Luka 15
15
Embuli eyatala
1Nabasolesya nabakola nabi mobasegera hakuhi nerimowa. 2NabaFarisayo nabasaki mobayitonga bati, Omundu oyu akakokaya abakolanabi nerirya haguma nabo. 3Kyaleka iniatwirabo musyo oyu ati: 4Mundundi kwinywe, oyu wite esyombuli erigana, amatalya enguma yakusyo siarisiga esindi makumi mwenda nomwenda omo mbwarara kwehi? akaya kwamirira eyitere, erihika aha kandibanirayo. 5Neryo amabi banayo, iniahirayo oko bitigo biwe, inianemotsema. 6Neryo ahika eka, iniabirikira abira buwe na bali kyabo, neribwirabo ati, Mutseme haguma nage, kusangwa namabana embuli yage eyilwe iyatere. 7Ritya ngababwira, hasyabya obutseme omo, lubula busana nomukola nabi muguma oyu kabinduka kwilaba bandu batunganene makumi mwenda no mwenda abate nobwaga bweribinduka.
Ekitsipa ekyatala
8Kutse omukali wahi, oyu wite ebitsipa ikumi, amatalya kiguma, siariakaya oluseke neribirya enyumba nerisondya kutsibu erihika okwibanakyo kwehi? 9Nomugulu amabiba nakyo, iniabirikira abira biwe na balikyabo, iniabwirabo ati, Mutseme haguma nage, kusangwa nabiribana ekitsipa ekyo natalaya. 10Ritya ngababwira, hari obutseme embere syaba laika boMungu busana nomukola nabi muguma oyu kabinduka.
Omugala owahera
11Kandi mwabuga ati, Habya omundu iniawite abagala babiri; 12nomulere wakubo mwabwira ise ati, Tata, umba erigabo ryebindu ebikandisyabya byage. Naye mwagabirabo obusoki buwe. 13Enyuma webiro bike, omugala mulere mwakumakuma ebyosi abya awite myaya omo kihugo mo hali, neyo mwapanzapanza obusoki buwe omo mibiri mityamitya. 14Neryo amabihitya ebyosi, enzala nene moyahika omo kihugo ekyo, naye mwatsuka eribya nobwaga. 15Neryo mwaya yila nerikania oko mundu muguma owe kihugo ekyo, naye mwamu tuma omwirima riwe eririsya esyongurube. 16Naye mwanza eriuguta omo bisugu ebyo esyongurube syabya sikarya; kandi sihari mundu oyu kamuha kindu. 17Nikwa omugulu ibuka mwabuga ati, Abagombe bobuhingi batata wage bangaha bawite obundu obutolere nobukasaka, nikwa ingye ngaholera eno nenzala! 18Ngandihangana neriya ku tata wage, nasyamu bwira nyiti, Tata, nabirikola nabi embere syelubula nembere syawe; 19Sinyikitolere eriahulwa mo mugala wawe; unyiyire ngo muguma goko bagombe bawe abobuhingi. 20Neryo mwahangana mwahika uku ise wuwe. Nikwa iniakine hali, ise wuwe mwamulolako mwamuganyira, mwatibita mwamuhamba mwamuryatsirira. 21Nomugala oyo mwabuga naye ati, Tata, Nabirikola nabi embere syelubula nembere syawe; sinyikitolere eriahulwa mo mugala wawe. 22Nikwa ise mwabwira abagombe biwe ati, Mulete luba ekanzu eyirengire esindi, mumwambala yeyo; muhire embuka oko munwe wuwe, nesyongendero oko bisandu biwe; 23mulete ekyana kyende ekinenehibwe mwi tekyo, turye tutsange; 24kusangwa omugala wage ono abya aholire, abiribyaho kandi; abya aherire, abiribanika. Neryo mobatsuka eritsanga. 25Nikwa omugala mukulu abya omwi rima; nomugulu asa akahika hakuhi nenyumba, mowa esyo nanga nerisata. 26Neryo mwabirikira muguma oko bagombe mwamubulya ebyabere. 27Naye mwabuga naye ati, Omugala wenyu abiriasa, na tata wawe abiriita ekyana kyende ekinene hibwe, kusangwa abirimukokya nobuholo inianakalire. 28Naye mwahitana mwagana eriingira. Ise wuwe mwahuluka mwamu gonga-gonga, 29nikwa mwasubirya ise wuwe ati, Lebaya emituta eyi mingi nabirikukolera, na kera sinditagana eritegeka ryawe; nikwa mutamba na kahaya na kera, inatoka eritsanga na bira bage. 30Nikwa omugulu mugala wawe oyu amasa, oyo wabuga obusoki bwawe na basingiri, wabirimwitira ekyana kyende ekinenehibwe! 31Naye mwabuga naye ati, Mugala, uri haguma nage biro byosi, nebyosi byage ni byawe. 32Rilwe ritolere eritsanga neritseme, kusangwa omugala wenyu oyu abya aholire, aneho kandi; abye iniaherire, abiribanika.
Currently Selected:
Luka 15: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
