Juan 18
18
So Jesús qaÿaconeu'a da qaicoñi'
(Mateo 26.47-56; Marcos 14.43-50; Lucas 22.47-53)
1Qaq co'ollaq ime da nasaxauec de'eda so Jesús, nachi jec, nnaictapegueto soua lapaxaguenataqa da taitague da le'ego so l'auaxac l'enaxat Cedrón. Qaq nachi huaña yimayi so nanguishi lma', nachi taigui so Jesús, lÿata'pe soua lapaxaguenataqa. 2Qaq so Judas, mayi ÿauotaique da ÿaneuo so Jesús, nataq'en ÿauana se'eso nanataqa'. Cha'ayi mashi qalota naxa da so Jesús hueta'a somayi da nnaictapegueto soua lapaxaguenataqa. 3Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi. 4Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta':
–¿Négue't ca qanmichiitaique?
5Nachi somayipi 'enapeco':
–Qomyi ñimitaqtaique ca Jesús mayi Nazaret l'ec.
Nachi so Jesús 'enapeco':
–Qomyi nachaÿim.
Qaq so Judas mayi nachiso so ÿaneuo, somayi nataq'en ÿalectaigui somayipi. 6Nachi so Jesús co'ollaq 'enapega somayipi da 'eeta': “Nachaÿim,” nachi somayipi qoshi, nachi huañi. 7Nachi so Jesús qaltaq ÿi'iguelaxalec da denataxan, 'eeta':
–¿Négue't ca qanmichiitaique?
Nachi somayipi 'enapeco':
–Qomyi ñimitaqtaique ca Jesús mayi Nazaret l'ec.
8Nachi somayi 'enapeco':
–Mashi qami' shiitegalo mque' da nachaÿim. Da ÿoqta 'eesa da aÿim qanmichiitaique, qaq no'on da qauauaqaita'a ne'ena ÿaÿipi da jec.
9Qaq de'eda 'enapec, damayi ipacchigui dam maichi l'aqtac so Jesús co'ollaq 'eeta': “Nam aÿim ÿanempi ñi ita'a, namayipi qaica ca daqat.” 10Nachi so Simón Pedro, mayi huo'o so lainec, somayi nqatshiguem, nachi iquesoxouec ana aloiguishi ltela som 'oonolec mayi l'enaxat Malco. Somayi nachi lamaxashic som lataxala' na ntaxaÿaxanaxanecpi da qaitaxaÿapegue' ñi Dios. 11Qalaxayi so Jesús 'enapego' so Pedro, 'eeta':
–'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?
So Jesús qaÿataxanot so lataxala' na ntaxaÿaxanaxanecpi
(Mateo 26.57-58; Marcos 14.53-54; Lucas 22.54)
12Nachi som allippi qataq som lta'a, qataq som nhuataxanaqpi na judiopi, somayipi ÿaconeu'a so Jesús, nachi icoñida't naua lhua'q. 13Ime, nachi qaÿauegueu'a so lma' so Anás. Se'eso Anás, somayi nachi lacho' so Caifás, mayi nachiso so lataxala' na ntaxaÿaxanaxanecpi se'eso vi'i. 14Qaq se'eso Caifás nachiso' co'ollaxa so 'eetega na judiopi da souaxat namayipi nachi ÿaÿamaqchiguiñi da ca 'oonolec shiÿaxaua ishit da ileualec na lauo' l'ecpi.
So Pedro nqolguettac, 'eetega da sa ÿauatton so Jesús
(Mateo 26.69-70; Marcos 14.66-68; Lucas 22.55-57)
15So Simón Pedro qataq so lÿa napaxaguenatac, soomayi ca'attraueegue so Jesús. Qaq se'eso lÿa napaxaguenatac, somayi nauattonaxaua som lataxala' na ntaxaÿaxanaxanecpi. Qaq ÿoqo'oyi somayi nachi lÿateuo so Jesús da pa'au'a so nqasoxoc se'eso nataxala'. 16Qaq som Pedro, qalaq pa'ataueegue da laÿi so lasom. Qaq ÿoqo'oyi ishit da pa'auec se'eso napaxaguenatac mayi maichi nauattonaxaua som lataxala' na ntaxaÿaxanaxanecpi. Nachi somayi detaxaÿapegue' asom ilotague' so lasom, nachi ipa'axaneuo so Pedro. 17Nachi asa'aso lasom l'o inattaco' so Pedro, 'eeta':
–¿Sa ishit peta'a da nachi'am nam lapaxaguenatacpi de'eda shiÿaxaua?
Nachi so Pedro 'enapeco':
–'A'i, sa ishit da nachaÿim.
18Qaq cha'ayi ÿataqta atom, nachi som namaxashicpi qataq som huataxanaqpi i'ot so l-le', nachi nachattañipi da ntootac. Qaq so Pedro nataq'en ÿalectaigui somayipi, ntootac se'eso nodec.
So lataxala' na ntaxaÿaxanaxanecpi inattac so Jesús
(Mateo 26.59-66; Marcos 14.55-64; Lucas 22.66-71)
19Nachi som lataxala' na ntaxaÿaxanaxanecpi, somayi ichimaxattega so Jesús, denataxaatapegueque soua lapaxaguenataqa, qataq chaq 'eetec ca lapaxaguenataxanaxac somayi. 20Nachi so Jesús 'enapeco':
–Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi. 21Qaq ¿tá'ainco' da aÿim 'aunattac? No'ónctaxa da 'aunat nam shiÿaxauapi mayi aÿim n'axaÿaxaatega, yaqto' namayipi ishit da i'axat cam i'aqtaxanaxac mayi sami' namayipi. Cha'ayi namayipi ÿaÿateeta dam i'aqtaxanaxac.
22Nachi so Jesús co'ollaq 'enapec de'eda, nachi som 'oonolec nam huataxanaqpi mayi ilotague' aso n'onaxanaxaqui mayi ÿalectauo, somayi iuaxanoigui na lashic so Jesús. Nachi 'eetega, 'eeta':
–¿Nachi qoneteco' de'eda da 'au'aqtaxanem ñim lataxala' na ntaxaÿaxanaxanecpi da qaitaxaÿapegue' ñi Dios?
23Nachi so Jesús 'enapeco':
–Da huo'otaq sa ÿaÿamaxañi ca i'aqtac, qaq no'on da 'au'axat chaq hua'ague ca 'eetec ca sa ÿaÿamaxañi. Qalaxayi da huo'otaq ÿaÿamaqchiguiñi dam shinapec, qaq ¿tá'ainco' da aÿim 'auaxan?
24Nachi so Anás ÿamaq so Jesús ÿaxatta'a't naq'en naua lhua'q, da ÿamaxa so Caifás som 'oonolec lataxala' nam ntaxaÿaxanaxanecpi.
So Pedro qaltaq ÿi'iguelaxalec da 'eetega sa ÿauatton so Jesús
(Mateo 26.71-75; Marcos 14.69-72; Lucas 22.58-62)
25Qaq so Pedro ñaq queto'ot da nachattañi, ntootapigui so nodec. Nachi qaltaq qainattac, qoÿiita':
–¿Sa ishit peta'a da nachi'am 'oonolec nam lapaxaguenatacpi de'eda shiÿaxaua?
Nachi so Pedro qataq nqolguettac, 'eeta':
–'A'i, sa ishit da nachaÿim.
26Nachi qaltaq denataxan som 'oonolec nam lamaxashicpi som lataxala' na ntaxaÿaxanaxanecpi, mayi maichi lauo' l'ec so shiÿaxaua mayi iquesoxouec co'ollaxa ana ltela so Pedro, 'eeta':
–¿Sa ishito' da nachi'am selota'a cam huaña yi nanguishi lma' da qoueta'aguet damayi?
27Nachi so Pedro qaltaq nqolguettac. Huaña, nachi noÿin so 'olgaxa.
So Jesús qaÿataxanot so nta'a Pilato
(Mateo 17.1-2, 11-14; Marcos 15.1-5; Lucas 23.1-5)
28Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto. 29Qaq ÿoqo'oyi so nta'a Pilato npa'auec co'ollaxa, nachi inattac somayipi, 'eeta':
–¿Négue't cam qauasaqaitapeguelec da lasouaxashit qanqashiñi de'eda shiÿaxaua?
30Nachi somayipi 'enapeco':
–Damayi da sa ishíttaxa da qauemaic, nachi sa ishit da 'am sanaxau'a.
31Nachi so Pilato 'enapego' somayipi, 'eeta':
–Damayi qauaviqui, nachi qaudoilec nam nqataxacpi mayi qami' qoÿanema co'ollaxa da maichi qanmichi.
Nachi somayipi 'enapeco':
–Qalaxayi qomi' judío lashi' sa ishit da huo'o ca qan'aqtac, da yaqto' huo'o ca salauataq.
32Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec. 33Nachi so Pilato qaltaq ÿi'iguelaxaigui so lma', nachi iÿaxaneuga so Jesús, nachi inattac, 'eeta':
–¿Peta'a nachi'am lta'a na judiopi?
34Nachi so Jesús 'enapeco':
–¿'Am peta'a maichi 'andojlec de'eda 'annataxanaxac, loqo' chaq huo'o ca 'am i'axatem da shiita?
35Nachi so Pilato 'enapeco':
–¿Peta'a aÿimo' judío l'ec? Yi nam maichi 'adhuo' l'ecpi qataq nam lataxala'pi na ntaxaÿaxanaxanecpi, nachina na 'am nañaneu'a aÿim. Qaq ¿chaq négue'to' cam 'au'ot sa ÿaÿamaxañi?
36Nachi so Jesús 'enapeco':
–Da i'onataxanaxac da aÿim nta'a, damayi sa ishit da nachana ana 'alhua. Cha'ayi da nachi 'eetéctaxa de'eda, nachi nam ca'attague'pi aÿim sogotéctaxa da deloqui, da yaqto' sa ishit da aÿim qoÿaneu'a na judiopi. Qalaxayi da i'onataxanaxac da aÿim nta'a, damayi sa ishit da nachana ana 'alhua.
37Nachi so Pilato 'enapego' somayi, 'eeta':
–¿Qachi ÿoqta 'eesa da 'am nta'a?
Nachi so Jesús 'enapeco':
–Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.
38Nachi so Pilato 'enapego' somayi, 'eeta':
–¿Chaq négue't cam 'eesa lataxac?
So Jesús qoÿanguet da nalaataguec
(Mateo 27.15-31; Marcos 15.6-20; Lucas 23.13-25)
Qaq co'ollaq imat de'eda nnataxanaxac so Pilato, nachi qaltaq pa'auec da da'aqtaxanem so judiopi, 'eeta':
–Aÿim sa ishit da huo'o ca sanata lasouaxashit de'eda shiÿaxaua. 39Qalaxayi qami' huo'o naxa da qan'onataxaqui da qanshiitaique da sesouec ca ncoñitaguishic souaxat da qoñiita da iviteuga yi na'a'q mayi huetoigui da qaiuennate co'ollaq qanayica'ai yi Egipto. Qaq ¿qanshiitaique peta'a da aÿim sesouec ñim lta'a na judiopi?
40Nachi 'enauac somayipi qaltaq ÿi'iguelaxalec da i'alqagui, 'eeta':
–¡'A'i, sa ishit da nachida de'eda shiÿaxaua! ¡Chaqcata ca Barrabás 'ausouec!
Qaq se'eso Barrabás ÿataqta cachaxaic co'ollaxa.
Currently Selected:
Juan 18: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 18
18
So Jesús qaÿaconeu'a da qaicoñi'
(Mateo 26.47-56; Marcos 14.43-50; Lucas 22.47-53)
1Qaq co'ollaq ime da nasaxauec de'eda so Jesús, nachi jec, nnaictapegueto soua lapaxaguenataqa da taitague da le'ego so l'auaxac l'enaxat Cedrón. Qaq nachi huaña yimayi so nanguishi lma', nachi taigui so Jesús, lÿata'pe soua lapaxaguenataqa. 2Qaq so Judas, mayi ÿauotaique da ÿaneuo so Jesús, nataq'en ÿauana se'eso nanataqa'. Cha'ayi mashi qalota naxa da so Jesús hueta'a somayi da nnaictapegueto soua lapaxaguenataqa. 3Qaq so Judas nachi nateu'a somayi, nnaictague' so allippi qataq som huataxanaq mayi ilotague' aso n'onaxanaxaqui mayi lamaxashicpi na lataxala'pi na ntaxaÿaxanaxanecpi qataq na fariseopi. Qaq somayipi ÿataqta n'atchiguiñi na l'ogoxonaxatpi, qataq ÿachitac na lcoÿadaxanaxatpi. 4Qalaxayi so Jesús, yi mashi sogote ÿaÿateetac 'enauac dam huaigui, nachiso mayi huaqata'aguet somayipi, nachi inattac, 'eeta':
–¿Négue't ca qanmichiitaique?
5Nachi somayipi 'enapeco':
–Qomyi ñimitaqtaique ca Jesús mayi Nazaret l'ec.
Nachi so Jesús 'enapeco':
–Qomyi nachaÿim.
Qaq so Judas mayi nachiso so ÿaneuo, somayi nataq'en ÿalectaigui somayipi. 6Nachi so Jesús co'ollaq 'enapega somayipi da 'eeta': “Nachaÿim,” nachi somayipi qoshi, nachi huañi. 7Nachi so Jesús qaltaq ÿi'iguelaxalec da denataxan, 'eeta':
–¿Négue't ca qanmichiitaique?
Nachi somayipi 'enapeco':
–Qomyi ñimitaqtaique ca Jesús mayi Nazaret l'ec.
8Nachi somayi 'enapeco':
–Mashi qami' shiitegalo mque' da nachaÿim. Da ÿoqta 'eesa da aÿim qanmichiitaique, qaq no'on da qauauaqaita'a ne'ena ÿaÿipi da jec.
9Qaq de'eda 'enapec, damayi ipacchigui dam maichi l'aqtac so Jesús co'ollaq 'eeta': “Nam aÿim ÿanempi ñi ita'a, namayipi qaica ca daqat.” 10Nachi so Simón Pedro, mayi huo'o so lainec, somayi nqatshiguem, nachi iquesoxouec ana aloiguishi ltela som 'oonolec mayi l'enaxat Malco. Somayi nachi lamaxashic som lataxala' na ntaxaÿaxanaxanecpi da qaitaxaÿapegue' ñi Dios. 11Qalaxayi so Jesús 'enapego' so Pedro, 'eeta':
–'Avi'iguelaxajñi na 'ainec, 'anshijñi. Ñi ita'a, da aÿim ipagaqna'aguet da ñique'ejnaxac mayi 'eeta'am da qanÿomgui ca deshinataxan, qaq ¿peta'a sa ishito' da saigui damaxa?
So Jesús qaÿataxanot so lataxala' na ntaxaÿaxanaxanecpi
(Mateo 26.57-58; Marcos 14.53-54; Lucas 22.54)
12Nachi som allippi qataq som lta'a, qataq som nhuataxanaqpi na judiopi, somayipi ÿaconeu'a so Jesús, nachi icoñida't naua lhua'q. 13Ime, nachi qaÿauegueu'a so lma' so Anás. Se'eso Anás, somayi nachi lacho' so Caifás, mayi nachiso so lataxala' na ntaxaÿaxanaxanecpi se'eso vi'i. 14Qaq se'eso Caifás nachiso' co'ollaxa so 'eetega na judiopi da souaxat namayipi nachi ÿaÿamaqchiguiñi da ca 'oonolec shiÿaxaua ishit da ileualec na lauo' l'ecpi.
So Pedro nqolguettac, 'eetega da sa ÿauatton so Jesús
(Mateo 26.69-70; Marcos 14.66-68; Lucas 22.55-57)
15So Simón Pedro qataq so lÿa napaxaguenatac, soomayi ca'attraueegue so Jesús. Qaq se'eso lÿa napaxaguenatac, somayi nauattonaxaua som lataxala' na ntaxaÿaxanaxanecpi. Qaq ÿoqo'oyi somayi nachi lÿateuo so Jesús da pa'au'a so nqasoxoc se'eso nataxala'. 16Qaq som Pedro, qalaq pa'ataueegue da laÿi so lasom. Qaq ÿoqo'oyi ishit da pa'auec se'eso napaxaguenatac mayi maichi nauattonaxaua som lataxala' na ntaxaÿaxanaxanecpi. Nachi somayi detaxaÿapegue' asom ilotague' so lasom, nachi ipa'axaneuo so Pedro. 17Nachi asa'aso lasom l'o inattaco' so Pedro, 'eeta':
–¿Sa ishit peta'a da nachi'am nam lapaxaguenatacpi de'eda shiÿaxaua?
Nachi so Pedro 'enapeco':
–'A'i, sa ishit da nachaÿim.
18Qaq cha'ayi ÿataqta atom, nachi som namaxashicpi qataq som huataxanaqpi i'ot so l-le', nachi nachattañipi da ntootac. Qaq so Pedro nataq'en ÿalectaigui somayipi, ntootac se'eso nodec.
So lataxala' na ntaxaÿaxanaxanecpi inattac so Jesús
(Mateo 26.59-66; Marcos 14.55-64; Lucas 22.66-71)
19Nachi som lataxala' na ntaxaÿaxanaxanecpi, somayi ichimaxattega so Jesús, denataxaatapegueque soua lapaxaguenataqa, qataq chaq 'eetec ca lapaxaguenataxanaxac somayi. 20Nachi so Jesús 'enapeco':
–Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi. 21Qaq ¿tá'ainco' da aÿim 'aunattac? No'ónctaxa da 'aunat nam shiÿaxauapi mayi aÿim n'axaÿaxaatega, yaqto' namayipi ishit da i'axat cam i'aqtaxanaxac mayi sami' namayipi. Cha'ayi namayipi ÿaÿateeta dam i'aqtaxanaxac.
22Nachi so Jesús co'ollaq 'enapec de'eda, nachi som 'oonolec nam huataxanaqpi mayi ilotague' aso n'onaxanaxaqui mayi ÿalectauo, somayi iuaxanoigui na lashic so Jesús. Nachi 'eetega, 'eeta':
–¿Nachi qoneteco' de'eda da 'au'aqtaxanem ñim lataxala' na ntaxaÿaxanaxanecpi da qaitaxaÿapegue' ñi Dios?
23Nachi so Jesús 'enapeco':
–Da huo'otaq sa ÿaÿamaxañi ca i'aqtac, qaq no'on da 'au'axat chaq hua'ague ca 'eetec ca sa ÿaÿamaxañi. Qalaxayi da huo'otaq ÿaÿamaqchiguiñi dam shinapec, qaq ¿tá'ainco' da aÿim 'auaxan?
24Nachi so Anás ÿamaq so Jesús ÿaxatta'a't naq'en naua lhua'q, da ÿamaxa so Caifás som 'oonolec lataxala' nam ntaxaÿaxanaxanecpi.
So Pedro qaltaq ÿi'iguelaxalec da 'eetega sa ÿauatton so Jesús
(Mateo 26.71-75; Marcos 14.69-72; Lucas 22.58-62)
25Qaq so Pedro ñaq queto'ot da nachattañi, ntootapigui so nodec. Nachi qaltaq qainattac, qoÿiita':
–¿Sa ishit peta'a da nachi'am 'oonolec nam lapaxaguenatacpi de'eda shiÿaxaua?
Nachi so Pedro qataq nqolguettac, 'eeta':
–'A'i, sa ishit da nachaÿim.
26Nachi qaltaq denataxan som 'oonolec nam lamaxashicpi som lataxala' na ntaxaÿaxanaxanecpi, mayi maichi lauo' l'ec so shiÿaxaua mayi iquesoxouec co'ollaxa ana ltela so Pedro, 'eeta':
–¿Sa ishito' da nachi'am selota'a cam huaña yi nanguishi lma' da qoueta'aguet damayi?
27Nachi so Pedro qaltaq nqolguettac. Huaña, nachi noÿin so 'olgaxa.
So Jesús qaÿataxanot so nta'a Pilato
(Mateo 17.1-2, 11-14; Marcos 15.1-5; Lucas 23.1-5)
28Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto. 29Qaq ÿoqo'oyi so nta'a Pilato npa'auec co'ollaxa, nachi inattac somayipi, 'eeta':
–¿Négue't cam qauasaqaitapeguelec da lasouaxashit qanqashiñi de'eda shiÿaxaua?
30Nachi somayipi 'enapeco':
–Damayi da sa ishíttaxa da qauemaic, nachi sa ishit da 'am sanaxau'a.
31Nachi so Pilato 'enapego' somayipi, 'eeta':
–Damayi qauaviqui, nachi qaudoilec nam nqataxacpi mayi qami' qoÿanema co'ollaxa da maichi qanmichi.
Nachi somayipi 'enapeco':
–Qalaxayi qomi' judío lashi' sa ishit da huo'o ca qan'aqtac, da yaqto' huo'o ca salauataq.
32Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec. 33Nachi so Pilato qaltaq ÿi'iguelaxaigui so lma', nachi iÿaxaneuga so Jesús, nachi inattac, 'eeta':
–¿Peta'a nachi'am lta'a na judiopi?
34Nachi so Jesús 'enapeco':
–¿'Am peta'a maichi 'andojlec de'eda 'annataxanaxac, loqo' chaq huo'o ca 'am i'axatem da shiita?
35Nachi so Pilato 'enapeco':
–¿Peta'a aÿimo' judío l'ec? Yi nam maichi 'adhuo' l'ecpi qataq nam lataxala'pi na ntaxaÿaxanaxanecpi, nachina na 'am nañaneu'a aÿim. Qaq ¿chaq négue'to' cam 'au'ot sa ÿaÿamaxañi?
36Nachi so Jesús 'enapeco':
–Da i'onataxanaxac da aÿim nta'a, damayi sa ishit da nachana ana 'alhua. Cha'ayi da nachi 'eetéctaxa de'eda, nachi nam ca'attague'pi aÿim sogotéctaxa da deloqui, da yaqto' sa ishit da aÿim qoÿaneu'a na judiopi. Qalaxayi da i'onataxanaxac da aÿim nta'a, damayi sa ishit da nachana ana 'alhua.
37Nachi so Pilato 'enapego' somayi, 'eeta':
–¿Qachi ÿoqta 'eesa da 'am nta'a?
Nachi so Jesús 'enapeco':
–Aja', aÿim nta'a, nachida dam qonapec. Aÿim sañiguiñi da ñanaÿa ana 'alhua, da yaqto' sa'axat cam 'eesa. Qaq 'enauac nam ÿalaxalec dam 'eesa, namayipi n'axaÿaxana dam i'aqtaxanaxac.
38Nachi so Pilato 'enapego' somayi, 'eeta':
–¿Chaq négue't cam 'eesa lataxac?
So Jesús qoÿanguet da nalaataguec
(Mateo 27.15-31; Marcos 15.6-20; Lucas 23.13-25)
Qaq co'ollaq imat de'eda nnataxanaxac so Pilato, nachi qaltaq pa'auec da da'aqtaxanem so judiopi, 'eeta':
–Aÿim sa ishit da huo'o ca sanata lasouaxashit de'eda shiÿaxaua. 39Qalaxayi qami' huo'o naxa da qan'onataxaqui da qanshiitaique da sesouec ca ncoñitaguishic souaxat da qoñiita da iviteuga yi na'a'q mayi huetoigui da qaiuennate co'ollaq qanayica'ai yi Egipto. Qaq ¿qanshiitaique peta'a da aÿim sesouec ñim lta'a na judiopi?
40Nachi 'enauac somayipi qaltaq ÿi'iguelaxalec da i'alqagui, 'eeta':
–¡'A'i, sa ishit da nachida de'eda shiÿaxaua! ¡Chaqcata ca Barrabás 'ausouec!
Qaq se'eso Barrabás ÿataqta cachaxaic co'ollaxa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.