Juan 11
11
Da l-leuaxa so Lázaro
1Qaq huo'o so shiÿaxaua l'enaxat Lázaro, somayi sa no'on. Qaq somayi lma' yi Betania yim npueblo aso María, qataq aso lqaÿa Marta. 2Qaq asa'aso María, mayi lqaÿa so Lázaro som sa no'on, nachaso asom icodelguete co'ollaxa naua lapia'te so Jesús so codaxat, nachi deÿoxona na laue. 3Nachi se'esoua dos nqaÿa't ÿamaxalo co'ollaxa da l'aqta'c so Jesús, 'eeta':
–'Am qadataxala', yim 'anauochaxaua, yimayi sa no'on.
4Nachi so Jesús co'ollaq hua'axaÿa de'eda, nachi 'eeta':
–De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.
5Qaq nai'ctaxa da so Jesús ÿataqta nauochaxaua aso Marta, qataq aso lqaÿa, qataq so Lázaro, 6qalaxayi co'ollaq qai'aqtaxanem da so Lázaro sa no'on, qalaq somayi ñaq queuoiguilo soua dos na'axa'te da ñaq hueta'a cam netaña. 7Qaq co'ollaq ime, nachi 'enapegalo soua lapaxaguenataqa, 'eeta':
–Qaltaq shi'iguelaxasoxogue qome da Judea.
8Nachi soua lapaxaguenataqa 'eetegalo somayi, 'eeta':
–'Am mayi 'auapaxaguenataxaatac, ñaq chita'ague da na judiopi mayi lma' yi'iyi 'alhua, nshitaique da 'am ÿalauat da 'am ida'a na coma', qalaq ¿tá'ainco' yi qaltaq 'anshitaique da 'aÿa yimayi?
9Nachi so Jesús 'enapeco':
–¿Sa ishito' da yi 'oonolec na'a'q ivi' na doce horas? Yi ñi 'oonolec shiÿaxaua da huo'otaq queuotapigui yi na'a'q, qalaq sa ishit da qui'aqñi, cha'ayi camayi ilotaigui na yi'oqchiguiñi ana 'alhua. 10Qalaxayi ca 'oonolec da huo'otaq queuotapigui yi pe, nachi camayi ishit da qui'aqñi, cha'ayi qaica na yi'oqchiguiñi.
11Qaq co'ollaq ime, nachi so Jesús 'enapeco':
–Yi qanauochaxaua Lázaro, yimayi do'ochi, qalaxayi aÿim ñoqo'ona da ñoqotoxon.
12Nachi soua lapaxaguenataqa 'ena'po':
–'Am qadataxala', camayi da chochi do'ochi, qachi yi'oqta qome da ÿaÿamaxañi.
13Qalaxayi so Jesús 'eetega da so Lázaro ÿoqta ileu, qalaxayi soua lapaxaguenataqa ipi'itaxaatrega da somayi detaqtega da yi'oqchigui n'ochaxa. 14Nachi so Jesús ÿoqta da'aqtaxaatema soomayi, 'eeta':
–Yi Lázaro, yimayi mashi ileu. 15Qaq aÿim ÿataqta huo'o da ñi'achic da sa ishit da soota'a yimayi. Qaq damayi ÿaÿamaqchiguiñi souaxat da qoñiita, yaqto' ishit da qau'amqajnataxañi. Qalaxayi qolaq qome da ñoqo'onaxa.
16Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta':
–Qolaq nataq'en qomi', yaqto' nataq'en qadleuaxaua damayi.
So Jesús nachiso so nca'aleec naq'en ca leuaxaic qataq nachiso so achaalataxac
17Qaq co'ollaq iviyi' so Jesús, nachi natenalec da so Lázaro mashi ivi' naua cuatro na'axa'te da qailayiñi. 18Qaq yim Betania, yimayi sa qaÿapeque yi Jerusalén, ivi' dos kilómetros y medio yi lshicta. 19Qaq ÿataqta qalota na judiopi na nqo'ona aso Marta qataq aso María da qai'añaqchitta'pe soomayi, souaxat yi lqaÿa't mayi saqca. 20Qaq aso Marta co'ollaq ÿaÿaten da so Jesús mashi nvi', nachi huaqata'aguet; qaq aso María, qalaxayi n'onaña ca lma'. 21Nachi aso Marta 'enapego' so Jesús, 'eeta':
–'Am ÿataxala', da 'am qoueta'a ne'ena, nachi sa ishíttaxa da ileu yi ÿaqaÿa. 22Qalaxayi aÿim saÿaten da ñi Dios ishit da 'am ÿanem 'enauac cam 'auÿaxanaique.
23Nachi so Jesús 'enapega asomayi, 'eeta':
–Yi 'adqaÿa qaltaq nca'aleec qome.
24Nachi aso Marta 'enapeco':
–Aÿim saÿaten da yimayi ishit qome da qaltaq nca'aleec qom qanca'alaxateec na leuaxaicpi cam pa'ateec na'a'q.
25Nachi so Jesús 'enapego' asomayi, 'eeta':
–Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec. 26Qaq 'enauac nam ña nca'altauec nagui mayi aÿim i'amaqten, nachi namayipi sa nauane' qome da ileu. Qaq ¿'au'amaqten peta'a de'eda?
27Nachi asomayi 'enapeco':
–Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.
So Jesús noÿin co'ollaq hueta'a aso nhuachiqui so Lázaro
28Qaq co'ollaq ime de'eda l'aqtac aso Marta, nachi jec da iÿaxana aso lqaÿa María. Nachi isoxootot da 'enapega, 'eeta':
–Dam dapaxaguenataxaatac hueta'a ne'ena, qaq damayi 'am nÿaxaneu'a.
29Qaq co'ollaq chochi hua'aqchigui de'eda aso María, nachi sa naÿaloxon da ñishiguem, nachi nqo'oneuga so Jesús. 30Qaq so Jesús saxanaxa co'ollaxa da inoxoneu'a ca pueblo. Ñaq hueta'a cam huaña co'ollaq natena'aguet aso Marta. 31Qaq co'ollaq qaila'a da sa naÿaloxon da ñishiguem aso María, nachi jec, nachi na judiopi mayi hueta'a ca lma' asomayi da i'añaqchittac, namayipi ca'attaueegue, cha'ayi ipi'itaxaatega da asomayi taÿauga aso huachiqui da huaña da noÿin.
32Nachi aso María co'ollaq iviteuga ca hueta'a so Jesús, nachi i'adoto naua l-llicte, nachi 'eetega, 'eeta':
–'Am ÿataxala', da 'am qoueta'a ne'ena, nachi sa ishíttaxa da ileu yi ÿaqaÿa.
33Nachi so Jesús co'ollaq ila'a da noÿiitac aso María qataq so judiopi mayi nnaictapegue', nachi somayi ÿataqta huo'o da laquicoxo, qataq nomteguet da 'eeta lta'adaic da lquiyaqteÿaxac. 34Nachi inat somayipi, 'eeta':
–¿Chaq huá'ague ca qaÿachaña co'ollaq qailayiñi camaxa?
Nachi qoÿinapega, qoÿiita':
–'Am qadataxala', 'ayala, ña 'amejnaxaneuga.
35Nachi so Jesús noÿiitac. 36Nachi na judiopi 'eeta':
–Ña qauloÿa, damayi ÿataqta lauotaxat yimayi.
37Qalaxayi somayipi huo'o na 'eeta':
–De'eda shiÿaxaua yi ishit da ÿauo'oi naua l'ai'te na sa nauaañi, qalaq ¿táloxochiyictoxo' da saq huo'o ca 'eetec da yaqto' sa ipaca'aguet naq'en da l-leuaxa co'ollaxa yi Lázaro?
Da 'eetec co'ollaq qaltaq nca'aleec so Lázaro
38Qaq so Jesús qaltaq nomteguet da 'eeta lta'adaic, nachi nqochineu'a aso huachiqui. Qaq asa'aso huachiqui 'eeta'am na chochi auac, qaq huo'o so lapoxot coma' som ñigueuo. 39Nachi so Jesús 'enapeco':
–Ña qanqachi na coma'.
Nachi aso Marta mayi lqaÿa som saqca, asomayi 'enapeco':
–'Am ÿataxala', yimayi ÿoqta da mashi huo'o na laita, cha'ayi mashi ivi' naua cuatro na'axa'te da saqca.
40Qalaxayi so Jesús 'enapeco':
–¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?
41Nachi qanqateec so coma'. Nachi so Jesús ÿamato'ot na piguem, nachi 'enapeco':
–'Am ita'a, 'am sanot da ñi'achiquiaxac, cha'ayi 'am aÿim 'au'axaÿa. 42Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.
43Qaq co'ollaq ime da nasaxauec de'eda, nachi deÿaxan, 'eeta':
–¡Lázaro, 'anpa'auec!
44Nachi som leuaxaic npa'auec, somayi qoÿaxatta'aguelo naua lhua'q qataq naua lchil som laxataxa, qataq qoÿaxattagui na lashic so hualoq. Nachi so Jesús 'enapega somayipi, 'eeta':
–Ña qausoigue damayi, nachi qauaqÿa'a da queuoÿapigui'.
Qaÿauotaique da qaÿaconeu'a so Jesús
(Mateo 26.1-5; Marcos 14.1-2; Lucas 22.1-2)
45Huaña, nachi ÿataqta qalota nam i'amaqten so Jesús nam judiopi mayi anaÿa aso María da i'añaqchit co'ollaq ÿauaachigui dam i'ot so Jesús. 46Qalaxayi huo'o somayipi na jec da nqo'oneu'a na fariseopi, nachi da'aqtaxanem da i'ot so Jesús. 47Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco':
–¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega. 48Cha'ayi qomi' da sauaxasoqta'a da nachi 'eetai' de'eda, nachi 'enauac qome na shiÿaxauapi i'amaqten somayi. Nachi nam nta'alpi mayi lma' yi Roma ishit qome da anac, nachi ilaxachigui añi qad'onaxanaxaqui qataq nam qadhuo' l'ecpi.
49Qalaxayi huo'o so 'oonolec somayipi som l'enaxat da Caifás. Somayi nachiso som 'oonolec lataxala' nam ntaxaÿaxanaxanecpi da qaitaxaÿapegue' ñi Dios se'eso vi'i. Somayi 'enapeco':
–Qami' qaica ca qauaÿajñiÿapec. 50Qataq sa qauaÿajñiÿo' da nataq'en ÿaÿamaqchiguiñi da 'oonolec ca shiÿaxaua da ileualec na lauo' l'ecpi, qaq sa ishit da huo'otaq qailaxachigui 'enauac na qadhuo' l'ecpi.
51Qaq so Caifás sa ishit da huo'otaq maichi ndojlec de'eda 'enapec, cha'ayi somayi nachiso so lataxala' na ntaxaÿaxanaxanecpi se'eso vi'i. Qaq ñi Dios nachi i'aqtaxanaxanec somayi da so Jesús, somayi ileualec 'enauac nam judiopi; 52qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac. 53Huaña, nachi se'eso na'a'q chigoqchiguiña da na lataxala'pi na judiopi detaxaÿapigui ca lataxac, da yaqto' qaÿalauat so Jesús.
54Qaq ÿoqo'oyi so Jesús mashi sa ishit da ÿoqta nachaxaata da huetaigui na judiopi. Chaqdata da somayi ca'ai yi 'alhua Judea da nqo'ona yim pueblo Efraín mayi sa qaÿapeque yim tojlec 'alhua. Huaña, nachi hua'a yimayi nnaictagueto soua lapaxaguenataqa.
55Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui. 56Qaq qaÿallitaique so Jesús, qaq co'ollaq qanayiuta'a aso n'onaxanaxaqui, nachi nnattega't somayipi, 'eeta':
–¿Chaq 'éetec ca qad'aqtaqui? ¿Peta'a ishit da anac camaxa, huo'otaq jegatai'?
57Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.
Currently Selected:
Juan 11: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 11
11
Da l-leuaxa so Lázaro
1Qaq huo'o so shiÿaxaua l'enaxat Lázaro, somayi sa no'on. Qaq somayi lma' yi Betania yim npueblo aso María, qataq aso lqaÿa Marta. 2Qaq asa'aso María, mayi lqaÿa so Lázaro som sa no'on, nachaso asom icodelguete co'ollaxa naua lapia'te so Jesús so codaxat, nachi deÿoxona na laue. 3Nachi se'esoua dos nqaÿa't ÿamaxalo co'ollaxa da l'aqta'c so Jesús, 'eeta':
–'Am qadataxala', yim 'anauochaxaua, yimayi sa no'on.
4Nachi so Jesús co'ollaq hua'axaÿa de'eda, nachi 'eeta':
–De'eda nalolaxa, damayi sa ishit da taÿa'a ca nleuaxa. Chaqdata da yaqto' damayi ishit da chigoqchigui da lli'oxoyic ñi Dios, qataq yaqto' de'eda nalolaxa ishit nataq'en da chigoqchigui da lli'oxoyic na llalec ñi Dios.
5Qaq nai'ctaxa da so Jesús ÿataqta nauochaxaua aso Marta, qataq aso lqaÿa, qataq so Lázaro, 6qalaxayi co'ollaq qai'aqtaxanem da so Lázaro sa no'on, qalaq somayi ñaq queuoiguilo soua dos na'axa'te da ñaq hueta'a cam netaña. 7Qaq co'ollaq ime, nachi 'enapegalo soua lapaxaguenataqa, 'eeta':
–Qaltaq shi'iguelaxasoxogue qome da Judea.
8Nachi soua lapaxaguenataqa 'eetegalo somayi, 'eeta':
–'Am mayi 'auapaxaguenataxaatac, ñaq chita'ague da na judiopi mayi lma' yi'iyi 'alhua, nshitaique da 'am ÿalauat da 'am ida'a na coma', qalaq ¿tá'ainco' yi qaltaq 'anshitaique da 'aÿa yimayi?
9Nachi so Jesús 'enapeco':
–¿Sa ishito' da yi 'oonolec na'a'q ivi' na doce horas? Yi ñi 'oonolec shiÿaxaua da huo'otaq queuotapigui yi na'a'q, qalaq sa ishit da qui'aqñi, cha'ayi camayi ilotaigui na yi'oqchiguiñi ana 'alhua. 10Qalaxayi ca 'oonolec da huo'otaq queuotapigui yi pe, nachi camayi ishit da qui'aqñi, cha'ayi qaica na yi'oqchiguiñi.
11Qaq co'ollaq ime, nachi so Jesús 'enapeco':
–Yi qanauochaxaua Lázaro, yimayi do'ochi, qalaxayi aÿim ñoqo'ona da ñoqotoxon.
12Nachi soua lapaxaguenataqa 'ena'po':
–'Am qadataxala', camayi da chochi do'ochi, qachi yi'oqta qome da ÿaÿamaxañi.
13Qalaxayi so Jesús 'eetega da so Lázaro ÿoqta ileu, qalaxayi soua lapaxaguenataqa ipi'itaxaatrega da somayi detaqtega da yi'oqchigui n'ochaxa. 14Nachi so Jesús ÿoqta da'aqtaxaatema soomayi, 'eeta':
–Yi Lázaro, yimayi mashi ileu. 15Qaq aÿim ÿataqta huo'o da ñi'achic da sa ishit da soota'a yimayi. Qaq damayi ÿaÿamaqchiguiñi souaxat da qoñiita, yaqto' ishit da qau'amqajnataxañi. Qalaxayi qolaq qome da ñoqo'onaxa.
16Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta':
–Qolaq nataq'en qomi', yaqto' nataq'en qadleuaxaua damayi.
So Jesús nachiso so nca'aleec naq'en ca leuaxaic qataq nachiso so achaalataxac
17Qaq co'ollaq iviyi' so Jesús, nachi natenalec da so Lázaro mashi ivi' naua cuatro na'axa'te da qailayiñi. 18Qaq yim Betania, yimayi sa qaÿapeque yi Jerusalén, ivi' dos kilómetros y medio yi lshicta. 19Qaq ÿataqta qalota na judiopi na nqo'ona aso Marta qataq aso María da qai'añaqchitta'pe soomayi, souaxat yi lqaÿa't mayi saqca. 20Qaq aso Marta co'ollaq ÿaÿaten da so Jesús mashi nvi', nachi huaqata'aguet; qaq aso María, qalaxayi n'onaña ca lma'. 21Nachi aso Marta 'enapego' so Jesús, 'eeta':
–'Am ÿataxala', da 'am qoueta'a ne'ena, nachi sa ishíttaxa da ileu yi ÿaqaÿa. 22Qalaxayi aÿim saÿaten da ñi Dios ishit da 'am ÿanem 'enauac cam 'auÿaxanaique.
23Nachi so Jesús 'enapega asomayi, 'eeta':
–Yi 'adqaÿa qaltaq nca'aleec qome.
24Nachi aso Marta 'enapeco':
–Aÿim saÿaten da yimayi ishit qome da qaltaq nca'aleec qom qanca'alaxateec na leuaxaicpi cam pa'ateec na'a'q.
25Nachi so Jesús 'enapego' asomayi, 'eeta':
–Aÿim mayi nachaÿim ñica'alaxateec ca leuaxaic, qataq nachaÿim nca'alaxa. Ca aÿim i'amaqten, qaq nai'ctaxa da ileu, qalaxayi ishit da nca'aleec. 26Qaq 'enauac nam ña nca'altauec nagui mayi aÿim i'amaqten, nachi namayipi sa nauane' qome da ileu. Qaq ¿'au'amaqten peta'a de'eda?
27Nachi asomayi 'enapeco':
–Aja', sa'amaqten, 'am ÿataxala', da nachi'am nta'a nca'alaxaqui, mayi 'am llalec ñi Dios, mayi 'am qai'axatta'aguet co'ollaxa da 'auanaÿa'a ana 'alhua.
So Jesús noÿin co'ollaq hueta'a aso nhuachiqui so Lázaro
28Qaq co'ollaq ime de'eda l'aqtac aso Marta, nachi jec da iÿaxana aso lqaÿa María. Nachi isoxootot da 'enapega, 'eeta':
–Dam dapaxaguenataxaatac hueta'a ne'ena, qaq damayi 'am nÿaxaneu'a.
29Qaq co'ollaq chochi hua'aqchigui de'eda aso María, nachi sa naÿaloxon da ñishiguem, nachi nqo'oneuga so Jesús. 30Qaq so Jesús saxanaxa co'ollaxa da inoxoneu'a ca pueblo. Ñaq hueta'a cam huaña co'ollaq natena'aguet aso Marta. 31Qaq co'ollaq qaila'a da sa naÿaloxon da ñishiguem aso María, nachi jec, nachi na judiopi mayi hueta'a ca lma' asomayi da i'añaqchittac, namayipi ca'attaueegue, cha'ayi ipi'itaxaatega da asomayi taÿauga aso huachiqui da huaña da noÿin.
32Nachi aso María co'ollaq iviteuga ca hueta'a so Jesús, nachi i'adoto naua l-llicte, nachi 'eetega, 'eeta':
–'Am ÿataxala', da 'am qoueta'a ne'ena, nachi sa ishíttaxa da ileu yi ÿaqaÿa.
33Nachi so Jesús co'ollaq ila'a da noÿiitac aso María qataq so judiopi mayi nnaictapegue', nachi somayi ÿataqta huo'o da laquicoxo, qataq nomteguet da 'eeta lta'adaic da lquiyaqteÿaxac. 34Nachi inat somayipi, 'eeta':
–¿Chaq huá'ague ca qaÿachaña co'ollaq qailayiñi camaxa?
Nachi qoÿinapega, qoÿiita':
–'Am qadataxala', 'ayala, ña 'amejnaxaneuga.
35Nachi so Jesús noÿiitac. 36Nachi na judiopi 'eeta':
–Ña qauloÿa, damayi ÿataqta lauotaxat yimayi.
37Qalaxayi somayipi huo'o na 'eeta':
–De'eda shiÿaxaua yi ishit da ÿauo'oi naua l'ai'te na sa nauaañi, qalaq ¿táloxochiyictoxo' da saq huo'o ca 'eetec da yaqto' sa ipaca'aguet naq'en da l-leuaxa co'ollaxa yi Lázaro?
Da 'eetec co'ollaq qaltaq nca'aleec so Lázaro
38Qaq so Jesús qaltaq nomteguet da 'eeta lta'adaic, nachi nqochineu'a aso huachiqui. Qaq asa'aso huachiqui 'eeta'am na chochi auac, qaq huo'o so lapoxot coma' som ñigueuo. 39Nachi so Jesús 'enapeco':
–Ña qanqachi na coma'.
Nachi aso Marta mayi lqaÿa som saqca, asomayi 'enapeco':
–'Am ÿataxala', yimayi ÿoqta da mashi huo'o na laita, cha'ayi mashi ivi' naua cuatro na'axa'te da saqca.
40Qalaxayi so Jesús 'enapeco':
–¿Sa ishito' da 'am shiitega caillaxa da huo'otaq 'au'amqajnataxan, nachi ishit da 'aulogui da lli'oxoyic ñi Dios?
41Nachi qanqateec so coma'. Nachi so Jesús ÿamato'ot na piguem, nachi 'enapeco':
–'Am ita'a, 'am sanot da ñi'achiquiaxac, cha'ayi 'am aÿim 'au'axaÿa. 42Qaq aÿim saÿaten da 'am nachi 'eetai' naxa da aÿim 'au'aqtega. Qalaxayi aÿim shinapec de'eda souaxat nam shiÿaxauapi mayi hueta'a ne'ena, yaqto' namayipi ishit da i'amaqten da 'eesa da aÿim 'adamaxashic.
43Qaq co'ollaq ime da nasaxauec de'eda, nachi deÿaxan, 'eeta':
–¡Lázaro, 'anpa'auec!
44Nachi som leuaxaic npa'auec, somayi qoÿaxatta'aguelo naua lhua'q qataq naua lchil som laxataxa, qataq qoÿaxattagui na lashic so hualoq. Nachi so Jesús 'enapega somayipi, 'eeta':
–Ña qausoigue damayi, nachi qauaqÿa'a da queuoÿapigui'.
Qaÿauotaique da qaÿaconeu'a so Jesús
(Mateo 26.1-5; Marcos 14.1-2; Lucas 22.1-2)
45Huaña, nachi ÿataqta qalota nam i'amaqten so Jesús nam judiopi mayi anaÿa aso María da i'añaqchit co'ollaq ÿauaachigui dam i'ot so Jesús. 46Qalaxayi huo'o somayipi na jec da nqo'oneu'a na fariseopi, nachi da'aqtaxanem da i'ot so Jesús. 47Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco':
–¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega. 48Cha'ayi qomi' da sauaxasoqta'a da nachi 'eetai' de'eda, nachi 'enauac qome na shiÿaxauapi i'amaqten somayi. Nachi nam nta'alpi mayi lma' yi Roma ishit qome da anac, nachi ilaxachigui añi qad'onaxanaxaqui qataq nam qadhuo' l'ecpi.
49Qalaxayi huo'o so 'oonolec somayipi som l'enaxat da Caifás. Somayi nachiso som 'oonolec lataxala' nam ntaxaÿaxanaxanecpi da qaitaxaÿapegue' ñi Dios se'eso vi'i. Somayi 'enapeco':
–Qami' qaica ca qauaÿajñiÿapec. 50Qataq sa qauaÿajñiÿo' da nataq'en ÿaÿamaqchiguiñi da 'oonolec ca shiÿaxaua da ileualec na lauo' l'ecpi, qaq sa ishit da huo'otaq qailaxachigui 'enauac na qadhuo' l'ecpi.
51Qaq so Caifás sa ishit da huo'otaq maichi ndojlec de'eda 'enapec, cha'ayi somayi nachiso so lataxala' na ntaxaÿaxanaxanecpi se'eso vi'i. Qaq ñi Dios nachi i'aqtaxanaxanec somayi da so Jesús, somayi ileualec 'enauac nam judiopi; 52qaq sa ishit da nachaqnata nam judiopi, cha'ayi nataq'en yaqto' lapona't 'enauac nam llalaqpi ñi Dios mayi nlagaxattac. 53Huaña, nachi se'eso na'a'q chigoqchiguiña da na lataxala'pi na judiopi detaxaÿapigui ca lataxac, da yaqto' qaÿalauat so Jesús.
54Qaq ÿoqo'oyi so Jesús mashi sa ishit da ÿoqta nachaxaata da huetaigui na judiopi. Chaqdata da somayi ca'ai yi 'alhua Judea da nqo'ona yim pueblo Efraín mayi sa qaÿapeque yim tojlec 'alhua. Huaña, nachi hua'a yimayi nnaictagueto soua lapaxaguenataqa.
55Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui. 56Qaq qaÿallitaique so Jesús, qaq co'ollaq qanayiuta'a aso n'onaxanaxaqui, nachi nnattega't somayipi, 'eeta':
–¿Chaq 'éetec ca qad'aqtaqui? ¿Peta'a ishit da anac camaxa, huo'otaq jegatai'?
57Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.