Juan 20
20
Da 'eetec co'ollaq qaltaq nca'aleec so Jesús
(Mateo 28.1-10; Marcos 16.1-8; Lucas 24.1-12)
1Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat. 2Nachi asomayi jec, nqalgoqtau'a ca hueta'a so Simón Pedro qataq so lÿa napaxaguenatac som ÿataqta nauochaxaua so Jesús. Nachi 'enapegalo', 'eeta':
–So qadataxala' qanqateeguesop co'ollaxa añi nhuachiqui, qaq qomi' sa ishit da saÿajnaq ca qaÿacha'ague camayi.
3Nachi so Pedro qataq so lÿa napaxaguenatac, soomayi je'c da nqo'oodeuga aso huachiqui. 4Qaq soomayi nqalgoqte', nnaictega't, qalaxayi so 'oonolec sa ilaua'ague ana naloxo, napacalec so Pedro. Nachi somayi hua'auñi da ivideuga aso huachiqui. 5Nachi somayi ÿamataigui asomayi da imeten. Nachi ila'a so laxataxat da huetaiya', qalaxayi sa ishit da ÿoqta taigui. 6Qaq co'ollaq mashi nvi' so Pedro, nachi somayi ÿataqta taigui aso huachiqui. Nachi somayi nataq'en ila'a se'eso npataxaqui mayi huetaiya'. 7Qataq nataq'en ila'a som hualoq mayi qoÿaxattagui na lqaic so Jesús. Qaq somayi sa ishit da huaqta'ai' se'eso npataxaqui, cha'ayi somayi qainaata't, qataq ÿaqa'a so huetaña. 8Nachi se'eso lÿa napaxaguenatac mayi hua'auchiguiñi co'ollaxa da ivita aso huachiqui, somayi nataq'en taigui, nachi ÿauaachigui 'enauac de'eda, nachi ÿataqta i'amaqten. 9Cha'ayi soomayi saxanaxa da ÿaÿate'n ca llic naua n'aqtaqa, da so Jesús iuen da qaltaq nca'aleeguesop qanqoÿin na leuaxaicpi. 10Nachi se'esoua napaxaguenataqa, soomayi ÿi'iguelaxadeu'a ca lma't.
So Jesús nachaxana aso María mayi lashi yi Magdala
(Marcos 16.9-11)
11Qalaxayi aso María n'onañi, pa'ataueegue da laÿi aso huachiqui. Qaq co'ollaq ña noÿiitac, nachi nqollimñi da ÿamataigui aso huachiqui. 12Nachi ila'alo soua dos namaxa'shi piguem lashi', lapagaxaiqa naua alogo, nso'ootraña som qaÿachaña co'ollaxa so Jesús. So 'oonolec soomayi nso'ootaña so n'axanqa', qaq so lÿa neta'ague da nchinnaqa'. 13Nachi se'esoua namaxa'shi piguem lashi' inatta'po' asomayi, 'eeta':
–'Am 'alo, ¿tá'ainco' yi 'anoÿiitac?
Nachi asomayi 'enapeco':
–Qomyi souaxat da qaÿachi so ÿataxala', qaq aÿim sa saÿaten ca qaÿacha'ague camayi.
14Qaq co'ollaq chochi 'enapec de'eda, nachi qaltaq namatashiguem. Nachi ila'a so Jesús da nachattauo, qalaxayi sa ishit da ÿaÿaten da nachiso so Jesús. 15Nachi so Jesús inattac asomayi, 'eeta':
–'Am 'alo, ¿tá'ainco' yi 'anoÿiitac? qataq ¿négue't ca 'anmittaique?
Nachi asomayi ipi'itaxaatega da somayi nachiso som ilotague' se'eso nanguishi lma'. Nachi 'eetego', 'eeta':
–'Am ÿale, da huo'otaq nachi'am mayi 'auachi ca ÿataxala', qaq no'on da aÿim 'au'axatem cam 'auacha'ague, yaqto' aÿim shi'iguena'a camayi.
16Nachi so Jesús 'enapego' asomayi, 'eeta':
–¡María!
Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta':
–¡Raboni! (Damayi naigui da 'eeta': 'Am napaxaguenataxanaq).
17Nachi so Jesús 'enapego' asomayi, 'eeta':
–Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.
18Nachi aso María mayi lashi yi Magdala, asomayi jec da icoyigue'n soua napaxaguenataqa da asomayi nauane' som qadataxala', qataq da somayi da'aqtaxaatapeguem asomayi de'eda.
So Jesús nachaxanalo soua lapaxaguenataqa
(Mateo 28.16-20; Marcos 16.14-18; Lucas 24.36-49)
19Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta':
–Qami' huo'o qome da qadlagaxayiqui.
20Qaq co'ollaq ime da 'enapec de'eda somayi, nachi ÿachaxa'n naua lhua'q qataq na laÿi. Nachi soomayi ÿataqta huo'o da ntonaxa'c da ilodo'ot so qadataxala'. 21Ime, nachi so Jesús qaltaq 'enapegalo soomayi, 'eeta':
–Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.
22Nachi somayi iquetetoiguilo soomayi so l'at, nachi 'enapegalo, 'eeta':
–Qauacoñiiguet qome na Espíritu Santo. 23Qaq cam qami' qauapalaxachi na lasouaxashitpi, nachi camayi qaÿapalaxat na lasouaxashitpi. Qaq cam sa ishit da qauapalaxachi na lasouaxashitpi, nachi camayi sa ishit da qaÿapalaxat na lasouaxashitpi.
So Tomás nauane' so qadataxala' mayi qaltaq nca'aleec
24Qalaxayi so Tomás, som 'oonolec soua doce napaxaguenataqa mayi qaÿamata'ac da huaya', somayi sa ishit co'ollaxa da ÿalectaiguilo soomayi co'ollaq qanauane' so Jesús. 25Qaq co'ollaq imeueegue de'eda, nachi soua lÿa't napaxaguenataqa da'aqtaxaatapeguema somayi, qoÿiita':
–Qomi' ñauanaxai' so qadataxala'.
Qalaxayi so Tomás 'enapegalo' soomayi, 'eeta':
–Aÿim da sa ishit da semete'n naua lhua'q ca lliguiyiñi ana clavo, huo'otaq da sepoteu'a ca lliguiyiñi ana clavo naua lhua'q qataq na laÿi, nachi aÿim sa ishit da sa'amaqten de'eda.
26Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta':
–Huo'o qome da qadlagaxayiqui.
27Ime, nachi 'enapego' so Tomás, 'eeta':
–Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.
28Nachi so Tomás 'enapeco':
–¡'Am ÿataxala' qataq 'am ita'a Dios!
29Nachi so Jesús 'enapego' somayi, 'eeta':
–'Am Tomás, nagui 'au'amqajnataxan, cha'ayi aÿim 'anauane'. Qalaxayi ÿataqta machiguiñi qome ca nai'ctaxa da sa ishit da aÿim ilogui, qalaxayi da'amqajnataxan.
Dam 'eetec da huo'o mshi qoÿiyiñi ana'ana nede
30So Jesús nataq'en qalota na i'ot n'anecpi mayi sa qaÿauanapega da ÿauaachigui naq'en so lapaxaguenatacpi da sa ishit da qoÿittalec ana'ana nede. 31Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.
Currently Selected:
Juan 20: TBSNT
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.
Juan 20
20
Da 'eetec co'ollaq qaltaq nca'aleec so Jesús
(Mateo 28.1-10; Marcos 16.1-8; Lucas 24.1-12)
1Qaq som l'auaxanec na'a'q naua na'axa'te, nachi aso María mayi lashi yi Magdala, asomayi tauga aso huachiqui co'ollaq nte'etom. Qaq co'ollaq ña napaltañi, nachi asomayi ila'a da so coma' mayi lapoxot aso huachiqui da mashi qanqat. 2Nachi asomayi jec, nqalgoqtau'a ca hueta'a so Simón Pedro qataq so lÿa napaxaguenatac som ÿataqta nauochaxaua so Jesús. Nachi 'enapegalo', 'eeta':
–So qadataxala' qanqateeguesop co'ollaxa añi nhuachiqui, qaq qomi' sa ishit da saÿajnaq ca qaÿacha'ague camayi.
3Nachi so Pedro qataq so lÿa napaxaguenatac, soomayi je'c da nqo'oodeuga aso huachiqui. 4Qaq soomayi nqalgoqte', nnaictega't, qalaxayi so 'oonolec sa ilaua'ague ana naloxo, napacalec so Pedro. Nachi somayi hua'auñi da ivideuga aso huachiqui. 5Nachi somayi ÿamataigui asomayi da imeten. Nachi ila'a so laxataxat da huetaiya', qalaxayi sa ishit da ÿoqta taigui. 6Qaq co'ollaq mashi nvi' so Pedro, nachi somayi ÿataqta taigui aso huachiqui. Nachi somayi nataq'en ila'a se'eso npataxaqui mayi huetaiya'. 7Qataq nataq'en ila'a som hualoq mayi qoÿaxattagui na lqaic so Jesús. Qaq somayi sa ishit da huaqta'ai' se'eso npataxaqui, cha'ayi somayi qainaata't, qataq ÿaqa'a so huetaña. 8Nachi se'eso lÿa napaxaguenatac mayi hua'auchiguiñi co'ollaxa da ivita aso huachiqui, somayi nataq'en taigui, nachi ÿauaachigui 'enauac de'eda, nachi ÿataqta i'amaqten. 9Cha'ayi soomayi saxanaxa da ÿaÿate'n ca llic naua n'aqtaqa, da so Jesús iuen da qaltaq nca'aleeguesop qanqoÿin na leuaxaicpi. 10Nachi se'esoua napaxaguenataqa, soomayi ÿi'iguelaxadeu'a ca lma't.
So Jesús nachaxana aso María mayi lashi yi Magdala
(Marcos 16.9-11)
11Qalaxayi aso María n'onañi, pa'ataueegue da laÿi aso huachiqui. Qaq co'ollaq ña noÿiitac, nachi nqollimñi da ÿamataigui aso huachiqui. 12Nachi ila'alo soua dos namaxa'shi piguem lashi', lapagaxaiqa naua alogo, nso'ootraña som qaÿachaña co'ollaxa so Jesús. So 'oonolec soomayi nso'ootaña so n'axanqa', qaq so lÿa neta'ague da nchinnaqa'. 13Nachi se'esoua namaxa'shi piguem lashi' inatta'po' asomayi, 'eeta':
–'Am 'alo, ¿tá'ainco' yi 'anoÿiitac?
Nachi asomayi 'enapeco':
–Qomyi souaxat da qaÿachi so ÿataxala', qaq aÿim sa saÿaten ca qaÿacha'ague camayi.
14Qaq co'ollaq chochi 'enapec de'eda, nachi qaltaq namatashiguem. Nachi ila'a so Jesús da nachattauo, qalaxayi sa ishit da ÿaÿaten da nachiso so Jesús. 15Nachi so Jesús inattac asomayi, 'eeta':
–'Am 'alo, ¿tá'ainco' yi 'anoÿiitac? qataq ¿négue't ca 'anmittaique?
Nachi asomayi ipi'itaxaatega da somayi nachiso som ilotague' se'eso nanguishi lma'. Nachi 'eetego', 'eeta':
–'Am ÿale, da huo'otaq nachi'am mayi 'auachi ca ÿataxala', qaq no'on da aÿim 'au'axatem cam 'auacha'ague, yaqto' aÿim shi'iguena'a camayi.
16Nachi so Jesús 'enapego' asomayi, 'eeta':
–¡María!
Nachi asomayi ÿamato'ot, nachi huota'ai naua l'aqtaqa na hebreo da 'enapega, 'eeta':
–¡Raboni! (Damayi naigui da 'eeta': 'Am napaxaguenataxanaq).
17Nachi so Jesús 'enapego' asomayi, 'eeta':
–Aÿim 'axaneec qome, cha'ayi aÿim saxanaxa da ñoqo'ongue da neta'ague ñi ita'a. Qalaxayi 'am qome qojec, nachi 'au'aqtaxanem ca ÿaqaÿañicpi da aÿim ñoqo'ongue da neta'ague ñi ita'a, ñim nataq'en qadta'ai, ñim ita'a Dios qataq nataq'en qadta'ai.
18Nachi aso María mayi lashi yi Magdala, asomayi jec da icoyigue'n soua napaxaguenataqa da asomayi nauane' som qadataxala', qataq da somayi da'aqtaxaatapeguem asomayi de'eda.
So Jesús nachaxanalo soua lapaxaguenataqa
(Mateo 28.16-20; Marcos 16.14-18; Lucas 24.36-49)
19Qaq se'eso na'a'q mayi l'auaxanec naua na'axa'te co'ollaq mashi pe, nachi soua napaxaguenataqa, soomayi lapoota'a't. Qaq ÿataqta ÿapochiyigui so lasom, souaxat da qañi'itega na judiopi. Nachi so Jesús pa'auo, nachi vichiguinguilo na laiñi soua lapaxaguenataqa. Nachi iqui'n, 'eeta':
–Qami' huo'o qome da qadlagaxayiqui.
20Qaq co'ollaq ime da 'enapec de'eda somayi, nachi ÿachaxa'n naua lhua'q qataq na laÿi. Nachi soomayi ÿataqta huo'o da ntonaxa'c da ilodo'ot so qadataxala'. 21Ime, nachi so Jesús qaltaq 'enapegalo soomayi, 'eeta':
–Qami' huo'o qome da qadlagaxayiqui. Qaq de'eda 'eetec co'ollaxa da aÿim namaq ñi ita'a, qaq nachida qome da shiitec da qami' sama'q.
22Nachi somayi iquetetoiguilo soomayi so l'at, nachi 'enapegalo, 'eeta':
–Qauacoñiiguet qome na Espíritu Santo. 23Qaq cam qami' qauapalaxachi na lasouaxashitpi, nachi camayi qaÿapalaxat na lasouaxashitpi. Qaq cam sa ishit da qauapalaxachi na lasouaxashitpi, nachi camayi sa ishit da qaÿapalaxat na lasouaxashitpi.
So Tomás nauane' so qadataxala' mayi qaltaq nca'aleec
24Qalaxayi so Tomás, som 'oonolec soua doce napaxaguenataqa mayi qaÿamata'ac da huaya', somayi sa ishit co'ollaxa da ÿalectaiguilo soomayi co'ollaq qanauane' so Jesús. 25Qaq co'ollaq imeueegue de'eda, nachi soua lÿa't napaxaguenataqa da'aqtaxaatapeguema somayi, qoÿiita':
–Qomi' ñauanaxai' so qadataxala'.
Qalaxayi so Tomás 'enapegalo' soomayi, 'eeta':
–Aÿim da sa ishit da semete'n naua lhua'q ca lliguiyiñi ana clavo, huo'otaq da sepoteu'a ca lliguiyiñi ana clavo naua lhua'q qataq na laÿi, nachi aÿim sa ishit da sa'amaqten de'eda.
26Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta':
–Huo'o qome da qadlagaxayiqui.
27Ime, nachi 'enapego' so Tomás, 'eeta':
–Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.
28Nachi so Tomás 'enapeco':
–¡'Am ÿataxala' qataq 'am ita'a Dios!
29Nachi so Jesús 'enapego' somayi, 'eeta':
–'Am Tomás, nagui 'au'amqajnataxan, cha'ayi aÿim 'anauane'. Qalaxayi ÿataqta machiguiñi qome ca nai'ctaxa da sa ishit da aÿim ilogui, qalaxayi da'amqajnataxan.
Dam 'eetec da huo'o mshi qoÿiyiñi ana'ana nede
30So Jesús nataq'en qalota na i'ot n'anecpi mayi sa qaÿauanapega da ÿauaachigui naq'en so lapaxaguenatacpi da sa ishit da qoÿittalec ana'ana nede. 31Qalaxayi de'eda qoÿiyiñi, damayi qoÿiyiñi, yaqto' qami' ishit da qau'amaqchiñi da so Jesús nachiso som nta'a mayi qadca'alaxaqui, som llalec ñi Dios, qataq yaqto' qami' ishit da huo'o da qadca'alaqai da qau'amaqchiñi somayi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento Toba Qom, Dios Nvita Na Shiỹaxauapi © Sociedades Bíblicas Unidas, 1981.