Matayo 15
15
1NKAKO Bafalusi l’akoci b’enkanda baoy’ele Yesu lima Yelusalema, bakela, 2Bakimi’akawe basenzola baoyi baki bankokoolo lae? Al’iyo toma bafosol’akata. 3Ko aolakela, Ko inyo losenzola bosise wa Nzakomba nd’ewela ea baoyi’akinyo baki bankokoolo lae? 4Eki Nzakomba okelaka, Fik’ise eke la nyango eke; ko Ende otol’ise nkina nyango, kel’ende awe iwa iko. 5Lolond’inyo lokela, Os’okel’ise nkina nyango ekande, Boko bondeji wae boatelak’inyo nkito lim’el’emi bokaema ele Nzakomba boeko; 6ende afaofik’ise ekande la nyango. Inyo lofita bosise wa Nzakomba nd’ewela ea baoyi’akinyo baki bankokoolo. 7Inyo bekakatano, nsosolo Yesaya atelaki lotelo nd’eloko ekinyo o ci, aokela,
8Bant’ane baontutamel’emi l’emwa’ekiyo;
Ko bampik’emi la mbebu ikiyo:
Lolo betema’ekiyo bel’esi l’emi.
9Lolo baommemy’emi l’imemya ya itefya,
Balako balak’iyo bale besise bi’anto.
10Ko aoleta banto b’etukuluku el’ende, ko aolakela, Lokoza, ko lofonga jekela: 11bondotswa nd’omwa botafitak’onto; lolo bondola lim’omwa, boko bofitak’onto. 12Nkako bakimi’akande baoy’okel’ende, Wea nde, aki Bafalusi ookaka joi line, baolemwa? 13Lolo aokela, Wengi botamba boki Fafa ekami ea loola ntonaka, wifoluw’a bili. 14Lacike, iyo wae bawei’aiso, ko bale balonji ba bawei’aiso. Ayaka owei’aiso alond’owei’aiso, iy’ak’afe bifokwela lifoku. 15Petelo aolamba, akela, Otosangele ncina ea esonganya ene. 16Yesu aokela, Kamb’inyo lotafekela? 17Lotafokotola nde wae bondotswa nd’omwa boleka nda likunju, ko bolozama nd’iela? 18Lolonde baoyi’auma bandola lim’omwa baoya lim’otema: ko bako baofit’onto. 19Ele biango bi’obe, la mbaoma e’anto, la mposa ea jibi, la mposa ea linsamba, la ciya, la mpafata, la tosaola, baolola lim’otema: 20baoyi’ane bafitak’onto: lolo nkin’onto ala toma, atafosol’akata, atafitanaka la joi liko.
21Koko Yesu aoliman’eko, ko aocwa nd’ese ea Tula la Sidona. 22Ko bala, bomoto bosi Kanana aoya lima wij’oko, aobeleza, akela, O Nkolo, Bona owa Dawidi, ondok’emi isei; bona’okami ow’omoto en’elo la demona; 23Lolo ende ntoamba la joi limoko nye. Ko bakimi’akande baoy’oond’ende, bakela, W’oite; el’ende aotobeleza. 24Lolo ende aokela, Ntomamaki nk’ele mpate ya botonga wa Yisalaele icwei kika. 25Lolo aoy’okusam’el’ende, akela, Nkolo onkambya. 26Ko ende akela, Ntakolaka toko ta bana ousele mbwa. 27Lolo aokela, Onde, Nkolo, lolo mbwa iola mpumbu ikwa lima mesa ya nkolo ikiyo. 28Yesu aolamba, aolokela, O bomoto, imeezo ekawe eleki: joi lilanga we likelam’ele we. Ko bona’okande ow’omoto aikyama lima heure eko.
29Koko Yesu aoliman’eko, aoya ntutama la lieke ja Ngalilaya: aounda nda ngongo, ko aokit’ase eko. 30Ko bitukuluku bi’ant’auke baoy’el’ende, baoyela betengu, ko la bawei’aiso, ko la ba nkisi, ko la belema, ko la bam’auke, ko baoy’aambya nd’akaka ba Yesu, ko aolaikya: 31aki banto b’etukuluku oene ba nkisi bayotefela, ko la belema baoika, ko la betengu bayokende, ko la bawei’aiso bayene, baokamwa: ko baomemya Nzakomba ea Yisalaele.
32Lim’ako Yesu aoleta bakimi’akande el’ende, ko akela, Ndokel’anto b’etukuluku isei, l’aeyoko iyo bayala l’emi bekol’esato, ko bafoate toma; ko mpange wae ndatom’iyo l’onkata, nyango bafokatswa nda mboka. 33Bakimi’akande baolokela, Toat’endo nd’etekeleke mampa iuke ikoka lokinz’anto b’etukuluku ea nene ea eleng’ene lima nko? 34Yesu aolakela, Loata mampa inga? Bakela, Nsambo, la tonsense nk’ouke. 35Ko aosangela banto ba bitukuluku wae bakit’ase nd’amoci: 36ko aokola mampa nsambo, ko la nse; aosima Nzakomba boya, ko aotena, aoka bakimi’akande, ko bakimi baokaya banto ba bitukuluku. 37Iy’auma baleki, ko baokinda: ko baolambola wumbo bokociki tofole nsambo to. 38Iy’aleki baki baende nkot’inei ko l’amato l’anolu. 39Ko aofalangany’anto ba bitukuluku, aokondel’a wato, ko aoya nd’ekako bia Mangadana.
Currently Selected:
Matayo 15: NTMN58
Highlight
Share
Copy
Want to have your highlights saved across all your devices? Sign up or sign in
Bonkanda Wa Nzakomba W’aeyoko © Aliiance Biblique de la RD Congo, 1958.
