Luka 12
12
Erihana abiga
1Oko mugulu oyo, amaelfu mangi boko syondeko bama bihindana haguma, kyaleka ibaryatangirirana, iye mwa tsuka eribwira abiga buwe erimbere ati, Muyitegaye busana nekihamya kyabaFarisayo, ekyo ni teba. 2Sihari ekikunigirwe ekitinda-syabisulwa, kutse ekibisire ekitindasyaminyikala. 3Omwatsi wahi ogo mwabirikanirya omo mwirimya asyo gwirwa omo kyakakala, nebyo mwabiribuga omo bihwehwe omo syongonde syamanyumba byasyabugirwa oko lutwe lwa manyumba. 4Ngababwira, abira bage, nyiti, simubahe abakita omubiri, nenyuma waho sibawite ebyo bangaswakola. 5Nikwa ngandibasayisya oyo mutolere eriubaha: Musage oyo amabiita iniawite namaka werigusa omo kyuna kyomuliro; ega, ngababwira, mubahe oyo! 6Ebiswiri bitanu sibiguribawa busana nesenge ibiri kwehi? Sihari akaguma kakubyo akaki biriranawa embere syoMungu. 7Kandi nesyonzwiri esyoko mitwe yenyu sinaganzire esyosi. Simubahe; muri bobuguri kwilaba ebiswiri bingi. 8Kandi ngababwira, oburi mundu oyu kanyikanganaya emuliro wabandu, oMugala womundu asya mukangania emuliro wabalaika goMungu; 9nikwa oyu kanyigana emuliro wabandu asyaganwa emuliro wabalaika goMungu. 10Noburi mundu oyu kanegulira oMugala womundu asyabugirwa; nikwa oyu katsuma eKirimu Kibuyirire siendisyabuyirwa. 11Omugulu bakabaleta embere syamanyu mba werihindana nabarongani nabehamuli, simuhahukaye emitima ekyo mwasyasubirya kutse ebyo mwangabuga. 12Ku sangwa eKirimu Kibuyirire kyasyabakangirirya ebyo mutolere eribuga oko ndambi eyo.
Owebindu kikiru
13Omuguma woko ndeko mwabuga naye ati, Mukangirirya, ubwire omugala wetu uti tugabe omwandu wetu. 14Nikwa mwamubwira ati, We mulume, nindi wanyiyira mo mutsweri wenyu kutse omugabi wenyu kwehi? 15Kandi mwabuga nabo ati, Mulebaye, muyitegaye okwirumwa ryosi; kusangwa engebe yomundu siri busana nobungi bwebindu biwe. 16Neryo mwatwirabo omusyo, ati, Ekitaka kyo mundu webindu bingi mokyerya bingi; 17neryo mwaganirya omwisi wuwe ati, Nasyakolaki kwehi? kusangwa singwite aheribika ebyalya byage. 18Neryo mwaswayibwira ati, Ngandikola eki: inahi mbula ebigona byage, inahimba ebinene kwaho; umwebyo monasyabika ebyalya byage nebindu byage. 19Neryo nasya bwira omutima wage nyiti, uwe mutima, uwite ebindu binene bibikire busana ne mituta mingi; uluhuke, urye, upulaye, utseme. 20Nikwa Mungu mwamubwira ati, Uwe kikiru! Omo kiro eki omutima wawe akandibirikirwa; nebindu ebyo wabiri bika, byasyabya byandi kwehi? 21Noyu kayibikira ebindu kwari atya, ate webindu busana noMungu.
Amaganiryo
22Neryo mwabwira abiga buwe ati, Nibya ngababwira simubye namaganiryo busana nengebe yenyu, muti mwasya ryaki, kutse busana nomubiri, nga mwasyambalaki. 23Ku sangwa engebe ilengire ebyalya, nomubiri alengire esyongimba. 24Muringikanaye ebikororo: sibyebiba kutse erigesa, sibyeyira embiso kutse ekigona, nikwa Mungu akarisayabyo. Nenyu muri bobuguri bungahi kwilaba esyonyonyu esyo kwehi? 25Nindi kwinywe busana namaganiryo angatoka eritomekera oko mituta yengebe yiwe oburi bwokuboko kuguma kwehi? 26Nikwa nenyu mwamatindatoka erikola omwatsi muke ngoyo, busana naki mukayiganiriraya busana nebindi ebyo kwehi? 27Muganiraye ebirangaranga, ngoko bikalasa; isibyekola omubiri kutse sibyeluka; nikwa ngababwira, nyiti, Solomono nolukengerwa luwe losi mwatambalibwa nge kiguma kyakubyo. 28Nikwa Mungu amambalya ebiti ebiriho omoli munabwire nomungyakya ibyaguswa omo riko, siendisyabambalya kwila baho kutsibu kwehi? inywe bandu berikirirya ike. 29Kandi simusonda-sondaye ebyo mwangarya nago mwangapulya, kutse simubye noburingikania wengitsi. 30Kusangwa ebihanda byosi bye kihugo bikasonda-sonda emyatsi eyi; na Tata wenyu anasi ebibari bwaga. 31Nikwa kumbe, musonde obwami buwe, nebindu ebi byasyabya byenyu nibya. 32Simubahe, ekihyo kike, kusangwa kikatsemesaya ndeke Tata wenyu eribaha obwami. 33Mugulaye ebindu byenyu, muhitaye; muyibanire matusi awatekula, nebindu ebiri omo lubula ebite keha, ahatehika omurahi nehinyurugunzu ehikaheraya. 34Kusangwa ahari ebindu benyu, hemitima yenyu ikabya.
Eriteya eriasa rya Yesu
35Esyombindi syenyu sibye isinabohire, nesiseke syenyu syake, 36mubye nga bandu bakalindirira omukama wabo ahasyasuburira erilwa omwirya ryeriherukania, ibatoka erimu kingurira neryo-neryo omugulu akasa erikongota. 37Omuyisa ari oko bagombe abo omukama akegaya ibanalolire; kwenene ngabuga nenyu, asyaboha embindi yiwe inikalyabo okwirya, iniahikaho iniakolerabo. 38Amasa oko kisisimuko ekyakabiri, kutse ekyakasatu, akegayabo bane batya, omuyisa ari na bagombe abo! 39Nikwa muminye eki, kumbe mwenye nyumba abya asi endambi yahi omurahi akandihika, ngabiribya inianalolire isiangaleka enyumba yiwe ikatulwa. 40Nenyu mubye imunasikire; kusangwa oMugala womundu akasa omo ndambi mutalengekenie.
Omugombe oyu utesiganiraya
41Petero mwabuga ati, Mukama ukatwa omusyo oyu busana netu kutse busana nabosi kwehi? 42OMukama mwabuga ati, Nindi yo mwimaniri oyu tebirirawa owamenge kwehi? omu kama wuwe asyamuhira erisuga abandu buwe, nerihabo akalengi kakaryo oko ndambi itolere. 43Omuyisa ari oko mugombe oyo omugulu omukama wuwe asyasa nerimweya akakola atya.
44Kwenene ngabuga nenyu, asyamuhira erisuga ebindu biwe byosi. 45Nikwa omugombe oyo amayibwira ati, Mukama wage alindireyo, iniatsuka eriswirya abagombe bobulume nabo bukali, nerirya neripulya nerikunda, 46omukama womugombe oyo asyasa ekiro atemulindirira noko ndambi atasi, asyamu suyira, nerimuhira haguma nabatikirirye. 47Nomugombe oyo wabya asi erisonda ryomukama wuwe, nikwa mwatakokotya kutse erikola ngerisonda riwe, asyaswiribwa kutsibu. 48Nikwa oyu tetaminya akakola ebitolere eriswiribwa, asyabana eriswi ribwa hake. Oburi mundu oyu kahabawa bingi asyaburibwa bingi; nokoyu bandu bakabikaya bingi basyamubulya bingi kwilaba.
Erigabana
49Monasa erigusa omuliro omo kihugo; kumbe aribiriaka! nangaswasondaki kwehi? 50Ngwite eribatisya eryo nangaba tisibwamo; kandi ngakwa engitsi erilinda ekiro ryasyabererera! 51Mukaganiraya muti nasa nerileta obuholo omo kihugo kwehi? Eyihi, ngababwira, nikwa erigabana; 52kusangwa eritsuka lino omo nyumba nguma hasyabya abatanu abagabene, abasatu nababiri nababiri na basatu abagabene; 53basyaga bana, ise na mugala nomugala nise, nyinya na mwali na mwali na nyinya, nyinyi-byala na mwaliana na mwaliana na nyinyi byala.
Eriminyerera emigulu
54Kandi mwabuga nesyondeko, ati, Omugulu mukalangira ekitu kikasira eyo eryuba rikalengera, mukabuga muti lino embula ikandiwa; neryo iko byanabya bitya. 55Nomugulu mukalebaya erihunga ryelutambi rikabuhirira, muti, ekihuhani kikalire kikandibya; iko byanabya bitya. 56Abatebya inywe! munasi erilengerera kisosekanio kye kihugo nekyanya; nikwa busana naki simwasi erilengerera omugulu wasesene kwehi? 57Busana naki simwetswera busana nenyu ekitunganene kwehi?
58Omugulu ukagenda nomutsongeri wawe emuliro womu tsweri, ulenge erisangana naye omo nzira, syakukurire oko mutsweri, nomutsweri erikuhererya omusoda naye akakugusa omo muliki. 59Ngakubwira, siwendisyalwamo na hake utewariha esenge yenyumanyuma.
Currently Selected:
Luka 12: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
