Matayo 22
22
1Ko aotenda, amasumola lakina l’asai, ate, 2Lifoka lina loola yakolana la lifoka limoi onofumbak’elambedya ena nsongana lacin’ena bon’onande ona mpame; 3ko aotoma baombo’anande oyelela iy’an’elelamaki en’elambedya ena nsongana; koko iyo batalanga liya. 4Lakina aotoma baombo’amoi, ate, Bosumol’iy’an’elelamaka, Lenda, mokodya elambedya enami, ngombo inami la nyama inami iney’itamo imoyakama, toma tohatotu tomokolana: boyaka en’elambedya ena nsongana. 5Koko baofedya, ko baocoa mboka iniyo; omoi aocoa ena lisala linande, omoi aocoa ena baongwa banateky’ende; 6ko ban’amoi baunda baombo’anande, ko bamaenya bino, ko bamayaka tutu. 7Ko eneki lifoka ookaka, aolemwa, ko aotoma soldats inande, ko aotenyatenya bayaki’aho ban’ato, ko aotumba bonyang’oniyo la nkoi. 8Koko aosumola baombo’anande, ate, Elambedya ena nsongana emokolana, koko iy’an’elelamaki batakolana. 9Lacin’eho, bacoaka en’aatano’a mboka, ko belela bato banang’in’osungya bahatu, bayi en’elambedya ena nsongana. 10Ko baombo’aho baocoa ena mboka, ko baosolonganya bato bahatu banak’iy’osungyaka, le bato ban’owe le bato ban’olotsi; ko botumba bon’elambedya ena nsongana bolola l’ato ban’elambedya. 11Eneki lifoka lina roi otuaka lacina alende bato ban’elambedya, aena boto’omoi meho onotalota bokoto bon’elambedya. 12Ko amoufola, ate, Mango, otuaka mendo kum’ofana bokoto bon’elambedya ena nsongana bosamb’oya? Ko ende ataata ekutwelo tu. 13Nkwaho lifoka lina roi aosumola basali, ate, Bokakele l’akasa l’akaka, ko bofuse en’ilima en’anza; meho engata nko lilelo lina mposoli la nkenyanya en’aino. 14Lacina banelelama band’ike, koko banasonama bafan’ike.
15Nkwaho Bafalusi baocoa oyang’eango bokotua bonong’iy’oong’ende longo la baoyi’anande. 16Ko baotomel’ende bakili’aniyo ko la Ba-Elode, iy’ate, Bolaki, iso tey’oka oyali ona solosolo, ko olak’ato mboka ena Yakomba la solosolo, ko ofakanel’oto tu, lacin’oka ofalende bilongi bin’ato. 17Lacin’eho, otosumole, nakanel’e? enafut’iso Kaisala mpuci, yoi liho likoli, yombo lifakoli? 18Koko Yesu aofokola bowe’oniyo, ko aila, ate, Ino besimo! bomek’emi lacina nai? 19Bontume franc ena mpuci. Ko bamoyela denier emoi. 20Ko amaufola, ate, Efoya ene l’etengelo ene ena nai? 21Iy’ate, Ena Kaisala. Ko amasumola, ate, Bofaka Kaisala toma tona Kaisala, ko bofaka Yakomba toma tona Yakomba. 22Enek’iy’ookaka baoyi’aho baofefa, ko bamocika, ko baocoa mboka iniyo.
23En’in’oho Basadoke (nk’iy’an’ila, iy’ate efan’eetwelo en’ewedi) baoy’eneyal’ende, ko bamoufola, iy’ate, 24Bolaki, Mose ailaki ate yombo boto aowa kum’atot’ona, bakune’onande atambake booli’onande onociki, ko aotele botoolo’onande bana. 25Mpame nsambo iyaaki enek’iso, botoolo l’akune. On’oso aosonga booli, ko aowa kum’atot’ona, ko aocikela bakune’onande booli; 26nk’osamb’oho l’on’afe, l’on’asaso, l’iyatu nsambo. 27Ena mbusa en’iyatu boyoto aowa. 28En’eetwelo en’ewedi, angoyala booli’ona nai? lacin’oka iyatu baosongaki. 29Koko Yesu amalokwela, ate, Ino bounga nko mbunga, enefey’ino bekanda bena Yakomba, ko bofeya mpamba ena Yakomba. 30En’eetwelo lakina en’ewedi, bato bafatambe baali, ko bafatomama liala: bayali yoka bosamb’onoyali bikima bina Yakomba ena loola. 31Ko ena likambo lin’eetwelo en’ewedi, ino botaanda nde baoyi banaki Yakomba okosumolak’ino, ate, 32Emi njali Yakomba ena Abalayama la Yakomba ena Yisaka ko la Yakomba ena Yakoba? Yakomba afayali Yakomba ena banawaki: ayali nko Yakomba ena banayaike. 33Eneki bik’ike bon’ato ooaka yoi liho, baofefa la lilako linande.
34Koko Bafalusi, enek’iy’ookak’oka Yesu amokoiya Basadoke, iyo baosolongana eneyal’ende. 35Ko omoi’oniyo, bosakitoli bona basangya, amomeka la bufo, ate, 36Bolaki, lisangya linalileki bahatu lika nai? 37Yesu amosumola, ate, Oka Yawe Yakomba ene nganji l’otem’one bohotu, ko l’olimo’one bohotu, ko la lokanyi lone lohalotu: 38boeka bon’oso la bonoleki nk’one. 39Ko boeka bon’efe bosangi l’oho: Ok’on’oli l’e nganji yoka bosambo bonayook’e eamene nganji. 40Licina mene lina basangya bahatu la balako ban’asumoli nko beeka bene befe.
41Ko eneki Bafalusi osoionganaka, Yesu amaufola, ate, 42Nakanel’ino lacin’ena Masiya? Ayali bon’ona nai? Iy’ate, Ona Dawidi. 43Amasumola, ate, Noka, Dawidi, enem’end’otenda ena Bolimo, amotanga Nkolo bosamb’oya? ate,
44Yawe ailaki Nkolo enami,
Kisase en’ili bona likasa linami y’ome,
Yengoko enengi’m’oila baokyi’owe’ane limbolongo lin’akak’ane.
45Yombo Dawidi amotanga Nkolo, ayali bon’onande yok’osamb’oya? 46Koko etaata boto onomokutwelisa yoi limoko, ko ena mbusa ena bin’oho efana nko le boto onomoufolaka bufo, lacin’oka baangaki.
Currently Selected:
Matayo 22: BBY62
Highlight
Share
Copy
Want to have your highlights saved across all your devices? Sign up or sign in
Bokanda Bona Yakomba Bon’ototo © Alliance Biblique de la R. D. Congo, 1962
