Luka 16
16
1KOKO aokela bakimi’akae, Bonto ow’oaci aki eko oki l’ofongi owa toma tokae: ko banto baoy’osangel’ende wae bofongi’oko aofita toma tokae. 2Ko aoloeta, aolokela, Joi line lindok’emi nd’ewel’ekawe lile ngamo? bandola elenge eki w’okelaka nda mpifo ea bofongi; ele we ofaoyala bofongi lenkina. 3Ko bofongi aokela nd’otema’okae, Njifokela na, ele nkolo ekami aonjimola lima mpifo e’ofongi? Mpa la bolo wae ncime nd’amoci: ko mpaolomba toma, nyango nsoi. 4Wenaka nkolo aonjimola lima mpifo e’ofongi, njea joi li em’okela, wae banto banjambe nda tolombe tokiyo. 5Ko aoleta el’ende wengi’onto oki l’ombale la nkolo ekae, ko aokela owa joso, W’ole l’ombale la nkolo ekami na? 6Ko aolokela, Mpoke y’auta bonkama. Ko aolokela, Kola bonkanda’okawe, ko kit’ase limpo, kota ntuku itano. 7Ko aokela omo, W’ole l’ombale la nkolo ekami na? Ko aokela, Bioko bia loso bonkama. Aolokela, Kola bonkanda’okawe, kota ntuku mwambi. 8Ko nkolo ekae aosima bofongi’oko ow’obe, eki’nd’okelaka joi ja wanya: ele bana b’okili’one nd’eotswelo ekiyo baolekola bana ba fole la wanya. 9Ko nsangel’inyo, Loatel’inyo mongo balongo la liaci lifeji; wae ae liaci liko osile, balongo’ako baamb’inyo nda tolombe ta seko. 10End’okel’olotsi nda joi lileki isisi, ifokel olotsi nd’aoyi bauke; ko end’ofeji nda joi lileki isisi, afaelama nda joi ja linene. 11Nd’ewel’eko, ng’inyo ntalokel’olotsi la liaci lifeji, okits’inyo liaci ja nsosolo na? 12Ng’inyo ntalokel’olotsi la liaci j’ont’omo, okay’inyo likinyo mongo na? 13Nk’onto osaleleya bankolo bafe; nkin’ifoton’emo, ko alang’enkina; nkin’ifofotama l’emo, ko atengwel’enkina; Inyo lofosaleleya Nzakomba la liaci.
14Ko Bafalusi, balangaki liaci, baoloka baoyi’ako bauma; ko baololengola. 15Ko aolakela, Inyo loyengol’inyo mongo nd’aiso b’anto; lolonde Nzakomba aolea betema’ekinyo: nd’ewela wae joi lisimam’olotsi l’anto lile linyamo mongo nd’aiso ba Nzakomba. 16Bisekyelo l’ateli baki eko elaka nko Yoane; lim’ako bosako w’olotsi wa likulaka ja Nzakomba bosangema, ko bant’auma baolotswa nda liko la bolo. 17La loola l’okili bimana, la iandanda ya bisekyelo iofonya, joi lileki bolo iandanda ya bisekyelo ifonya. 18Wengi’onto ondimola waji’okae, ko aala onkina, aokela jibi; ko oal’omoto oki bome oimolaka aokela jibi.
19Koko bont’omo ow’oaci aki eko, ko aolota bito bia écarlate la mbenza y’olotsi mongo, ko aki la toma t’olotsi wengi’aefa: 20ko bolombi’omo otangema Lazalo aolambyema nda wiso’okae, ko aki la mpota nda jonge liuma. 21Ko ende alangaki wae ale mpumbu ikweki lima mesa e’oaci: o, la mbwa ioya oombola mpota ikae. 22Koko bolombi aowa, ko aotombama la bikima bia loola nda ntolo ea Abalayama: ko boaci aowa ngoko, ko aokundama. 23Ko nda Ngena aosangy’aiso’akae, eki’nde l’elo mongo, ko aolena Abalayama nd’esi mongo, la Lazalo nda ntolo ekae, 24Ko aobeleza, aokela, Fafa, Abalayama, onjok’isei, ko toma Lazalo, atufe bosai’okae nd’asi, acicimya loleum lokami; el’emi njen’elo mongo nda tsa tone. 25Lolo Abalayama aokela, Bona, wofwa wete, aki w’okitak’ase nd’okili, wambaki toma toke t’olotsi, ko eleng’eko Lazalo ambaki toma t’obe: lolo aeyoko, ende aocicima nd’otema ane, ko we wen’elo. 26Baoyi’ane bauma bal’eko, ko la joi limo wae lifoku ja linene mongo lile ndats’iso l’inyo; ko iy’alanga wae baleke ek’inyo lim’endo bafolekeya, ko lim’eko nk’onto ofendeya endo el’iso. 27Ko aolokela, Nkoonda, Fafa, tom’onto nd’ilombe ya ise ekami: 28el’emi nde la bana ba ngoya batano b’aende; wae alak’iyo, nyango bafoye ngoko nd’itenela ine y’elo, 29Lolonde Abalayama aokela, Iy’ale la Mose l’ateli; kela bokoz’iyo. 30Ko aokela, Afa ngoko, Fafa Abalayama, lolo ng’omo aocwa el’iyo lim’ele bawei, bifoututala baoyi’obe. 31Ko aolokela, Ayaka bafokoza Mose l’ateli, bafaimeza, mpeka la bonto aoetswa lim’ele bawei.
Currently Selected:
Luka 16: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
