Hechos 4
4
So Pedro qataq so Juan qaÿataxanoto so nta'alpi
1Qaq so Pedro qataq so Juan ña da'aqtaxaatrapeguem so shiÿaxauapi co'ollaq nviyi' som ltaxaÿaxanaxanecpi na shiÿaxauapi da qaitaxaÿapegue' ñi Dios, qannaictague' som lta'a nam ilotague'pi aso n'onaxanaxaqui qataq nam saduceopi. 2Qaq somayipi ÿataqta dalemata, souaxat so Pedro qataq so Juan da ÿapaxagueeta'pe na shiÿaxauapi, qataq i'axattrac da 'eetec da na shiÿaxauapi ishit da qaltaq qanca'alaxateec qome, cha'ayi so Jesús mashi qaltaq qanca'alaxateec. 3Nachi qaÿaue'c soomayi da qaicoñi't, nachi qoÿanaiguilo aso ncoñitaxanaxaqui. Nachi qaiuata'aguet so lÿa na'a'q, cha'ayi mashi avit. 4Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.
5Qaq so yi'oxoñi, nachi huo'o so laponaxac yi Jerusalén nam lta'alpi na judiopi, dataÿa't nam nquedoxonecpi qataq nam dapaxaguenataxaatapeguec na nqataxacpi. 6Nataq'en ÿalectauo so Anás som lta'a nam lataxala'pi na ntaxaÿaxanaxanecpi, qataq so Caifás, qataq so Juan, qataq so Alejandro, qataq 'enauac nam laÿipi lauo' l'ecpi som lataxala'pi na ntaxaÿaxanaxanecpi. 7Nachi qaÿamaxasoxonalo da qanaviguiyi' so Pedro qataq so Juan. Nachi qanachaalataxanguilo na laiñi, nachi qainatta'pe, qoÿiita':
–¿Négue't cam l'añaxac, huo'otaq cam l'enaxat de'eda qau'onataxañiitega da qau'ochi de'eda?
8Nachi so Pedro mayi ÿataqta nlaqchigui so Espíritu Santo 'enapeco':
–Qami' mayi qami' lataxala'te na shiÿaxauapi, nataq'en qami' lquedoxonecpi na Israel llalaqpi, 9cha'ayi qomi' qaunachi' da qaunataxañiitapeguec ca lataxac dam no'on mayi qai'otec de'eda shiÿaxaua mayi sa no'on co'ollaxa, da yaqto' qauaÿajñi chaq 'eetec ca lataxac co'ollaq no'oita. 10Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi. 11Qaq se'eso Jesús, nachiso som coma' mayi qaualachi co'ollaxa, qami' mayi qami' noÿic l'opi. Qalaxayi nagui nachiso so qadamchiguiñi naq'en ca noÿic. 12Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.
13Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús. 14Qataq nataq'en souaxat da qailota'a som shiÿaxaua mayi no'oita qanqoÿin da nachattauo, nachi sa ishit da huo'o ca n'aqtac da qoÿinapegalo soomayi. 15Huaña, nachi qanqateeguesopa soomayi so naponaxac, nachi ndochiguiñi somayipi da detaxaÿapega't. 16Nachi somayipi 'enapeco':
–¿Chaq huá'ague ca shinaqteque de'edaua shiÿaxa'u? Cha'ayi mashi 'enauac nam netaña na Jerusalén ÿaÿaten da i'o't de'eda n'anec mayi sa qaÿauanapega daamayi, qaq damayi sa ishit da soqoleguetaq. 17Qalaxayi da yaqto' sa ishit da queta da ÿaÿaten 'enauac na shiÿaxauapi de'eda, qaq no'on da qomi' sadenaqleguete daamayi, da yaqto' nagui nachi tachiguiña da sa ishit da huo'o ca i'axatrem de'eda l'enaxat so Jesús.
18Nachi qaltaq qaiÿaxaneugalo soomayi, nachi qoÿinapegalo da nachi tachiguiña da sa ishit da da'aqtaxa'n qataq sa ishit da dapaxaguenataxaadec da l'enaxat so Jesús. 19Nachi so Pedro qataq so Juan 'ena'po':
–Maichiyi qami' qauennataxañi da huo'otaq ñi Dios ishit da ÿaÿamaxadeeta da qami' salaxasoxolguete, qalqo' salaxasoxoguet ñimayi. 20Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.
21Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui. 22Qaq se'eso shiÿaxaua mayi chigoqchigui de'eda sa qaÿauanapega da no'oita qanqoÿin, somayi mashi napacalguete naua cuarenta vi'iyi da llaxa.
So 'amqajnataxanaxaicpi iÿaxanaique ca l'añaxac, da yaqto' sa ñi'i
23Qaq so Pedro qataq so Juan co'ollaq qaisodeec, nachi soomayi nqo'ooda cam hueta'a som maichi laÿipi, nachi da'aqtaxaatrapeguem somayipi 'enauac na l'aqtacpi so lataxala'pi na ntaxaÿaxanaxanecpi qataq som nquedoxonecpi. 24Nachi somayipi co'ollaq hua'axaÿa de'eda, nachi 'enauac da qanqouagaxaunot ñi Dios, qoÿiita':
–'Am qadataxala', 'am mayi nachi'am 'ad'onatac na piguem, qataq ana 'alhua, qataq aso auaxai, qataq 'enauac nam huetalecna. 25'Am 'auachigoxotchigui co'ollaxa so Espíritu Santo da i'aqtaxanaxan 'anqa'en so 'adamaxashic David da qoneta':
¿Tá'ainco' na ÿotta'a't shiÿaxauapi yi ÿataqta dalemata,
qataq namayipi na lhuennataxaco qaica ca naiguilo?
26Na nta'alpi ana 'alhua qalaq nachajda't,
qataq na lataxala'pi na shiÿaxauapi lapona't,
da qanpa'aguena ñi qadataxala' Dios qataq som lamaxashic nta'a mayi qadca'alaxaqui.
27Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui. 28Qaq de'eda i'ot namayipi ipacchiguilo 'enauaque naua 'alapaxayiñi 'adhuennataxaco co'ollaq ñaq taÿa'a de'eda. 29Qaq nagui, 'am qadataxala', ña 'ameten da qanadenaguec. Qaq no'on da qomi' 'ai'anema ca qad'añaxac, qomi' mayi qomi' 'adamaxa'shi, yaqto' sa ishit da shi'oqtac da sa'axataq da 'ad'aqtac. 30Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.
31Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.
'Enauac na nogoxoshitpi ÿataqta qanhuaachigui
32Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui. 33Qaq soua namaxa'shi ÿataqta huo'o da l'añaxa'c, nachi quetoto da i'axattrac da mashi qaltaq qanca'alaxateec so qadataxala' Jesús, qaq ñi Dios ÿanem da nqouagaxa 'enauac somayipi. 34Huaña, nachi sa ishit da huo'o ca 'oonolec somayipi da deuenaxaatapigui'. Cha'ayi 'enauac nam huo'o na n'alhua qataq na lauo', qalaq imen, nachi ndouo ana lashiue, 35nachi qoÿanema soua Jesús lamaxa'shi. Nachi soomayi naloqteedeec, qoÿanem nam ÿoqta 'eesa da huo'o da lhuenaxanaxa. 36Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic. 37Qaq somayi nachi imen so n'alhua, nachi ndouo aso lashiue da ÿanema soua Jesús lamaxa'shi.
Currently Selected:
Hechos 4: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Hechos 4
4
So Pedro qataq so Juan qaÿataxanoto so nta'alpi
1Qaq so Pedro qataq so Juan ña da'aqtaxaatrapeguem so shiÿaxauapi co'ollaq nviyi' som ltaxaÿaxanaxanecpi na shiÿaxauapi da qaitaxaÿapegue' ñi Dios, qannaictague' som lta'a nam ilotague'pi aso n'onaxanaxaqui qataq nam saduceopi. 2Qaq somayipi ÿataqta dalemata, souaxat so Pedro qataq so Juan da ÿapaxagueeta'pe na shiÿaxauapi, qataq i'axattrac da 'eetec da na shiÿaxauapi ishit da qaltaq qanca'alaxateec qome, cha'ayi so Jesús mashi qaltaq qanca'alaxateec. 3Nachi qaÿaue'c soomayi da qaicoñi't, nachi qoÿanaiguilo aso ncoñitaxanaxaqui. Nachi qaiuata'aguet so lÿa na'a'q, cha'ayi mashi avit. 4Qalaxayi ÿataqta qalota na shiÿaxauapi nam n'axaÿaxaatega se'eso n'aqtaxanaxac na da'amqajnataxan. Qaq yim lcata so dalaxaic da'amqajnataxan huac da ivi' ca cinco mil ndoteec na ÿallippi.
5Qaq so yi'oxoñi, nachi huo'o so laponaxac yi Jerusalén nam lta'alpi na judiopi, dataÿa't nam nquedoxonecpi qataq nam dapaxaguenataxaatapeguec na nqataxacpi. 6Nataq'en ÿalectauo so Anás som lta'a nam lataxala'pi na ntaxaÿaxanaxanecpi, qataq so Caifás, qataq so Juan, qataq so Alejandro, qataq 'enauac nam laÿipi lauo' l'ecpi som lataxala'pi na ntaxaÿaxanaxanecpi. 7Nachi qaÿamaxasoxonalo da qanaviguiyi' so Pedro qataq so Juan. Nachi qanachaalataxanguilo na laiñi, nachi qainatta'pe, qoÿiita':
–¿Négue't cam l'añaxac, huo'otaq cam l'enaxat de'eda qau'onataxañiitega da qau'ochi de'eda?
8Nachi so Pedro mayi ÿataqta nlaqchigui so Espíritu Santo 'enapeco':
–Qami' mayi qami' lataxala'te na shiÿaxauapi, nataq'en qami' lquedoxonecpi na Israel llalaqpi, 9cha'ayi qomi' qaunachi' da qaunataxañiitapeguec ca lataxac dam no'on mayi qai'otec de'eda shiÿaxaua mayi sa no'on co'ollaxa, da yaqto' qauaÿajñi chaq 'eetec ca lataxac co'ollaq no'oita. 10Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi. 11Qaq se'eso Jesús, nachiso som coma' mayi qaualachi co'ollaxa, qami' mayi qami' noÿic l'opi. Qalaxayi nagui nachiso so qadamchiguiñi naq'en ca noÿic. 12Qaica ca lÿa ishit da chigoqchigui da nca'alaxa. Cha'ayi ñi Dios qaica ca lÿa n'enaxat da qomi' ÿanema ana 'alhua, da yaqto' ishit da qomi' nca'alaxatreec.
13Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús. 14Qataq nataq'en souaxat da qailota'a som shiÿaxaua mayi no'oita qanqoÿin da nachattauo, nachi sa ishit da huo'o ca n'aqtac da qoÿinapegalo soomayi. 15Huaña, nachi qanqateeguesopa soomayi so naponaxac, nachi ndochiguiñi somayipi da detaxaÿapega't. 16Nachi somayipi 'enapeco':
–¿Chaq huá'ague ca shinaqteque de'edaua shiÿaxa'u? Cha'ayi mashi 'enauac nam netaña na Jerusalén ÿaÿaten da i'o't de'eda n'anec mayi sa qaÿauanapega daamayi, qaq damayi sa ishit da soqoleguetaq. 17Qalaxayi da yaqto' sa ishit da queta da ÿaÿaten 'enauac na shiÿaxauapi de'eda, qaq no'on da qomi' sadenaqleguete daamayi, da yaqto' nagui nachi tachiguiña da sa ishit da huo'o ca i'axatrem de'eda l'enaxat so Jesús.
18Nachi qaltaq qaiÿaxaneugalo soomayi, nachi qoÿinapegalo da nachi tachiguiña da sa ishit da da'aqtaxa'n qataq sa ishit da dapaxaguenataxaadec da l'enaxat so Jesús. 19Nachi so Pedro qataq so Juan 'ena'po':
–Maichiyi qami' qauennataxañi da huo'otaq ñi Dios ishit da ÿaÿamaxadeeta da qami' salaxasoxolguete, qalqo' salaxasoxoguet ñimayi. 20Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.
21Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui. 22Qaq se'eso shiÿaxaua mayi chigoqchigui de'eda sa qaÿauanapega da no'oita qanqoÿin, somayi mashi napacalguete naua cuarenta vi'iyi da llaxa.
So 'amqajnataxanaxaicpi iÿaxanaique ca l'añaxac, da yaqto' sa ñi'i
23Qaq so Pedro qataq so Juan co'ollaq qaisodeec, nachi soomayi nqo'ooda cam hueta'a som maichi laÿipi, nachi da'aqtaxaatrapeguem somayipi 'enauac na l'aqtacpi so lataxala'pi na ntaxaÿaxanaxanecpi qataq som nquedoxonecpi. 24Nachi somayipi co'ollaq hua'axaÿa de'eda, nachi 'enauac da qanqouagaxaunot ñi Dios, qoÿiita':
–'Am qadataxala', 'am mayi nachi'am 'ad'onatac na piguem, qataq ana 'alhua, qataq aso auaxai, qataq 'enauac nam huetalecna. 25'Am 'auachigoxotchigui co'ollaxa so Espíritu Santo da i'aqtaxanaxan 'anqa'en so 'adamaxashic David da qoneta':
¿Tá'ainco' na ÿotta'a't shiÿaxauapi yi ÿataqta dalemata,
qataq namayipi na lhuennataxaco qaica ca naiguilo?
26Na nta'alpi ana 'alhua qalaq nachajda't,
qataq na lataxala'pi na shiÿaxauapi lapona't,
da qanpa'aguena ñi qadataxala' Dios qataq som lamaxashic nta'a mayi qadca'alaxaqui.
27Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui. 28Qaq de'eda i'ot namayipi ipacchiguilo 'enauaque naua 'alapaxayiñi 'adhuennataxaco co'ollaq ñaq taÿa'a de'eda. 29Qaq nagui, 'am qadataxala', ña 'ameten da qanadenaguec. Qaq no'on da qomi' 'ai'anema ca qad'añaxac, qomi' mayi qomi' 'adamaxa'shi, yaqto' sa ishit da shi'oqtac da sa'axataq da 'ad'aqtac. 30Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.
31Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.
'Enauac na nogoxoshitpi ÿataqta qanhuaachigui
32Qaq som qalota shiÿaxauapi mayi da'amqajnataxan, somayipi ÿataqta 'enauac da 'oonolec da nhuennataxa. Qaica da huo'otaq huo'o ca 'eetega da maichi lalamaxat cam hueto'ot, chaqdata da 'enauac qanhuaachigui. 33Qaq soua namaxa'shi ÿataqta huo'o da l'añaxa'c, nachi quetoto da i'axattrac da mashi qaltaq qanca'alaxateec so qadataxala' Jesús, qaq ñi Dios ÿanem da nqouagaxa 'enauac somayipi. 34Huaña, nachi sa ishit da huo'o ca 'oonolec somayipi da deuenaxaatapigui'. Cha'ayi 'enauac nam huo'o na n'alhua qataq na lauo', qalaq imen, nachi ndouo ana lashiue, 35nachi qoÿanema soua Jesús lamaxa'shi. Nachi soomayi naloqteedeec, qoÿanem nam ÿoqta 'eesa da huo'o da lhuenaxanaxa. 36Qaq huo'o so ÿalectauo l'enaxat José, somayi lañoqo' aca ÿaqa'ata 'alhua l'enaxat da Chipre. Somayi chigaqaigui nam ltauapi na ntaxaÿaxanaxanecpi mayi llalaqpi so Leví. Qaq soua namaxa'shi ÿauo'o da dalaxaic l'enaxat Bernabé. Qaq de'eda n'enaxat naigui da 'añaqtaxanaxaic. 37Qaq somayi nachi imen so n'alhua, nachi ndouo aso lashiue da ÿanema soua Jesús lamaxa'shi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.