Matai 26
26
Bambeni sosa kusimbe Yesu
1Yo vandaka, bu Yesu manisaka mambu yai yonso, yandi tubaka kwa banlonguki ya yandi: Dan. 12:2; Yoa. 5:29
2Beno zaba, nanima na bilumbu zole Pake takubwa, ye Mwana ya muntu tayekulwa ye komwa va kulunsi. Mat. 20:18
3Buna bambuta banganga ye bambuta ya bantu kutakanaka mu kianzala ya nganga nene, ya bingwa Kayafa,
4bau tubanaka mu kinsweki sambu na kusimba Yesu mu kinsweki ye kufwa yandi.
5Kansi bau tubaka: Mu kilumbu ya fete ve, sambu na makalele takubwa nakati na bantu.
Nkento tulaka Yesu mafuta ya ntalu
6Bu Yesu vandaka mu Betania mu nzo ya Simoni nkwa bwazi, Mal. 14:3; Yoa. 12:1
7nkento ya vandaka na mulangi ya mafuta ya nsunga ya ntalu mingi kwizaka kwa yandi, ye tulaka yo va ntu ya yandi, bu yandi vandaka na meza. Yoa. 12:3
8Bu banlonguki monaka yo, bau vandaka na makasi, kutuba: Sambu na nki yandi losa yo mpamba ?
9Kadi mafuta yai lenda kutekwa na ntalu ya nene ye peswa kwa bansukami.
10Bu Yesu zabaka yo, yandi tubaka kwa bau: Sambu na nki beno monisa nkento mpasi, kadi yandi imene kusadila mono kisalu ya mbote.
11Kadi bansukami ikele na beno ntangu yonso, kansi mono ikele na beno ntangu yonso ve.
12Kadi bu yandi tulaka mafuta yai va nitu ya mono, yandi salaka yo sambu na kuyidika mono kwa kuzika ya mono.
13Kieleka mono tuba kwa beno: Konsosika ya nsamu yai ya mbote tasamunwa mu nsi yonso, kuna tasongwa mpe yai ya yandi salaka, sambu na kubambukila yandi.
Yuda Iskalioti yekula Yesu
14Buna mosi ya bau kumi ye zole, ya bingwa Yuda Iskalioti kwendaka kwa bambuta banganga, Mat. 10:4; Mal. 14:10; Luk. 22:3
15yandi tubaka: Nki beno zola kupesa mono, kana mono yekula yandi kwa beno ? Bau tezaka kwa yandi bitini ya palata makumi tatu.
16Tuka ntangu yina yandi yantikaka kusosa ntangu ya lunga kuyekula yandi.
Fete ya Pake
17Mu kilumbu ya ntete ya fete ya mampa ya konda lufunusu, banlonguki kwizaka kwa Yesu, kutuba: Wapi sika ya nge zola beto yidikila nge kudia Pake ? 2 Mose 2:15; Mal. 14:12; Luk. 22:7
18Yandi tubaka: Kota mu banza kwa muntu ye tuba kwa yandi: Nlongi tuba: Ntangu ya mono ikele mfinama; mono tasala Pake mu nzo ya nge na banlonguki ya mono.
19Banlonguki salaka mpilamosi Yesu sikidikisaka bau; bau yidikaka Pake.
20Bu nkokila kubwaka, yandi vandaka na meza na banlonguki ya yandi kumi ye zole. Mal. 14:17; Luk. 22:14; Yoa. 13:1
21Bu bau vandaka kudia, yandi tubaka: Kieleka mono tuba kwa beno: Mosi ya beno tayekula mono.
22Bau vandaka na ntantu mingi, bau yantikaka kutuba kwa yandi mosi mosi: Mfumu, ikele mono ?
23Yandi vutulaka ye tubaka: Yandi ya tula diboko ya yandi sikamosi na mono mu dilonga tayekula mono.
24Mwana ya muntu ikele kwenda bonso yo ikele kusonama sambu na yandi, kansi ndola kwa muntu yina ya yekula Mwana ya muntu! Yo ikele mbote kwa muntu yina kana yandi imene kubutuka ve. Nk. 41:9
25Yuda ya yekulaka yandi vutulaka ye tubaka: Nlongi, ikele mono ? Yandi tubaka kwa yandi: Nge imene kutuba yo.
Yesu yantika meza ya mfumu
26Bu bau vandaka kudia, Yesu bakaka dimpa ye sakumunaka yo, ye bukunaka yo, ye pesaka yo kwa banlonguki, ye tubaka: Baka ye kudia, yai ikele nitu ya mono. Mal. 14:22; Luk. 22:19; 1 Kol. 11:23
27Yandi bakaka kopo ye pesaka matondo, ye pesaka yo kwa bau, kutuba: Kunwa yo beno yonso.
28Kadi yai ikele menga ya mono ya luwawanu yampa, ya tiamukaka sambu na bantu mingi kuvidisa masumu. Mat. 20:28; Lom. 5:9
29Mono tuba kwa beno: Tuka ntangu yai, mono takunwa diaka ve mabundu yai ya nti ya vinia, ti lumbu ya mono takunwa yo yampa na beno mu kimfumu ya Tata ya mono.
Yesu kwenda ku mongo ya Olive
30Bu bau imene kuyimba nkunga, bau kwendaka ku mongo ya Olive. Mal. 14:26
31Buna Yesu tubaka kwa bau: Mu mpimpa yai, beno yonso tasakuba mu mono, kadi yo ikele kusonama: Mono tabula mvungi, ye mameme ya kibuka tamwangana.
32Kansi bu mono imene kufulukiswa, mono takwenda nantwala na beno ku Ngalili.
33Petelo vutulaka ye tubaka kwa yandi: Kana bau yonso kuta sakuba mu nge, kansi mono tasakuba ta mbala mosi ve.
34Yesu tubaka kwa yandi: Kieleka mono tuba kwa nge: Mu mpimpa yai, bu nsusu imene kudila ntete ve, nge tabuya mono mbala tatu. Luk. 22:34; Yoa. 13:38
35Petelo tubaka kwa yandi, Kana mono kufwa na nge, mono tabuya nge ta mbala mosi ve. Banlonguki yonso tubaka mpilayai mpe.
Ntantu ya Yesu muNgetesemane
36Buna Yesu kwizaka na bau ku sika ya Ngetesemane, ye tubaka kwa banlonguki: Beno vanda awa, bu mono kwenda kuna ye lomba. Mal. 14:32; Luk. 22:40; Yoa. 18:1
37Yandi twalaka Petelo ye bana zole ya Zebedai, ye yantikaka kuvanda na ntantu ye mpasi mingi mu ntima. Mat. 4:21
38Buna yandi tubaka kwa bau: Mwela ya mono ikele na ntantu mingi ti lufwa. Beno vanda awa ye tomatala sikamosi na mono. Yoa. 12:27
39Yandi kwendaka ndambu nantwala ye fukamaka va luse ya yandi, ye lombaka, kutuba: Tata ya mono, kana yo lenda, bika kopo yai luta mono. Kansi bonso mono zola ve, kansi bonso nge zola. Yoa. 6:38; Eb. 5:7
40Yandi kwizaka kwa banlonguki ye kutaka bau kulala tulu, yandi tubaka kwa Petelo: Nki, beno lendaka ve kutomatala sikamosi na mono lokula mosi ?
41Tomatala ye lomba, na beno kota ve mu mpukumunu. Mpeve ikele kuzola, kansi nsuni ikele lebakana. 1 Pet. 4:7; Ngal. 5:17
42Yandi kwendaka diaka mbala ya zole, ye lombaka, kutuba: Tata ya mono, kana yo lenda kuluta ve, kansi mono fwiti kunwa yo, bika luzolo ya nge kusalwa.
43Yandi kwizaka diaka ye kutaka bau kulala tulu, kadi meso ya bau vandaka kizitu.
44Yandi bikaka bau diaka ye kwendaka kulomba mbala ya tatu, ye tubaka diaka mambu mosi.
45Buna yandi kwizaka kwa banlonguki ye tubaka kwa bau: Lala tulu ntangu yai, ye vunda. Tala, lokula ikele mfinama, ye Mwana ya muntu ikele kuyekulwa mu maboko ya bankwa masumu.
46Telema, bika beto kwenda. Tala, yandi ya yekula mono ikele mfinama.
Bau simba Yesu
47Bu yandi ikele kutuba, tala, Yuda, mosi ya bau kumi ye zole, kwizaka na kibuka ya nene na bambele ya mvita ye bankawa, bau katukaka na bambuta banganga ye bambuta ya bantu. Mal. 14:43; Luk. 22:47; Yoa. 18:2
48Yandi ya yekulaka yandi pesaka bau kidimbu, kutuba: Konsonani ya mono tafiba, yo ikele yina, beno simba yandi.
49Nswalu, yandi kwizaka kwa Yesu, ye tubaka: Vanda na kiese, nlongi! Yandi fibaka yandi.
50Yesu tubaka kwa yandi: Nduku, sala yina ya nge kwizila! Buna bau kwizaka ye tulaka Yesu maboko ye bakaka yandi.
51Tala mosi ya vandaka na Yesu lambulaka diboko ya yandi, ye bakaka mbele ya yandi, ye bulaka mpika ya nganga ya nene, ye zengaka dikutu ya yandi.
52Buna Yesu tubaka kwa yandi: Vutula mbele ya nge mu sika ya yo; kadi bau yonso ya baka mbele takufwa na mbele. 1 Mose 9:6; Nzai. 13:10
53Nge banza nki, mono lenda ve kubombidila tata ya mono, ye yandi tafidisa mono banjo ya luta bibuka kumi ye zole ?
54Buna masonukwa lenda kumaniswa mpila nki, na yo fwiti kuvanda mpilayai ? Yes. 53:10
55Mu lokula yina Yesu tubaka kwa bibuka: Beno imene kwiza, bonso kwa ntani na bambele ya mvita ye bankawa, na kusimba mono ? Kilumbu na kilumbu mono vandaka mu tempelo ye longaka, ye beno bakaka mono ve,
56Kansi yai salwaka, na masonukwa ya bambikudi lenda kumaniswa. Buna banlonguki yonso bikaka yandi ye tinaka. Nk. 88:8
Bau twala Yesu kwa Kayafa
57Bau bakaka Yesu ye twalaka yandi kwa Kayafa, nganga ya nene, sika ya bansoniki ye bambuta ya bantu vandaka kutakana. Mal. 14:53; Luk. 22:54; Yoa. 18:12
58Petelo landaka ntama nanima ti kianzala ya nzo ya nganga ya nene, yandi kotaka muna, ye vandaka na bapolisi, kutala nsuka ya yo.
59Bambuta banganga ye bamfundisi yonso sosaka kitemo ya luvunu sambu na Yesu, na bau lenda kufwa yandi;
60bau monaka yo ve, kansi bantemo mingi ya luvunu kwizaka, nanima zole kwizaka;
61bau tubaka: Muntu yai tubaka: Mono lenda kupasula tempelo ya Nzambi ye tunga yo diaka mu bilumbu tatu.
62Nganga ya nene telemaka ye tubaka kwa yandi: Nge vutula mambu ve ? Nki kitemo bau tuba sambu na nge ?
63Kansi Yesu tubaka ndinga ve. Nganga ya nene tubaka kwa yandi: Mono sikidikisa nge mu Nzambi ya ikele na moyo, na nge tuba kwa mono, kana nge ikele Klisto, Mwana ya Nzambi.
64Yesu tubaka kwa yandi: Nge imene kutuba yo, kansi mono tuba kwa nge: Tuka ntangu yai, beno tamona Mwana ya muntu vanda na diboko kibakala ya Ngolo, ye kwiza mu matuti ya zulu. Nk. 110:1
65Buna nganga ya nene pasulaka mvwatu ya yandi, kutuba: Yandi tuba mbi sambu na Nzambi, Nki beto sosa bantemo yankaka ? Tala ntangu yai beno imene kuwa mbi ya yandi tuba ka sambu na Nzambi.
66Beno banza nki ? Kansi bau vutulaka ye tubaka: Yandi lunga lufwa.
67Buna bau losaka mate va luse ya yandi, ye bulaka yandi makofi, kansi bankaka bulaka yandi na maboko ya bau;
68bau tubaka: Nge Klisto, bikula kwa beto: Nani bulaka nge ?
Petelo buya Yesu
69Petelo vandaka nanganda mu kianzala. Sielo nkento kwizaka kwa yandi, kutuba: Nge mpe vandaka na Yesu mwisi Ngalili.
70Kansi yandi buyaka nantwala na bau yonso, ye tubaka: Mono zaba ve ya nge ikele kutuba,
71Bu yandi kwizaka ku mwelo, sielo yankaka monaka yandi ye tubaka kwa bau ya vandaka kuna: Muntu yai mpe vandaka na Yesu mwisi Nazaleti.
72Yandi buyaka diaka mu ndefi: Mono zaba muntu yai ve.
73Nanima na ntangu ndambu, bau ya telemaka kuna kwizaka, ye tubaka kwa Petelo: Kieleka, nge mpe ikele mosi ya bau, kadi ndinga ya nge ikele kuzabisa nge.
74Buna yandi yantikaka kuditula ndola ye kudia ndefi: Mono zaba muntu yai ve, nswalu nsusu dilaka.
75Petelo bambukaka mambu ya Yesu tubaka: Bu nsusu imene kudila ntete ve, nge tabuya mono mbala tatu. Yandi basikaka ye dilaka mingi. Mat. 26:34
Currently Selected:
Matai 26: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Matai 26
26
Bambeni sosa kusimbe Yesu
1Yo vandaka, bu Yesu manisaka mambu yai yonso, yandi tubaka kwa banlonguki ya yandi: Dan. 12:2; Yoa. 5:29
2Beno zaba, nanima na bilumbu zole Pake takubwa, ye Mwana ya muntu tayekulwa ye komwa va kulunsi. Mat. 20:18
3Buna bambuta banganga ye bambuta ya bantu kutakanaka mu kianzala ya nganga nene, ya bingwa Kayafa,
4bau tubanaka mu kinsweki sambu na kusimba Yesu mu kinsweki ye kufwa yandi.
5Kansi bau tubaka: Mu kilumbu ya fete ve, sambu na makalele takubwa nakati na bantu.
Nkento tulaka Yesu mafuta ya ntalu
6Bu Yesu vandaka mu Betania mu nzo ya Simoni nkwa bwazi, Mal. 14:3; Yoa. 12:1
7nkento ya vandaka na mulangi ya mafuta ya nsunga ya ntalu mingi kwizaka kwa yandi, ye tulaka yo va ntu ya yandi, bu yandi vandaka na meza. Yoa. 12:3
8Bu banlonguki monaka yo, bau vandaka na makasi, kutuba: Sambu na nki yandi losa yo mpamba ?
9Kadi mafuta yai lenda kutekwa na ntalu ya nene ye peswa kwa bansukami.
10Bu Yesu zabaka yo, yandi tubaka kwa bau: Sambu na nki beno monisa nkento mpasi, kadi yandi imene kusadila mono kisalu ya mbote.
11Kadi bansukami ikele na beno ntangu yonso, kansi mono ikele na beno ntangu yonso ve.
12Kadi bu yandi tulaka mafuta yai va nitu ya mono, yandi salaka yo sambu na kuyidika mono kwa kuzika ya mono.
13Kieleka mono tuba kwa beno: Konsosika ya nsamu yai ya mbote tasamunwa mu nsi yonso, kuna tasongwa mpe yai ya yandi salaka, sambu na kubambukila yandi.
Yuda Iskalioti yekula Yesu
14Buna mosi ya bau kumi ye zole, ya bingwa Yuda Iskalioti kwendaka kwa bambuta banganga, Mat. 10:4; Mal. 14:10; Luk. 22:3
15yandi tubaka: Nki beno zola kupesa mono, kana mono yekula yandi kwa beno ? Bau tezaka kwa yandi bitini ya palata makumi tatu.
16Tuka ntangu yina yandi yantikaka kusosa ntangu ya lunga kuyekula yandi.
Fete ya Pake
17Mu kilumbu ya ntete ya fete ya mampa ya konda lufunusu, banlonguki kwizaka kwa Yesu, kutuba: Wapi sika ya nge zola beto yidikila nge kudia Pake ? 2 Mose 2:15; Mal. 14:12; Luk. 22:7
18Yandi tubaka: Kota mu banza kwa muntu ye tuba kwa yandi: Nlongi tuba: Ntangu ya mono ikele mfinama; mono tasala Pake mu nzo ya nge na banlonguki ya mono.
19Banlonguki salaka mpilamosi Yesu sikidikisaka bau; bau yidikaka Pake.
20Bu nkokila kubwaka, yandi vandaka na meza na banlonguki ya yandi kumi ye zole. Mal. 14:17; Luk. 22:14; Yoa. 13:1
21Bu bau vandaka kudia, yandi tubaka: Kieleka mono tuba kwa beno: Mosi ya beno tayekula mono.
22Bau vandaka na ntantu mingi, bau yantikaka kutuba kwa yandi mosi mosi: Mfumu, ikele mono ?
23Yandi vutulaka ye tubaka: Yandi ya tula diboko ya yandi sikamosi na mono mu dilonga tayekula mono.
24Mwana ya muntu ikele kwenda bonso yo ikele kusonama sambu na yandi, kansi ndola kwa muntu yina ya yekula Mwana ya muntu! Yo ikele mbote kwa muntu yina kana yandi imene kubutuka ve. Nk. 41:9
25Yuda ya yekulaka yandi vutulaka ye tubaka: Nlongi, ikele mono ? Yandi tubaka kwa yandi: Nge imene kutuba yo.
Yesu yantika meza ya mfumu
26Bu bau vandaka kudia, Yesu bakaka dimpa ye sakumunaka yo, ye bukunaka yo, ye pesaka yo kwa banlonguki, ye tubaka: Baka ye kudia, yai ikele nitu ya mono. Mal. 14:22; Luk. 22:19; 1 Kol. 11:23
27Yandi bakaka kopo ye pesaka matondo, ye pesaka yo kwa bau, kutuba: Kunwa yo beno yonso.
28Kadi yai ikele menga ya mono ya luwawanu yampa, ya tiamukaka sambu na bantu mingi kuvidisa masumu. Mat. 20:28; Lom. 5:9
29Mono tuba kwa beno: Tuka ntangu yai, mono takunwa diaka ve mabundu yai ya nti ya vinia, ti lumbu ya mono takunwa yo yampa na beno mu kimfumu ya Tata ya mono.
Yesu kwenda ku mongo ya Olive
30Bu bau imene kuyimba nkunga, bau kwendaka ku mongo ya Olive. Mal. 14:26
31Buna Yesu tubaka kwa bau: Mu mpimpa yai, beno yonso tasakuba mu mono, kadi yo ikele kusonama: Mono tabula mvungi, ye mameme ya kibuka tamwangana.
32Kansi bu mono imene kufulukiswa, mono takwenda nantwala na beno ku Ngalili.
33Petelo vutulaka ye tubaka kwa yandi: Kana bau yonso kuta sakuba mu nge, kansi mono tasakuba ta mbala mosi ve.
34Yesu tubaka kwa yandi: Kieleka mono tuba kwa nge: Mu mpimpa yai, bu nsusu imene kudila ntete ve, nge tabuya mono mbala tatu. Luk. 22:34; Yoa. 13:38
35Petelo tubaka kwa yandi, Kana mono kufwa na nge, mono tabuya nge ta mbala mosi ve. Banlonguki yonso tubaka mpilayai mpe.
Ntantu ya Yesu muNgetesemane
36Buna Yesu kwizaka na bau ku sika ya Ngetesemane, ye tubaka kwa banlonguki: Beno vanda awa, bu mono kwenda kuna ye lomba. Mal. 14:32; Luk. 22:40; Yoa. 18:1
37Yandi twalaka Petelo ye bana zole ya Zebedai, ye yantikaka kuvanda na ntantu ye mpasi mingi mu ntima. Mat. 4:21
38Buna yandi tubaka kwa bau: Mwela ya mono ikele na ntantu mingi ti lufwa. Beno vanda awa ye tomatala sikamosi na mono. Yoa. 12:27
39Yandi kwendaka ndambu nantwala ye fukamaka va luse ya yandi, ye lombaka, kutuba: Tata ya mono, kana yo lenda, bika kopo yai luta mono. Kansi bonso mono zola ve, kansi bonso nge zola. Yoa. 6:38; Eb. 5:7
40Yandi kwizaka kwa banlonguki ye kutaka bau kulala tulu, yandi tubaka kwa Petelo: Nki, beno lendaka ve kutomatala sikamosi na mono lokula mosi ?
41Tomatala ye lomba, na beno kota ve mu mpukumunu. Mpeve ikele kuzola, kansi nsuni ikele lebakana. 1 Pet. 4:7; Ngal. 5:17
42Yandi kwendaka diaka mbala ya zole, ye lombaka, kutuba: Tata ya mono, kana yo lenda kuluta ve, kansi mono fwiti kunwa yo, bika luzolo ya nge kusalwa.
43Yandi kwizaka diaka ye kutaka bau kulala tulu, kadi meso ya bau vandaka kizitu.
44Yandi bikaka bau diaka ye kwendaka kulomba mbala ya tatu, ye tubaka diaka mambu mosi.
45Buna yandi kwizaka kwa banlonguki ye tubaka kwa bau: Lala tulu ntangu yai, ye vunda. Tala, lokula ikele mfinama, ye Mwana ya muntu ikele kuyekulwa mu maboko ya bankwa masumu.
46Telema, bika beto kwenda. Tala, yandi ya yekula mono ikele mfinama.
Bau simba Yesu
47Bu yandi ikele kutuba, tala, Yuda, mosi ya bau kumi ye zole, kwizaka na kibuka ya nene na bambele ya mvita ye bankawa, bau katukaka na bambuta banganga ye bambuta ya bantu. Mal. 14:43; Luk. 22:47; Yoa. 18:2
48Yandi ya yekulaka yandi pesaka bau kidimbu, kutuba: Konsonani ya mono tafiba, yo ikele yina, beno simba yandi.
49Nswalu, yandi kwizaka kwa Yesu, ye tubaka: Vanda na kiese, nlongi! Yandi fibaka yandi.
50Yesu tubaka kwa yandi: Nduku, sala yina ya nge kwizila! Buna bau kwizaka ye tulaka Yesu maboko ye bakaka yandi.
51Tala mosi ya vandaka na Yesu lambulaka diboko ya yandi, ye bakaka mbele ya yandi, ye bulaka mpika ya nganga ya nene, ye zengaka dikutu ya yandi.
52Buna Yesu tubaka kwa yandi: Vutula mbele ya nge mu sika ya yo; kadi bau yonso ya baka mbele takufwa na mbele. 1 Mose 9:6; Nzai. 13:10
53Nge banza nki, mono lenda ve kubombidila tata ya mono, ye yandi tafidisa mono banjo ya luta bibuka kumi ye zole ?
54Buna masonukwa lenda kumaniswa mpila nki, na yo fwiti kuvanda mpilayai ? Yes. 53:10
55Mu lokula yina Yesu tubaka kwa bibuka: Beno imene kwiza, bonso kwa ntani na bambele ya mvita ye bankawa, na kusimba mono ? Kilumbu na kilumbu mono vandaka mu tempelo ye longaka, ye beno bakaka mono ve,
56Kansi yai salwaka, na masonukwa ya bambikudi lenda kumaniswa. Buna banlonguki yonso bikaka yandi ye tinaka. Nk. 88:8
Bau twala Yesu kwa Kayafa
57Bau bakaka Yesu ye twalaka yandi kwa Kayafa, nganga ya nene, sika ya bansoniki ye bambuta ya bantu vandaka kutakana. Mal. 14:53; Luk. 22:54; Yoa. 18:12
58Petelo landaka ntama nanima ti kianzala ya nzo ya nganga ya nene, yandi kotaka muna, ye vandaka na bapolisi, kutala nsuka ya yo.
59Bambuta banganga ye bamfundisi yonso sosaka kitemo ya luvunu sambu na Yesu, na bau lenda kufwa yandi;
60bau monaka yo ve, kansi bantemo mingi ya luvunu kwizaka, nanima zole kwizaka;
61bau tubaka: Muntu yai tubaka: Mono lenda kupasula tempelo ya Nzambi ye tunga yo diaka mu bilumbu tatu.
62Nganga ya nene telemaka ye tubaka kwa yandi: Nge vutula mambu ve ? Nki kitemo bau tuba sambu na nge ?
63Kansi Yesu tubaka ndinga ve. Nganga ya nene tubaka kwa yandi: Mono sikidikisa nge mu Nzambi ya ikele na moyo, na nge tuba kwa mono, kana nge ikele Klisto, Mwana ya Nzambi.
64Yesu tubaka kwa yandi: Nge imene kutuba yo, kansi mono tuba kwa nge: Tuka ntangu yai, beno tamona Mwana ya muntu vanda na diboko kibakala ya Ngolo, ye kwiza mu matuti ya zulu. Nk. 110:1
65Buna nganga ya nene pasulaka mvwatu ya yandi, kutuba: Yandi tuba mbi sambu na Nzambi, Nki beto sosa bantemo yankaka ? Tala ntangu yai beno imene kuwa mbi ya yandi tuba ka sambu na Nzambi.
66Beno banza nki ? Kansi bau vutulaka ye tubaka: Yandi lunga lufwa.
67Buna bau losaka mate va luse ya yandi, ye bulaka yandi makofi, kansi bankaka bulaka yandi na maboko ya bau;
68bau tubaka: Nge Klisto, bikula kwa beto: Nani bulaka nge ?
Petelo buya Yesu
69Petelo vandaka nanganda mu kianzala. Sielo nkento kwizaka kwa yandi, kutuba: Nge mpe vandaka na Yesu mwisi Ngalili.
70Kansi yandi buyaka nantwala na bau yonso, ye tubaka: Mono zaba ve ya nge ikele kutuba,
71Bu yandi kwizaka ku mwelo, sielo yankaka monaka yandi ye tubaka kwa bau ya vandaka kuna: Muntu yai mpe vandaka na Yesu mwisi Nazaleti.
72Yandi buyaka diaka mu ndefi: Mono zaba muntu yai ve.
73Nanima na ntangu ndambu, bau ya telemaka kuna kwizaka, ye tubaka kwa Petelo: Kieleka, nge mpe ikele mosi ya bau, kadi ndinga ya nge ikele kuzabisa nge.
74Buna yandi yantikaka kuditula ndola ye kudia ndefi: Mono zaba muntu yai ve, nswalu nsusu dilaka.
75Petelo bambukaka mambu ya Yesu tubaka: Bu nsusu imene kudila ntete ve, nge tabuya mono mbala tatu. Yandi basikaka ye dilaka mingi. Mat. 26:34
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.