Hechos 6
6
Qoÿideuo so siete ntauapi
1Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q. 2Nachi soua doce Jesús lamaxa'shi, soomayi ÿauo'o so laponaxac 'enauac nam 'amqajnataxanaxaicpi. Nachi 'enapega, 'eeta':
–Sa ÿaÿamaxañi da qomi' saxanaxañi da qad'aqtaxanaxac da l'aqtac ñi Dios, nachi qadmelec da yi'oqchigui nqui'axac. 3Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac. 4Qaq qomi' nachi qolaqto'ot da qanqouagaxaunaxac qataq da qadapaxaguenataxanaxac da l'aqtac ñi Dios.
5Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi. 6Qaq co'ollaq ime, nachi soomayi qanauegueu'alo so Jesús lamaxa'shi, nachi qanqouagaxaueelguete qataq qaÿashiltalguete soomayi.
7Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.
Qaÿaconeu'a so Esteban da qaicoñi'
8Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi. 9Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban. 10Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo. 11Nachi somayipi ÿauo'oi soua ishiite'n, da yaqto' 'eetrega da huo'o ca hua'aqchiyigui l'aqtac somayi da ishiueetac so Moisés qataq ñi Dios. 12Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat. 13Nachi qaÿauo'oi soua lÿa't n'aqtaxanaxanqa da yaqto' i'axa't ca saq 'en. Nachi soomayi 'ena'po':
–Ne'ena shiÿaxaua, namayi ÿataqta saq ÿaxaañi da npa'agueetega añi qui'itta qad'onaxanaxaqui qataq na lqataxacpi so Moisés. 14Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.
15Nachi se'eso nta'alpi qataq 'enauac som laÿipi mayi nso'ootañi, co'ollaq qaÿamato'ot so Esteban, nachi qaila'a na lashic da ÿataqta 'eeta'am da lashiguiÿaxac nam namaxashic piguem l'ecpi.
Currently Selected:
Hechos 6: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Hechos 6
6
Qoÿideuo so siete ntauapi
1Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q. 2Nachi soua doce Jesús lamaxa'shi, soomayi ÿauo'o so laponaxac 'enauac nam 'amqajnataxanaxaicpi. Nachi 'enapega, 'eeta':
–Sa ÿaÿamaxañi da qomi' saxanaxañi da qad'aqtaxanaxac da l'aqtac ñi Dios, nachi qadmelec da yi'oqchigui nqui'axac. 3Qaq ÿoqo'oyi qami' qadqaÿa't, qanmichiÿapigui qome caua siete shiÿaxa'u da qoñiita, cam nachi 'eetai'salo da npe'e'te, qataq huo'o na ÿaÿate'n, qataq nlaqchiguilo so Espíritu Santo, qaq nachicaua ca qaupataqailguete de'eda n'onataxanaxac. 4Qaq qomi' nachi qolaqto'ot da qanqouagaxaunaxac qataq da qadapaxaguenataxanaxac da l'aqtac ñi Dios.
5Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi. 6Qaq co'ollaq ime, nachi soomayi qanauegueu'alo so Jesús lamaxa'shi, nachi qanqouagaxaueelguete qataq qaÿashiltalguete soomayi.
7Nachi da l'aqtac ñi Dios ÿataqta nquictashiguem qataq yi lcata na da'amqajnataxan yi Jerusalén ÿataqta nquictauec, ivida'a da qalota na da'amqajnataxan nam ntaxaÿaxanaxanecpi da qaitaxaÿapegue' ñi Dios mayi judío l'ecpi.
Qaÿaconeu'a so Esteban da qaicoñi'
8Qaq se'eso Esteban, somayi ÿataqta nlaqchigui da l'añaxac ñi Dios qataq da lqouagaxanaqtaic ñimayi, nachi somayi i'ot na sa qaÿauanapega qataq na n'anecpi huaigui naq'en na shiÿaxauapi. 9Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban. 10Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo. 11Nachi somayipi ÿauo'oi soua ishiite'n, da yaqto' 'eetrega da huo'o ca hua'aqchiyigui l'aqtac somayi da ishiueetac so Moisés qataq ñi Dios. 12Qaq 'eda da qoÿiitec da qainogoqchit na shiÿaxauapi, qataq na nquedoxonecpi, qataq nam dapaxaguenataxaatapeguec na nqataxacpi. Nachi ÿataqta sa qaÿauo'o ca ldaqa' so Esteban da qaÿaconeu'a, nachi qaÿauegueu'a so nta'alpi mayi loicnatac na lataxaguesat. 13Nachi qaÿauo'oi soua lÿa't n'aqtaxanaxanqa da yaqto' i'axa't ca saq 'en. Nachi soomayi 'ena'po':
–Ne'ena shiÿaxaua, namayi ÿataqta saq ÿaxaañi da npa'agueetega añi qui'itta qad'onaxanaxaqui qataq na lqataxacpi so Moisés. 14Qomi' sa'axasoqchigui de'eda shiÿaxaua da i'axattac so Jesús mayi Nazaret l'ec, da 'enaco' yi nlaxajñi añi qui'itta qad'onaxanaxaqui qataq nadalaxat nam qan'onataxacpi mayi chigoqo'ot co'ollaxa so Moisés.
15Nachi se'eso nta'alpi qataq 'enauac som laÿipi mayi nso'ootañi, co'ollaq qaÿamato'ot so Esteban, nachi qaila'a na lashic da ÿataqta 'eeta'am da lashiguiÿaxac nam namaxashic piguem l'ecpi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.