. Yes. 35:5; 61:1
6Kiese ikele na konsonani ya kuta sakuba ve mu mono.
Yesu tuba kitemo sambu na Yoane
7Bu bayai kwendaka, Yesu yantikaka kutuba kwa bibuka sambu na Yoane: Beno kwendaka kutala nki mu nsi ya mpamba ? tutu ya ikele kunikiswa na mupepe ? Luk. 7:24
8Kansi beno kwendaka kutala nki ? Muntu kuvwata lele ya lebelebe ? Tala bau ya vwata lele ya lebelebe ikele mu banzo ya bantinu.
9Kansi beno kwendaka sambu na nki ? Kutala mbikudi ? E, mono tuba kwa beno, ya luta mbikudi mpe.
10Yai ikele yandi ya bau sonikaka: Tala, mono fidisa ntumwa ya mono nantwala ya luse ya nge, yandi tayidika nzila ya nge nantwala ya nge. Mal. 3:1
11Kieleka, mono tuba kwa beno: Nakati bau yonso ya butwa na bankento, mosi ikele ve ya luta Yoane mbotiki nene, kansi yandi ya ikele fioti mu kimfumu ya zulu ikele kuluta yandi nene. Luk. 7:28
12Kadi tuka bilumbu ya Yoane mbotiki ti ntangu yai, kimfumu ya zulu ikele kusalwa ngolo, ye bankwa ngolo ikele kubotula yo.
13Kadi bambikudi yonso ye nsi ku bikulaka ti Yoane. Luk. 16:16
14Kana beno zola kukwikila yo, yandi ikele Elia ya zola kwiza. Malaki 4:5; Mat. 7:12; Mal. 9:13; Luk. 1:17
15Yandi ya ikele na makutu bika yandi kuwa Mat. 13:9, 43; Nzai. 2:7
16Kansi mono tafwanikisa mbandu yai na nki ? Yo ikele mpilamosi bana kuvanda mu mazandu, ya boka kwa bankaka, Luk. 7:31
17ye tuba: Beto bulaka pitulu kwa beno kansi beno kinaka ve, beto yimbaka nkunga ya ntantu kansi beno bulaka ntulu ve.
18Kadi Yoane kwizaka kudia ve ye kunwa ve, ye bau tuba: Yandi ikele na mpeve mbi.
19Mwana ya muntu imene kwiza kudia ye kunwa, ye bau tuba: Tala, muntu ya kudia mingi ye munwi ya vinia, nduku ya bamfutisi ye bankwa masumu. Ngangu ikele kununguswa mu bisalu ya yandi.
Yesu tula ndola va Kapenaumi ye bambanza yankaka
20Nanima Yesu yantikaka kusemba bambanza mu yau yandi imene kusalaka bisalu ya nene ya yandi, sambu na bau pindulaka ntima ve. Luk. 10:12
21Ndola kwa nge Kolasi. Ndola kwa nge Betesaida. Kadi kana bisalu ya ngolo salwaka mu Tilo ye Sidoni ya salwaka mu beno, ntama bau zolaka kupindula mabanza mu lele ya ngoto ye putulu.
22Kansi mono tuba kwa beno mpe: Tilo ye Sidoni tamona mpasi fioti ye beno mingi mu kilumbu ya mfundusu.
23Nge Kapenaumi, nge banza nge tatombolwa ku zulu ? Nge takulumuswa ti nsi ya bafwa; kadi kana bisalu ya ngolo salwaka mu Sodoma ya salwaka mu nge, yo zolaka kuvanda ti kilumbu yai.
24Mono tuba kwa beno mpe: Ntoto ya Sodoma tamona mpasi fioti ye nge mingi mu kilumbu ya mfundusu. Mat. 10:15
Yesu kupesa matondo ye silaka luvundu kwa ya lembwa
25Ntangu yina Yesu vutulaka ye tubaka: Mono pesa nge matondo, Tata, Mfumu ya zulu ye ntoto, sambu na nge imene kusweka mambu yai na bankwa ngangu ye bantu ya zaba, ye nge imene kuzabisa yau kwa bana fioti. Luk. 10:21
26E, Tata, kadi mpilayai yo zolakana nantwala na nge.
27Tata ya mono imene kupesa mono bima yonso; muntu zaba Mwana ve kaka Tata, ye muntu zaba Tata ve kaka Mwana, ye konsonani ya Mwana zola kuzabisa yandi. Nk. 8:6; Mat. 28:18; Yoa. 1:18; 3:35; 6:46; 17:2
28Kwiza kwa mono beno yonso ya lembwa ye ya ikele ya kizitu mingi, ye mono tavundisa beno.
29Baka vangu ya mono ye beno, longuka na mono, kadi mono ikele nlembami ye ntima ya kulumuka; ye beno tamona luvundu mu miela ya beno. Yel. 6:16
30Kadi vangu ya mono ikele mpasi ve, ye kizitu ya mono ikele kilo ve.
Currently Selected:
Matai 11: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
