Matai 27
27
Bau twala Yesu kwa Pilatu
1Bu suka imene kwiza, bambuta banganga yonso ye bambuta ya bantu tubanaka sambu na kufwa Yesu. Mat. 5:1; Luk. 22:66
2Bau kangaka yandi ye twalaka yandi kwa nyadi Pilatu. Luk. 23:1; Yoa. 18:28
Yuda dikufwa
3Bu Yuda ya yekulaka yandi monaka Yesu imene kubediswa, yandi pindukaka ye vutulaka bitini ya palata makumi tatu kwa bambuta banganga ye bambuta ya bantu,
4yandi tubaka: Mono imene kusala masumu, bu mono yekulaka menga ya konda mbi. Kansi bau tubaka: Yai ikele nki kwa beto ? Nge mosi tala yo.
5Yandi losaka bitini ya palata mu tempele ye katukaka, ye kwendaka ye kudifwaka na nsinga na nkingu.
6Bambuta banganga bakaka bitini ya palata, ye tubaka: Nsiku buya beto kutula yau mu lundulu ya mbongo, kadi yau ikele ntalu ya menga.
7Bau tubanaka, ye sumbaka na yau dilanga ya muwumbi, sambu na kuzika banzenza mu yo.
8Sambu na yai, dilanga yina ikele kubingwa dilanga ya menga ti ntangu yai.
9Buna mambu ya tubwaka mu Yelemia mbikudi maniswaka, kutuba: Bau bakaka bitini ya palata makumi tatu, ikele ntalu ya yandi ya peswaka ntalu, ya bana ya Isaeli pesaka ntalu;
10ye bau pesaka yau sambu na dilanga ya muwumbi ya banzungu, bonso Mfumu sikidikisaka mono.
Pilatu yuvula Yesu
11Yesu telemaka nantwala na nyadi, ye nyadi yuvulaka yandi, kutuba: Nge ikele ntinu ya baYuda ? Yesu tubaka: Nge imene kutuba yo. Mal. 15:2; Luk. 23:2; Yoa. 18:29; 1 Tim. 6:13
12Bu bambuta banganga ye bambuta ya bantu fundaka yandi, yandi vutulaka ndinga ve.
13Buna Pilatu tubaka kwa yandi: Nge kuwa ve mambu mingi ya bau ikele kutuba kitemo sambu na nge.
14Yandi vutulaka yandi ndinga mosi ve, sambu na yai, nyadi yitukaka mingi.
Yesu keti Balaba ?
15Kansi mu kilumbu ya fete, nyadi vandakana kifu ya kangula nuntu mosi ya boloko kwa bantu, onsonani ya bau zola. Mal. 15:6; Luk. 23:17; Yoa. 18:39
16Ntangu yina bau vandaka na nuntu ya boloko, ya nsangu ya nene, nkumbu ya yandi Balaba.
17Buna bu bau kutakanaka, Pilatu tubaka kwa bau: Beno zola mono kangudila beno nani, Balaba keti Yesu ya bingwa Klisto ?
18Kadi yandi zabaka, bau yekulaka yandi sambu na kimpala.
19Bu yandi vandaka va kiti ya mfundisi, nkento ya yandi fidisaka kwa yandi, kutuba: Kota ve mu mambu ya muntu yai ya lunungu, kadi mono imene kumona mpasi mingi mu ndozi sambu na yandi bubu.
20Bambuta banganga ye bambuta ya bantu tubaka kwa bibuka, na bau talomba sambu na Balaba ye kufwa Yesu.
21Nyadi vutulaka ye tubaka kwa bau: Na bau zole, beno zola mono kangudila beno nani ? Kansi bau tubaka: Balaba. Bis. 3:14
22Pilatu tubaka kwa bau: Buna mono tasala nki na Yesu ya bingwa Klisto ? Bau yonso tubaka: Bika yandi komwa va kulunsi!
23Yandi tubaka: Nki mbi ya yandi salaka ? Kansi bau bokaka mingi, kutuba: Bika yandi komwa va kulunsi!
24Bu Pilatu monaka, yandi lenda ve kusala kima, kansi na makalele lutaka, buna yandi bakaka masa ye sukulaka maboko ya yandi nantwala na kibuka, kutuba: Mono ikele na mambu ve na menga ya muntu yai ya lunungu. Yo ikele mambu ya beno.
25Bantu yonso vutulaka, ye tubaka: Bika menga ya yandi vanda va beto ye va bana ya beto.
26Buna yandi kangudilaka bau Balaba, kansi bulaka Yesu ye pesaka yandi sambu na kukoma yandi va kulunsi. Yoa. 19; 16
27Buna basoldat ya nyadi twalaka Yesu ku nzo ya nene ya mfumu, bau kutikisaka kibuka yonso ya basoldat; Mat. 15; 16; Yoa. 19; 2
28bau katulaka mvwatu ya yandi ye vwatisaka yandi kazaku ya mbwaki;
29bau salaka mpu ya nsende ye tulaka yo va ntu ya yandi, ye tulaka tutu mu diboko ya yandi ya kibakala; bau fukamaka va makungunu ye sekaka yandi, kutuba: Vanda na kiese ntinu ya baYuda!
30Bau losilaka yandi mate, ye bakaka tutu ye bulaka yandi va ntu. Yes. 50; 6; Mat. 26:67
31Bu bau imene kuseka yandi, bau katulaka kazaku yina, ye vwatisaka yandi mvwatu ya yandi, ye twalaka yandi sambu na kukoma yandi va kulunsi.
Bau koma Yesu va kulunsi
32Bu bau basikaka, bau monaka muntu ya Kilene, nkumbu ya yandi Simoni, bau simbaka yandi kunatila yandi kulunsi. Mal. 15:21; Luk. 23:26
33Bu bau kumaka ku sika ya bingwa Ngolongota, kupindula ikele: Sika ya mukuwa ya ntu; Mal. 15:22; Luk. 23:27, 38; Yoa. 19:16, 19
34bau pesaka yandi vinia kunwa, ya kutikiswa na masa ya ndudi, bu yandi mekaka yo, yandi buyaka kunwa yo.
35Bu bau komaka yandi va kulunsi, bau kabaka mvwatu ya yandi, ye bulaka nzeke sambu na yau; Nk. 22:18
36ye bau vandaka ye talaka yandi kuna.
37Bau tulaka va zulu ya ntu ya yandi mambu ya yandi, ya sonamaka: YAI IKELE NTINU YA BAYUDA.
38Buna bau komaka bantani zole sikamosi na yandi va bakulunsi, mosi na diboko kibakala, mosi na diboko kinkento. Yes. 53:12; Mal. 15:27; Luk. 23:33; Yoa. 19:18
39Bau ya lutaka, fingaka yandi, ye nikisaka ntu ya bau; Mal. 15:29; Luk. 23:35, 39
40ye tubaka: Nge ya pasula tempelo ye tunga yo mu bilumbu tatu, divulusa, kana nge ikele Mwana ya Nzambi, kulumuka tuka kulunsi. Mat. 26:61; Yoa. 2; 19
41Mpilayai mpe bambuta banganga ye bansoniki ye bambuta ya bantu sekaka yandi ye tubaka:
42Yandi vulusaka bankaka, kansi yandi lenda ve kudi vulusa. Yandi ikele ntinu ya Isaeli. Bika yandi kulumuka ntangu yai tuka kulunsi, ye beto takwikila yandi.
43Yandi ikele kutula vuvu mu Nzambi, bika yandi vulusa yandi ntangu yai, kana yandi zola yandi, kadi yandi tubaka: Mono ikele Mwana ya Nzambi.
44Bantani ya komwaka sikamosi na yandi va bakulunsi fingaka yandi mpilayai mpe.
Lufwa ya Yesu Klisto
45Tuka lokula sambanu tombe kubwaka va ntoto yonso ti lokula uvwa. Mat. 15:33; Luk. 23:44; Yoa. 19:28
46Kansi na lokula tatu Yesu bokaka na ndinga ya nene, kutuba: Eli, Eli, lama sabakatani ? Yo ikele: Nzambi ya mono, Nzambi ya mono, sambu na nki nge imene kubika mono ? Nk. 22:1
47Bankaka ya telemaka kuna ya kuwaka yo tubaka: Muntu yai ikele kubinga Elia.
48Nswalu mosi ya bau kwendaka ntinu ye bakaka eponge ye fulusaka yo na vinia ya ndudi, ye tulaka yo na nkawa, ye pesaka yandi kunwa.
49Kansi bankaka tubaka: Bika, beto tala kana Elia takwiza kuvulusa yandi.
50Yesu bokaka diaka na ndinga ya nene ye pesaka mpeve ya yandi.
51Tala ngumbu ya tempelo pasukaka mu ndambu zole tuka zulu ti nsi, ntoto nikukaka ye matadi pasukaka. 2 Mose 26:31; Mal. 15:38; Luk. 23:47
52bandiamu kangukaka, banitu mingi ya banlongo ya lalaka tulu fulukiswaka;
53bau basikaka na bandiamu ya bau, ye kotaka mu mbanza ya nlongo nanima na mfulukulu ya yandi, ye monikaka kwa bantu mingi.
54Nkuluntu ya basoldat ye bau ya vandaka na yandi kukenga Yesu, bu bau monaka ndikunu ya ntoto ye mambu ya salwaka, bau vandaka na boma mingi, kutuba: Kie leka, yandi ikele Mwana ya Nzambi.
55Kuna vandaka bankento mingi ya talaka yandi ntama, ikele bau ya landaka Yesu tuka Ngalili, ye sadilaka yandi. Luk. 8; 2
56Nakati ya bau vandaka Malia Mangadala, ye Malia ngudi ya Yakobi ye Yosefi, ye ngudi ya bana ya Zebedai.
Bau zika Yesu
57Bu nkokila kubwaka, muntu ya mvwama ya katuka na Alimataya kwizaka, nkumbu ya yandi Yosefi, yandi vandaka nlonguki ya Yesu mpe, Mal. 15:42; Luk. 23:50; Yoa. 19:38
58Yandi kwizaka kwa Pilatu ye lombaka nitu ya Yesu. Buna Pilatu tubaka, kupesa yo.
59Yosefi bakaka nitu ye zingilaka yo lele ya lino ya vedila;
60yandi tulaka yo mu ndiamu ya yandi yampa, ya yandi timaka mu ditadi; nanima yandi nengumunaka ditadi ya nene mu mwelo ya ndiamu, ye yandi katukaka.
61Kansi Malia Mangadala ye Malia yankaka vandaka kuna, bau vandaka kutala ndiamu.
Ndiamu ikele kukengwa
62Na suka, yo ikele kilumbu ya landa kilumbu ya kuyidika, bambuta banganga ye bafalisi kutakanaka kwa Pilatu;
63bau tubaka: Mfumu, beto imene kubambuka mambu ya mukusi yai tubaka, bu yandi vandaka na moyo: Nanima na bilumbu tatu mono tafulukiswa diaka.
64Sambu na yai, sikidikisa, na ndiamu kangwa mbote ti kilumbu ya tatu, keti banlonguki ya yandi takwiza kuyiba yandi, buna tuba kwa bantu: Yandi imene kufulukiswa tuka bafwa; buna nzimbukusu ya nima taluta yina ya ntete. Mat. 28:13
65Pilatu tubaka kwa bau: Beno ikele na minkengi; kwenda kukanga yo mbote, bonso beno zaba.
66Bau kwendaka ye kangaka ndiamu, ye tulaka kidimbu va ditadi nantwala na minkengi.
Currently Selected:
Matai 27: NTK50
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.
Matai 27
27
Bau twala Yesu kwa Pilatu
1Bu suka imene kwiza, bambuta banganga yonso ye bambuta ya bantu tubanaka sambu na kufwa Yesu. Mat. 5:1; Luk. 22:66
2Bau kangaka yandi ye twalaka yandi kwa nyadi Pilatu. Luk. 23:1; Yoa. 18:28
Yuda dikufwa
3Bu Yuda ya yekulaka yandi monaka Yesu imene kubediswa, yandi pindukaka ye vutulaka bitini ya palata makumi tatu kwa bambuta banganga ye bambuta ya bantu,
4yandi tubaka: Mono imene kusala masumu, bu mono yekulaka menga ya konda mbi. Kansi bau tubaka: Yai ikele nki kwa beto ? Nge mosi tala yo.
5Yandi losaka bitini ya palata mu tempele ye katukaka, ye kwendaka ye kudifwaka na nsinga na nkingu.
6Bambuta banganga bakaka bitini ya palata, ye tubaka: Nsiku buya beto kutula yau mu lundulu ya mbongo, kadi yau ikele ntalu ya menga.
7Bau tubanaka, ye sumbaka na yau dilanga ya muwumbi, sambu na kuzika banzenza mu yo.
8Sambu na yai, dilanga yina ikele kubingwa dilanga ya menga ti ntangu yai.
9Buna mambu ya tubwaka mu Yelemia mbikudi maniswaka, kutuba: Bau bakaka bitini ya palata makumi tatu, ikele ntalu ya yandi ya peswaka ntalu, ya bana ya Isaeli pesaka ntalu;
10ye bau pesaka yau sambu na dilanga ya muwumbi ya banzungu, bonso Mfumu sikidikisaka mono.
Pilatu yuvula Yesu
11Yesu telemaka nantwala na nyadi, ye nyadi yuvulaka yandi, kutuba: Nge ikele ntinu ya baYuda ? Yesu tubaka: Nge imene kutuba yo. Mal. 15:2; Luk. 23:2; Yoa. 18:29; 1 Tim. 6:13
12Bu bambuta banganga ye bambuta ya bantu fundaka yandi, yandi vutulaka ndinga ve.
13Buna Pilatu tubaka kwa yandi: Nge kuwa ve mambu mingi ya bau ikele kutuba kitemo sambu na nge.
14Yandi vutulaka yandi ndinga mosi ve, sambu na yai, nyadi yitukaka mingi.
Yesu keti Balaba ?
15Kansi mu kilumbu ya fete, nyadi vandakana kifu ya kangula nuntu mosi ya boloko kwa bantu, onsonani ya bau zola. Mal. 15:6; Luk. 23:17; Yoa. 18:39
16Ntangu yina bau vandaka na nuntu ya boloko, ya nsangu ya nene, nkumbu ya yandi Balaba.
17Buna bu bau kutakanaka, Pilatu tubaka kwa bau: Beno zola mono kangudila beno nani, Balaba keti Yesu ya bingwa Klisto ?
18Kadi yandi zabaka, bau yekulaka yandi sambu na kimpala.
19Bu yandi vandaka va kiti ya mfundisi, nkento ya yandi fidisaka kwa yandi, kutuba: Kota ve mu mambu ya muntu yai ya lunungu, kadi mono imene kumona mpasi mingi mu ndozi sambu na yandi bubu.
20Bambuta banganga ye bambuta ya bantu tubaka kwa bibuka, na bau talomba sambu na Balaba ye kufwa Yesu.
21Nyadi vutulaka ye tubaka kwa bau: Na bau zole, beno zola mono kangudila beno nani ? Kansi bau tubaka: Balaba. Bis. 3:14
22Pilatu tubaka kwa bau: Buna mono tasala nki na Yesu ya bingwa Klisto ? Bau yonso tubaka: Bika yandi komwa va kulunsi!
23Yandi tubaka: Nki mbi ya yandi salaka ? Kansi bau bokaka mingi, kutuba: Bika yandi komwa va kulunsi!
24Bu Pilatu monaka, yandi lenda ve kusala kima, kansi na makalele lutaka, buna yandi bakaka masa ye sukulaka maboko ya yandi nantwala na kibuka, kutuba: Mono ikele na mambu ve na menga ya muntu yai ya lunungu. Yo ikele mambu ya beno.
25Bantu yonso vutulaka, ye tubaka: Bika menga ya yandi vanda va beto ye va bana ya beto.
26Buna yandi kangudilaka bau Balaba, kansi bulaka Yesu ye pesaka yandi sambu na kukoma yandi va kulunsi. Yoa. 19; 16
27Buna basoldat ya nyadi twalaka Yesu ku nzo ya nene ya mfumu, bau kutikisaka kibuka yonso ya basoldat; Mat. 15; 16; Yoa. 19; 2
28bau katulaka mvwatu ya yandi ye vwatisaka yandi kazaku ya mbwaki;
29bau salaka mpu ya nsende ye tulaka yo va ntu ya yandi, ye tulaka tutu mu diboko ya yandi ya kibakala; bau fukamaka va makungunu ye sekaka yandi, kutuba: Vanda na kiese ntinu ya baYuda!
30Bau losilaka yandi mate, ye bakaka tutu ye bulaka yandi va ntu. Yes. 50; 6; Mat. 26:67
31Bu bau imene kuseka yandi, bau katulaka kazaku yina, ye vwatisaka yandi mvwatu ya yandi, ye twalaka yandi sambu na kukoma yandi va kulunsi.
Bau koma Yesu va kulunsi
32Bu bau basikaka, bau monaka muntu ya Kilene, nkumbu ya yandi Simoni, bau simbaka yandi kunatila yandi kulunsi. Mal. 15:21; Luk. 23:26
33Bu bau kumaka ku sika ya bingwa Ngolongota, kupindula ikele: Sika ya mukuwa ya ntu; Mal. 15:22; Luk. 23:27, 38; Yoa. 19:16, 19
34bau pesaka yandi vinia kunwa, ya kutikiswa na masa ya ndudi, bu yandi mekaka yo, yandi buyaka kunwa yo.
35Bu bau komaka yandi va kulunsi, bau kabaka mvwatu ya yandi, ye bulaka nzeke sambu na yau; Nk. 22:18
36ye bau vandaka ye talaka yandi kuna.
37Bau tulaka va zulu ya ntu ya yandi mambu ya yandi, ya sonamaka: YAI IKELE NTINU YA BAYUDA.
38Buna bau komaka bantani zole sikamosi na yandi va bakulunsi, mosi na diboko kibakala, mosi na diboko kinkento. Yes. 53:12; Mal. 15:27; Luk. 23:33; Yoa. 19:18
39Bau ya lutaka, fingaka yandi, ye nikisaka ntu ya bau; Mal. 15:29; Luk. 23:35, 39
40ye tubaka: Nge ya pasula tempelo ye tunga yo mu bilumbu tatu, divulusa, kana nge ikele Mwana ya Nzambi, kulumuka tuka kulunsi. Mat. 26:61; Yoa. 2; 19
41Mpilayai mpe bambuta banganga ye bansoniki ye bambuta ya bantu sekaka yandi ye tubaka:
42Yandi vulusaka bankaka, kansi yandi lenda ve kudi vulusa. Yandi ikele ntinu ya Isaeli. Bika yandi kulumuka ntangu yai tuka kulunsi, ye beto takwikila yandi.
43Yandi ikele kutula vuvu mu Nzambi, bika yandi vulusa yandi ntangu yai, kana yandi zola yandi, kadi yandi tubaka: Mono ikele Mwana ya Nzambi.
44Bantani ya komwaka sikamosi na yandi va bakulunsi fingaka yandi mpilayai mpe.
Lufwa ya Yesu Klisto
45Tuka lokula sambanu tombe kubwaka va ntoto yonso ti lokula uvwa. Mat. 15:33; Luk. 23:44; Yoa. 19:28
46Kansi na lokula tatu Yesu bokaka na ndinga ya nene, kutuba: Eli, Eli, lama sabakatani ? Yo ikele: Nzambi ya mono, Nzambi ya mono, sambu na nki nge imene kubika mono ? Nk. 22:1
47Bankaka ya telemaka kuna ya kuwaka yo tubaka: Muntu yai ikele kubinga Elia.
48Nswalu mosi ya bau kwendaka ntinu ye bakaka eponge ye fulusaka yo na vinia ya ndudi, ye tulaka yo na nkawa, ye pesaka yandi kunwa.
49Kansi bankaka tubaka: Bika, beto tala kana Elia takwiza kuvulusa yandi.
50Yesu bokaka diaka na ndinga ya nene ye pesaka mpeve ya yandi.
51Tala ngumbu ya tempelo pasukaka mu ndambu zole tuka zulu ti nsi, ntoto nikukaka ye matadi pasukaka. 2 Mose 26:31; Mal. 15:38; Luk. 23:47
52bandiamu kangukaka, banitu mingi ya banlongo ya lalaka tulu fulukiswaka;
53bau basikaka na bandiamu ya bau, ye kotaka mu mbanza ya nlongo nanima na mfulukulu ya yandi, ye monikaka kwa bantu mingi.
54Nkuluntu ya basoldat ye bau ya vandaka na yandi kukenga Yesu, bu bau monaka ndikunu ya ntoto ye mambu ya salwaka, bau vandaka na boma mingi, kutuba: Kie leka, yandi ikele Mwana ya Nzambi.
55Kuna vandaka bankento mingi ya talaka yandi ntama, ikele bau ya landaka Yesu tuka Ngalili, ye sadilaka yandi. Luk. 8; 2
56Nakati ya bau vandaka Malia Mangadala, ye Malia ngudi ya Yakobi ye Yosefi, ye ngudi ya bana ya Zebedai.
Bau zika Yesu
57Bu nkokila kubwaka, muntu ya mvwama ya katuka na Alimataya kwizaka, nkumbu ya yandi Yosefi, yandi vandaka nlonguki ya Yesu mpe, Mal. 15:42; Luk. 23:50; Yoa. 19:38
58Yandi kwizaka kwa Pilatu ye lombaka nitu ya Yesu. Buna Pilatu tubaka, kupesa yo.
59Yosefi bakaka nitu ye zingilaka yo lele ya lino ya vedila;
60yandi tulaka yo mu ndiamu ya yandi yampa, ya yandi timaka mu ditadi; nanima yandi nengumunaka ditadi ya nene mu mwelo ya ndiamu, ye yandi katukaka.
61Kansi Malia Mangadala ye Malia yankaka vandaka kuna, bau vandaka kutala ndiamu.
Ndiamu ikele kukengwa
62Na suka, yo ikele kilumbu ya landa kilumbu ya kuyidika, bambuta banganga ye bafalisi kutakanaka kwa Pilatu;
63bau tubaka: Mfumu, beto imene kubambuka mambu ya mukusi yai tubaka, bu yandi vandaka na moyo: Nanima na bilumbu tatu mono tafulukiswa diaka.
64Sambu na yai, sikidikisa, na ndiamu kangwa mbote ti kilumbu ya tatu, keti banlonguki ya yandi takwiza kuyiba yandi, buna tuba kwa bantu: Yandi imene kufulukiswa tuka bafwa; buna nzimbukusu ya nima taluta yina ya ntete. Mat. 28:13
65Pilatu tubaka kwa bau: Beno ikele na minkengi; kwenda kukanga yo mbote, bonso beno zaba.
66Bau kwendaka ye kangaka ndiamu, ye tulaka kidimbu va ditadi nantwala na minkengi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouveau Testament en Kikwango © BAliiance Biblique de la RD Congo, 1950.