Juan 12
12
Aso 'alo icodelec so Jesús so ncodaxat
(Mateo 26.6-13; Marcos 14.3-9)
1Qaq saxanaqcaua caua seis na'axa'te da iviteuga so na'a'q mayi huetoigui da qaiuennate co'ollaq qanayica'ai yi Egipto. Nachi so Jesús taÿa yi Betania yim netaña so Lázaro som qaltaq nca'alaxateec co'ollaxa somayi. 2Nachi qai'ot so nallic da qaique'elec so Jesús. Nachi aso Marta huetapec, qaq so Lázaro ÿalectauo, datatalec so nqui'axala' da lqui'axaua somayi. 3Nachi aso María ndouo so ivi' na medio litro na codaxat mayi l'enaxat nardo. Somayi ÿataqta qaÿoqteu'a. Nachi icodelguete naua lapia'te so Jesús. Ime, nachi deÿoxona na laue da ÿaqaxaÿaxa't. Qaq 'enauac se'eso noÿic ÿataqta ÿi'iguelaxaÿi na laita so codaxat. 4Nachi so Judas Iscariote, mayi llalec so Simón, som 'oonolec soua lapaxaguenataqa so Jesús mayi taÿa'a da ÿaneuo somayi, somayi 'eeta':
5–¿Chi 'eeto' da sa qaimeno' de'eda codaxat trescientos denarios qanqoÿin, da yaqto' ishit da qaitauan na choxodaqpi?
6Qaq so Judas sa ishit da 'enapec de'eda, da souaxat da huo'otaq ichoxodeetac na choxodaqpi. Cha'ayi somayi chochi cachaxaic, qataq nachiso som hueto'ot aso laÿi' ana plata, nachi somayi decachitapega anam qaÿasaqtangui asomayi. 7Nachi so Jesús 'enapeco':
–'Au'axaÿa'a adamayi. Cha'ayi adamayi ÿaÿamaxattac co'ollaxa de'eda codaxat, da yaqto' lhuotta qom iviteuga ca na'a'q da aÿim qailayiñi. 8Qami' nachi 'eetai' da qoviita'aguet na choxodaqpi; aÿim, qalaxayi sa ishit da nachi 'eetai' da aÿim qoviita'aguet.
Qaÿauotaique da qaÿalauat so Lázaro
9Qaq ÿataqta qalota na judiopi na huo'o da l'axaÿaxac da so Jesús hueta'a yi Betania. Nachi qanqo'ona yimayi. Qaq sa ishit da chaqsota so Jesús da qaÿauotaique da qailo'ot, cha'ayi nataq'en so Lázaro som qaltaq nca'alaxateec co'ollaxa somayi. 10Nachi nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi detaxaÿapigui co'ollaxa nataq'en da qaÿauotaique da qaÿalauat so Lázaro, 11cha'ayi souaxat da chigoqchigui somayi da ÿataqta qalota na judiopi na ca'ai somayipi da i'amaqten so Jesús.
So Jesús inoxoneu'a so Jerusalén
(Mateo 21.1-11; Marcos 11.1-11; Lucas 19.28-40)
12Qaq ÿataqta qalota na shiÿaxauapi na taigue da Jerusalén da taÿa so naponaxac da qaiuennate so na'a'q co'ollaq qanayica'ai so Egipto. Qaq se'eso lÿa na'a'q, nachi qaÿaÿaten so Jesús da mashi nayiitau'a so la ciudad. 13Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita':
–¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!
14So Jesús natenalec so 'ashinolec, nachi nelec somayi, qaq ipacchigui da 'enapec naua nanettrañi l'aqtaqa ñi Dios, 'eeta':
15Sa ishit qome da qayi'ii, qami' mayi qoñiitaña na la ciudad Sión;
ña 'aulo'oguet na 'adta'a,
'ena cha'aguet,
netalec na 'ashina.
16Qaq co'ollaq chita'ague, nachi soua lapaxaguenataqa sa ishit da ÿaÿate'n ca llic de'eda. Qalaxayi co'ollaq qaÿata'ague de'eda, co'ollaq mashi ime da qoÿanagui da lli'oxoyic so Jesús, nachi qaiuennate 'enauac nam nanettañi mayi i'axat da llic somayi, da 'enauac ipacchigui.
17Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic. 18Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega. 19Nachi nam fariseopi maichi detaqtapega't, 'eeta':
–Ña qauloÿa da qomi' mashi qaica ca ñishaqpeque. Cha'ayi 'enauac na shiÿaxauapi ca'attague' somayi.
Huo'o som griego l'ecpi nmittaique so Jesús
20Qaq huo'o na ÿalectauo griego l'ec naua l'aqtaqa nam shiÿaxauapi mayi taÿa yi Jerusalén se'eso na'a'q naponaxaqui da ÿi'oxoden ñi Dios. 21Nachi namayipi nqochineu'a so Felipe, mayi lma' yi Betsaida yim huaigui yi Galilea. Nachi nachoxodeetacot somayi, 'eeta':
–Qomi' 'anqouagueque qome, qomi' sauoqtaique da ñauanaxai' ca Jesús.
22Nachi so Felipe jec da da'aqtaxanem so Andrés, nachi soomayi je'c da da'aqtaxaadem so Jesús. 23Nachi so Jesús 'enapegalo soomayi, 'eeta':
–Nagui mashi ivita yi laloqo' da na shiÿaxaua llalec qaÿauo'o da lli'oxoyic. 24Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat. 25Ca ÿauotec da maichi nachaalataxac, nachi damayi ishit da daqat; qaq cam sa ÿauota'ac da nachaalataxac nagui da ñaq hueta'a ana 'alhua, nachi camayi qaÿaÿamaxat qome da nachaalataxac, da yaqto' chochaq tateec. 26Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.
So Jesús i'axata'a da nalaataguec
27Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac. 28Qaq 'am ita'a, ña 'au'ot qome ca lli'oxoyic da maichi 'ad'enaxat.
Huaña, nachi qai'axaÿa so nvilÿaxac, chimqot na piguem, 'eeta':
–Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.
29Nachi nam shiÿaxauapi mayi n'axaÿaxaatac, namayipi 'eetega da hua'aqchigui ca nalataxa, qataq huo'o na 'eeta':
–Namaxashic piguem l'ec so ntaxaÿapiguiña damayi.
30Nachi so Jesús 'enapego' somayipi, 'eeta':
–Sa ishit da souaxat aÿim da huo'o mshi qai'axaÿa se'eso nvilÿaxac; mayi souaxat da qoñiita. 31Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua. 32Qaq qom ivita da aÿim qananotshiguem ana 'alhua, nachi aÿim maichi ñaueguela't 'enauac na shiÿaxauapi.
33Qaq de'eda 'enac, damayi naigui da 'eetec da l-leuaxa qom ileu. 34Nachi na shiÿaxauapi 'enapega somayi, 'eeta':
–Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?
35Nachi so Jesús 'enapega somayipi, 'eeta':
–Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague. 36Qaq qau'amaqchiñi qome ne'ena yi'oqchiguiñi, llaxatemallaxa da ña qami' hueta'agueta, yaqto' qami' ishit da qoñiita'am na yi'oqchiguiñi.
Qaq co'ollaq ime de'eda 'enapec so Jesús, nachi jec da nqañoxochiisop somayipi.
Da 'eetec na judiopi da sa ishit da i'amaqten so Jesús
37Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi. 38Qaq ÿataqta ipacchigui dam l'aqtaxanaxac som l'aqtaxanaxanec ñi Dios, l'enaxat Isaías, mayi 'eeta':
'Am ÿataxala',
¿negue'tom ca ishit da i'amaqten da qad'aqtaxanaxac?
Qataq ¿negue'tom ca ÿachaxana da l'añaxac ñi qadataxala'?
39Qaq ÿoqo'oyi nachi sa ishit da huo'o ca da'amqajnataxan. Cha'ayi so Isaías nataq'en ÿiyiñi co'ollaxa da 'eeta':
40Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte,
yaqto' namayipi sa ishit da nauaayiñi naua yi'oqchiguilo l'ai'te,
qataq qaica ca ÿaÿaten da lquiyaqteÿaxac,
qataq da sa ishit da aÿim ñi'iguelaxa,
da yaqto' ñataden.
41Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.
42Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui, 43qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.
Naua l'aqtaqa so Jesús nachinaua naua i'o't da nhuaxanaguec na shiÿaxauapi
44Nachi so Jesús ÿataqta nlamaxaden da detaqa, 'eeta':
–Ca aÿim i'amaqten, camayi sa ishit da nachaqaÿimta da aÿim i'amaqten, cha'ayi nataq'en ñi ita'a mayi aÿim namaq. 45Qataq ca aÿim ila'a, camayi nataq'en ila'a ñim aÿim namaq. 46Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa. 47Qalaxayi da huo'o ca chochi n'axaÿaxaategalo naua i'aqtaqa, qalaq sa ishit da i'o't, qaq sa ishit qome da nachaÿim da so'ot ca nhuaxanaguec camayi; cha'ayi aÿim sa ishit da ñanaÿa ana 'alhua da sauo'o ca nhuaxanaguec na shiÿaxauapi; chaqdata da aÿim ñanac, da yaqto' ñica'alaxateec namayipi. 48Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q. 49Cha'ayi aÿim nam i'aqtaqa sa ishit da maichi ñalligoxottrela't; cha'ayi ñim ita'a mayi aÿim namaq, ñimayi chigoqtot cam i'aqtac qataq cam sapaxaguenataxanec. 50Qaq aÿim saÿaten da lamaxasoxonaxac ñi ita'a, damayi chigaqaigui da nca'alaxa mayi chochaq tateec. Qaq 'eda da 'eetec da cam ñanodeec, qalaq nachica ca aÿim ÿamaxalec ñi ita'a.
Currently Selected:
Juan 12: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 12
12
Aso 'alo icodelec so Jesús so ncodaxat
(Mateo 26.6-13; Marcos 14.3-9)
1Qaq saxanaqcaua caua seis na'axa'te da iviteuga so na'a'q mayi huetoigui da qaiuennate co'ollaq qanayica'ai yi Egipto. Nachi so Jesús taÿa yi Betania yim netaña so Lázaro som qaltaq nca'alaxateec co'ollaxa somayi. 2Nachi qai'ot so nallic da qaique'elec so Jesús. Nachi aso Marta huetapec, qaq so Lázaro ÿalectauo, datatalec so nqui'axala' da lqui'axaua somayi. 3Nachi aso María ndouo so ivi' na medio litro na codaxat mayi l'enaxat nardo. Somayi ÿataqta qaÿoqteu'a. Nachi icodelguete naua lapia'te so Jesús. Ime, nachi deÿoxona na laue da ÿaqaxaÿaxa't. Qaq 'enauac se'eso noÿic ÿataqta ÿi'iguelaxaÿi na laita so codaxat. 4Nachi so Judas Iscariote, mayi llalec so Simón, som 'oonolec soua lapaxaguenataqa so Jesús mayi taÿa'a da ÿaneuo somayi, somayi 'eeta':
5–¿Chi 'eeto' da sa qaimeno' de'eda codaxat trescientos denarios qanqoÿin, da yaqto' ishit da qaitauan na choxodaqpi?
6Qaq so Judas sa ishit da 'enapec de'eda, da souaxat da huo'otaq ichoxodeetac na choxodaqpi. Cha'ayi somayi chochi cachaxaic, qataq nachiso som hueto'ot aso laÿi' ana plata, nachi somayi decachitapega anam qaÿasaqtangui asomayi. 7Nachi so Jesús 'enapeco':
–'Au'axaÿa'a adamayi. Cha'ayi adamayi ÿaÿamaxattac co'ollaxa de'eda codaxat, da yaqto' lhuotta qom iviteuga ca na'a'q da aÿim qailayiñi. 8Qami' nachi 'eetai' da qoviita'aguet na choxodaqpi; aÿim, qalaxayi sa ishit da nachi 'eetai' da aÿim qoviita'aguet.
Qaÿauotaique da qaÿalauat so Lázaro
9Qaq ÿataqta qalota na judiopi na huo'o da l'axaÿaxac da so Jesús hueta'a yi Betania. Nachi qanqo'ona yimayi. Qaq sa ishit da chaqsota so Jesús da qaÿauotaique da qailo'ot, cha'ayi nataq'en so Lázaro som qaltaq nca'alaxateec co'ollaxa somayi. 10Nachi nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi detaxaÿapigui co'ollaxa nataq'en da qaÿauotaique da qaÿalauat so Lázaro, 11cha'ayi souaxat da chigoqchigui somayi da ÿataqta qalota na judiopi na ca'ai somayipi da i'amaqten so Jesús.
So Jesús inoxoneu'a so Jerusalén
(Mateo 21.1-11; Marcos 11.1-11; Lucas 19.28-40)
12Qaq ÿataqta qalota na shiÿaxauapi na taigue da Jerusalén da taÿa so naponaxac da qaiuennate so na'a'q co'ollaq qanayica'ai so Egipto. Qaq se'eso lÿa na'a'q, nachi qaÿaÿaten so Jesús da mashi nayiitau'a so la ciudad. 13Nachi qaiquesoq ana laue ana chaic, nachi qaÿaqata'aguet so Jesús. Nachi qai'alaqtalec, qoÿiita':
–¡Shi'oxodenaq ñi qadta'a Dios! ¡Ÿataqta no'on da lliquiaxac nam nactaigui da l'enaxat ñi qadataxala'! ¡No'on da lliquiaxac nam lta'a na Israel llalaqpi!
14So Jesús natenalec so 'ashinolec, nachi nelec somayi, qaq ipacchigui da 'enapec naua nanettrañi l'aqtaqa ñi Dios, 'eeta':
15Sa ishit qome da qayi'ii, qami' mayi qoñiitaña na la ciudad Sión;
ña 'aulo'oguet na 'adta'a,
'ena cha'aguet,
netalec na 'ashina.
16Qaq co'ollaq chita'ague, nachi soua lapaxaguenataqa sa ishit da ÿaÿate'n ca llic de'eda. Qalaxayi co'ollaq qaÿata'ague de'eda, co'ollaq mashi ime da qoÿanagui da lli'oxoyic so Jesús, nachi qaiuennate 'enauac nam nanettañi mayi i'axat da llic somayi, da 'enauac ipacchigui.
17Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic. 18Nachi na shiÿaxauapi huaqata'aguet so Jesús, cha'ayi qaÿaÿaten dam i'ot n'anec mayi sa qaÿauanapega. 19Nachi nam fariseopi maichi detaqtapega't, 'eeta':
–Ña qauloÿa da qomi' mashi qaica ca ñishaqpeque. Cha'ayi 'enauac na shiÿaxauapi ca'attague' somayi.
Huo'o som griego l'ecpi nmittaique so Jesús
20Qaq huo'o na ÿalectauo griego l'ec naua l'aqtaqa nam shiÿaxauapi mayi taÿa yi Jerusalén se'eso na'a'q naponaxaqui da ÿi'oxoden ñi Dios. 21Nachi namayipi nqochineu'a so Felipe, mayi lma' yi Betsaida yim huaigui yi Galilea. Nachi nachoxodeetacot somayi, 'eeta':
–Qomi' 'anqouagueque qome, qomi' sauoqtaique da ñauanaxai' ca Jesús.
22Nachi so Felipe jec da da'aqtaxanem so Andrés, nachi soomayi je'c da da'aqtaxaadem so Jesús. 23Nachi so Jesús 'enapegalo soomayi, 'eeta':
–Nagui mashi ivita yi laloqo' da na shiÿaxaua llalec qaÿauo'o da lli'oxoyic. 24Qaq ÿataqta 'eesa de'eda qami' sa'axatema, da aca ala na trigo, da huo'otaq sa ishit da taigui na 'alhua da yaqto' ileu, nachi acamayi nachi 'eetai' da 'oonole. Qalaxayi acamayi da huo'otaq ileu, nachi ÿataqta qalota ana ala da qanqat. 25Ca ÿauotec da maichi nachaalataxac, nachi damayi ishit da daqat; qaq cam sa ÿauota'ac da nachaalataxac nagui da ñaq hueta'a ana 'alhua, nachi camayi qaÿaÿamaxat qome da nachaalataxac, da yaqto' chochaq tateec. 26Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.
So Jesús i'axata'a da nalaataguec
27Qaq nagui ÿataqta lta'adaic da shiita; qaq ¿chaq huá'ago' ca shiitec ca i'aqtac? ¿Peta'a shiita': “'Am ita'a, no'ónctaxa da aÿim 'anca'alaxateeguesop dam souaigui mayi aÿim naÿa'a?” Qalaxayi aÿim saÿaten da nachida da huo'o mshi ñanac. 28Qaq 'am ita'a, ña 'au'ot qome ca lli'oxoyic da maichi 'ad'enaxat.
Huaña, nachi qai'axaÿa so nvilÿaxac, chimqot na piguem, 'eeta':
–Mashi sogote da ÿi'oxodaq ñaq'en damayi, qalaxayi nagui qaltaq shi'iguelaxalec da ÿi'oxodaq ñaq'en.
29Nachi nam shiÿaxauapi mayi n'axaÿaxaatac, namayipi 'eetega da hua'aqchigui ca nalataxa, qataq huo'o na 'eeta':
–Namaxashic piguem l'ec so ntaxaÿapiguiña damayi.
30Nachi so Jesús 'enapego' somayipi, 'eeta':
–Sa ishit da souaxat aÿim da huo'o mshi qai'axaÿa se'eso nvilÿaxac; mayi souaxat da qoñiita. 31Nagui mashi ivita yi laloqo' da na huetalec ana 'alhua qaÿauo'o ca lasouaxashit, qataq da qaÿamaqhuec som damaxasoxonapec ana 'alhua. 32Qaq qom ivita da aÿim qananotshiguem ana 'alhua, nachi aÿim maichi ñaueguela't 'enauac na shiÿaxauapi.
33Qaq de'eda 'enac, damayi naigui da 'eetec da l-leuaxa qom ileu. 34Nachi na shiÿaxauapi 'enapega somayi, 'eeta':
–Qomi' sa'axasoqtega naxa da qaitaxaÿaxaatac ana nede mayi lmalate naua nqataxaco da que'eca nta'a nca'alaxaqui qoÿinapec yi nachi 'eetai' da nca'altauec. Qalaq ¿tá'ainco' yi 'am qonapec da que'eca shiÿaxaua llalec, camayi qananotshiguem? Qaq ¿chaq négue'to' que'eca shiÿaxaua llalec?
35Nachi so Jesús 'enapega somayipi, 'eeta':
–Ñaq cada'acolec da qami' hueta'agueta nam lcoÿadaqte ana 'alhua, qalaxayi sa qaÿadauec caua na'axa'te da qami' hueta'agueta. Qaq ÿoqo'oyi qauqueuoitapigui' qome, llaxatemallaxa da ñaq huo'o na yi'oqchiguiñi, yaqto' sa ishit qome da qami' ique'elaxa't ca napalaxa. Cha'ayi cam queuotapigui na napalaxa, camayi sa ishit da ÿaÿaten cam tata'ague. 36Qaq qau'amaqchiñi qome ne'ena yi'oqchiguiñi, llaxatemallaxa da ña qami' hueta'agueta, yaqto' qami' ishit da qoñiita'am na yi'oqchiguiñi.
Qaq co'ollaq ime de'eda 'enapec so Jesús, nachi jec da nqañoxochiisop somayipi.
Da 'eetec na judiopi da sa ishit da i'amaqten so Jesús
37Qaq nai'ctaxa da so Jesús ÿataqta qalota na i'ot n'anec mayi sa qaÿauanapega da ÿauaachigui naq'en somayipi, qalaxayi ñaqaiyita sa ishit da qai'amaqten somayi. 38Qaq ÿataqta ipacchigui dam l'aqtaxanaxac som l'aqtaxanaxanec ñi Dios, l'enaxat Isaías, mayi 'eeta':
'Am ÿataxala',
¿negue'tom ca ishit da i'amaqten da qad'aqtaxanaxac?
Qataq ¿negue'tom ca ÿachaxana da l'añaxac ñi qadataxala'?
39Qaq ÿoqo'oyi nachi sa ishit da huo'o ca da'amqajnataxan. Cha'ayi so Isaías nataq'en ÿiyiñi co'ollaxa da 'eeta':
40Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte,
yaqto' namayipi sa ishit da nauaayiñi naua yi'oqchiguilo l'ai'te,
qataq qaica ca ÿaÿaten da lquiyaqteÿaxac,
qataq da sa ishit da aÿim ñi'iguelaxa,
da yaqto' ñataden.
41Qaq so Isaías 'enapec co'ollaxa de'eda, cha'ayi souaxat da ÿauaachigui da lli'oxoyic so Jesús. Huaña, nachi i'axattac somayi.
42Qalaxayi ñaqaiyita ÿataqta qalota na judiopi na i'amaqten so Jesús, ivida'a nam ÿataqta 'amaqtaqaicpi. Qalaxayi namayipi sa ishit da ÿataqta nachaxaata, souaxat da ñi'itega na fariseopi da huo'otaq ÿamaqhuec namayipi da huo'otaq huaigui ana naponaxaqui, 43qataq souaxat da namayipi nqopita da maichi lli'oxonnataxanaxac na shiÿaxauapi, qaq sa ishit da ipacapegue' cam lli'oxoyic mayi ÿanem ñi Dios.
Naua l'aqtaqa so Jesús nachinaua naua i'o't da nhuaxanaguec na shiÿaxauapi
44Nachi so Jesús ÿataqta nlamaxaden da detaqa, 'eeta':
–Ca aÿim i'amaqten, camayi sa ishit da nachaqaÿimta da aÿim i'amaqten, cha'ayi nataq'en ñi ita'a mayi aÿim namaq. 45Qataq ca aÿim ila'a, camayi nataq'en ila'a ñim aÿim namaq. 46Aÿim mayi aÿim lcoÿadaqte ana 'alhua. Ñanaÿa anamayi, da yaqto' ca aÿim i'amaqten, nachi camayi sa ishit da huetaigui na napalaxa. 47Qalaxayi da huo'o ca chochi n'axaÿaxaategalo naua i'aqtaqa, qalaq sa ishit da i'o't, qaq sa ishit qome da nachaÿim da so'ot ca nhuaxanaguec camayi; cha'ayi aÿim sa ishit da ñanaÿa ana 'alhua da sauo'o ca nhuaxanaguec na shiÿaxauapi; chaqdata da aÿim ñanac, da yaqto' ñica'alaxateec namayipi. 48Qaq ca aÿim i'otan, qataq sa ishit da i'o't naua i'aqtaqa, camayi sogote da huo'o qome ñim i'ot ca nhuaxanaguec camayi. Cha'ayi naua i'aqtaqa mayi ñanoldeec, nachinaua qome naua i'o't ca nhuaxanaguec na shiÿaxauapi ca pa'ateec na'a'q. 49Cha'ayi aÿim nam i'aqtaqa sa ishit da maichi ñalligoxottrela't; cha'ayi ñim ita'a mayi aÿim namaq, ñimayi chigoqtot cam i'aqtac qataq cam sapaxaguenataxanec. 50Qaq aÿim saÿaten da lamaxasoxonaxac ñi ita'a, damayi chigaqaigui da nca'alaxa mayi chochaq tateec. Qaq 'eda da 'eetec da cam ñanodeec, qalaq nachica ca aÿim ÿamaxalec ñi ita'a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.