Juan 19
19
1Nachi so Pilato damaxasoxoolec da qaÿaconeu'a so Jesús, nachi qaiuaxan. 2Nachi som allippi ÿanaxanaxangui na lqaic so Jesús aso l'onata ÿaxat, qataq qoÿanaxanaxanguilo soua anogo mayi ÿataqta nauedalguete na ltogaxa. 3Qaq co'ollaq ime, nachi qanquigueu'a somayi, nachi qoÿiitega, qoÿiita':
–¡La', 'am mayi lta'a na judiopi!
Nachi qaiuaxaatapigui na lashic.
4Nachi so Pilato qaltaq pa'auec, nachi 'enapego' somayipi, 'eeta':
–Ña qauloÿa, nagui damayi ñaqateec, yaqto' ishit da qauaÿajñiita da aÿim qaica ca sanata lasouaxashit damayi.
5Nachi qanpa'axaneec so Jesús, netagui qanqoÿin na lqaic aso ÿaxat mayi n'onata, qataq ÿaatrañi soua anogo mayi nauedalguete na ltogaxa. Nachi so Pilato 'enapego' somayipi, 'eeta':
–¡'Eda dam shiÿaxaua!
6Qaq co'ollaq qaila'a somayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi nhuataxanaqpi, somayipi i'alqagui. Nachi 'eeta':
–¡Qaiuaxaneuo qome damayi! ¡Qaiuaxaneuo qome damayi!
Nachi so Pilato 'enapego' somayipi, 'eeta':
–Qauaviquiiuec qone' damayi, nachi maichi qauaxañiiuo, cha'ayi aÿim sa ishit da huo'o ca sanata lasouaxashit damayi.
7Qalaxayi na judiopi 'enapeco':
–Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.
8Qaq co'ollaq hua'axaÿa de'eda so Pilato, nachi ÿataqta nquicteec da lcolanaxa. 9Nachi qaltaq taigui so lma', nachi qaltaq inattac so Jesús, 'eeta':
–¿Chaq huá'ague ca ÿoqta 'auachigoqta'ague 'am?
Qalaxayi so Jesús sa ishit da huo'o ca l'aqtac.
10Nachi so Pilato 'enapego' somayi, 'eeta':
–¿Qalaq sa ishit da aÿim 'auasateguet? ¿Sa 'auaÿateno' peta'a da aÿim huo'o da shinec da samaxasoxoolec da 'am qaiuaxaneuo, qataq da seshit da 'am sesouec?
11Nachi so Jesús 'enapeco':
–'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.
12Huaña, nachi so Pilato nmittaique ca lataxac, da yaqto' ishit da isouec so Jesús, qalaxayi na judiopi ÿataqta i'alaqtagui, 'eeta':
–¡Da 'am 'ai'axaneec damayi, qachi sa ishit qone' da 'anauochaxaua ñim lta'a na nta'alpi mayi neta'ague da Roma! ¡Cha'ayi ca camachaqca huotaique da maichi n'ojla't da nta'a, nachi camayi npa'aguenaxaua ñim lta'a na nta'alpi!
13Nachi so Pilato co'ollaq hua'axaÿa de'eda, nachi damaxasoxoolec da qanqateec so Jesús. Nachi somayi nso'ootaña som huaña da qai'ot na nasouaxashitpi, mayi qaÿamata'ac da l'enaxat Gabatá nam hebreo l'aqtaqa. Damayi naigui da ndoteec na coma' ca napiaqa'. 14Qaq se'eso na'a'q nachiso so pa'aiguet som na'a'q mayi huetoigui da qaiuennate co'ollaq qanayica'ai so Egipto. Qaq mashi na'a'q laiñi co'ollaq so Pilato 'eetega na judiopi, 'eeta':
–¡'Eda dam qadta'ai!
15Qalaxayi somayipi i'alaqtagui, 'eeta':
–¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome!
Nachi so Pilato 'enapeco':
–¿Peta'a ishito' da aÿim seuaxaneuo dam qadta'ai?
Qalaxayi som lataxala'pi na ntaxaÿaxanaxanecpi 'enapeco':
–Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.
16Huaña, nachi so Pilato ÿanoigui somayipi, da yaqto' iuaxaneuo so Jesús. Nachi somayipi ÿauec somayi.
Da 'eetec co'ollaq qaiuaxaneuo so Jesús
(Mateo 27.32-44; Marcos 15.21-32; Lucas 23.26-43)
17Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota. 18Qaq huaña yimayi, nachi qaiuaxaneuo somayi, nataq'en soua lÿa't dos. So 'oonolec soomayi pa'ata'ague da aloic, qaq so lÿa pa'ata'ague da n'emaq. Nachi so Jesús pa'atangui na laiñi. 19Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.” 20Qaq ÿataqta qalota na judiopi na itaxaÿaxaatac se'eso nedec, cha'ayi se'eso 'alhua, mayi huaña co'ollaq qaiuaxaneuo so Jesús, somayi sa qaÿapeque so la ciudad. Qaq se'eso nedec qoÿittrañi naua l'aqtaqa na hebreo l'ecpi, qataq griego l'ec, qataq na latín l'ec. 21Qaq ÿoqo'oyi na lataxala'pi na ltaxaÿaxanaxanecpi na judiopi 'eetego' so Pilato, 'eeta':
–Sa ishit qome da 'iyiñi da ñimayi “Lta'a na judiopi.” Chaqdata da 'iyiñi da “Ñimayi maichi 'eetega da lta'a na judiopi.”
22Qalaxayi so Pilato 'enapego' somayipi, 'eeta':
–Dam shiyiñi, damayi nachi 'eetai' qome da qaÿauaqta'a.
23Qaq so allippi co'ollaq imat da iuaxaneuo so Jesús, nachi qaÿaconalo soua alogo, nachi se'esoua cuatro ale't 'oonolec qanqoÿin ñi talec. Qataq qaÿacona aso lapoto, qalaxayi asomayi yi qaica ca ltetaxat ima'a't. 24Nachi soua ale't 'ena'po':
–Sa ishit qome da secolaxataqa'ague anamayi. Chaqdata da ñallitaxagui, yaqto' saÿajnaq chaq negue't ca talec.
Huaña, nachi ÿataqta ipacchigui da 'enapec naua nanettrañi l'aqtaqa ñi Dios mayi 'eeta': “Qanaloguilo qome naua aÿogo, qanallichiguilo, da yaqto' huo'o ca talec.” Qaq nachida da 'eetec co'ollaxa so allippi.
25Qaq se'eso npe'enaxaqui so Jesús nachi huetau'a na laÿi aso late'e, qataq aso lqaÿa, qataq aso lÿa María mayi lhua so Cleofás, qataq aso María mayi lashi yi Magdala. 26Nachi so Jesús co'ollaq ila'a aso late'e da nachattañi, nachi huaqta'ai' som lapaxaguenatac mayi ÿataqta lauotaxat, nachi 'enapego' aso late'e, 'eeta':
–'Am 'alo, 'eda qome da 'ai'alec.
27Ime, qataq 'enapego' so lapaxaguenatac, 'eeta':
–'Ada qome ada 'adate'e.
Nachi chigoqchiguiña se'eso na'a'q da se'eso lapaxaguenatac ÿauegueu'a so lma' asomayi.
Da 'eetec co'ollaq ileu so Jesús
(Mateo 27.45-56; Marcos 15.33-41; Lucas 23.44-49)
28Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco':
–Huo'o na ÿaquip.
29Qaq huo'o aso ÿomaxaqui nlaqchigui na lataxa 'iuaxaic. Nachi qaipet aso 'eeta'am ana auol, nachi qoÿanagui aso coqta ana nanguishi l'enaxat hisopo. Nachi qoÿaashiguemec, da yaqto' napigoq. 30Nachi so Jesús nÿomgui se'eso lataxa 'iuaxaic. Ime, nachi 'enapeco':
–Nagui ime 'enauac nam qai'otpi.
Huaña, nachi naqchiguiñi na lqaic, nachi ileu.
So ale i'adeu'a na laÿi so Jesús aso lataquiaxai
31Qaq se'eso na'a'q, nachi pa'aiguet so na'a'q mayi huetoigui da qaiuennate co'ollaq qanayica'ai yi Egipto. Nachi na judiopi sa ÿaÿamaxaden da nachi netragui da l'oquiaxa'c soomayi soua npe'enaxaqui' se'eso na'a'q mataxaqui. Cha'ayi se'eso na'a'q ÿataqta ÿacteec da qaiden. Qaq ÿoqo'oyi qaiÿaxanot so Pilato, da yaqto' damaxasoxoolec da qainoxo'n naua lchil soua qaiuaxaatrauo, nachi qanqajyiñi da l'oquiaxa'c soomayi. 32Nachi soua ale't je'c, nachi qainoxo'n naua lchil soua npe'enaxa'u so Jesús. 33Qalaxayi co'ollaq qanqo'ona so Jesús, nachi qaila'a da mashi ileu, nachi sa ishit da qainoxo'n naua lchil.
34Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat. 35Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi. 36Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.” 37Qataq yi lÿa nanettañi 'eeta': “Ÿauaachigui qome nam i'adapec somayi.”
So Jesús qailayiñi
(Mateo 27.57-61; Marcos 15.42-47; Lucas 23.50-56)
38Qaq co'ollaq ime de'eda, nachi so José mayi lma' yi Arimatea, somayi iÿaxanot so Pilato da yaqto' idouec da l'oquiaxac so Jesús. Qaq se'eso José, somayi quetague' so Jesús, qalaxayi sa ishit da ÿoqta nachaxaata, souaxat da ñi'itega na judiopi. Nachi so Pilato ÿanem somayi dam iÿaxaneu'a, nachi jec so José da idouec da l'oquiaxac so Jesús. 39Qaq nataq'en so Nicodemo, som nactagui so pe co'ollaq nau'a da detaxaÿapegue' so Jesús, somayi nachitac so treinta kilos na qaÿalecna't qo'ipaq lcha'q, l'enaxat mirra qataq áloes. 40Nachi so José qataq so Nicodemo, soomayi idoue'c so l'oquiaxac so Jesús. Nachi somayi qoÿaxategue so laxataxat mayi qai'amñigui se'esoua qaÿalecna't qo'ipaq lcha'q mayi ama na laita, cha'ayi damayi nachi n'onataxac na judiopi da ivita da ilayiñi na lqatacpi. 41Qaq se'eso 'alhua mayi huaña co'ollaq qaiuaxaneuo so Jesús, somayi huo'o so nanguishi lma', qaq somayi nachi naigui aso huachiqui dalaxai mayi saxanaxa da huo'o ca qaÿachangui. 42Qaq asomayi nachi qaÿachangui so Jesús, cha'ayi asa'aso huachiqui, asomayi sa qaÿapeque, qataq souaxat da mashi yaqta'a da ivita so laloqo' so nmataxaqui na judiopi.
Currently Selected:
Juan 19: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 19
19
1Nachi so Pilato damaxasoxoolec da qaÿaconeu'a so Jesús, nachi qaiuaxan. 2Nachi som allippi ÿanaxanaxangui na lqaic so Jesús aso l'onata ÿaxat, qataq qoÿanaxanaxanguilo soua anogo mayi ÿataqta nauedalguete na ltogaxa. 3Qaq co'ollaq ime, nachi qanquigueu'a somayi, nachi qoÿiitega, qoÿiita':
–¡La', 'am mayi lta'a na judiopi!
Nachi qaiuaxaatapigui na lashic.
4Nachi so Pilato qaltaq pa'auec, nachi 'enapego' somayipi, 'eeta':
–Ña qauloÿa, nagui damayi ñaqateec, yaqto' ishit da qauaÿajñiita da aÿim qaica ca sanata lasouaxashit damayi.
5Nachi qanpa'axaneec so Jesús, netagui qanqoÿin na lqaic aso ÿaxat mayi n'onata, qataq ÿaatrañi soua anogo mayi nauedalguete na ltogaxa. Nachi so Pilato 'enapego' somayipi, 'eeta':
–¡'Eda dam shiÿaxaua!
6Qaq co'ollaq qaila'a somayi, nachi na lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi nhuataxanaqpi, somayipi i'alqagui. Nachi 'eeta':
–¡Qaiuaxaneuo qome damayi! ¡Qaiuaxaneuo qome damayi!
Nachi so Pilato 'enapego' somayipi, 'eeta':
–Qauaviquiiuec qone' damayi, nachi maichi qauaxañiiuo, cha'ayi aÿim sa ishit da huo'o ca sanata lasouaxashit damayi.
7Qalaxayi na judiopi 'enapeco':
–Qomi' huo'o dam nqataxac mayi qomi' qoÿanema co'ollaxa, qaq damayi 'enapec yi ishit da qaÿalauat ca shiÿaxaua, cha'ayi damayi yi 'eetega da llalec ñi Dios.
8Qaq co'ollaq hua'axaÿa de'eda so Pilato, nachi ÿataqta nquicteec da lcolanaxa. 9Nachi qaltaq taigui so lma', nachi qaltaq inattac so Jesús, 'eeta':
–¿Chaq huá'ague ca ÿoqta 'auachigoqta'ague 'am?
Qalaxayi so Jesús sa ishit da huo'o ca l'aqtac.
10Nachi so Pilato 'enapego' somayi, 'eeta':
–¿Qalaq sa ishit da aÿim 'auasateguet? ¿Sa 'auaÿateno' peta'a da aÿim huo'o da shinec da samaxasoxoolec da 'am qaiuaxaneuo, qataq da seshit da 'am sesouec?
11Nachi so Jesús 'enapeco':
–'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.
12Huaña, nachi so Pilato nmittaique ca lataxac, da yaqto' ishit da isouec so Jesús, qalaxayi na judiopi ÿataqta i'alaqtagui, 'eeta':
–¡Da 'am 'ai'axaneec damayi, qachi sa ishit qone' da 'anauochaxaua ñim lta'a na nta'alpi mayi neta'ague da Roma! ¡Cha'ayi ca camachaqca huotaique da maichi n'ojla't da nta'a, nachi camayi npa'aguenaxaua ñim lta'a na nta'alpi!
13Nachi so Pilato co'ollaq hua'axaÿa de'eda, nachi damaxasoxoolec da qanqateec so Jesús. Nachi somayi nso'ootaña som huaña da qai'ot na nasouaxashitpi, mayi qaÿamata'ac da l'enaxat Gabatá nam hebreo l'aqtaqa. Damayi naigui da ndoteec na coma' ca napiaqa'. 14Qaq se'eso na'a'q nachiso so pa'aiguet som na'a'q mayi huetoigui da qaiuennate co'ollaq qanayica'ai so Egipto. Qaq mashi na'a'q laiñi co'ollaq so Pilato 'eetega na judiopi, 'eeta':
–¡'Eda dam qadta'ai!
15Qalaxayi somayipi i'alaqtagui, 'eeta':
–¡Qaÿalauat qome damayi! ¡Qaÿalauat qome damayi! Qataq ¡qaiuaxaneuo qome!
Nachi so Pilato 'enapeco':
–¿Peta'a ishito' da aÿim seuaxaneuo dam qadta'ai?
Qalaxayi som lataxala'pi na ntaxaÿaxanaxanecpi 'enapeco':
–Qomi' qaica ca lÿa qadta'a, chaqñita ñim lta'a na nta'alpi mayi neta'ague da Roma.
16Huaña, nachi so Pilato ÿanoigui somayipi, da yaqto' iuaxaneuo so Jesús. Nachi somayipi ÿauec somayi.
Da 'eetec co'ollaq qaiuaxaneuo so Jesús
(Mateo 27.32-44; Marcos 15.21-32; Lucas 23.26-43)
17Qaq co'ollaq ime, nachi qanayicot so Jesús, maichi ÿachitac so npe'enaxaqui, da nqo'oneuga so 'alhua mayi qaÿamata'ac da nqaic lpi'inec lma'. Qaq nam hebreo naua l'aqtaqa ÿamata'ac Gólgota. 18Qaq huaña yimayi, nachi qaiuaxaneuo somayi, nataq'en soua lÿa't dos. So 'oonolec soomayi pa'ata'ague da aloic, qaq so lÿa pa'ata'ague da n'emaq. Nachi so Jesús pa'atangui na laiñi. 19Nachi so Pilato damaxasoxoolec da qoÿanagui na pa'ashiguem so qo'ipaq so nedec mayi 'eeta': “Jesús Nazaret l'ec, mayi lta'a na judiopi.” 20Qaq ÿataqta qalota na judiopi na itaxaÿaxaatac se'eso nedec, cha'ayi se'eso 'alhua, mayi huaña co'ollaq qaiuaxaneuo so Jesús, somayi sa qaÿapeque so la ciudad. Qaq se'eso nedec qoÿittrañi naua l'aqtaqa na hebreo l'ecpi, qataq griego l'ec, qataq na latín l'ec. 21Qaq ÿoqo'oyi na lataxala'pi na ltaxaÿaxanaxanecpi na judiopi 'eetego' so Pilato, 'eeta':
–Sa ishit qome da 'iyiñi da ñimayi “Lta'a na judiopi.” Chaqdata da 'iyiñi da “Ñimayi maichi 'eetega da lta'a na judiopi.”
22Qalaxayi so Pilato 'enapego' somayipi, 'eeta':
–Dam shiyiñi, damayi nachi 'eetai' qome da qaÿauaqta'a.
23Qaq so allippi co'ollaq imat da iuaxaneuo so Jesús, nachi qaÿaconalo soua alogo, nachi se'esoua cuatro ale't 'oonolec qanqoÿin ñi talec. Qataq qaÿacona aso lapoto, qalaxayi asomayi yi qaica ca ltetaxat ima'a't. 24Nachi soua ale't 'ena'po':
–Sa ishit qome da secolaxataqa'ague anamayi. Chaqdata da ñallitaxagui, yaqto' saÿajnaq chaq negue't ca talec.
Huaña, nachi ÿataqta ipacchigui da 'enapec naua nanettrañi l'aqtaqa ñi Dios mayi 'eeta': “Qanaloguilo qome naua aÿogo, qanallichiguilo, da yaqto' huo'o ca talec.” Qaq nachida da 'eetec co'ollaxa so allippi.
25Qaq se'eso npe'enaxaqui so Jesús nachi huetau'a na laÿi aso late'e, qataq aso lqaÿa, qataq aso lÿa María mayi lhua so Cleofás, qataq aso María mayi lashi yi Magdala. 26Nachi so Jesús co'ollaq ila'a aso late'e da nachattañi, nachi huaqta'ai' som lapaxaguenatac mayi ÿataqta lauotaxat, nachi 'enapego' aso late'e, 'eeta':
–'Am 'alo, 'eda qome da 'ai'alec.
27Ime, qataq 'enapego' so lapaxaguenatac, 'eeta':
–'Ada qome ada 'adate'e.
Nachi chigoqchiguiña se'eso na'a'q da se'eso lapaxaguenatac ÿauegueu'a so lma' asomayi.
Da 'eetec co'ollaq ileu so Jesús
(Mateo 27.45-56; Marcos 15.33-41; Lucas 23.44-49)
28Qaq co'ollaq ime de'eda, nachi so Jesús ÿaÿaten da mashi ipacchigui 'enauac nam qai'axat co'ollaxa, da yaqto' ipacchiguilo naua nanettrañi n'aqtaqa. Nachi 'enapeco':
–Huo'o na ÿaquip.
29Qaq huo'o aso ÿomaxaqui nlaqchigui na lataxa 'iuaxaic. Nachi qaipet aso 'eeta'am ana auol, nachi qoÿanagui aso coqta ana nanguishi l'enaxat hisopo. Nachi qoÿaashiguemec, da yaqto' napigoq. 30Nachi so Jesús nÿomgui se'eso lataxa 'iuaxaic. Ime, nachi 'enapeco':
–Nagui ime 'enauac nam qai'otpi.
Huaña, nachi naqchiguiñi na lqaic, nachi ileu.
So ale i'adeu'a na laÿi so Jesús aso lataquiaxai
31Qaq se'eso na'a'q, nachi pa'aiguet so na'a'q mayi huetoigui da qaiuennate co'ollaq qanayica'ai yi Egipto. Nachi na judiopi sa ÿaÿamaxaden da nachi netragui da l'oquiaxa'c soomayi soua npe'enaxaqui' se'eso na'a'q mataxaqui. Cha'ayi se'eso na'a'q ÿataqta ÿacteec da qaiden. Qaq ÿoqo'oyi qaiÿaxanot so Pilato, da yaqto' damaxasoxoolec da qainoxo'n naua lchil soua qaiuaxaatrauo, nachi qanqajyiñi da l'oquiaxa'c soomayi. 32Nachi soua ale't je'c, nachi qainoxo'n naua lchil soua npe'enaxa'u so Jesús. 33Qalaxayi co'ollaq qanqo'ona so Jesús, nachi qaila'a da mashi ileu, nachi sa ishit da qainoxo'n naua lchil.
34Qalaxayi so 'oonolec soua ale't, somayi i'adeu'a na laÿi somayi aso lataquiaxai, nachi anac so ltago'q qataq so 'etaxat. 35Qaq som i'axat de'eda, somayi co'ollaxa ÿauaachigui qataq ÿataqta 'eesa de'eda 'enapec. Cha'ayi somayi ÿaÿateeta da ÿataqta 'eesa de'eda l'aqtac, yaqto' qami' nataq'en ishit da qau'amqajnataxañi. 36Cha'ayi de'eda qanayiuaigui, damayi yi'oq, yaqto' ishit da ipacchigui da 'enapec naua nanettrañi n'aqtaqa mayi 'eeta': “Sa ishit qome da huo'o ca qainoxon naua lpi'inqa.” 37Qataq yi lÿa nanettañi 'eeta': “Ÿauaachigui qome nam i'adapec somayi.”
So Jesús qailayiñi
(Mateo 27.57-61; Marcos 15.42-47; Lucas 23.50-56)
38Qaq co'ollaq ime de'eda, nachi so José mayi lma' yi Arimatea, somayi iÿaxanot so Pilato da yaqto' idouec da l'oquiaxac so Jesús. Qaq se'eso José, somayi quetague' so Jesús, qalaxayi sa ishit da ÿoqta nachaxaata, souaxat da ñi'itega na judiopi. Nachi so Pilato ÿanem somayi dam iÿaxaneu'a, nachi jec so José da idouec da l'oquiaxac so Jesús. 39Qaq nataq'en so Nicodemo, som nactagui so pe co'ollaq nau'a da detaxaÿapegue' so Jesús, somayi nachitac so treinta kilos na qaÿalecna't qo'ipaq lcha'q, l'enaxat mirra qataq áloes. 40Nachi so José qataq so Nicodemo, soomayi idoue'c so l'oquiaxac so Jesús. Nachi somayi qoÿaxategue so laxataxat mayi qai'amñigui se'esoua qaÿalecna't qo'ipaq lcha'q mayi ama na laita, cha'ayi damayi nachi n'onataxac na judiopi da ivita da ilayiñi na lqatacpi. 41Qaq se'eso 'alhua mayi huaña co'ollaq qaiuaxaneuo so Jesús, somayi huo'o so nanguishi lma', qaq somayi nachi naigui aso huachiqui dalaxai mayi saxanaxa da huo'o ca qaÿachangui. 42Qaq asomayi nachi qaÿachangui so Jesús, cha'ayi asa'aso huachiqui, asomayi sa qaÿapeque, qataq souaxat da mashi yaqta'a da ivita so laloqo' so nmataxaqui na judiopi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.