Luka 4
4
Erilengwako ryaYesu
1Yesu, amabiusula neKirimu Kibuyirire, mwalwa oko Yoro dani, mwasondolibwa neKirimu 2omo mbwarara ebiro amakumi ani, iniakalengawako ne Satani. Omo biro ebyo mwatarya kindu; nomugulu byamabihwa mwakwa enzala. 3Satani mwabuga naye iti, Wamabya uri Mugala woMungu, utegeke eribwe eri ribye bundu. 4Yesu mwasubiryayo ati Kisakire kiti, Omundu siendisyabyaho busana nobundu ibo bwene. 5Kandi Satani moyamutwala endata, moyamukangya amami gosi we kihugo omo katambi kake, 6moyamubwira iti, ngandikuha ehamuli eyi yosi nolukengerwa lwayo; kusangwa nabirihabwayo, nage ngahayo kwoyo nyanzire. 7Nawe wama nyikukamira, iyosi ikasyabya yawe. 8Yesu nwamusubirya ati, Kisakire kiti, Ukukamire oMukama Mungu wawe, iyowene wasyamukolera. 9Neryo moyamutwala eYerusalema, moya muhira oko mukuto wehekalu, moyabuga naye iti, Wamabya uri oMugala woMungu, uyiguse ahisi; 10kusangwa kisakire kiti,
Asyaha abalaika buwe hamuli busana nawe, erikuteya,
11Noko byala byabo basyakubagarira,
Isiwahuma ekisandu kyawe okwibwe.
12Yesu mwasubiryayo ati, Kibugire kiti, Susyelenga oko Mukama Mungu wawe.
13Satani yabere yabuga erilengwako ryosi, moyamuleka erilinda ogundi mugulu.
Yesu mwasuba eGalilaya mwahika eNazareli
14Neryo Yesu mwasuba eGalilaya omo maka weKirimu, nengulu yiwe moyagendagenda omo kihugo kyosi ekihererenye naho. 15Mwakangirirya omo manyumba wabo werihindana, akapipwa nabosi.
16Kandi mwahika eNazareti, ahakulira; noko kiro kyaSabatu mwaya omo nyumba yerihindana, ngemibere yiwe. Mwa hangana akasoma; 17neryo mwahabwa ekitabu kyomuminye reri Isaya. Neryo mwasanzula ekitabu mwabana ahasakire hati,
18EKirimu kyoMukama kiri endata kwingye,
Kusangwa abirinyihakabya eritula engulu yowene okobera.
Abirinyituma eritulira ababohire eriboholwa
Nesyondimatime eribana erilangira,
Eribohola abakanubibawa
19Eritula omwatsi womututa owabiriligwa noMukama.
20Neryo mwakumba ekitabu, mwasubyakyo oko muteya, mwikala ahisi; nameso wabosi ababya omo nyumba yerihindana mobamutungerera. 21Neryo mwatsuka eribwirabo ati, Omo kiro eki erisaka eri ryamabererera oko matwi wenyu. 22Nabosi mobabuga ebibuya busana naye, mobasweka busana nebinywa byolukogo ebyalwa omo buno buwe; bati, Koyu si mugala wa Yosefu kwehi? 23Naye mwabuga nabo ati, Kwenene mwasya mbwira omusyo oyu ati, Musaki, uyilamaye; ebyo tukowa kowakola eKapernauma, ukolebyo neno omo kihugo kyawe. 24Naye mwabuga ati, Kwenene ngabuga nenyu sihari omu minyereri oyu kasimawa omo kihugo kiwe. 25Nikwa kwenene, ngabuga nenyu nyiri habya abakwakali bangi omo Israeli oko biro bya Elia, omugulu obutuku mobwabohwa emituta isatu nemikera ndatu, mohahika enzala nene omo kihugo kyosi; 26na Elia mwatatumwa noko muguma wakubo konoko mukali oyo wabya mukwakali oweZarepata, omo kihugo kya Sidoni. 27Kandi habya abahaga bangi omo Israeli oko mugulu womu minyereri Elisa; mohatalamibwa nomuguma wakubo, nina Namana omuSuria. 28Babere bowa ebi, abosi bomo nyumba yerihindana mobusula nerihitana. 29Mobahangana mobamu higira ekyaswa kyomuyi mobamutwala oko ngwangwa yekitwa ekyo babya bahimbireko, ibatoka erimukumbagalya ahisi. 30Nikwa mwalaba omukati-kati kabo mwagenda.
Yesu akalusaya embinga
31Neryo mwandagalira eKapernaumu omuyi weGalilaya. Mwakangiriryabo oko kiro kyesabatu; 32Neryo mobaswekera erikangirirya riwe, kusangwa eKinywa kiwe kyabya nehamuli. 33Kandi habya omundu omo nyumba yerihindana oyu kwire ekirimu kibi kyembinga; iniakabirikira nomulenge munene ati, 34Iyo! Turi nomwatsi wahi nawe, Yesu weNazareti kwehi? Wamasa eno nerisyatuherya kwehi? Nyinakwasi, Uwe mubu yirire woMungu. 35Nikwa Yesu mwahayirakyo, ati, Bya bukutu, umulweko! Nembinga yabere yamulunda ahisi omukati-kati kabo, moyamulwako, isiritamukola nabi. 36Na bosi mobasweka mobabwirana bati, eKinywa eki niki kwehi? Kusangwa nehamuli namaka akategeka emilimu mibi, iyalwamo. 37Nengulu yiwe moyagendagenda ehosi omo kihugo ekyabya kitimbireho.
Erilamibwa rya nyinyi-byala wa Simoni
38Neryo mwahangana mwalwa omo nyumba yerihindana, mwaya omo nyumba ya Simoni. Neryo nyinyi-byala wa Simoni abya alwere endwala yerihuhana kutsibu, mobamugonga-gonga busana naye. 39Naye mwahangana aho mutwe wuwe mwa kunga erihuhana, naryo moryamulwako; neryo-neryo mwahangana mwakolerabo. 40Nikwa eryuba ryabere ryasonda eri lenga, abosi ababya bawite abakoni besyondwala misindo misindo mobamuleterabo; naye mwahira ebyala biwe kubo mugumamuguma mwalamyabo. 41Nesyombinga mosyalwa oko bangi isikabirikira siti, Uri Mugala woMungu! Nikwa mwakungasyo, mwakagasyo eribuga, kusangwa syanabya syasi kwari Kristo. 42Bwabere bwabikya mwalwaho mwagenda ahate bandu. Nesyondeko mosyamusonda-sonda mobamuhi kako, mobasonda erimukaga bati sialwe kubo; 43nikwa mwabuga nabo ati, Nyitolere eritula engulu yowene yobwami bwoMungu nomo yindi miyi; kusangwa yo yaleka inatumwa.
44Neryo mwatulago omo manyumba werihindana we Galilaya.
Currently Selected:
Luka 4: NTN62
Highlight
Share
Copy
Want to have your highlights saved across all your devices? Sign up or sign in
Le Nouveau Testament et les Psaumes en Ndandi © British and Foreign Bible Society, 1962.
