Yoane 13

Yesu akeraya ebisandu byabakwenda

1Nikwa embere yekiro ekyo kinene kyErilabwako, Yesu inianasi endambi yiwe yamahika eyerilwa omo kihugo eriya eyiri Ise, abya anzire abuwe ababya omo kihugo, mwa nzabo erihika oko nduli. 2Nomugulu barya olulaliro, Satani iyamabihira omo mutima wa Yuda Iskariota, mugala wa Simoni erimuhotela, 3Yesu inianasi ko Ise abirihira emyatsi yosi mu byala biwe, kandi kwalwa oko Mungu, akaswaya oko Mungu, 4mwahangana aho barira, mwahira esyongimba syoluhande; mwimya ekihande kyolukimba, mwayihangakyo. 5Neryo muta amagetsi okwituba, mwatsuka erierya ebisandu byabiga, neri sangulabyo omo kihande kyolukimba ekyo abya ayihangire. 6Neryo mwahika uku Simoni Petero. Naye mwamubulya ati, Mukama, ukeraya ebisandu byage kwehi? 7Yesu mwamu subirya ati, Ekyo ngakola siwasikyo lino: nikwa wasyakiminya erinyuma. 8Petero mwabuga naye ati, Siwendierya ebisandu byage na kera. Yesu mwamusubirya ati, Namatindakwerya, suri nobusangi haguma nage. 9Simoni Petero mwabuga naye ati, Mukama, siweraye ebisandu ibyo byene, nikwa weraye ebyala byage nomutwe wage nibya. 10Yesu mwamubwira ati, Oyu yikosire syarisonda kindi, bye nebisandu, nikwa erire kundu: nenyu mwerire, nikwa butsira imwe bosi. 11Kusangwa abya asi oyu kandisyamuhotela; kyaleka iniabuga, ati, Simwe rire inywe bosi.

Omugombe si mukulu ku mukama wuwe

12Neryo amabierya ebisandu byabo, neriswimya esyongimba siwe, mwaswikala, mwabulyabo ati, Mwamaminya ekyo nama bakolera kwehi? 13Mukanyahula muti; Mukangirirya no Mukama: imukabuga ndeke; kusangwa ko nyine nyitya. 14Namabya ini ingye Mukama noMukangirirya, nabirierya ebisandu bienyu, nenyu mutolere erierania kwebisandu. 15Kusangwa nabiribaha ekiminyikalo, imwakola ngoko nabi ribakola. 16Kundu, kundu, ngabuga nenyu, Omugombe siarilenga omukama wuwe; nomukwenda sialengire oyu ria mutuma. 17Mwamaminya emyatsi eyi, imuri batsumulwa mwamakolayo. 18Sindibahula inywe bosi: nyinasi abo nayi soga: nikwa amasako abererere, Oyu karya obundu bwage yukanyisumbira akasinziro kiwe. 19Ngababwira lino bitebya bya, neryo omugulu byasyabya imwikirirya ko ndi ye. 20Kundu, kundu, ngabuga nenyu, nyiti, Oyu kakokaya mundu wahi ngatuma iniakanyikokaya: noyu kanyikokaya iniakakokaya oyu wanyituma.

Yuda oyo wamuhotela

21Yesu amabibuga atya, mwakwa bulige omo mutima, mwa tulago ati, Kundu, kundu, ngabuga nenyu, nyiti, Omuguma gukwinywe asyanyihotela. 22Abiga mobalola-lolanako, isibasi oyo akahula. 23Habya mwiga muguma imakegemera oko kikuba kyaYesu bakarya oyo Yesu anzire. 24Simoni Petero mwamukoherya, mwamubwira ati, Utubwira nga kahulandi. 25Neryo erikegemera atya oko kikuba kyaYesu mwamubulya ati, Mukama, ni ndi kwehi? 26Yesu mwamusubirya ati, Yoyo ngandikolerya kitole, erimuhakyo. Neryo amabikolerya ekitole mwahakyo Yuda Iskariota, mugala wa Simoni. 27Ne nyuma yekitole, Satani mwingira omwisi wuwe, Neryo Yesu mwabuga naye, Ekyo ukakola, ukolekyo luba. 28Nikwa sihabya mundu woko barya oyu waminya nga mwahuliraki. 29Kusangwa abandi baganiraya, kusangwa Yuda aheka ngunza, ambu Yesu amubwira ati, Ugule ebyo bitutolere oko kiro kikulu busana nerirya; kutse ahe kindu oko bera. 30Neryo amabimya ekitole mwahulukira eyihya: ibwamabihumbera.

Eritegeka rihyarihya ryerianzana

31Neryo abere abihuluka, Yesu ati, Lino Mugala womundu amabana olukengerwa, noMungu amakengwa omwisi wuwe; 32OMungu amakengwa omwisi wuwe, Mungu asyamukenga omwisi wuwe, asyamukenga luba. 33Abana balere, akandi katambi kake inindi haguma nenyu. Mwasyanyisonda-sonda: kandi ngoko nabwira baYuda, ritya ngababwira lino, Eyo ngaya simwangatoka erihikayo. 34Erihana rihyarihya ngabaha, mwanzane; ngoko nyibanzire, nenyu mwanzane. 35Busana neki abandu bosi basyaminya komuri biga bage, mwamanzana.

Petero ati siendigana Yesu

36Simoni Petero mwabuga naye, ati, Mukama, ukayahi kwehi? Yesu mwamusubirya, ati, Eyo ngaya, siwangatoka eringwama linolino; nikwa wasyangwama bolo. 37Petero mwabuga naye, ati, Mukama, niki kyangaleka inindakukwama lino kwehi? Nasyakuholera. 38Yesu mwamusubirya, Wa syanyiholera kwehi? Kundu, kundu, ngabuga nawe, nyiti, Engokolume siendibika, utewanyigana ngendo isatu.

Currently Selected:

Yoane 13: NTN62

Highlight

Copy