Luka 18

Erisaba buisira eriumbya

1Neryo mwatwirabo musyo, ati, batolere erisaba ebiro byosi butsira eriluha. 2Mwabuga ati, Habya omutsweri oko muyi muguma isiariubaha Mungu kutse erikenga mundu; 3noko muyi oyo habya omukwakali abya akamuhikako akamu bwira ati, Unduhiraye enzigu yage. 4Neryo mohahwa ebiro inianemogana; nikwa enyuma mwayibwira ati, Nomo ndyubaha oMungu kutse erikenga mundu, 5nikwa kusangwa omukwakali oyu akanyiluhaya, ngandimutuhirya, bitebitya iniakandi syanduhya erihika ebiro byosi. 6Kandi oMukama mwabuga ati, Mowe ebyo omutsweri utatunganene akabuga. 7NoMungu naye siendisyatuhirya abayisogawa buwe abakamulakira eritungi nomo kiro kwehi? Asyalindirirabo kwehi? 8Ngababwira nyiti, Akandisyatuhiryabo luba. Nikwa oMugala womundu amasa, akandisyeya erikirirya oko kihugo kwehi?

MuFarisayo nomusolesya

9Kandi mwatwa omusyo busana nabandi abayihalamba bati ni batunganene bakapona abandi bosi: 10ati, Abandu babiri mobahetukira omo hekalu erisaba, omuguma ni muFarisayo nogundi abya musolesya. 11OmuFarisayo mwimana mwasaba omo mutima wuwe ati, Mungu, ngakuha ewasingya ingye sindingene nga bandi bandu, abanyeyi, nabatatunganene, naba singiri, kutse ngo musolesya oyu. 12Ngatsira engendo ibiri oburi yenga, ngaha ekiguma kyerikumi omo byosi ngabana. 13Nikwa omusolesya, mwimana hali, mwataliga erisumbira ameso wuwe elubula, nikwa mwahumanga oko kikuba kiwe, ati, Mungu unyiganyire ingye mukola nabi! 14Ngababwira, nyiti, omundu oyu mwakimira omwe iniabiritungananibwa kwilaba ogundi; kusangwa oburi mundu oyu kayihamaya asyakehibwa, nikwa oyu kayikehaya asyahamibwa.

Yesu na bana balere

15Neryo babya bakamuletera abana balere bati atule kubo; nikwa abiga omugulu balangira ekyo, mobakungabo. 16Nikwa Yesu mwabirikirabo ahari, mwabwirabo ati, Muleke abana balere bambikeko, simukagebo; kusangwa abari batya obwami bwoMungu ni bwabo. 17Kwenene, ngabuga nenyu, nyiti oyu tiangirira obwami bwoMungu ngowana mulere siendisingira mubo na hake.

Owebindu

18Nomurongani muguma mwamubulya ati, Mukangirirya mubuya, nasyakolaki eribana engebe yerikota mo mwandu kwehi? 19Yesu mwabuga naye ati, Busana naki ukanyahula mo mubuya kwehi? Sihari mubuya nina Mungu iyo wene. 20Unasi ebihano: Susyesingira, Susita, Susiba, Susyelega, Usikaye tata wawe na koyo wawe. 21Naye mwamubwira ati, Ebyosi ebi nabiriberereryabyo eritsuka omo bwana bwage. 22Yesu abere abiowa, mwamubwira ati, Ukisiya omwatsi muguma. Ugulaye ebyosi uwite ugabirebyo oko bera, wasyabya nobusoki elubula; wase ungwame. 23Nikwa abere owa ebi mwakwa bulige, kusangwa abya webingi kutsibu. 24Yesu nerimutungerera mwabuga ati, Rikalire riti oko bebingi eri ingira omo bwami bwoMungu! 25Kusangwa ni lyolo busana nengamia erilaba omo riso ryenzanza kwilaba omundu webindu eriingira omo bwami bwoAlungu. 26Abowa bati, Byamabya iko biri bitya nindi angatoka erilamibwa kwehi? 27Nikwa mwabuga ati, Ebitetokekana oko bandu bikatokekana oko Mungu. 28Petero mwabuga ati, Lebaya, twabirisiga ebyetu nerikukwama. 29Naye mwabwirabo ati, Kwenene, ngabuga nenyu, sihari mundu oyu wasiga enyumba kutse omukali wuwe kutse abagala babo kutse abamubuta kutse abana, busana nobwami bwo Mungu, 30oyu tendisimya ebilabire aho kutsibu oko mugulu oyu noko mugulu akandisyasa engebe yerikota.

Amagali wa Yesu

31Kandi mwatwala erikumi na babiri, mwabuga nabo ati, Lebaya, tukahetukira eYerusalema, nebyosi byasakawa na baminyereri busana noMugala womundu byasyabererera. 32Kusangwa asyahoterwa oko Bihanda, asyasekereribwa neri itwa esisoni neritwirwako amatandi; 33basyamuswirya emi koba nerimwita, noko kiro kyebisatu asyalubuka. 34Nikwa mobataminya emyatsi eyi na hake; neribuga eri moryabiswa kubo, mobataminya ekyabugawa.

Endimatime ya Yeriko

35Omugulu asonda erihika eYeriko, endimatime inianikere oko musike wenzira akasabirirya; 36neriowa emilondo ikalaba, mwabulya ati, kuti? 37Mobamubwira bati, Yesu wa Nazareti akalaba. 38Naye mwabirikira ati, Yesu, Mugala wa Dawidi, unyigenyere! 39Ababya embere mobamukunga, mobamu bwira bati abye bukutu; nikwa mwabirikira okwilaba aho ati, Mugala wa Dawidi, unyigenyere! 40Yesu mwahangana, mwa tegeka ati bamuletereye; neryo amabihika hakuhi, mwamubulya ati, 41Ukasonda uti ngakuyire nyiti kwehi? Naye ati, Mukama, nyibane erilangira ryage. 42Yesu mwamubwira ati, Ubane erilangira ryawe; erikirirya ryawe ryamakulamya. 43Neryo-neryo mwabana erilangira mwamukwama, neripipa Mungu; nabandu bosi, babere babilangirakyo mobapipa oMungu.

Currently Selected:

Luka 18: NTN62

Highlight

Copy