Hechos 2
2
Da lvidaxac so Espíritu Santo
1Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a. 2Nachi nque'elaxatta da qai'axaÿa so lta'adaic nllimiaxa chimqot na piguem, 'eeta'am da l-lamaxa na lta'adaic l'at, ÿataqta ÿaqaqñigui cam noÿic mayi qanayiutaigui. 3Huaña, nachi yi'oq so nachaxatpi, 'eeta'am na nodec l'edaxa, nachi se'eso nachaxatpi talec ñi 'oonolec somayipi. 4Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.
5Qaq se'eso na'a'q yi Jerusalén hueta'a na judiopi mayi chigoqteguelo 'enauaque naua laÿil ana 'alhua. Namayipi i'ottac da l'amqajnataxanaxac. 6Nachi co'ollaq qai'axaÿa se'eso nllimiaxa, nachi lapona't 'enauac so shiÿaxauapi, nachi ÿataqta sa ÿaÿaten ca 'eetec souaxat da ñi 'oonolec hua'aqtega da qai'aqtaxaatapiguilo naua maichi l'aqtaqa. 7Nachi ÿataqta huo'o da l'aalaxa qataq da l'elaxa, nachi maichi detaqtega't, 'eeta':
–¿Sa ishito' peta'a da 'enauac ne'ena detaqtacpi da lma' yi Galilea? 8Qaq ¿chaq 'éeteco' yi qomi' sa'axasoqtegalo naua maichi qadalamqa'te qad'aqtaqa da nasaqtrapeguec? 9Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia, 10qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi. 11Qataq huo'o nataq'en na chigaqa'ague da Creta, qataq da Arabia. Qalaxayi 'enauac da shinaqta sa'axasoqtega da qai'axattac na qaica ca 'en'am i'otpi ñi Dios, da qai'aqtaxaatapoiguilo naua maichi qad'aqtaqa.
12Qaq 'enauac somayipi ÿataqta huo'o da l'aalaxa qataq sa ÿaÿaten ca 'eetec ca lhuennataxa. Nachi maichi nnattega't, 'eeta':
–¿Chaq huá'ague ca 'eetec ca lataxac 'enauac de'eda?
13Qalaxayi huo'o na laÿipi na i'iitac somayipi, 'eeta':
–Namayipi souaxai' chochi taxaicpi.
Da ltaxaÿaxac so Pedro co'ollaq da'aqtaxanem so shiÿaxauapi
14Nachi so Pedro nachajñi, nataq'en soua lÿa't once namaxa'shi, nachi somayi ÿataqta n'axanneque naua l'aqtaqa co'ollaq detaqa, 'eeta':
–Qami' Judea lashi' qataq 'enauac nam netaña na Jerusalén, ñishitaique da qami' qauaÿajñi de'eda, qaq no'on da qan'axaÿaxañiichigui de'eda shinapec. 15Ne'ena shiÿaxauapi sa ishit da taxaicpi, sa ishit da nachida da qadhuennataqai, cha'ayi ñaq chita'ague da qaÿatashiguemgue añi nala'. 16Cha'ayi de'eda qauauañiichigui nagui, damayi nachida dam i'axata'aguet co'ollaxa so l'aqtaxanaxanec ñi Dios, l'enaxat Joel, co'ollaq i'axat da 'eeta':
17Ñi Dios 'enapec:
Caua pa'atreec na'axa'te,
nachi aÿim ñanacot ñi'Espíritu Santo da sanem 'enauac na shiÿaxauapi;
nachi na ñalaqpi qataq na ñalpi,
namayipi qome i'axa't naua i'aqtaqa,
na nsoxotpi huo'oi naua lauanaqchico chigoqo'oto ñi Dios,
qataq na ÿi'axaiquipi huo'oi naua lchoxonaxaco.
18Que'ecaua na'axa'te nachi aÿim ñanacot qome ñi'Espíritu Santo,
nachi sanem na ilatacpi qataq ana ilatapi,
huaña qome,
nachi i'axa't naua i'aqtaqa.
19Qataq sacho'ot na piguem da sachaxan ca ishit da i'ot da n'aalaxa,
qaq ana 'alhua sauo'o na n'anecpi:
ntago'q, nodec,
nchaxa lta'adaic.
20'Om añi nala',
ñi ca'agoxoic qalaq 'eeta'am na ntago'q,
qom yaqta'a da ivita ca na'a'q mayi lvidaxaqui ñi qadataxala'.
Que'eca na'a'q ÿataqta qaica ca 'en'am da l'amaqchic qataq da lli'oxoyic.
21Nachi 'enauac nam iÿaxaatega da l'enaxat ñi qadataxala',
namayipi qanca'alaxateec.
22Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi. 23Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi. 24Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi. 25Cha'ayi so nta'a David nataq'en i'axata'a co'ollaxa so Jesús, 'eeta':
Aÿim nachi 'eetai' da ñauaatapegue' ñi qadataxala';
ñimayi hueta'ague da aÿoic,
da yaqto' qaica ca ishit da aÿim ÿayigot.
26Qaq ÿoqo'oyi ÿataqta nlaqchigui añi iquiyaqte da ñitonaxac,
qataq naua i'aqtaqa ndoteec da ÿamaiquiaxac da setaqa.
Ÿoqo'oyi nataq'en da i'oquiaxac da ivita da nmateec,
qalaq qaica ca ñi'itaique.
27Cha'ayi 'am sa ishit da 'aualataña so iqui'i cam laponqa' na leuaxaicpi,
qataq sa ishit da 'auashiitem da nlaguiñi da l'oquiaxac nam 'adamaxashic mayi 'adauotaxat.
28Qataq aÿim 'auachaxana so nqa'aic mayi taÿa'a da nca'alaxa,
qataq ÿataqta aÿim nlaqchigui da ñitonaxac,
cha'ayi aÿim qoueta'aguet.
29Qami' ÿaqaÿa't, qami' qauaÿajñiita da so hua'au qadta'a David, somayi co'ollaq ileu, nachi qailayiñi, qaq nagui ña seloqta'a añi nhuachiqui da ñaq huo'o. 30Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a. 31Qaq ÿoqo'oyi so David 'eeta'am co'ollaxa da nal'ena da iloto'ot somayi, nachi i'axata'a da qaltaq qanca'alaxateec qome som nta'a mayi qadca'alaxaqui, nachi i'axat da so lqui'i sa ishit qome da qaÿalataña ca laponqa' na leuaxaicpi, qataq da l'oquiaxac sa ishit da nlaguiñi qanqoÿin. 32Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui. 33Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi. 34Cha'ayi so David sa ishit da nachiso so taigue da piguem. Cha'ayi somayi 'enapeco':
Ñi qadataxala' Dios,
ñimayi 'enapega ñi ÿataxala', 'eeta':
“'Anso'oota'ague qome da aÿoic,
35chochi ivitta'a qom aÿim mashi sacho'oto naua 'adapia'te nam 'am ipa'agueetacpi.”
36Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.
37Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita':
–Qami' qadqaÿa't, qaq nagui ¿chaq huá'ague ca shinaqtec?
38Nachi so Pedro 'enapego' somayipi, 'eeta':
–Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo. 39Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.
40Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta':
–Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.
41Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi. 42Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.
Da lataxac so hua'auchiguiñi 'amqajnataxanaxaicpi
43Qaq 'enauac na shiÿaxauapi ÿataqta huo'o da l'aalaxa, cha'ayi soua namaxa'shi qalota na i'o't n'anecpi qataq nam sa qaÿauanapega. 44Qaq 'enauac na da'amqajnataxanpi ÿataqta 'oonolec da lataxac, qataq 'enauac na logoxoshitpi ÿataqta qanhuaachigui; 45huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec. 46Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac. 47Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.
Currently Selected:
Hechos 2: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Hechos 2
2
Da lvidaxac so Espíritu Santo
1Qaq co'ollaq ivita so na'a'q, l'enaxat Pentecostés, nachi 'enauac so 'amqajnataxanaxaicpi lapoota'a't yauac ca qanayiuta'a. 2Nachi nque'elaxatta da qai'axaÿa so lta'adaic nllimiaxa chimqot na piguem, 'eeta'am da l-lamaxa na lta'adaic l'at, ÿataqta ÿaqaqñigui cam noÿic mayi qanayiutaigui. 3Huaña, nachi yi'oq so nachaxatpi, 'eeta'am na nodec l'edaxa, nachi se'eso nachaxatpi talec ñi 'oonolec somayipi. 4Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.
5Qaq se'eso na'a'q yi Jerusalén hueta'a na judiopi mayi chigoqteguelo 'enauaque naua laÿil ana 'alhua. Namayipi i'ottac da l'amqajnataxanaxac. 6Nachi co'ollaq qai'axaÿa se'eso nllimiaxa, nachi lapona't 'enauac so shiÿaxauapi, nachi ÿataqta sa ÿaÿaten ca 'eetec souaxat da ñi 'oonolec hua'aqtega da qai'aqtaxaatapiguilo naua maichi l'aqtaqa. 7Nachi ÿataqta huo'o da l'aalaxa qataq da l'elaxa, nachi maichi detaqtega't, 'eeta':
–¿Sa ishito' peta'a da 'enauac ne'ena detaqtacpi da lma' yi Galilea? 8Qaq ¿chaq 'éeteco' yi qomi' sa'axasoqtegalo naua maichi qadalamqa'te qad'aqtaqa da nasaqtrapeguec? 9Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia, 10qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi. 11Qataq huo'o nataq'en na chigaqa'ague da Creta, qataq da Arabia. Qalaxayi 'enauac da shinaqta sa'axasoqtega da qai'axattac na qaica ca 'en'am i'otpi ñi Dios, da qai'aqtaxaatapoiguilo naua maichi qad'aqtaqa.
12Qaq 'enauac somayipi ÿataqta huo'o da l'aalaxa qataq sa ÿaÿaten ca 'eetec ca lhuennataxa. Nachi maichi nnattega't, 'eeta':
–¿Chaq huá'ague ca 'eetec ca lataxac 'enauac de'eda?
13Qalaxayi huo'o na laÿipi na i'iitac somayipi, 'eeta':
–Namayipi souaxai' chochi taxaicpi.
Da ltaxaÿaxac so Pedro co'ollaq da'aqtaxanem so shiÿaxauapi
14Nachi so Pedro nachajñi, nataq'en soua lÿa't once namaxa'shi, nachi somayi ÿataqta n'axanneque naua l'aqtaqa co'ollaq detaqa, 'eeta':
–Qami' Judea lashi' qataq 'enauac nam netaña na Jerusalén, ñishitaique da qami' qauaÿajñi de'eda, qaq no'on da qan'axaÿaxañiichigui de'eda shinapec. 15Ne'ena shiÿaxauapi sa ishit da taxaicpi, sa ishit da nachida da qadhuennataqai, cha'ayi ñaq chita'ague da qaÿatashiguemgue añi nala'. 16Cha'ayi de'eda qauauañiichigui nagui, damayi nachida dam i'axata'aguet co'ollaxa so l'aqtaxanaxanec ñi Dios, l'enaxat Joel, co'ollaq i'axat da 'eeta':
17Ñi Dios 'enapec:
Caua pa'atreec na'axa'te,
nachi aÿim ñanacot ñi'Espíritu Santo da sanem 'enauac na shiÿaxauapi;
nachi na ñalaqpi qataq na ñalpi,
namayipi qome i'axa't naua i'aqtaqa,
na nsoxotpi huo'oi naua lauanaqchico chigoqo'oto ñi Dios,
qataq na ÿi'axaiquipi huo'oi naua lchoxonaxaco.
18Que'ecaua na'axa'te nachi aÿim ñanacot qome ñi'Espíritu Santo,
nachi sanem na ilatacpi qataq ana ilatapi,
huaña qome,
nachi i'axa't naua i'aqtaqa.
19Qataq sacho'ot na piguem da sachaxan ca ishit da i'ot da n'aalaxa,
qaq ana 'alhua sauo'o na n'anecpi:
ntago'q, nodec,
nchaxa lta'adaic.
20'Om añi nala',
ñi ca'agoxoic qalaq 'eeta'am na ntago'q,
qom yaqta'a da ivita ca na'a'q mayi lvidaxaqui ñi qadataxala'.
Que'eca na'a'q ÿataqta qaica ca 'en'am da l'amaqchic qataq da lli'oxoyic.
21Nachi 'enauac nam iÿaxaatega da l'enaxat ñi qadataxala',
namayipi qanca'alaxateec.
22Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi. 23Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi. 24Qalaxayi ñi Dios qaltaq nca'alaxateec somayi, nca'alaxateeguesop da l'añaxac da nleuaxa, cha'ayi da nleuaxa mashi sa ishit da nllitañi somayi. 25Cha'ayi so nta'a David nataq'en i'axata'a co'ollaxa so Jesús, 'eeta':
Aÿim nachi 'eetai' da ñauaatapegue' ñi qadataxala';
ñimayi hueta'ague da aÿoic,
da yaqto' qaica ca ishit da aÿim ÿayigot.
26Qaq ÿoqo'oyi ÿataqta nlaqchigui añi iquiyaqte da ñitonaxac,
qataq naua i'aqtaqa ndoteec da ÿamaiquiaxac da setaqa.
Ÿoqo'oyi nataq'en da i'oquiaxac da ivita da nmateec,
qalaq qaica ca ñi'itaique.
27Cha'ayi 'am sa ishit da 'aualataña so iqui'i cam laponqa' na leuaxaicpi,
qataq sa ishit da 'auashiitem da nlaguiñi da l'oquiaxac nam 'adamaxashic mayi 'adauotaxat.
28Qataq aÿim 'auachaxana so nqa'aic mayi taÿa'a da nca'alaxa,
qataq ÿataqta aÿim nlaqchigui da ñitonaxac,
cha'ayi aÿim qoueta'aguet.
29Qami' ÿaqaÿa't, qami' qauaÿajñiita da so hua'au qadta'a David, somayi co'ollaq ileu, nachi qailayiñi, qaq nagui ña seloqta'a añi nhuachiqui da ñaq huo'o. 30Qalaxayi so David, somayi l'aqtaxanaxanec ñi Dios. Qataq somayi ÿaÿaten da ñi Dios ÿanem somayi da l'aqtac da 'enapec ipacchigui, da ca 'oonolec nam llalaqpi, camayi nachica cam nta'a qadca'alaxaqui, qataq nachica ca qoÿanagui da l'onataxanaxac somayi da nta'a. 31Qaq ÿoqo'oyi so David 'eeta'am co'ollaxa da nal'ena da iloto'ot somayi, nachi i'axata'a da qaltaq qanca'alaxateec qome som nta'a mayi qadca'alaxaqui, nachi i'axat da so lqui'i sa ishit qome da qaÿalataña ca laponqa' na leuaxaicpi, qataq da l'oquiaxac sa ishit da nlaguiñi qanqoÿin. 32Qaq ÿoqo'oyi ñi Dios qaltaq nca'aleec naq'en se'eso Jesús. Qaq de'eda 'enauac da shinaqta sauanaqchigui. 33Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi. 34Cha'ayi so David sa ishit da nachiso so taigue da piguem. Cha'ayi somayi 'enapeco':
Ñi qadataxala' Dios,
ñimayi 'enapega ñi ÿataxala', 'eeta':
“'Anso'oota'ague qome da aÿoic,
35chochi ivitta'a qom aÿim mashi sacho'oto naua 'adapia'te nam 'am ipa'agueetacpi.”
36Ÿoqo'oyi 'enauac na llalaqpi so Israel iuen da ÿataqta ÿaÿateeta de'eda, da se'eso Jesús mayi qami' qauaxañiiuo co'ollaxa, nachiso som ÿanagui ñi Dios da qadataxala' qataq nta'a qadca'alaxaqui.
37Nachi so shiÿaxauapi co'ollaq hua'axaÿa de'eda, nachi ÿataqta daÿalli' naua lquiyaqte. Nachi qainattac so Pedro qataq soua lÿa't namaxa'shi, qoÿiita':
–Qami' qadqaÿa't, qaq nagui ¿chaq huá'ague ca shinaqtec?
38Nachi so Pedro 'enapego' somayipi, 'eeta':
–Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo. 39Cha'ayi de'eda qaÿachaxanapec co'ollaxa, damayi qadalamaxachi nataq'en nam qai'alquiipi qataq 'enauac na ÿaqauga shiÿaxauapi laÿipi. Cha'ayi damayi qaÿauotaique da taÿot 'enauac nam iÿaxaneuga ñim qadta'a Dios mayi qadataxala'.
40Qaq 'eda da l'aqtaxanaxac so Pedro, qataq huo'o na laÿipi l'aqtaxanaxac da huaqattega somayipi, 'eeta':
–Qananeltaxañiiguet qome ca nhuaxanaguec ne'ena shiÿaxauapi mayi taÿa'a da daqat, yaqto' qadca'alliiuec.
41Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi. 42Qaq 'enauac somayipi ÿataqta queteguelo naua lapaxaguenataxanaxaco se'esoua namaxa'shi, qataq ÿataqta nhuoteeta't, qataq nqouagaxaueetac, qataq da deque'e, qalaq 'enauac ima'a't.
Da lataxac so hua'auchiguiñi 'amqajnataxanaxaicpi
43Qaq 'enauac na shiÿaxauapi ÿataqta huo'o da l'aalaxa, cha'ayi soua namaxa'shi qalota na i'o't n'anecpi qataq nam sa qaÿauanapega. 44Qaq 'enauac na da'amqajnataxanpi ÿataqta 'oonolec da lataxac, qataq 'enauac na logoxoshitpi ÿataqta qanhuaachigui; 45huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec. 46Nachi 'enauaque naua na'axa'te lapootega't, qanayiuta'a aca n'onaxanaxaqui, qataq da qanayiitaugalo naua nma'te da nqui'axauapi, ÿataqta machiguiñi qataq qaica ca n'amqajnaxac. 47Nachi qaÿi'oxodeetac ñi Dios, nachi 'enauac na shiÿaxauapi ÿataqta sa lateta'pe soomayi. Nachi so qadataxala' Jesús nqochinaxattauec 'enauaque naua na'axa'te na 'amqajnataxanaxaicpi nam nca'alaxateec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.