Piiligu 15
15
Naawunni ni Abram naŋgbandigiligu yela
1N ŋama nyaaŋa, Naawunni nyisi n wusi Abram, ka yeli u, “Da zora dabeem. M ni kogi i yi nimbirimoo zaa niŋi, ka yo i samkarigu.” 2Abram yeli, “Duuma Nakarigu, bo n na e sanyoobu maa ya maali ma, jemanso ni ka biisi ŋa? Eliyeza n niŋi Damasika nira la n si n niŋi m kapete dira. 3E bi ti ma biisi, m gurunsi ŋa yindaana n ni di m kapete.”
4Niŋi n na, o lee n wumi Duuma ni togsira o saani. “E guruŋu maa ki di e kapete, e gbagba biduwa n ni niŋi e kapete dira”. 5Duuma mari u yi yaŋŋa, ka yeli u, “Nyaasi sagbana zu, ka niŋi aniya kaali ŋmeribiisi a, lala n na e yaŋsi ya n sagi.”
6Abram yeride seema Duuma ni yeli u maa, Duuma deeg u, ka yeli, ni o niŋini yamonsi daana. 7Niŋi n na, Duuma yeli u, “Mani n niŋi Duuma so n pa i yiya, a mari i yi Waa n ba Babilon paaligu, a ti naa tiŋgbaŋaa ti i, o niŋi e buŋ.” 8Abram boosi u, “Duuma Nakarigu, wula ma ya n niŋi baŋŋi maa o niŋini m buŋ?” 9Duuma yeli u, “Mari nagisaa, busaa, pedaa, a zaa a niŋi yuma ataata, a ni kili ni ŋmenni ti ti ma” 10Abram mari lala buŋkobiri maa ti ti Naawunni, ka kasigi a, ayaayi, a digili a bobaayi a tooli taaba, ama niinsi la wune, o bi kasigi a. 11Zugusi ta a diibu, Abram kari a basi.
12Wuluŋu n ti liira, gbeem gbaa Abram ga, ligu ti pili u birib, dabeem gbaa u. 13Duuma yeli, “E yaŋsi ni niŋi saamba yi paaligu yindaana niŋi, ba ni niŋi gurunsi, ka ba namsi ba ga yuma kobsinaasi. 14Ama, m ni darigi niseesi n naa ba loobi gurunsi maa tuba, ka jemanso ba n yiira paaligu maa niŋi, ba ni naa ba bindaalim bini yi ba saani. 15Nyiwune, ni kurigi poin, ka kpi, ba pi i, a ni niŋgbirimaasim. 16E yaŋsi ni paa balisi tulumbunaasi poin, ka pa pori n ta kpe, a kpali Amori dima yabeeri na bi paa tubidarigirisim.”
17Wuluŋu n ti li, zii gbaa, duguso wusi ni yiira o niŋi, a ni miinkpalli ni bugum yi n ti mari buŋkoŋmaasira la sunsuuniŋi gaari. 18Niŋi n na, Naawunni ti Abram noori yeli, “M ti i ni noori maa tiŋgbaŋaa, a za Yijipiti torigu, a wa ti paa mogiso ba n boona Yufireeti la zaa ni loobi e yaŋsi toori.” 192021
Currently Selected:
Piiligu 15: hag
Highlight
Share
Copy
Want to have your highlights saved across all your devices? Sign up or sign in
© 2015, Ghana Institute of Linguistics, Literacy and Bible Translation (GILBTT)
