Hechos 1
1
Qaÿachaxanapec da qoÿan so Espíritu Santo
1'Am ñauochaxaua ÿaqaÿa Teófilo, aso hua'auchiguiñi ÿide aÿim shiyiñi 'enauac da n'aqtaguec nam i'otpi co'ollaxa so Jesús qataq nam lapaxaguenataxanaxacpi co'ollaq chita'ague da do'onataxan, 2chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo. 3Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.
4Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta':
–Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema. 5Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.
So Jesús taigue da piguem
6Qaq soomayi co'ollaq ñaq huetra'aguet so Jesús, nachi qainattac somayi, qoÿiita':
–'Am qadataxala', ¿peta'a nachina nagui na laloxoqui da qaltaq nÿoteec 'anqa'en na llalaqpi so Israel?
7Nachi so Jesús 'enapeco':
–Qami' sa ishit da qami' qaÿaÿajnaxanaxanque ca na'a'q huo'otaq cam laloxoqui da huo'o ca i'ot ñi qadta'a, cha'ayi chaqñita ñimayi mayi huo'o naq 'enec da huo'o ca i'ot. 8Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.
9Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a. 10Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi. 11Qaq soomayi 'ena'po':
–Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.
Qalca'au'a so Matías da qoÿanagui da l'onataxanaxac so Judas
12Nachi soomayi queda'ai aso qasoxonaxa mayi nanqa' ana olivos, nachi ÿi'iguelaxadeu'a yi Jerusalén. Qaq sa qaÿalec ca lqueuoqo't, cha'ayi nachiyi yim tachiguiña yi nqueuoqo' yi na'a'q mataxaqui. 13Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago. 14Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.
15Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':
16–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'. 17Cha'ayi so Judas maichi qadÿa qataq qadtaua de'eda qad'onataxanaxac. 18Qalaxayi somayi co'ollaxa jec, nachi deshijnaxana so 'alhua, deshiitenaxana asom lashiue co'ollaxa da lli'itaxaloxo. Qaq co'ollaq ime, nachi najñi, i'atchiguiñi na lqaic, nachi dachipiÿa'ague, nachi nmauec na lailshicpi. 19Qaq nam shiÿaxauapi mayi netaña yi Jerusalén co'ollaq ÿaÿaten de'eda, nachi ÿanagui se'eso 'alhua da l'enaxat N'onaxa mayi lashiue so ntago'q, qaq na maichi l'aqtaqa Hacéldama. 20Cha'ayi naua n'aqtaqa mayi nanettalguete ana nede l'enaxat Salmos, nanettañi da 'eeta':
Ca lma' ca mayi ÿataqta tojlec,
qataq qaica ca netalec.
Qataq so lÿa n'aqtac 'eeta':
Da l'onataxanaxac huo'o qome ca talec qanqoÿin.
21Qaq nagui ñaq huo'oi naua ÿalectaiguilo qomi', naamayi nal'ena da qomi' sa iÿotreec co'ollaq ñaq qomi' hueta'agueta so qadataxala' Jesús, 22chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.
23Nachi qaÿaconeu'alo soua dos somayipi: Matías qataq so José mayi da l'enaxat lÿa Barsabás qataq Justo. 24Nachi qanqouagaxaueelguete soomayi, qoÿiita':
–'Am qadataxala', 'am mayi 'auauatton 'enauac da lquiyaqteÿaxac 'enauac na shiÿaxauapi, ña 'auachaxan ca 'oonolec ne'enaua dos cam 'alca'aguishic, 25da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.
26Nachi soomayi qanallichiguilo, qaq se'eso allitaxac tajlec so Matías. Huaña, nachi somayi qaÿalecnoiguilo se'esoua once namaxa'shi.
Currently Selected:
Hechos 1: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Hechos 1
1
Qaÿachaxanapec da qoÿan so Espíritu Santo
1'Am ñauochaxaua ÿaqaÿa Teófilo, aso hua'auchiguiñi ÿide aÿim shiyiñi 'enauac da n'aqtaguec nam i'otpi co'ollaxa so Jesús qataq nam lapaxaguenataxanaxacpi co'ollaq chita'ague da do'onataxan, 2chochi ivitta'a so na'a'q co'ollaq taigue da piguem. Qaq somayi co'ollaq saxanaxa da taigue da piguem, nachi lca'au'alo soua lamaxa'shi, nachi ÿapaxaguenque cam l'onataxanaxa'c, ÿachigoxotchigui naq'en so Espíritu Santo. 3Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.
4Qaq co'ollaq ñaq hueta'agueta soua lamaxa'shi, nachi so Jesús huaqattegalo soomayi da sa ishit qome da queda'ai yi la ciudad Jerusalén. 'Eeta':
–Qami' qauachiÿa'aguet qome cam ÿachaxanapec ñi ita'a da qami' ÿanema, cam mashi qami' sa'axattapeguema. 5Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.
So Jesús taigue da piguem
6Qaq soomayi co'ollaq ñaq huetra'aguet so Jesús, nachi qainattac somayi, qoÿiita':
–'Am qadataxala', ¿peta'a nachina nagui na laloxoqui da qaltaq nÿoteec 'anqa'en na llalaqpi so Israel?
7Nachi so Jesús 'enapeco':
–Qami' sa ishit da qami' qaÿaÿajnaxanaxanque ca na'a'q huo'otaq cam laloxoqui da huo'o ca i'ot ñi qadta'a, cha'ayi chaqñita ñimayi mayi huo'o naq 'enec da huo'o ca i'ot. 8Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.
9Qaq co'ollaq ime da i'axattac de'eda so Jesús, nachi ÿauaachiguilo soomayi co'ollaq naÿoxotchiguem da qaÿaueegue da piguem. Qaq anac so l'oc, nachi taigui. Huaña, nachi sa ishit da qaila'a. 10Qaq soomayi co'ollaq ña ilotrague' so Jesús mayi taigue da piguem, nachi nachattreuo soua dos shiÿaxa'u lapagaxaiqa naua alogo da nachaxanalo soomayi. 11Qaq soomayi 'ena'po':
–Qami' Galilea lashi', ¿tá'ainco' yi nachi qauloito'ot na piguem? Se'eso Jesús mayi qami' nalligoqtoiguilo da taigue da piguem, somayi qome qaltaq ñi'iguelaq. Qaq que'eca lli'iguelaxasoxoc nachi 'eeta'am qome de'eda lliquiaxac mayi qauauañiichigui.
Qalca'au'a so Matías da qoÿanagui da l'onataxanaxac so Judas
12Nachi soomayi queda'ai aso qasoxonaxa mayi nanqa' ana olivos, nachi ÿi'iguelaxadeu'a yi Jerusalén. Qaq sa qaÿalec ca lqueuoqo't, cha'ayi nachiyi yim tachiguiña yi nqueuoqo' yi na'a'q mataxaqui. 13Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago. 14Qaq 'enauaque soomayi nachi 'eetai' da lapoota'a't da nqouagaxaueeta'pe, ÿalectra'agueta soua Jesús lqaÿa't, qataq aso late'e María, qataq so laÿipi 'alpi.
15Qaq se'esoua na'axa'te nachi so Pedro nachaatoigui so lqaÿañicpi mayi huac da ivi' ca ciento veinte shiÿaxauapi. Nachi 'enapega, 'eeta':
16–Qami' ÿaqaÿa't, ÿataqta ipacchigui co'ollaxa da l'aqtac so Espíritu Santo mayi nanettañi co'ollaq i'aqtaxanaxan so David, da i'axata'a naq'en so Judas som datalec co'ollaxa som ÿaconeu'a so Jesús da qaicoñi'. 17Cha'ayi so Judas maichi qadÿa qataq qadtaua de'eda qad'onataxanaxac. 18Qalaxayi somayi co'ollaxa jec, nachi deshijnaxana so 'alhua, deshiitenaxana asom lashiue co'ollaxa da lli'itaxaloxo. Qaq co'ollaq ime, nachi najñi, i'atchiguiñi na lqaic, nachi dachipiÿa'ague, nachi nmauec na lailshicpi. 19Qaq nam shiÿaxauapi mayi netaña yi Jerusalén co'ollaq ÿaÿaten de'eda, nachi ÿanagui se'eso 'alhua da l'enaxat N'onaxa mayi lashiue so ntago'q, qaq na maichi l'aqtaqa Hacéldama. 20Cha'ayi naua n'aqtaqa mayi nanettalguete ana nede l'enaxat Salmos, nanettañi da 'eeta':
Ca lma' ca mayi ÿataqta tojlec,
qataq qaica ca netalec.
Qataq so lÿa n'aqtac 'eeta':
Da l'onataxanaxac huo'o qome ca talec qanqoÿin.
21Qaq nagui ñaq huo'oi naua ÿalectaiguilo qomi', naamayi nal'ena da qomi' sa iÿotreec co'ollaq ñaq qomi' hueta'agueta so qadataxala' Jesús, 22chigoqchiguiña co'ollaq chita'ague da nachilaxan so Juan somayi qataq ivitta'a co'ollaq somayi taigue da piguem. Qaq ÿoqo'oyi naamayi no'on da huo'o ca qalca'au'a da qomi' qaÿalecnoiguilo, yaqto' nataq'en i'axat da somayi mashi qaltaq qanca'alaxateec.
23Nachi qaÿaconeu'alo soua dos somayipi: Matías qataq so José mayi da l'enaxat lÿa Barsabás qataq Justo. 24Nachi qanqouagaxaueelguete soomayi, qoÿiita':
–'Am qadataxala', 'am mayi 'auauatton 'enauac da lquiyaqteÿaxac 'enauac na shiÿaxauapi, ña 'auachaxan ca 'oonolec ne'enaua dos cam 'alca'aguishic, 25da yaqto' 'ai'anagui da l'onataxanaxac so Judas mayi ÿaqataqchit souaxat dam lasouaxashit, nachi somayi taigui qanqoÿin da 'itchiguiñi da naigui dam lataxac.
26Nachi soomayi qanallichiguilo, qaq se'eso allitaxac tajlec so Matías. Huaña, nachi somayi qaÿalecnoiguilo se'esoua once namaxa'shi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.